الإهداءات
alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه    

ممكن رايكم بصراحه ....مشكله خاصه

قائمة الاعضاء المشار إليهم :

Eh S(21) ممكن رايكم بصراحه ....مشكله خاصه
بسم الله الرحمن الرحيم
انا بجد مبسوط اوى انى فعلا هعرف اتكلم مع ناس و اخد ارائهم و الناس دى ما تعرفنيش
يعنى فعلا هيقولو لى الراى اللى شايفينه صح

ادخل ف الموضوع على طول معلش ممكن يبقى الموضوع طويل شويه بس انا عاوز احطكم
ف الصوره و افهمكم الحكايه كلها


مبدئيا كده انا طول عمرى ليا اراء غريبه جدا ف الارتباط و كده و - ممكن تكون صح و ممكن كانت تكون غلط - بس دى كانت هى معتقداتى
يعنى مثلا - انا كنت بقول استحااااااااااااله ارتبط ب نت انا اتكلمت معاها قبل كده على الشات
و استحااااااااله ارتبط ببنت بتدخل على المنتديات و بتشارك و كده و استحااااااااااااله اربتط ببنت كان ليها ماضى

و فضلت ماشى بالشكل ده كده - لحد ما السنه اللى فاتت زى دلوقتى او بدرى شويه
و على منتدى كليه لقيت فيه بنت كده بتدخل حياتى - بصراحه انا كنت اعرفها علشان هى زميلة بنات زمايلى -
و فجاه بقت هى اقرب لى منهم - كانت طيبه اوى اوى اوى و بتسمع كلامى و احنا مجرد زمايل
كان بيعجبنى فيها انها طيبه اوى كده - و اخدنا على بعض بسرعه اوى اوى
و بقيت ارغى معاها كتيييييييييير فوق ما تتخيلوا و اقعد اهزر معاها كتير و اهرج معاها
و كانت دايما تقولى - انا نفسى يا محمود الانسان اللى هرتبط بيه يكون يعرفك - لان انت حد كويس اوى و انا عاوزه افضل اعرفك - و بصراحه كانت بتخاف عليا اوى فوق الوصف - و كمان كانت بتساعدنى فالكليه - و انا بينى و بينكم كانت شايف انها زميله كويسه - و اموووووره اوى
و يمكن اول مره اتكلمت معاها فيها على الايميل - فضلت تحكى لى عن حبها --
بصو هى كانت متربيه مع واحد كده قريبهم - بس بتقولى انها كانت بتحبه اوى و ياما حكت لى هى كانت اد ايه بتلكك علشان تتصل بيه و تكلمه -
و اللى كان باين لى من كلامها وقتها انها لسه مياله له
و حكت لى مره كمان انه خطب و انها لما واحده صاحبتها اتصلت بيها بتقولها ده احمد خطب
بتقولى انا لقيت نفسى الدموع نازله من عينى غصب عنى -- وقتها كان الكلام ده كله مش فارق معايا


المشكله انى لقيت نفسى واحده واحده كده ما بحبش اتكلم غير معاها - و كمان لقيت نفسى زهقان طول ما هى مش على النت - و بقت هى اقرب لى حتى من زميلاتى اللى عرفونى عليها و كده - و لما جيت ابعد عنها لقيت نفسى مش عارف
و عشت يومين صعبين اوى اللى هو بدخل انفيزيبل على الميل و ببقى هموت و اكلمها بس كنت بحاول اقاوم لسببين
اولهم - انى لسه طالب - انا ف البكالريوس -
و ثانيا
بجد هى فعلا مش فتات احلامى اللى فضلت ياما احلم بيها



المهم حلمت مره حلم انها بتتخطب ل واحد تانى وا نى حاضر الخطوبه و بجد بقى
تعبت اوى - لحد ما اتكلمت مع واحده وصاحبتى تعرفنى و تاعرفها و قولت لها على كل شىء
و قالت لى يا محمود ما تضحكش على روحك انت بتحبها -- وقتها انا كنت زعلان اوى لان بجد ده مش وقت حب - ثانيا - دى كانت مرتبطه قبلى - ده يمكن قبل ما احس كده ب شهر لقيتها باعته لى البروفايل بتاع اللى كانت بتحبه ده و بتقولى - هو ده بقى احمد يا محمود !!
و كمان كانت مهتمه ب اموره حتى و لو كانت بتسال عنه من بعيد ل بعيد


المهم - دخلت ف صراع رهيب بين قلبى و عقلى
عقلى بيقولى لا يعنى لا - ابعد يا محمود دى مش مناسبه ليكو استحاله هترتاح معاه
و قلبى - يقولى لا ده انت لما ترتبط بيها هى هتتغير علشانك و بعدين اللى هى كانت فيه ده شىء عادى و مرحله عاديه لكن هى دلوقتى خلاص نسيت كل ده و عاوزاك انت


و ف النهايه و لانى مش بعرف ابعد عنها
قررت اصارحها - و قولت لها ف يوم - انا بحبك و عاوز نرتبط و انا هحاول بقدر الامكان اشد حيلى و اجتهد - ووضحت لها ان ليا اخوات عايشين ف الخليج هيفروا لى سفر ان شاء الله بعد التخرج

و هى وافقت - و بعد كده اكتشفت انها كمان كانت بدات تتشد لى هى كمان و انها كانت مستنيه انى اتكلم

و ارتبطنا و عيشنا يومين حلوين و زى الفل و الدنيا رومانسيه و اخر حلاوه الكلام ده كان ف اجازه نص السنه اللى فاتت دى - على فكره هى زميلتى ف الكليه ومعايا ف نفس السنه


المهم الترم التانى بدا - و فضلت احاول اشوفها و هى تقولى لا مش هينفع خالص انا استحاله اقف اتكلم معاك - احسن حد من البلد يشوفنى و يقولو ل ماما و انا يا محمود معروفه ف بلدنا
و مش عاوزه حد يتكلم عليا
و انا كنت بتعذب و بقولها حرام نبقى ف نفس الكليه و مش قادر اشوفك - كانت تقعد تقولى اصبر - و انا كنت فعلا باحاول اصبر نفسى
بس فعلا لقيت نفسى بتعذب اوى و حاسس ان سعادتى ب ايد واحده مش بايدى انا

لحد ما بدات اتخنق من كتر ما هى مش بتخلينى اشوفها - و بعدين هى بدات تخنق عليا
اوقات كنت بحس انها اشترتنى - و اللى كان بيخليها تعامل كده انهاعارفه انى بموت فيها


و جت فى مره و قالت لى يا محمود - احنا لازم نبعد و احنا مش هينفع نكمل لان انا حاسه انى تعباك مش عارفه ايه و الكلام ده - بس انا كنت هتجنن ان الكلمه دى طلعت منها و كتبتهالى

و بعدها برده ب فتره بعتتها لى ف رساله و قالت لى - بص احنا كفايه لحد كده علشان انا تعبت و هتعبك معايا
و برده كنت هتجنن ازاى هى قدرت تبعتها

و بدات تقولى ما تتكلمش مع اى بنت علشان انا بغير
و بدات تقولى ما اتكلمش حتى مع البنات اللى عرفونى عليها - بس دى انا رفضتها فعلا
و قولت لها انا مش هبعد عن الناس دول لانهم كويسين


المهم دلوقتى بعد الحكايه الطويله دى
انا جوايا احاسيس غريبه اوى و مش عارف انا فين


اولا
انا حاسس انها بتحبنى اه - بس مش زى ما انا بحبها
و اوقات تانيه بحس اننا حتى لو كملنا هيفضل ف بالى حكاياتها مع الانسان اللى كانت بتحبه قبلى ده

و اوقات بحس اننا مش هنتفق بعد كده - لانها لها حياه وا نا ليا حياه تانيه خالص
انا راجل ريفى و بحب اصلى ده
و هى بنت من مدينه مشهووووووووره و حياتها كانت غير حياتى
يعنى اصلا فيه حاجات من اللى مامتها بتقولها عليها انا مش ببقى موافق عليها
يعنى مثلا انا اقولها ما تتاخريش بره البيت - و مره منعتها تروح حنة واحده صاحبتها علشان كانت هتروح بعد العشا - تانى يوم قالت لى انا روحت علشان ماما قالت لى لازم تروحى

يعنى من الاخر - انا و مامتها هنختلف كتير اوى








دلوقتى يا جماعه - انا حكيت ليكم كل حاجه
انا دلوقتى مش عارفاعمل ايه
ابعد عنها و اقولها انتى مش مناسبانى ؟
طيب لو انا بحبها بجد هيبقى ايه حالى


طيب انتو شايفين ايه ؟
هى بتحبنى ؟
و لا بتنساه بيا ؟
و لا هى شايفانى حد كويس و خلاص ؟



فيه حاجات تانيه برده زى
انها اقسمت لى انها بتحبنى
و على فكره هى دايما شايفانى حد كويس اوى و بتقولى انت ليك مستقبل جامد
انت قدراتك كويسه جدا و انا حاسه انك هتبقى كويس اوى ف المستقبل



يا اخواننا - انا مش عاوز اظلمها و لا عاوز اظلم نفسى

ساعدونى الله يكرمكم


و الله انا اتكلمت معاكم بكل صراحه - اتمنى تساعدونى

ذات صلة:

افتراضي
ينقل للقسم المناسب ولى عودة عبد
بتحب من وراية ياض اصبر لما اجيلك

افتراضي
اولا اهلا بيك عبد الله

بصراحة مشكلتك صعبة

بس الاصعب ان احتمال بنسبة 90\ فى المية من الحب الى انت بتتاكلم علية
يكون من طرف واحد وهو انت فقط

ثانيا انت بتقول انها كانت بتقولك انك حد كويس
وانها كانت بتثق فيك جدا
وممكن يكون دى سبب كبير انها تحاول ان تخوض تجربة حب معاك

اما بقا لما تيجى تحكم
محدش فينا بيحب حب حقيقى
ويستحمل يوم واحد مش يطمن على حبيبة

فجواب حالا عندك انت

وانت بكلامك معاها

لقيت فيها لهف شوق فى عنيها زى ما كانت بعنيك؟

لقيت جواها اصرار وعوزيمة انها تكمل حلم حياتها معاك؟

اكيد انا واثق ان الاختيار صعب جدا
وخصوصا ان اغلبية الحب من طرفك انت
وصعب انك تحكم عليها

وبجد يعنى هى المفروض انها لو بتحيك بجد
مش تقدر تستحمل ترم كامل من غير ما تشوفك
ثانيا
مكنش ينفع يخرج منها كلمة الفراق

ثالثا والاهم انك حكمت فى البداية بقلبك ومشاعرك وليس بعقلك

وانت حاليا راجع تراجع نفسك بالفرق المجتمع والاهل

يبقى للاسف هتقابل مشاكل عديدة
وللاسف الشديد ان من يتصدر لهذة المشاكل
طرف واحد!!!!!!!
مش طرفين

فاكيد حاول انك تراجع نفسك
وتهتم بمستقبلك اولا

بس بعد ما تتاكد
انها ان كانت عندها ارداة ان تكمل معاك رحلة حبكم او لا


واسف ان كنت اطالت عليك براى المتواضع

وفى النهاية
ربنا يسعدك يارب
وكل عام وانت بخير

Eh S(21)
اهلا يا عبد الله

مشكلتك غريبه لانه انت مش محدد عايز ايه متناقض

انت لو بتحبها فعلا مش هيكون جواك كل التناقض ده مش هتفكر بعد كل اللي حصل انت بتحبها ولا لا وعاداتها نفس عاداتك وهتتاقلم معاها او لا

لانه خلاص انت المفروض عرفت اجابه لكل اسالتك من زمان

شايفه بنسبه كبيره انها بتحبك بس انت بتحط اعذار واسباب تبعدكم لانك يمكن انت ضد طريقة تعارفكم من الاول

او محتار بين عقلك وقلبك

لو انت واثق فيها وفي حبك تقدر تخليها تغير من عادتها علشانك ولو هيه بتحبك هتوافق

ساعتها هتقدر تجاوب على كل اسالتك بس خلي عندك ثقه فيها وحاول لو حاجه مش عجباك تغيرها وهيه هتتقبل كده لو بتحبك

بالنسبه للي كانت بتحبه قبلك انت كمان تقدر تعرف اذا كانت نسيته او لا من كلامها وتعاملها معاك



ربنا يوفقك ويسعدك


افتراضي
مشكلتك ان شاء الله نلاقى لها حل

اولا انتا باين من كلامك انك فعلا بتحبها واتشديت ليها

ومش معنى انها كانت تعرف شخص قبلك ديه تبقى حاجه مش مرغوب فيها لا بالعكس كل واحد فينا بيمر بتجارب ويا نجحت يا فشلت

المهم انها بتحبك دلوقتى وانتا كمان

ومشكله اختلافات العادات ديه ممكن تحلها بعدين لمى تبقى فى حاجه رسمى تقدر تمنعها من الخروج لو مش حابب من باب الخوف عليه مش التحكم

واكيد والدتها هتقدر ده

وانتا لازم تقدر انها معروفه فى البلد ومينفعش تقابلك علشان الناس

ممكن تتكلموا على الايميل لحد ما تخلص الترم او انتا خلصت اصلا لان الدراسه انتهت

وربنا يوفقك يارب




افتراضي
احسن حاجه انك تستنى وتصبر وتبعد عنها فعلا لفتره لغايه مانت تتاكد من حبك ليها ولما هى تقرر انها بتحبك وهتقف جنبك فعلا ولا لأ وتشوف انك هتقدر تتقبلها على عيوبها وتكتفى بمميزاتها ولا لأ .....
والتوفيق ده بقى بيبقى من عند ربنا وخليك مركز فى حياتك ومترجعش خطوه عن هدفك وانك تبنى نفسك
وربنا يكرمك ان شاء الله...

افتراضي رد: ممكن رايكم بصراحه ....مشكله خاصه
ينقل للقسم المناسب ولى عودة عبد
بتحب من وراية ياض اصبر لما اجيلك
تسلم سامح لنقلك الموضوع
فى القسم المناسب
تسلم حبيب قلبى

افتراضي رد: ممكن رايكم بصراحه ....مشكله خاصه
اولا اهلا بيك عبد الله

بصراحة مشكلتك صعبة

بس الاصعب ان احتمال بنسبة 90\ فى المية من الحب الى انت بتتاكلم علية
يكون من طرف واحد وهو انت فقط

ثانيا انت بتقول انها كانت بتقولك انك حد كويس
وانها كانت بتثق فيك جدا
وممكن يكون دى سبب كبير انها تحاول ان تخوض تجربة حب معاك

اما بقا لما تيجى تحكم
محدش فينا بيحب حب حقيقى
ويستحمل يوم واحد مش يطمن على حبيبة

فجواب حالا عندك انت

وانت بكلامك معاها

لقيت فيها لهف شوق فى عنيها زى ما كانت بعنيك؟

لقيت جواها اصرار وعوزيمة انها تكمل حلم حياتها معاك؟

اكيد انا واثق ان الاختيار صعب جدا
وخصوصا ان اغلبية الحب من طرفك انت
وصعب انك تحكم عليها

وبجد يعنى هى المفروض انها لو بتحيك بجد
مش تقدر تستحمل ترم كامل من غير ما تشوفك
ثانيا
مكنش ينفع يخرج منها كلمة الفراق

ثالثا والاهم انك حكمت فى البداية بقلبك ومشاعرك وليس بعقلك

وانت حاليا راجع تراجع نفسك بالفرق المجتمع والاهل

يبقى للاسف هتقابل مشاكل عديدة
وللاسف الشديد ان من يتصدر لهذة المشاكل
طرف واحد!!!!!!!
مش طرفين

فاكيد حاول انك تراجع نفسك
وتهتم بمستقبلك اولا

بس بعد ما تتاكد
انها ان كانت عندها ارداة ان تكمل معاك رحلة حبكم او لا


واسف ان كنت اطالت عليك براى المتواضع

وفى النهاية
ربنا يسعدك يارب
وكل عام وانت بخير
تسلم حبيب قلبى حماده
على ردك الجميل
ورايك الاجمل
تسلم حبيب قلبى

افتراضي رد: ممكن رايكم بصراحه ....مشكله خاصه
اهلا يا عبد الله


مشكلتك غريبه لانه انت مش محدد عايز ايه متناقض

انت لو بتحبها فعلا مش هيكون جواك كل التناقض ده مش هتفكر بعد كل اللي حصل انت بتحبها ولا لا وعاداتها نفس عاداتك وهتتاقلم معاها او لا

لانه خلاص انت المفروض عرفت اجابه لكل اسالتك من زمان

شايفه بنسبه كبيره انها بتحبك بس انت بتحط اعذار واسباب تبعدكم لانك يمكن انت ضد طريقة تعارفكم من الاول

او محتار بين عقلك وقلبك

لو انت واثق فيها وفي حبك تقدر تخليها تغير من عادتها علشانك ولو هيه بتحبك هتوافق

ساعتها هتقدر تجاوب على كل اسالتك بس خلي عندك ثقه فيها وحاول لو حاجه مش عجباك تغيرها وهيه هتتقبل كده لو بتحبك

بالنسبه للي كانت بتحبه قبلك انت كمان تقدر تعرف اذا كانت نسيته او لا من كلامها وتعاملها معاك




ربنا يوفقك ويسعدك
تشكر ى جنى على رايك الجميل
تسلم ايدك

افتراضي رد: ممكن رايكم بصراحه ....مشكله خاصه
مشكلتك ان شاء الله نلاقى لها حل

اولا انتا باين من كلامك انك فعلا بتحبها واتشديت ليها

ومش معنى انها كانت تعرف شخص قبلك ديه تبقى حاجه مش مرغوب فيها لا بالعكس كل واحد فينا بيمر بتجارب ويا نجحت يا فشلت

المهم انها بتحبك دلوقتى وانتا كمان

ومشكله اختلافات العادات ديه ممكن تحلها بعدين لمى تبقى فى حاجه رسمى تقدر تمنعها من الخروج لو مش حابب من باب الخوف عليه مش التحكم

واكيد والدتها هتقدر ده

وانتا لازم تقدر انها معروفه فى البلد ومينفعش تقابلك علشان الناس

ممكن تتكلموا على الايميل لحد ما تخلص الترم او انتا خلصت اصلا لان الدراسه انتهت

وربنا يوفقك يارب

تلسم ايدك ندى على رايك الجميل
بجد رائع
تسلم ايدك



مواقع النشر (المفضلة)


ممكن رايكم بصراحه ....مشكله خاصه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع