منتدي كريزى مان > >
اللي كلته ملبن هيطلع عليك مهلبية – مش كده ولا ايه
الإهداءات
Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه     ضى القمر من كريزى مان : وعليكم السلام شكرا العجمى للاهداء وسلام لجميع المشرفين والاعضاء والزوار واكيد لوشا وعسوله كمان     العجمى من : السلام عليكم ورحمة الله وبركاته إلى جميع الاحباب والأصدقاء منورين الدنيا ضى القمر وعبدالجواد وعاشقة النيل وكل أعضاء المنتدى اهلا وسهلا بكم في كريزى مان     *تيتو* من مول مصر : كل سنه وحضراتكم طيبون والله وحشتونى جددااا     القبطان مازن من مصر : بحبكم .. عيد سعيد     عبدالجوادعلي من مصر : الاخ والصديق العزيز العجمي اسعدني اهداءك وسؤالك الحمد لله بخير طول مانت والاصحاب بخير وحشتوني جدا وكل عام وانت والاسره بخير    

اللي كلته ملبن هيطلع عليك مهلبية – مش كده ولا ايه

قائمة الاعضاء المشار إليهم :

افتراضي اللي كلته ملبن هيطلع عليك مهلبية – مش كده ولا ايه
اللي كلته ملبن هيطلع عليك مهلبية كده ولا ايه
اللي كلته ملبن هيطلع عليك مهلبية كده ولا ايه


اللي كلته ملبن هيطلع عليك مهلبية – مش كده ولا ايه

من ضمن سلوكيات المجتمع المقيته , والتي تندرج تحت وصف تفتيح المخ ! جايز ؟ فهلوة ! ممكن ؟ انما في حقيقتها هي واقعة سرقة ضمنياً , هكذا تصنيفها ومسماها الحقيقي زي كتير من الامور اللي في حياتنا ومجتمعنا , تلاقي : فعل مش كويس والمجتمع والناس يطلقون عليه تسمية ممكن تقول عليها تجميل ؟ ديكور ؟ زواق ؟ زي م يكون

المهم واقعة السرقة الغير مباشرة دي , مش بيرتكبها شخص يكون سوابق او رد سجون وليس له علاقة بالاجرام والمجرمين , خطرين كانوا او مرَه وعدت . كمان رغم أن الموضوع ملوش علاقة بالتدين ممكن تلاقي الشخص ده متدين وبيقوم بفروض ديانته على اكمل وجه وسيرته حسنه في محيط عمله واهله وزملاءه , وزيه زي أي حد فينا , زيي وزيك , متعلم او غير متعلم , شهادة من أي نوع , او درجة , او حتى بدون شهادة ولو محو امية , المهم انه بيرتكب واقعة السرقة , وفي حق كل الناس وفي حق نفسه ومن يعولهم .

واقعة السرقة دي عبارة عن كلمتين : بيعمل شغل على الزبون يدر دخل بدون وجه حق .

نبتدي بمهنه بسيطة : بتاع الكوتش , عجلة نامت منك رحت تصلحها كشف عليها قالك يا بيه البلف محتاج يتغير وفيه 3 لحامات – مع أن الموضوع مجرد بلف هيتغير , فبدل م يقوم بواجبه ويتقاضى 5 جنيه مثلا ثمن البلف وتغييره – يعمل عليك شغل وتبقى اتعابه 20 جنيه , كده دخله بقى 5 جنيه حلال و 15 حرام ؟ لا – ال 20 كلهم بقوا حرام .

مثال كمان في ذات المهنه – مفيش زباين – يعمل ايه الافندي – يكسر زجاج ويضع مسامير في مناطق معينه حول ورشته عشان يصطاد زباين – كده هوه بيعمل شغل – ودي واقعة سرقة .


مهنه تانيه : صيدلي , تذهب اليه تشكوا من عرض معين لا يحتاج طبيب , فيقوم بتضخيم الامور لك لتشتري اكبر كمية من العقاقير ؟ كده هوه عمل شغل ؟ واقعة سرقة – صيدلي تاني : تطلب منه دواء معين مكسبه منه مبلغ بسيط – فيقولك مفيش او يقترح عليك دواء اخر مستورد مكسبه منه عالي – كده عمل عليك شغل – واقعة سرقة – صيدلي تالت : ذهبت اليه بروشته بها 5 ادوية – تطلب دواء واحد نفذ من عندك – يقولك مفيش والسبب انك بتشتري من صيدلية تانيه فكده البيعة خسرانه كده عمل عليك شغل رغم انه لم يتقاضى أي مال . ولكنها تعتبر واقعة سرقة او ممكن نسميها نصب وتحايل .

مهنه تالته : طبيب ذهبت اليه شخص الحالة وعرف علاجك , م يقولكش الحقيقة – يطلب منك تعمل تحليلات واشعة في المكان الفلاني ويكتبلك روشته معينه تجيبها من الصيدلية الفلانية – رغم أن الحقيقة يعرف انك لا تحتاج كل ذلك – فهو بيعمل شغل لانه بياخد نسبة من معمل التحاليل ومن الصيدلية ومن شركة الادوية ------------- ومولد كبير قوي قوي لو حكينا فيه للصبح مش هينتهي

مهنه رابعة : مهندس حاسبات – تعطل جهازك العطل تكلفة اصلاحه مثلا 50 جنيه ثمن الباور سبلاي يقولك لا ده فيه وحصل والهارد اصله حصل فيه والويندوز وقع – كده بيعمل شغل – برضه واقعة سرقة

مهنه خامسه : مدرس بيشرح أي كلام في ---- مش هكمل وانتوا عارفين الباقي

كل دي سرقات , ؟ ؟ ؟

تخيل معايا بتاع الكاوتش اللي فوق ده لما جاله صداع وراح للصيدلي فبدل م يديه دواء ب 5 جنيه اداه ب 20 جنيه , ولما الصيدلي ولاده تيجي تاخد درس بدل م يدفع 20 جنيه هيدفع 50 جنيه , ولما الطبيب جهاز الكمبيوتر بتاعه تعطل - مهندس الكمبيوتر عمل عليه شغل فدفعه بدل 50 جنيه دفعه 150 جنيه , ولما تعب المدرس وراح للطبيب بدل م يدفع 100 جنيه , دفع 300 عشان هيعمل تحاليل واشعة , وهلم جرجر والدائرة ماشية .

واللي كلته ملبن ملبن هيطلع عليك مهلبية مهلبية وبالشطة كمان يا معلم
- مش كده ولا ايه ؟


لحد امته مجتمعنا هيعمل شغل على بعضه ؟ يا ترى كل السرقات دي مش محتاجه وقفة بينا وبين نفسنا نراجع احنا ليه بنعمل كده ؟ امته ضميرنا هيصحى ؟ امته نقول الحقيقة وناخد اتعاب بما يرضي الله - امته ؟



[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد
راق لى


ذات صلة:

افتراضي
فالاولى ان نعامل الله لا ان نعامل الناس , ان غيبوبة الضمير وسعار الحياه انسى الناس ان هناك من يراقبهم ويطلع عليهم واقرب اليهم من حبل الوريد الناس الطمع والشجع ملى قلبهم نسو ضمرهم نسيو اخرتهم نسيو يوم الحساب ربنا على الظلم والمفترى
تسلم ايدك ضى تقبلى مرورى ونورتى القسم يا غالية
اسال الله العفو والعافية وكل عام وانتى بخير

افتراضي
تسلم ايدك على الموضوع الرائع يا ضى يا سكر

افتراضي
تسلم ايدك ضى موضوع جميل يستاهل المناقشة
اسعدنا مرورك دعاء هنا قسم الحوار والفاش الموضوع لا يتعلق بشكر صاحبة ولكنة يتعلق بالمناقشة اتمنى عندما تدخلى المرة القادمة لا تقفى على الشكر فقط وانما تحاورى الموضوع لان صاحب الموضوع تعب فى تنزيل وكتابة الموضوع املة من كل من يدخل المناقشة وليس الاكتفاء بشكر اسعدنا حضورك ومنورة القسم
شكرا ضى

افتراضي
فالاولى ان نعامل الله لا ان نعامل الناس , ان غيبوبة الضمير وسعار الحياه انسى الناس ان هناك من يراقبهم ويطلع عليهم واقرب اليهم من حبل الوريد الناس الطمع والشجع ملى قلبهم نسو ضمرهم نسيو اخرتهم نسيو يوم الحساب ربنا على الظلم والمفترى
تسلم ايدك ضى تقبلى مرورى ونورتى القسم يا غالية
اسال الله العفو والعافية وكل عام وانتى بخير
السلام عليكم ورحمة الله وبركاته
شكرا سامح
هو فعلا الضمير ومحاسبة النفس والرزق الحلال من غير فهلوة ولا نصاحة ولا ظلم واستغلال
مرور عطر سامح
تقديرى



افتراضي
تسلم ايدك على الموضوع الرائع يا ضى يا سكر
السلام عليكم
شكرا دودى
نورتى حبيبتى


افتراضي
نصب وسرقة تحت شعار

الرزق يحب الخفية

تسلم إيدك يا ضى شكرا ليكي

افتراضي
والله ياضي هي ماجاتش علي دي وبس
المجتمع كله بقي مش كويس وكله جرائم
ربنا يستر علينا وعلي كل المسلمين ويغفر لينا
تسلم ايدك ياقمر تقبلي مروري

افتراضي
نصب وسرقة تحت شعار

الرزق يحب الخفية

تسلم إيدك يا ضى شكرا ليكي

شكرا رحال
ربنا يهدى
نحتاج الى ضمير حى مش نايم نوم عميق
والله ياضي هي ماجاتش علي دي وبس
المجتمع كله بقي مش كويس وكله جرائم
ربنا يستر علينا وعلي كل المسلمين ويغفر لينا
تسلم ايدك ياقمر تقبلي مروري
والله ياريما نقول بردو انه ما زال الخير موجود يمكن يكون قليل ومش ظاهر مع كم السرقات والنهب الفظيع
لكنه موجود بامر الله
شكرا ريما
نورتى يا جميل





افتراضي رد: اللي كلته ملبن هيطلع عليك مهلبية – مش كده ولا ايه
الناس لو تفكر شوية إن إللي بيكسبوه من النصب بيروح لناس نصابين زيهم يعني هما إتحرموا من بركة ربنا ومن الفلوس إللي كسبوها من النصب وكمان ليهم عقاب في الأخرة
ربنا يهديهم ويصلح حالهم
شكرا ضي على مجهودك الجميل وموضوعك المفيد



مواقع النشر (المفضلة)


اللي كلته ملبن هيطلع عليك مهلبية – مش كده ولا ايه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع