منتدي الرعب والجن والعفاريت رعب وعفاريت خوف جان عفريت السحر العين ،الحسد رعب بلا حدود وتذكر ان كوابيسك ستتحول الى حقيقة . فن الرعب.اغاني ايمو اغاني ميتال

أنماط الميتال-النشأة-التطور-وأهم الأعلام

قائمة الاعضاء المشار إليهم :

إضافة رد
احمد بيسو
New أنماط الميتال-النشأة-التطور-وأهم الأعلام



Heavy M etal
هو نوع من موسيقى الروك يلي ظهرت بين 1960 وبداية السبعينيات وخاصة بأنكلترا والولايات المتحدة
خلق ال heavy m etal من رحم موسيقى الروك والبلوز يلي كانت منتشرة بهداك الوقت وكان الها شعبية كبيرة
وسمي heavy لأنو كان أثقل نوع بهداك الوقت ولما نشأ كانت الناس معتادة على الsoft rock وblues وبهالوقت ظهرت كلمة m etal لأول مرّة .
ولادة الهيفي ميتال كانت سنة 1968 شهر كانون الثاني وأول غنية هيفي صدرت من فرقة blue cheer وكانت cover ل eddie cochran مغني الموسيقى الكلاسيكية وبنفس الشهر صدرت غنية ل Steppenwolf اعتبرت تجسيد لموسيقى المستقبل باللحن وبالموضوع وبعدن طلعت فرقة iron butterfly البوم فيه عناصر من اساسيات الهيفي وهيك بلش ينشأ الهيفي بهالتتابع
أنماط الميتال-النشأة-التطور-وأهم الأعلام
iron butterfly
و برزت فرق كبيرة اعتبرت فيما بعد هية المؤسس الأول للهيفي متل led zeppelin-black Sabbath-deep purple- بالمرحلة الأولى وكانت المرحلة الأهم لأنها جذبت عدد كبير من الجماهير وتفوقت بشكل عنيف على موسيقى البوب لدرجة انو كتبير من مهرجانات البوب تحولت لحفلات هيفي بسبب اصرار الناس وتمسكن بالموسيقى الجديدة .
على الضفة الأخرة للأطلسي دخل الهيفي ميتال للدول الأوربية بفضل السياحة والسيط الكبير لموسيقى المستقبل وبدأت الفرق الأوربية تشتغل بهالمجال وكان الها بصمة كبيرة متل فرقة Dust 1971 وفرقة Blue Öyster Cult (1972),و kiss 1974 وبألمانيا كان أول ظهور ل scorpions 1972 مع ألبومن الشهير Lonesome Crow وكمان ظهرت فرقة rainbow 1975 يلي أسسها Blackmore غيتارست machine head بهداك الوقت وهي المرحلة رافقت تأسيس ال hard rock مع ظهور فرقة ac/dc
المرحلة التانية بلشت سنة 1970 ومن أهم أعلام هي المرحلة judas preist هالباند كان الا تأثير قوي بالأعمال يلي قدمتا بعد ماكانت blues bandوأكيد motorhead وهي الفرقة هية حولت الإيقاع من بطيء لسريع بعد ماحولت أعملا من الpunk rock لل heavy m e ta l مع ايقاع سريع ..
أنماط الميتال-النشأة-التطور-وأهم الأعلام
black sabbath band
المرحلة التالتة أو ال New wave بدأت مع الفرقة العظية iron maiden وبسبب التأثير الكبير لهي الفرقة والمكان يلي أخدتو بقلوب الناس و بدأت ظاهرة ال m etalheads و الحركات الخاصة بالميتال headbanges
وتعتبر فرقة iron maiden المؤسس الأهم لمدرسة ال heavy ****l والفرقة الأهم من الفرق المؤسسة
بسنة 1980 بدأ عهد جديد مع ظهور ال galm ****l يلي اعتبر المرحلة التالتة من رحلة الهيفي ومن اهم روادا Moutley Crüe وبمنتصف التمانينات انتهت المرحلة التأسيسية من ال heavyوظهرت مرحلة جديدة كان فيها تخصيص أكتر وتفرع وظهرت تباعا انماط جديدة رح نحكي عنها بالتفصيل
يعتبر الheavy أبو الأنماط ومنو تفرعت كل أنواع الميتال يلي كلنا بنعرفا
الheavy ****l نمط ذكوري وأغلب مواضيعو بتحكي عن البطولات الشخصية وعن الرغبات الذكورية بشكل خاص .
وبيتميز الليركس بمواضيع حماسية خالية من الكآبة باستثناء black Sabbath-ozzy osbourne-W.A.S.Pيلي غنوا مواضيع حزينة وتناولو قضايا انسانية متل الإبادة النووية والإرهاب ويعتبر البوم Paranoid 1970 افضل مثال .
يعتبر الهيفي من الغناء الشعبي الغربي وبيعتمد على الآلات الأساسية guitar-bass-drums ويعتبر الغيتارست الشخص الأكثر أهمية لأنو بيحدد اللحن الأساسي للغنية وأحيانا بيدخل كيبورد عند الضرورة
[IMG]http://www.****lkids.fr/IMG/jpg/wasp.jpg[/IMG]
W.A.S.P
وبيحكو النقاد أنو العنصر الأهم بالهيفي هو الفوكال وطبقة صوتو أهم من نوع اللحن والليركس ويعتبر james hatfeild of m etallica أفضل فوكال بعالم الهيفي تراش ميتال بالتصنيف العالمي .

أنماط الميتال-النشأة-التطور-وأهم الأعلام
james
والتعليمات يلي قدمها cliff burton of m etallica من أفضل قواعد ال lead لعازفي ال bass يلي هو أهم آلة lead بتأسيس اللحن.
أنماط الميتال-النشأة-التطور-وأهم الأعلام
cliff burton
طبعا مابدنا ننسى الدرمز لأنو الهيفي بيتطلب ضربات سريعة ودقيقة مع قوة تحمل طويلة بتتطلب تدريب لفترات طويلة و تقنية cymbal choke مهمة كتير وهية ضرب الصاجة بيد واسكاتها بسرعة بالأيد التانية وهي مهارات استثنائية وبتتطلب مهارة لتدريب الدماغ على القيام بحركات عديدة متل الضرب عال drums –cymbal choke-drums foot مع بعض .
ال heavy منبع الحيوية وهي دراسة قامت فيها الدكتورة دينا ونستن بتأكد فيها أنو ضمن حفلات الميتال بتخلق حيوية عند الشباب خاصة بتفوق الحماس المتولد عند الإنتصار بحرب .!
Heavy m etal من أكثر الأنواع يلي تأثرت بالموسيقى الكلاسيكية وأثرت فيها وعازفي الهيفي كلن تدربوا على عزف الموسيقى الكلاسيكية acoustic حتى وصلو للقدرة العالية من العزف والإنفراد بالعزف .
_______________________________
THRASH M ETAL
التراش ميتال نوع موسيقى مشتق من الهيفي ميتال وأهم مميزاتو الإيقاع السريع والضربات السريعة عالدرمز وطريقة الغناء يلي بتتمثل بمقاطع صوت قصيرة ومرتفعة وقريبة من الصراخ أحيانا وبلايركس مليء بالتحدي والعدوانية ومع هيك التراش من أهم الأنماط يلي بتعالج القضايا الإجتماعية بلغة شجبية تهجمية
وب lead work guitarsاي على عازفين غيتار واحد بيأسس اللحن بعزف مقاطع منخفضة ومتتابعة ويدعى lead guitarist والتاني بيعمل مقاطع solo متنوعة بين السرعة والبطئ وبتعتمد بشكل كبير على خبرة العازف وسرعتو وهية من أهم مميزات التراش ميتال يلي بيتميز عن غيرو بطريقة تقطيع النغمات والتباين الكبير بين الآلات وتعتبر مقاطع الصولو الخاصة بالتراش من أفضل وأعقد مقاطع العزف على الإطلاق لأنها بتحتاج التقاط أوتار والضرب على أوتار أخرى وهالعمل من أصعب أنواع العزف ويعتبر ألبوم M aster of puppets
أفضل البومات التراش من حيث الأداء الفني وسرعة العزف واتخذ كقاعدة أساسية مشت على اسلوبو باقي الفرق .
أهم أعلام التراش أربع فرق هنة أسسوا قواعد التراش وحافظوا عليه وأبدعوا كتير
وهنة
, M etallica –slayer-megadeath-anthrax
بحيث ترافق ظهور التراش مع بداية التمانينات يعني بداية تأسيس هالفرق واكيد هي الفرق مو أول مين عزف تراش كان في تجارب من فرق مهمة متل Diamond Head, Iron Maiden, Judas Priest, Venom, Motörhead, Sweet Savage, Tygers of Pan Tang, Raven, Angel Witch بس الفرق الأربعة دخلت مجال الإختصاص .
أول البوم تراش طلع سنة 1983 kill em all by ****llica وبعدو بست شهور طلع البوم slayerShow - No Mercy. وهو الألبوم التاني .
[IMG]http://www.soulassassins.com/wp-*******/uploads/slayer_1988.jpg[/IMG]
slayer band
سنة 1982 ظهرت فرق عظيمة بأوربا متل Tank-Raven-Vemon وهالفرق هية يلي استفزت باقي الفرق الأوربية للبدء بالتراش الأوربي وفينا نقول انو التراش الأوربي أخد شكل جديد من القوة وبيتميز بلايركس أقوى وأعنف من التراش الأميركي وبلهجة احتجاج و غضب أكبر
وطلعت فرق مهمة بألمانيا متل Kreator-Sodom-Distruction وهالمرحلة رافقت ظهور اتجاه جديد هو ال , speed ****l
واعتبرت نهاية الفترة الأولى من رحلة التراش
أنماط الميتال-النشأة-التطور-وأهم الأعلام
kreator band
الفترة التانية:بين 1984-1986
هي المرحلة كانت ثورة كبيرة بعالم التراش وصدرت فيها أهم الألبومات ونزلت فرق جديدة انضمت بإبداعاتا للفرق المؤسسة وأهم الألبومات
M etallica-ride the lighning1984
Anthrax-fistful of ****l1984
Overkill-self titled
Slayer-haunting the chapel

ورافقت ظهور sepultura بالبرازيل
والبوم ميغاديث
album Killing Is My Business... And Business Is Good!
والبوم كريتور endless pain
أنماط الميتال-النشأة-التطور-وأهم الأعلام
سنة 1986:
أهم تطوراتا البوم master of puppets يلي اعتبر أفضل البوم تراش
البوم سلاير
Reign in Blood اعتبر الألبوم الكامل ويلي استكمل شروط التراش ميتال.
والبوم ميغاديث
Peace Sells... But Who's Buying? كمان كان مؤثر كتير بتاريخ التراش واعتبر واحد من أفضل الألبومات
البوم
Kreator Pleasure to Kill اخد صدى كبير وكان على درجة عالية من القوة واعتبر الأساس لظهور الDeath m etal
والمرحلة التالتة استمرت للوقت الحالي وظهور فرق واتجاهات جديدة بالتراش
وخاصة الإتجاه الديني يلي بين واضح عند بعض الفرق وأدخلوه كأساس بلايركس الأغاني
أنواعو
Bay area thrash m etal
الأفضل والأهم والأكبر بين انواع التراش وبيعتمد على تقنية التنوع بالعزف والتبديل المستمر للحن وهو النوع الأصعب
ومن أشهر أعلامو ****llica-testament-exodus-slayer
East coast(American thrash)
نشط كتير بأميركا وخاصة بولاية نيوجرسي ونيويورك
ويعتبر الأساس الفني لظهور نمط الهاردكور الأميركي الأصل ويلي صار بعد فترة مميز للميتال الأميركي
وتزايد فيه عنف الليركس .
ومن اشهر اعلامو Anthrax, Nuclear Assault, Overkill, Whiplash
Teutonic thrash m etal
بيعتمد نفس أسلوب by area thrash ****l بس بلمسة أوربية نشأ بألمانيا ومن أهم أعلامو Kreator, Destruction, Sodom, Tankard Holy Moses.
وبعدين صارت كل فرقة تضيف من ثقافة بلدها على التراش يلي بتغنيه وطلعت تصنيفات كتيرة منها
Canadian thrash-united kingdom thrash-Brazilian thrash-Australian-polish….etc
_______________________________

م/ن


ذات صلة:


 
من مواضيعي في كريزي مان

  • الجيش يقبض على أصحاب السيارة التى صدمت المعتصمين بماسبيرو
  • تبليغ عن مشاركة بواسطة احمد بيسو
  • جثمان محفوظ لشيخ درزي يثير ضجة
  • غوقة: المصريون علموا ثوار ليبيا قيادة الدبابات
  • ديكور رجل الكهف ^ـ^ جدا جد جدا جدا اول مرة
  • صور منة فضالي 2012 اجدد صور صور منة فضالي 2012 احلي صور منة فضالي 2012 احدث صور منة فضالي 2012 اجمد صور صور منة فضالي 2012
  • تبليغ عن مشاركة بواسطة احمد بيسو
  • عاطل يقتل صديقه لرفضه دفع ثمن فرد خرطوش بإمبابة
  • تبليغ عن مشاركة بواسطة احمد بيسو
  • راسبوتين اكثر الرجال غموضا في التاريخ الروسي
  • احمد بيسو
    New

    DEATH M ETAL
    الديث نمط مشتق من ال heavy m etal والحقيقة هو انشق عن التراش بس بالنتيجة كل الأنماط مشتقة من الهيفي بارتفاع صوت الغيتار الصاخب مع اساليب deep growling roars, grunts, snarls, بالغناء والعزف على الدرمز بضربات عنيفة و اعتماد ال double bass drums وأحيانا الbass dums
    ودائما بيتميز بإيقاع سريع وصاخب وتنقل مستمر بين الألحان بشكل شبيه بالتراش بس بشكل صاخب أكتر
    ظهر الديث ميتال بأواسط التمانينات مع ظهور فرق كبيرة متل Death يلي عملت انتقال رائع بين التراش والديث وتسمى النمط بإسمن .. وفي ناس بتقول أنو البوم الأول للفرقة possessed واللي أخد اسم ديث ميتال هو أساس التسمية .

    وهالفرق كان الن تأثير حاسم بتكوين صورة واضحة لمعالم الديث ميتال الفنية وتثبيت قواعدو الأساسية وهنة السبب بلفت الإنتباه العالمي الشعبي لهالنمط من الموسييقى حتى في شركات انتاج اختصت بالديث ميتال لفترة من الفترات متل Roadrunner united- Earache Records
    وكمان هالشركتين ساهمو كتير بظهور هالنمط الرائع وأفسحتلو المجال للظهور كنوع موسيقى رسمي عالمي
    مواضيعو:
    يعتبر الديث من أكثر الأنماط وحشية وعنف ومواضيعو بتحكي غالبا عن القتل والإنتقام والذبح والدم وتنسيق هالكلمات مع اللحن والصوت العنيفين بيعطي الغنية جو هيجان وغضب
    ومو بس هيك تطورت مواضيعو كتير وصارت تشمل الروحانية الشيطانية والنقد الإجتماعي وانتقاد الدين وامتدت كمان لمواضيع تاريخية وفلسفية اجتماعية وروحانيات مختلفة.
    وأكيد بعض أغاني الديث جذبت الفلاسفة والنقاد بسبب المواضيع اللي طرحتا من ذبح وقتل وتشريح واغتصاب
    والدكتور والعالم الإجتماعي Keith Kahn-Harris قال أنو الديث ميتال بيمثل سحر ضمن النفس الإنسانية بإمكانها تجمع بين الرغبة والإشمئزاز وأنو الديث هو متعة داخلية بتشابة الشعور يلي بيتولد داخل الشخص وقت بيحضر فلم رعب .
    بعد فترة من عمل الفرقتين death & possessed
    بدت مرحلة جديدة من الديث وانتشر بقوة كبيرة خاصة بأميركا مع ظهور فرق كبيرة متل
    Autopsy, Necrophagia, Death Strike, Morbid Angel, Massacre, Atheist, Obituary.

    obituary
    ويعتبر البوم season of the dead :by necrophagia الألبوم الرسمي الأول للنمط ومن كلاسيكيات الديث ميتال لحقو البوم scream bloody gore by death .مرحلة النمو السريع بين 1989 و 1991
    وهي المرحلة الأهم بتاريخ الديث مع ظهور شركات انتاج قوية وفرق جديدة متل Deicide وتصاعد عمل فرق تانية متل obituary –morbid angel وبهي الفترة انتقل من اميركا الشمالية لأوربا مع ظهور فرق عظيمة متل Nihilist, Entombed, Carnage, Dismember –Unleashed
    وبالتسعينيات ظهر نمط الميلوديك ديث مع ظهور كبيرة عملت تحول بتاريخ الديث متل
    Dark Tranquillity-, At the Gates, In Flames -Soilwork.
    وكمان ظهرت الفرقة البريطانية napalm death مع البوم
    1990Harmony Corruption يلي تضمن لون جديد من العزف المعقد جدا والليركس ولاقى قبول كبير عند باقي الفرق والناس واعتبر أول انطلاقة لل Deathgrind
    والسنة البعدا طلع البوم human :by Death وكان الخطوة الأولى بال modern death m etal
    وبهي السنة انطلق أول مهرجان للديث بأميركا جمع الفرق
    Autopsy, Hellwitch, Obliveon, Revenant, Viogression, Immolation, Atheist- Cynic.
    المرحلة الأخيرة من 1991ل 2009
    طبعا هي الفترة رافقت أعمال فنية كبيرة من فرق الديث وأهم ماتميزت فيه هو هبوط أسهم الديث ميتال بسبب ظهور المنافس القوي يلي هو البلاك ميتال بحيث سعت فرق البلاك لإسقاط نجاحات الديث خاصة بمرحلة ال Norwegian black m etal
    أنواع الديث ميتال :
    Melodic Death M etal
    نشط هاد النمط بالدول الإسكندنافية وتسمى بإسما وجمع عناصر من ال heavy m etal وعناصر من الديث متل طبقة الصوت وطريقة استعمال الدرمز
    ودخل تنسيق واضح عالأغاني وتخفيف من حدة الوحشية بالكلمات ومن أهم أعلامو In Flames, Dark Tranquillity- At the Gates وهدول كان الن اسلوب خاص تسمى Gothenburg m etal
    , Afflicted, Amon Amarth, Unleashed, Kalmah -Tiamat

    inflames
    Technical death m etal
    التكنيكال والبروغريسيف ديث تميزوا بإيقاعات غريبة عن المألوف ماتقيدت بقواعد ثابتة لهيك وبرأيي كانت أجمل صورة للديث ميتال بسبب اللون الغريب والأجواء المتناقضة يلي بتخلقا الألحان المتنوعة.
    من رواد هاد النمط Cryptopsy, Edge of Sanity-, Opeth, Origin -Sadist. Cynic, Atheist, Pestilence -Gorguts

    Death/doom
    أو Doom death هو النمط يلي بيجمع الليركس الحزين السوداوي مع صوت deep growlingودرمز مخفف
    عن الديث
    ظهر النمط ببداية التسعينيات من قبل فرق كبيرة متل
    Autopsy, Winter, Asphyx Disembowelment, Paradise Lost, My Dying Bride
    Blackened death m etal
    مزيج رائع من عناصر من الديث والبلاك ويعد أقرب للبلاك بسبب مواضيعو يلي عالأغلب بتتعلق بالروح الشيطانية و رفض الدين وأهم أعلام هاد النمط هنة Sarcófago, Blasphemy, Beherit Impaled Nazarene-. Belphegor,- Behemoth, -Akercocke, Zyklon Sacramentum.
    Goregrind and deathgrind
    سبق وحكينا عنو ويعتبر النمط الأسرع والأكثف بالنسبة للعزف وللدرمز بشكل خاص
    ومن اهم الفرق يلي غنت هالنمط
    Brujeria, Cattle Decapitation- Cephalic Carnage, Soilent Green, Pig Destroyer, Circle of Dead Children -Rotten Sound.
    Deathcore
    مع تصاعد شعبية الميتالكور استعملت بعض الفرق عناصر من الميتالكور وأدخلتا ضمن الديث
    أهم الفرقSuicide Silence, Salt the Wound -Job for a Cowboy
    _____________________________




     
    من مواضيعي في كريزي مان

  • حسناء قلبي
  • الامارات تحذر من استخدام البلاك بيرى لحماية قوانينها
  • ما زال عندي امــــل
  • صور برق ا2013 جدد صور البرق والرعد 2013
  • حفلة رابح صقر 2011 تحميل حفلة رابح صقر2011 مهرجان دبي للتسوق 2011
  • كلينتون: شبكة الإنترنت وحدت المصريين
  • يضع الخبز في الحمام ليكتشف عالم الجن
  • أسـ،ــعـ،ــار العـ،ــمــ،ــلات
  • وفاة بريطانية بعد يومين على ثقب لسانها احتفالاً بعيد ميلادها
  • خليك فاكرني
  • احمد بيسو
    افتراضي

    BLACK M ETAL
    من أهم أنماط الميتال وبيتميز
    Guitar
    بيتميز بغيتار مرتفع ثلاث أضعاف الهيفي high treble مع عزف مستمر وهالأسلوب بينتج موسيقى مليئة بالكآبة والخوف وبتعطي تعبير صريح عن افكار جماعة البلاك
    Bass
    دور هالآلة بالبلاك بيختلف مع غير أنماط لأنها بتأدي صوت مستقل عن اللحن الأساسي للدرمز وأحيانا بتمشي على نفس نسق الغيتار بصوت أخفض وبتتميز بصوت منخفض مع البلاك وأحيانا بيكون غير مسموع بس الو تأثير
    Drums
    الآلة الأساسية الأقوى بالنسبة للبلاك وبيعزف بطريقة ضربات قوية مستمرة واستخدام كثيف للدرمز فووت
    والحفاظ عالجو الصاخب للغنية من خلال الضرب المستمر على الصنجات
    First wave
    بدأت معالم البلاك تظهر من سنة 1980 مع ظهور فرق مجددة عملت نقلة بالتراش ووضعت المعالم الأساسية للبلاك والتسمية انطلقت من البوم
    Black m etal-by Vemon
    وكانت كلمات الألبوم مليئة بمعاني رفض الدين ومعاداة المسيحية خاصة وهاد الألبوم هو اول انطلاقة للبلاك وكمان فرقة
    Bathory
    انطلقت هالفرقة مع اربع البومات كان الها دور حاسم بتأسيس البلاك مع انطلاقة البوم باثوري
    1984واجا البوم هيل هامر وتعتبر الفرقة يلي وضعت القواعد الأساسية الرسمية للبلاك
    وبعدو بأربع سنين
    ومن أهم الفرق يلي طلعت بهالمرحلة وبسنة 1990 وضعت الفرقة القواعد الأساسية للفايكنغ ميتال Blood Fire Death (1988
    Sodom and Destruction (from Germany)

    Bulldozer and Death SS (from Italy), Tormentor (from Hungary), Root (from Czech Republic), Mercyful Fate (from Denmark),[citation needed] Sarcófago (from
    Brazil) and Blasphemy (from Canada)

    [IMG]http://www.****lblade.com/english/artists/mercyfulfate/background/mainpic/mainpic.jpg[/IMG]
    وبهالفترة تميز البلاك بدرجة عالية جدا من الكلمات الوحشية والدموية وانتهت هي المرحلة المهمة ببداية ال
    Second wave of black
    Norwegian Black M etal

    كانت الثورة الأعظم للبلاك وتميزت بنوع من الحرب الدينية دارت بين المسيحيين واللادينيين وشهدت أعمال قتل وحرق كنائس
    والمؤرخين حملوا مسؤولية هالأعمال لفرق كبيرة طلعت بهداك الوقت وبعدا مستمرة بنفس الفكر والإيديولوجيا وأهم هالفرق
    Burzum, Immortal, Darkthrone, Satyricon, Enslaved, Emperor, Thorns, Ildjarn, Gorgoroth, Ulver and Carpathian Forest.
    وعملت هالفرق على فصل البلاك عن أنماط الروك التانية
    واستمرت هالحالة لفترة وبعدا حاول المسيحيين الدعوة للرجعة للدين المسيحي وطلبوا منن يغنوا بلاك ميتال بكلمات متفقة مع الدين وطلعت فرق بتغني لهالفكر وسمي
    Unblack ****l
    ومن أهم الأعمال بهاد الوقت
    Mayhem - De Mysteriis Dom Sathanas
    Immortal - Pure Holocaust
    Darkthrone - Transilvanian Hunger


    واعتبرت من كلاسيكيات البلاك ميتال واعتبرت فرقة mercyful fate
    الأكثر تأثيرا بباقي فرق البلاك و فيما بعد اعتبرت أفضل فرقة بلاك لأنها عملت نقلة فنية بين الهيفي والبلاك
    Third wave of black
    وهي المرحلة كانت مهمة بالنسبة لبنية البلاك بحيث ظهرت فيها مواضيع جديدة للأغاني وتعددت اتجاهات وخفت فيها حدة التهجم عالدين ودخلت آلات جديدة عالبلاك متل الكيبورد والأرغون والكونتربص وبدخول هالآلات تفرع البلاك لمجموعة أنماط بتختلف كليا عن البلاك ميتال الكلاسيكي وبعدا مستمرة لوقتنا هلأ

    Black geners
    البلاك أفضل الأنماط من ناحية الديناميكية الموسيقية وأكتر نمط قابل للتجديد والتفرع والإندماج مع الأنماط الأخرى
    Symphonic black m etal
    أهم ميزاتو تخفيف صوت الغيتار ودخول آلات جديدة متل الكيبورد و الكمان وغيرو من الآلات الأوبرالية
    وهو أحلى الأنماط
    Folk and Viking black m etal
    بيعتمد على دمج الموسيقى الشعبية مع الحان البلاك وبيختلف الليركس عن البلاك العادي لأنو بيتناول مواضيع تاريخية وأسطورية
    Ambient black m etal
    من الأنماط الأقرب للسيمفونيك وبيعتمد بشكل اساسي عالكيبورد لخلق أجواء خاصة بهالنمط من أبرز أعلامو
    Burzum – summoning
    Black doom
    بيتميز بإيقاع بطيء وارتفاع صوت الغيتار على صوت الدرمز و هو تزاوج بين الدووم والبلاك وبيتناول المواضيع السوداوية المميزة للدوم ومن اشهر الفرق
    Barathrum Ajattara
    Blackened death m etal
    حكينا عنو بجزء الديث
    Industrial black ****l
    عبارة عن دمج موسيقى البلاك مع الإندستريال ميوزيك ومن مؤسسي هالنمط فرقة
    Mysticum
    Blackened crust
    وهو دمج لموسيقى البنك مع البلاك وهاد النمط عمتغيه فرقة
    Darkthrone

    Dark throne




     
    من مواضيعي في كريزي مان

  • كتالوج كامل لاحلي بيوت عصرية ...موضوع شامل
  • البوم احمد عدوية 2012 بلا هوى بلا عشق تنزيل البوم بلا هوى بلا عشق ل احمد عدوية
  • جوجل تعتزم إطلاق خدمة مشاهدة الأفلام مقابل رسم على موقع يوتيوب
  • ليلى علوى فتاة الليل
  • الاسماعيلى يطالب بحكام أجانب لمباراة الأهلي
  • صـور أطباق طائرة في الآثار/ أخدود سيجو الولايات المتحدة الأمريكية
  • ارتفاع نسبة الإضراب بالمدارس إلى 3.25%
  • صور هايدى كرم الجديدة 2017 احدث صور هايدى كرم 2017 صور هيدي كرم صور
  • الونسو وماسا يمثلان للتحقيق بشأن فضيحة السباق الألماني
  • عـايـز تـنـام ومـش عـارف ادخـل هـنـا
  • احمد بيسو
    افتراضي

    Doom M etal
    يعتبر الدووم من أول وأقدم الأنماط يلي نشأت من الهيفي ميتال مباشرة غير البلا والديث يلي تطوروا من التراش وأول فرقة أسست لظهور مدرسة الدووم هية بلاك ساباث ببداية الثمانينات .... بلشت الفرقة تعزف معزوفات بطيئة بغيتار قوي وليركس حزين ...
    وبدا يتطور مع الزمن وخاصة ببريطانيا مع الفرق الإنكليزية
    Pagan Altar and Witchfinder General

    pagan altar
    ومع ظهور اول البومين سنة 1982
    ; Volume 1 and Death Penalty

    بدأت تتكون معالم الدووم الأساسية وبأميركا طلعت فرق مهمة متل
    Saint Vitus , Trouble -Pentagram
    وألبوم
    Epicus Doomicus M etallicus in 1986 candelmass
    وتسمية النمط اجت من هاد الألبوم بالتحديد ...... بهداك الوقت كان الدووم نمط صغير وقليل الجمهور بسبب المنافسة القوية مع الهيفي و وتأثر كتير ببوادر التراش واستمر على هالحالة لأوائل التسعينات مع ظهور فرق جديدة وكان لسا عميتغنى بالطريقة التقليدية حتى بدأت تتطور أساليبو وانقسم لعدة أنواع
    [IMG]http://www.****l-rules.com/zine/images/stories/interviews/LeifEdling_Candelmass/leif_candelmass_1.bmp.jpg[/IMG]
    Candelmass band
    Epic doom
    بيتميز هاد النوع بالجو الأوبرالي والسيمفوني بالأغاني وأغلب الليركس بيحكي عن الأساطير والملاحم القديمة والتضحيات ومن اهم الفرق يلي غنتو
    Candelmass - Solitude Aeturnus,- Solstice and Doomsword
    Stoner doom
    بيتميز هاد النمط بقوة الباس والغيتار وارتفاع صوتن واول مين غناه فرق
    Kyuss, Sleep, Acid King, Electric Wizard and Sons of Otis.
    Sludge doom
    هو مزيج بين موسيقى ال
    Hardcore punk+doom
    وأول مين غنى هالنمط
    Eyehategod-Crowbar- Buzzov*en- Acid Bath- and Grief

    Funeral doom
    أجمل الأنواع وبيتغنى بصوت فوكال غروول مع انة حزينة وبيتميز بقوة الغيتار ودخول الكيبورد لصناعة جو منايب لليركس الحزين للغنية
    Doom Death
    Black Boom



    Gothic m etal
    بيرجع ظهور موسيقى الغوثيك لبدايات التسعينات وبيتغنى بنفس أسلوب الهيفي العزفي مع ادخال عناصر أوبرالية متل البيانو والكيبورد .. عموما المميز الأساسي للغوثيك هو مواضيع الأغاني اللي بتكون غالبا مشحونة بالرومنسية والكآبة والسوداوية مع عواطف حادة ..والغوثيك من أهم الأنماط وأجملا وظهر تأثيرو بباقي الأنماط وكتير من الفرق يلي اخدت اتجاه الغوثيك حاولت اضافة لمسات من غير انماط متل
    Doom m etal
    من أكتر الأنماط يلي تأثرت بالغوثيك و يلي سمع
    بيلاقي هالمعنى بوضوح Paradise Lost- My Dying Bride- Artrosis -Ava Inferi- Draconian
    In Black
    كمان في كتير فرق مهمة حاولت مزج الغوثيك مع البلاك وهاد واحد من أجمل الأنماط والأكثر رغبة بين الناس
    Theatres des Vampires -Moonspell -Graveworm,- Drastique- Samsas Traum

    Theatres des Vampires
    In Death
    في فرق مهمة كتير كمان غنت الغوثيك ديث
    Trail of Tears-Crematory

    In symphonic
    انا بعتبرو مهم كتير لأنو السيمفونيك غوثيك أكثر الأنماط شيوعا والفرق يلي غنتو من كبار الفن العالمي
    Tristania -Within Temptation -Epica -After Forever

    تعتبر فرقة بلاك ساباث المؤسس الحقيقي لفكرة الغوثيك بالألبوم يلي طلع سنة 1970 ومنو اشتقت القواعد الأساسية و الشكل الحالي لليركس الغوثيك وكان فيه وصف للمقبرة وللشحوب ولمرأة شاحبة بجانب القبر وهيك شغلات وبقي رمز للغوثيك ليومنا هاد مع انو نمطو كان غوثيك روك بس بعدا بفترة تطورة حتى صار غوثيك ميتال وازداد تطور مع ظهور باقي الأنماط وباقي الفرق....
    Gothic Rock
    الغوثيك روك هو الأساس الفعلي يلي تسبب بظهور الغوثيك وهو فرع منشق من ال Post punk
    هاد الكلام ببداية ووسط التمانينات وبعدين تفرع كتير وفي فرق اتجهت لمزجو مع البوب وفي فرق مزجتو مع الميتال وهيك صار الغوثيك ميتال فرع خاص بقوانين خاصة
    بداية الغوثيك الفعلية
    ضل الغوثيك بين منتصف التمانينات وبداية التسعينات نمط مبهم وصعب تمييزو وببداية التسعينات ظهر الغوثيك بشمال انكلترا مع انطلاق فرق كبيرة متل


    Paradise Lost, My Dying Bride and Anathemaوالإنطلاقة الفعلية كانت ديث لهالفرق بس فرقة بارادايس لوست أبدعت اللون الكئيب بالغناء خاصة بعد غنية
    Dead Can Dance
    1990 كان تأسيس للدوم وماكان كتير بيعبر عن الغوثيك حتى طلع الألبوم يلي بعدو Lost paradise بس البوم

    ويلي حمل اسم غوثيك كان في كتير تعبير عن الغوثيك وكمان الألبوم التالت أسس بشكل مو طبيعي وخاصة بأوربا ولاقى نجاح كبير بألمانيا
    My dying bride
    1990. EP Symphonaire Infernus Et Spera Empyrium
    كان هاد الألبوم نقطة تحول ولاقى اهتمام اعلامي كبير واجا بعدو البوم
    As The Flower Withers
    وهاد الألبوم لاقى مديح موطبيعي وكان انقلاب على الديث ميتال وبعدو انطلق البوم
    Turn Loose the Swans.1993
    والملفت بالألبوم انضمام عازف آلة الكمان والفرقة قدمت شغل أحلى من الخيال بس كان لساه مختلط بين الدووم والغوثيك وهالحكي قبل مرحلة الإختصاص
    وبالفترات القريبة يلي لحقتا اجت تجارب جديدة ومن بلدان مختلفة متل
    Type o negative – cradle of filth- moonspell
    وكتير غيرن وسنة 1995 دخل الفوكال النسائي للنمط بقوة مع ظهور الباند العظيمة
    Trial of tears
    Treistania وبعدن بسنة ظهرت باند
    The Sins of Thy Beloved كمان

    my dying bride
    والفرق بدأت بإصدار الألبومات من سنة 1998 يلي اعتبرت انطلاقة الغوثيك بشكلو الحالي بس فرقة تريستانيا انطلقت بشكل جديد مع الفوكالز المتميزين وبدأ من وقتا نمط ال Operatic
    والفرقة اصدرت اصدارات رهيبة حتى تلقت الضربة القاسية بترك الفوكال والعازف الموهوب Velandيلي شكل فرقة سيرينا وسنة 1996 انطلقة فرقة
    Within temptation
    واستمرت بنجاحات كبيرة من سنة 1996 لسنة 2004 وألبوماتن كان بصمة راسخة بالسيمفونيك غوثيك وبهالفترة بدأت العمالقة تظهر متل فرقة
    Lacuna coil
    After forever 2000
    Nightwish
    Epica
    Therion
    And sooooo much gothic band


    _________________________________





     
    من مواضيعي في كريزي مان

  • لاعبو الجزائر يؤكدون أنهم جاهزون لكتابة تاريخ بلادهم الكروي بأحرف من ذهب
  • كاتربيلر صور كاتربيلر 2013
  • مبروك يا نرجس .. ام مصطفي
  • خيالـ، في خيالـ، عيش الوهم
  • طلبة يتابع السيطرة الأمنية على منطقة الاستاد
  • قطع اثرية عثر عليها في ‏الاكوادور‬ و أغلبها يصور ‏كوكبة أوريون
  • وقفة مع أرسنال هل نقول وداعاً لعقدة الكبار
  • حبس المغربى 15 يومًا لاتهامه بتخصيص أرض لـ جرانة
  • الداخلية والشمس والاتصالات مع الترسانة.. أبرز مواجهات اليوم
  • مصدر أمنى: طائرة عسكرية تنقل سوزان مبارك من شرم الشيخ إلى ألماظة
  • احمد بيسو
    افتراضي

    POWER M ETAL

    الباور ميتال هو مزيج رائع من الهيفي ميتال والتراش والسبيد ضمن اطار سيمفوني غالبا وأحيانا بيكون أقرب للسبيد مع موسيقى أقوى واحيانا بيكون هادئ مع استعمال الكيبورد غالبا وهاد النوع نشط بأوربا وأخد شعبية كبيرة
    وبيعتمد اسلوب غناء بصوتCleanعلى خلاف البلاك والديث وهاد السبب خلى الباور ميتال يكسب شعبية اكبر من هدول النمطين خاصة اوائل التسعينات
    الباور ميتال مو مختص بليركس خاص هو نمط حر ومواضيعو مفتوحة تقريبا وأكتر شي ممكن نسمعو
    الأساطير والبطولات وهالليركس موجود عند
    Dragonforce-Dragonland, Blind Guardian, Falconer, Domine, Virgin Steele

    ومواضيع انسانية مختلفة متل
    Strato***ius, Helloween, Gamma Ray, Hammerfall, Lost Horizon, Highland Glory
    قصص حب أو عواطف مختلفة
    Sonata Arctica, Primal Fear, Nightwish
    وأحيانا بترتفع قوة الليركس بيشمل الغضب والقتل والحروب
    Manowar, Sabaton, Iced Earth, Firewind

    manowar
    Power m etal
    غالبا بيكون العزف بالآلات التقليدية للميتال وبيتميز بالغيتار والباس السريع بس هي مو قاعدة عامة ممكن أحيانا يكون الشغل بطيء والإنفراد بالعزف عنصر مهم جدا وموجود بكل أغاني الباور
    طبعا الأسلوب البطيء ماكان موجود ببداية ظهور النمط بسبب التأثر بالتراش ميتال وكان في أشخاص مجددين هنة ابتكروا هاد الأسلوب متل
    Kai Hansen of Gamma Ray, Michael Weikath of Helloween and Timo Tolkki of Strato***ius.
    North American power m etal
    طبعا هاد أساس الباور ميتال وهو مزيج من التراش والسبيد ولمعت فيه فرق مهمة ومعورفة متل

    Manowar, Iced Earth, Anvil
    European/melodic power m etal
    Or New Wave Of Heavy M etal
    شاع هاد النمط بأوربا والبداية كانت من عند
    Helloween-germany
    Strato***ius-finland

    وفرقة هيلوين هية يلي حطت الشكل الأساسي للباور يعني اسلوب العزف والكلين فوكالز
    Strato***iusطوروا هالأسلوب باستخدام الكيبورد وادخال الإنفرادات الطويلة بالغيتار وهاد الأداءأخد شعبية خاصة بعد تطوير مستوى الليركس .
    ومن اعظم الفرق الأوربية
    Strato***ius, Blind Guardian, HammerFall
    Kamelotوفرقة
    كان الها دور بتحويل الأداء من سريع لأبطأ وهية بتمثل البصمة الأميركية للباور ميتال
    [IMG]http://www.****l-revolution.com/images/newspost_images/kamelot_-_band.jpg[/IMG]
    _____________________________________
    M etalcore
    الميتالكور نوع موسيقى بيمزج موسيقى ال
    Hardcore punk+extreme m etal
    واسمو مأخود من مزج الإسمين مع بعض بدأ الميتالكور يظهر بوضوح بمنتصف التسعينيات وبعض الناس اعتبرو تطور للتراش الأميركي وفي ناس رفضت هالتصنيف ومع ظهور
    Merauder, Deadguy and Integrity.
    واول فرقة بيناتن هية
    Integrity

    وللتسهيل فينا نقسم مراحل تكون الميتالكور لأربع مراحل أساسية

    Precursors (1977–1984)
    Crossover thrash (1984–1988)
    M etallic hardcore (1989–2000)
    Melodic m etalcore (1997–present


    Precursors 1977-1984أهم شي بهالمرحلة أنو ماكانت واضحة معالم الميتالكور وبهي الفترة طلعت فكرة المزج بين الهيفي ميتال وخاصة أسلوب فرقة
    Motorhead
    والهاردكور بنك وكان في فرقتين مميزين هنة
    Black Flag-Bad Brains
    Crossover thrash (1984–1988
    هي الفترة دخلت مرحلة عملية وهية مزج الهاردكور مع الميتال وساعد بتطوير الأساليب الفرق يلي ظهرت بهداك الوقت متل ميتاليكا وسلاير
    ودخول فرق جديدة لهالعالم متل
    Warzone-the cro mags
    وهي الفرق بدت تحط الأساسيات تبع الميتالكور والفرقة الأكثر تأثيرا عالشغل كانت بلاساباث (كالعادة)
    وكمان ب نيو يورك كانت فرق الميتالكور عمتطلع وحدة ورا التانية
    Gorilla Biscuits, Crumbsuckers, and Youth of Today
    واستمرت هالحالة حتى سنة 2000
    ****llic hardcore (1989–2000)
    New wave of m etalcore

    هي هية المرحلة الأهم أو المرحلة الذهبية برحلة الميتالكور وتقريبا ظهرت فيها كل الفرق يلي ساهمت يالتأسيس الحقيقي والإنطلاقة الفعلية متل
    Earth Crisis-onverge-Starkweather-udge-loodlet-trife-orschach-ave In-Vision of Disorder-Hatebreed-and Candiria-
    Melodic m etalcore
    وهاد النمط تأسس بشمال أميركا بالتحديد وهو النمط الأكثر شيوعا بأيامنا هي ويعتبر الأفضل كعزف وغناء بين أنماط الميتالكور

    Vocals
    الميتاكور مو مقيد بنمط غناء محدد ممكن يتغني كلين أو غرول بس بنلاقي أنو الغرول هو الغالب تماشيا مع الليركس العنيف للأغاني
    وأحيانا دخول فوكلين كلين وغرول أو تنين غرول من طبقات مختلفة
    Lyrical
    غالبا الميتالكور خالي من الكلمات الإنسانية أو العاطفية والليركس تبعو وحشي نوعا ما عنيف وفيه نبرة من السخرية

    Deathcoreطبعا هاد النتاج الوحيد من تمازج الميتالكور مع الأنماط لأنو الميتاكور نمط ممتنع ومافيه قابلية التمازج الموجودة بغير أنماط والديثكور هو مزيج بين اسلوب الديث بالغناء وموسيقى الميتاكور بوتيرة أقوى
    والفرقتين يلي أسسوا هالنمط هنة
    Dispised icon-Job For A Cow Boyوبنعرف كمان
    Suicide silence
    و ضعف ديناميكية الميتالكور أدى لظهور موجة رفض لهالنمط خاصة بأوربا وفي أسباب تانية
    أنو الميتالكور بعيد عن الروحانية وال‘نسانية الموجودة بباقي الأنماط
    وطبعا أغلب رواد باقي الأنماط بيعتبرو أنو الميتالكور أخد الميتال بالإتجاه الخطأ.




     
    من مواضيعي في كريزي مان

  • الى عايز يجنن يدخل ؟؟؟؟
  • صحيفة أسبانية تنتقد تجدد المظاهرات اليوم فى مصر
  • برجك يكشف عن وزنك
  • فيلم يا نا ياهو 2011 تحميل فيلم فيلم يا نا ياهو 2011
  • اجدد صور روبي بالحجاب 2011 صور روبي 2011 بالحجاب صورة روبي بالحجاب 2011
  • دونا فيلدمان.. سنيوريتا مصاصة دماء صور نااااااااااااااااااااار
  • تبليغ عن مشاركة بواسطة احمد بيسو
  • شارع الهرم يحقق مليون و700 ألف أول أيام العيد و تك تك بوم يلاحقه
  • معتصمو التحرير يحتشدون فى القصر العينى واستمرار الاشتباك مع الأمن
  • إعلام تل أبيب: العربى معادٍ للسامية وسيقود 22 دولة ضد إسرائيل
  • احمد بيسو
    افتراضي

    Progressive M etal
    البروغريسيف من أجمل أنماط الميتال وهو مزيج رائع من عناصر من الهيفي ميتال والبروغريسيف روك
    وبيعتمد أساسا على الغيتارست ولازم يكون عندو مهارات استثنائية عن كل الأنماط بسبب النوطات المعقدة جدا .
    بعض فرق البروغريسيف عملت تغيير رائع ضمن اساسيات النمط وأضافت أساليب من الكلاسك روك والكلاسيك جاز ضمن مقاطع العزف الطويلة يلي بتميز البروغريسيف ... ومن هالسبب دائما بنلاقي أغاني البروغريسيف أطول من أغاني الميتال من غير أنماط .
    البروغريسيف بشكل عام بدأ كبروغريسيف روك وهو نمط قديم ومن أوائل الفرق كانت
    Yes, Pink Floyd, Emerson, Lake & Palmer, Jethro Tull, King Crimson, Genesis, Gentle Giant, Focus, Renaissance, The Alan Parsons Project, Queen, Kansas, Atomic Rooster, Uriah Heep Rush.
    وهالفرق كلها غنت بروغريسيف روك واجا التغيير على ايد فرق كبيرة وأهمها
    Fates Warning, Queensrÿche and Dream Theater

    وهالفرق هية يلي بدت تخلط عناصر الهيفي مع عناصر البروغريسيف حتى تكون بالآخر البروغريسيف ميتال
    وكان لسا مو آخد استقلاليتو الخاصة
    مثلا
    Queensrÿche
    كانو ميالين للميلوديك بروغريسيف وبهداك الوقت هنة حققوا النجاح الأكبر بين الفرق المذكورة
    Dream Theaterدريم مالو للكلاسيك بروغريسيف روك وساعدن على هالشي القدرات الإستثنائية للباند ضمن العزف والغناء
    والفرقة تطورت عالميا كتير وبيومنا هية افضل فرق البروغريسيف
    Fates Warning
    هي الفرقة كان واضح عليها الهيفي والتراش أكتر وأسلوبن بيشبه ميغاديث شوي
    وبسنة 1990 طلعت غنية
    Queensrÿche's "Silent Lucidity" (from 1990's Empireواعتبرت بداية البروغريسيف ميتال المعروف والغنية طبعا الها صدا كبير
    وطلعت بعدا غنية دريم ثياتر
    Pull Me Under" (from 1992's Images and Words)
    وكمان هي الغنية اعتبرت من كلاسيكيات البروغريسيف ميتال
    وهالفترة كانت مهمة بالنسبة للنمط لأنو دخلت فيها فرق مهمة لعالم البروغريسيف متل
    Pain of Salvation, Tool, Opeth, Threshold, Symphony X -Ayreon
    وتقريبا نفس الفرق لساها من أشهر الفرق بوقتنا وهية عمتشتغل بروغريسيف
    والبروغريسيف نمط ديناميكي كتير ومنفتح على باقي الأنماط بالليركس والخواص والعزف وكل شي والشي الحلو أنو الفرق مابتتشابه بين بعضا لأنو كل فرقة فيهن مشتقة من مدرسة خاصة ونادرا ما نلاقي فرقة بتغني بروغريسيف ميتال غالبا بيكون ممزوج مع نمط تاني
    Opeth
    من الفرق الكبيرة جدا جدا وهنة مزجوا البروغريسيف مع الديث وانتجوا نمط بروغريسيف ديث

    كمان من غير انماط في تجارب مهمة متل
    Akercoke
    مزجوا البلاك والديث مع البروغريسيف
    Enslaved
    Viking+Black+progressive
    Pain of salvation
    Heavy m etal + progressive
    Symphony X
    Power m etal+progressive
    Ayreon
    Operatic+progressive

    symphony x
    ______________________________
    Alternative M etal
    ظهرت شهرة النمط ببداية التسعينيات وهو الأقرب للهيفي بس بأسلوب عزف خاص اضيفت الو عناصر من ال
    Alternative rock
    وفينا نقول عنو نمط اميركي التأسيس ومأخود بشكل خاص من
    Hardcore punk-post rock-
    ومن الفرق المهمة بهالنمط
    Big Black, Fugazi and Sonic Youth
    Helmet and White Zombie, grunge (Alice in Chains, Soundgarden), or industrial (Ministry ***dis, Nine Inch Nails

    الألتيرناتيف أخد شعبية واسعة بسبب تمازجو مع باقي انواع الموسيقى و تحقيق انجازات بترضي كل الأزواق

    white zombie
    مثلا
    Industrial wave
    وأهم مين اشتغل فيها
    Nine Inch Nails-Ministry
    Progressive Rock wave
    System of a Down and Tool
    (hip hop and post-punk agitprop)
    Rage Against the Machine
    intense rock
    Helmet
    وببداية التسعينات كانت ثورة الألتيرناتيف يلي استمرت لوقتنا مع ظهور فرق كبيرة متل
    Alter bridge-Rage Against the Machine, Linkin Park, Korn, Deftones, Fear Factory, Nine Inch Nails, Marilyn Manson, Primus -Helmet-Breaking Benjamin

    alter bridge
    ______________________________
    Nu M etal
    ظهرت هالكلمة أول مرة بنهاية التسعينات للإشارة للنمط اللذي يمزج بين
    alternative ****l, funk - hip hop, - industrial, groove and thrash.
    واطلقت عليه التسمية فرقة
    Coal Chamber

    بسنة 1995 وأهم مؤسسي النيو ميتال من كالفورنيا بأميركا وأهمن
    Korn- Deftones -P.O.D.
    وانطلق النمط مع البوم كورن الأول يلي حمل اسم
    , Neidermeyer's Mind
    وبنفس وقت صدور الألبوم ظهرت فرقة
    Limp Bizkit
    وطبعا ظهور الفرقة والتسجيل الأول لفرقة كورن كان بمساعدة شركة الإنتاج الخاصة بالنيو ميتال
    The Godfather of nu ****l
    والشركة انتجت البوم كمان لفرقة
    Limp Bizkit's Three Dollar Bill, Yall$.

    وسنة 1998 كانت أفضل سنة بالنسبة للنيو ميتال وطلع فيها البوم كورن التالت
    Follow the Leader

    وغيرو طلع البومات كتير لفرق متل
    Deftones, Coal Chamber, Limp Bizkit and Staind.
    وأول مهرجان ب لوس انجلس انطلق وجمع فرق عالمية كبيرة من اوربا واميركا ومنها
    Static-X, -Coal Chamber -Spineshank. Slipknot- Sevendust- Limp Bizkit,- Disturbed, - Soulfly - Godsmack-mushroomhead.

    soulfly
    على العموم ممكن نقول وباختصار انو النيو ميتال هو تمازج بين موسيقا الميتال وموسيقى الراب و تعتبر فرقة كورن هية المؤسس الحقيقي للنمط وفرقة ليمبزكت هية الأكثر تأثيرا وتطويرا بالنمط ويعتبر النيو ميتال أجدد أنماط الميتال




     
    من مواضيعي في كريزي مان

  • تبليغ عن مشاركة بواسطة احمد بيسو
  • موقع إسرائيلى يتهم حماس بضرب أنبوب الغاز الطبيعى
  • تعلمي كيفيه تزين الاطباق بالصور
  • الزمالك يعرض على المحمدى إضافة موسم فى عقده لتعديل القيمة المالية
  • مقتل ستة أشخاص بأحد المراكز التجارية في هولندا
  • تحميل اغنية كارول سماحة ملكه على الارض تنزيل اغنية كارول سماحة ملكه على الارض
  • القبض على تشكيل عصابى لسرقة السيارات بالسويس
  • سقوط هارب من المؤبد بحوزته نقودا مزورة بالجيزة
  • العثور على جثة رجل أعمال داخل شركته بالعجوزة
  • صور شاب جزائري يحرق نفسو شاهد شاب جزائري يحرق نفسه فيديو شاب جزائري يحرق نفسه
  • إضافة رد

    مواقع النشر (المفضلة)

    الكلمات الدلالية (Tags)
    أنماط , الميتال-النشأة-التطور-وأهم , الأعمال



    جديد مواضيع قسم منتدي الرعب والجن والعفاريت
    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة
    Trackbacks are متاحة
    Pingbacks are متاحة
    Refbacks are معطلة



    الساعة معتمدة بتوقيت جرينتش +2 . الساعة الآن 09:58 AM .


    Powered by vBulletin® Version 3.8.1 Copyright ©2000 - 2019, Jelsoft Enterprises Ltd.
    Content Relevant URLs by vBSEO

    جميع المواضيع والمشاركات المكتوبة تعبر عن وجهة نظر صاحبها ... ولا تعبر بأي شكل من الأشكال عن وجهة نظر إدارة المنتدي

    دردشة كريزي مان اون لاين
    دخول الاعضاء