الإهداءات
abdo@ من بني سويف : كل سنه وكل اخواتي طيبين     نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير    

انا مش كده ومش عاوزه ابقا كده

قائمة الاعضاء المشار إليهم :

No انا مش كده ومش عاوزه ابقا كده
السلام عليكم ورحمه الله وبركاته ازيكم ياحلى كريزاويه اتمنى انكو تكونو بخير انا انهارده عايزة اتكلم معاكو لانى حاسه انى هموت لانى مبتكلمش مع حد انا مخنوووووقه من نفسى اوى انا بابايا اتوفى السنه اللى فاتت وانا كنت متعلقه بيه اوووووووى وهوه كان بيحبنى اوى عمره مغصب عليا انى اعمل حاجه انا مش عوزاها وادانى الثقه وعمرى مستغليت الثقه دى فى حاجه غلط والناس كلها كانت بتتكلم على تربيته ليا وهوه نفسه لما كان اخويا يتكلم مع بابا ويقوله دى بتنزل لوحدها كتير بتلبس ضيق شويه كان بابا يرد عليه ويقوله اختك مش ممكن تعمل حاجه من ورانا غلط واختك بميت راجل وكان فخور بيا اوووووووووى انا مش هطول عليكو المهم بعد وفاه بابا ب6شهور اعجبت بشخص وهوه يعرفنى بس حاول كتير يكلمنى وانا للاسف كلمته وكنت بكلمه كل يوم فى الموبايل بس انا بعد اسبوعين قلتله انه مش اكتر من صديق لانى كنت محتاجه حد اتكلم معاه وهوه تقبل ده بس انا من سيعتها وانا بتكلم بطريقه رخمه جدا مع ممتى واخويا وصوتى بيبقا عالى واللى فى دماغى بعمله وع كل ده اللى نفسى فيه بيبقا عندى قبل مطلبه بس انا دلوقتى كتير اوووووووى بدخل اوضتى وبفضل اعيط وافتكر بابا ولما ماما او اخويا يسالونى مالك مجرد سؤال انا بقا بنفجر فيهم وبعقد ازعق ومحدش ليه دعوه بيا والكلام ده انا بقعد كتير اوى فى الاوضه بالساعات مبكلمش حد واصحابى الورقه والقلم بكتب كل حاجه انا نفسى اقولها وببقا نفسى افضفض مع حد واصرخ باعلى صوت بس سكوتى علطول ملازمنى انا دلوقتى مش عارفه اتغير علطول عصبيه مه ممتى واخويا وهما مش عارفين يعملولى ايه انا نفسى مش عارفه اعمل مع نفسى ايه ومن سيعه مكلمت الشاب اللى قولتلكو عليه وانا حاسه انى مستهلش اى حاجه بابا كان بيعملهالى وان الثقه اللى ادهانى خساره فيا وحاسه انو زعلان منى اوى وانا مش عارفه اتغير ازاى حاسه انه هيفضل طول عمرى زعلان منى انى محترمتش الثقه دى فى غيابه بس انا محتجاله اوى معايا ونفسى يسامحنى علشان انا مش قادره استحمل انا كل يوم بتمنى انى اموت ياريت تقولولى اعمل ايه


ذات صلة:

Eh S(21)

انتي بس احساسك بالذنب يعني اللي مخليكي تعامليهم كده

معلش يا قمر ربنا بيسامح والمهم انك مش تعالجي الغلط بغلط اكبر وهوه معاملتك مع اهلك دي

دلوقتي صلحي علاقتك معاهم وعامليهم كويس زي الاول

واكيد لو همه سامحوكي ورضوا عنك ربنا كمان هيرضى ووالدك الله يرحمه

ربنا يوفقك ويسعدك يارب







Eh S(17)
الله يرحم والدك حبيبتي العمر الطويل ليكي ربنا يخليلك مامتك و اخوكي




بيقولوا ان الانسان بياخد وقت طويل عشان يقدر يستوعب هول و كبر الصدمه و خصوصا لما تكون الصدمه نتيجه موت احد المقربين جدا منه بتكون زي الصفعه في اول وهله مش بتستوعبي الامر



الوقت ده هو الهروب من الحقيقه و عدم قدره على استيعاب و تصديق و التعايش مع اللي حصل ليه و اللي حصل حوليه



وده اللي انتي فيه ياقمري رغم مرور سنه على رحيل والدك الا انك لسه عايشه تحت تأثير الصدمه الكبيره عليكي





مش سبتي مشاعرك تطلع منك و تعبر عن حزنك و المك على باباكي من حبك فيه كبتي مشاعر الحزن و ماغسلتي الالم في قلبك وقت الرحيل




ودلوقتي فقتي من الصدمه وبقيتي عصبيه لانك رافضه الواقع اللي انتي فيه بتعصبي على اقرب الناس ليكي


وبتلومي نفسك على سوء تصرف منك لحظة ضعف و هروب من الالم هربتي بطريق حاولتي فيه انك تنسي و تشغلي نفسك


وبما إنك يا قمري بتلومي حالك و بتقولي انك خنتي ثقه والدك فيكي ده اكبر دليل على انك صعب تخذلي ثقه والدك فيكي لانك لسه حاسه بوجوده معاكي وحوليكي


واللي بيفكر بطريقتك دي عمره مايخون او يتصرف بطريقه غلط



التعصيب اللي انتي فيه عقاب مالوش داعي لنفسك


اللي حصل ياعمري مايستاهل كل ده روقي


كفايه ايمانك بالله و حبك لوالدك هم اللي هيخلوكي تعيشي كل عمرك وفيّة لثقته بيكي و انك تتصرفي بادبك و اخلاقك اللي رباكي و عودك والدك عليهم




اهدي و ماتلومي نفسك وبماانك بديتي تحاسبي نفسك معناها انك حسيتي بغياب والدك الجسدي فقط عنك



يعني بديتي تتخطي الصدمه واكيد عايزة وقت



واكيد برده اننا لما بنخرج من اي صدمه مش بخرج زي ماكنا قبلها



في الوقت ده انتي محتاجه والدتك و اخوكي جدا اوعى تبعدي عنهم لحظة ماتعاقبي حالك فيهم



روح باباكي دايما حوليكي و احساسك ده انه دايما معاكي هيحميكي و يقويكي



زاكري كويس و اهتمي بمستقبلك وكوني زي ما والدك بيتمنى انك تكوني ده هيديلك دافع كبير و احساس بفخر والدك بيكي وانك كنتي و مازلتي موضع ثقته




انتي دلوقتي اقوى او انضج ربنا يحميكي و يوفقك حبيبتي


افتراضي
اهلا بيكى يا ساسو
اولا صدقينى احساسك بالذنب والغلط هو اللى مخليكى عامله كده
حاولى مش تشيلى نفسك الذنب وبعدين انتى بتقولى انك غلطى
اوكى مفيش حد مش بيغلط المهم اللى بيغلط بيصحح غلطه
ام معاملتك مع والدتك واخوكى ده بضيفى غلط تانى زياده
لا مينفعش انا عارف انك اتصدمتى لما رحل والدك ربنا يرحمه
بس صدقينى انتى ممكن تفضلى تعذبى نفسك كتير
بس افتكرى والدك عاوزك تبقى سعيده ولما وثق فيكى وثق عشان عارف بنته على ايه
والثقه دى مش ضاعت ولسه موجوده
قربى من ربنا اوى اوى واشكى له همك وربنا هيساعدك
وخليكى مه اهلك انسانه تانيه
ونصيحه على تجربه متقاعديش فى اوضتك كتير وحدك ومتفكريش كتير
حاولى تكملى
الحياه مبتقفش عشان انسان
وصدقينى الحياه مش هتقف عشانك لا هتمشى وتسيبك
وربنا معاكى وربنا يرحم والدك
ويارب تبقى بخير
اخوكى شاعر القمر


افتراضي
شكرا ليكم كتير ياجمل اخوات وبجد نصايحكم دى خلتنى اعرف ازاى اتصرف انا كنت محتاجه اتكلم مع حد والحمد لله اتكلمت معاكو متشكره لكلامك ياجنه وانتى يازينه كلامك كتير جميل وفيه نصايح خلتنى افوق من حالى وشكرا ليك يا شاعر القمر نصايحك خلتنى اعرف ازاى اتصرف ا ش ك ر ك م

افتراضي
السلام عليكم ورحمت الله وبركاتة
اختى
اولا الله يرحم باباكى و
اموت المسلمين جميعا
ثانيا
الانسان بيغلط
عشان احنا مش مليكة
ثالثا بابكى فخور بيكى عشان انتى عرفتى الغلط
ومشيطى فى الطريق الصح
ادعى لباباكى الرحمة
وصلى
واقراى قران
ربنا يهديكى ويهدينى ويهدى الجميع

افتراضي
متشكره ليك ماكس على الكلام الجميل ده بجد هنا انا لقيت اجمل اخوات واصحاب

افتراضي
يا جماعة انا اول مرة اشترك معاكم وفعلا انا مبسوط جدا جدا جدا انى صادفت المنتدى الأخوى ده

ثانيا : بالنسبة لموضوع ساسو انا مش هقولك غير جملة واحده بس
اقسم بالله العظيم انا قلتها لنفسى بعد وفاة والدى رحمة الله عليه هو وامة المسلمين وغيرت حياتى كلها

خلى والدك يبقى فخور بيكى

افتراضي
اولا نورت المنتدى ياقمر وتسلملى على نصيحتك وربنا يرحم والدى ووالدك وكل المسلمين اميييييييييييين ... لك منى اجمل تحيه

افتراضي
ربنا معاكى ساسوا وبجد انا سعيدة بيكم قوى ربنا يصبرك واحنا كلنا دايما معاكى ما تقلقيش شكرا شهد



مواقع النشر (المفضلة)


انا مش كده ومش عاوزه ابقا كده


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع