الإهداءات
Gṏ£ÐëȠ βṏϔ من دبي : بمسي علي كل اخواتي وحبايبي اللي فكرني وحابب اقولهم كل سنه وانتوا طيبين     abdo@ من بني سويف : كل سنه وكل اخواتي طيبين     نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله    

قصص للاطفال قبل النوم

قائمة الاعضاء المشار إليهم :

عدد المعجبين2الاعجاب
  • 1 Post By محند بوزيد
  • 1 Post By الاموره مهره

افتراضي قصص للاطفال قبل النوم
بنتى الكبيرة (3 سنوات) اسمها مى دمغها زى الحديد وعناديه ومش بتسمع الكلام
لكن اتعودت منى اني احكى لها حدوته قبل النوم
فجت في بالي فكرة رقص السمك(هى بتحب السمك قوى لما يجي في التليفزيون ولما شافته في حوض سمك في محل بيع اسماك زينه)رقص السمك

سمكمك ومى
الفكرة هي ببساطة كده ان كل يوم اشوف مي بتعمل ايه صح وبتعمل ايه غلط
فمره اقولها (كان يا مكان يا سعد يا اكرام ولا يحلي الكلام الا بذكر النبى عليه افضل الصلاه والسلام)
ترد عليا (عليه الصلاه والسلام)
كان في مره سمكه سمكمك سموكه حلوه خالص وجميله ومامتها بتحبها قوى سمكسمكسمك
ترد عليا ( ليه بتحبها يا ماما)
اقول لها عشان هى شطوره خالص مالص بتأكل الاكل بتاعها وتأخد الدوا لما تكون عيانه وتسمع كلام ماما وتصحى بدري تروح الحضانة
سمكمك دى بقي مره مامتها قالت لها عاوزين ناكل يا سمكمك ايه رأيك نأكل ايه
سمكمك ترد علي مامتها وتقولها نأكل الكوكو والبطاطس والرز (الاكل الموجود في اليوم ده)
مامه سمكمك تأخدها ويروحو السوق ويشترو البطاطس والكوكو وهى مش تسيب ايد مامتها ومش تجري بعيد
ولما رجعو البيت سمكمك سموكه قعدت تلعب مع اختها الصغيره ومش تضربها ولا تزعلها رقص السمك
وماما عملت الكوكو والبطاطس ووكان طعمهم حلو قوى وسمكمك اكلت الأكل بتاعها كله واخدت الدوا
سمكمك ومى
وخدت الدش بتاعها ولبست هدوم حلوه ونامت على طول عشان تروح الحضانه الصبح
وتوته توته خلصت الحدوته حلوه ولا ملتوته
مى ترد وتقول حلوه
اقول لها نامي بقي يا كتكوته
تقولي حاضر يا ماما انا هسمع الكلام واكل الاكل كله واروح الحضانه
تخيلي ؟؟؟؟؟؟؟؟؟؟؟؟؟؟؟؟؟؟؟؟؟؟
هي طبعا مش هتنفذ الكلام ده من أول مره لكن صدقينى مرة في مره اما اعرفها الصح والغلط بالطريقه دى ابتدت تتعدل شويه

ونوعى في الحدوته مثلا مامه سمكمك زعلانه منها لأنها مش بتأكل وتتفرج علي الكرتون كتير قوووووووووى لحد عنيها ما وجعتها وراحت للدكتور
ومره سمكمك مامتها قالت لها لو روحتى الحضانة بابا هجيب لك كل اللي انت عوزاه ويودكى الملاهى ويجيب لك العجله (أو اى حاجة الطفل عاوزها)
فهى تقولي يا ماما انا عاوزه اروح الملاهى أو انا عاوزه العجله فأقول لها لو كلتى كل أكلك ورحتى الحضانه وسمعتى الكلام زى سمكمك هعمل لك كل ده
وخدى بالك اى حاجه توعدي بيها الطفل لااااااااااااااااازم تنفذيها ولو مش هتقدري تنفذيها يبقي من الاول ما توعديش بيها
وربنا يهديها ويهدى كل اطفالنا :يارب:
ويا ريت كل ام تجرب الطريقه دى تقولي عملت ايه وطفلها اتجاوب معاها واتغير ولا ايه ويا ريت كمان تقول الحدوته اللي هى الفتها حتي لو كل يوم ألفت حدوته بنفس الطريقه تجي تقول لنا حكيتها ازاى

جنا وسجادة الصلاه
كان يامكان كان فيه بنوته جميله اسمها جنا كانت مامتها دايما تقولها جنا أنتى كل الهنا , كانت ماما كل يوم الصبح تصحي جنا من نومها وتقول:
يالا ياأجمل بنوته يوم جديد ان شاء الله يكون سعيد .
تضحك جنا وتقوم من نومها ,
ماما تقول : اتوضى ياجنا وصلى الصبح ياروح قلبى أنا .
ترد جنا : حاضر يامامتى , هغير هدومى أنا .
تغير جنا وتفطر جنا وتسمع كلاكس باص المدرسة تجرى جنا علشان تنزل ,
ماما تقول : هنقول ايه واحنا نازليين .
تفكر جنا وتقول : "بسم الله توكلنا على الله ولا حول ولا قوة الا بالله " وتنزل أوام وماتلحقش تصلى الصبح .
يعدى اليوم فى المدرسه ترجع جنا على بيتها تحضن ماما وتبوس ماماوتغير هدومها ,
ماما تقول : يالا ياجنا صلاة الظهر .
ترد جنا : حاضر يامامتى بس استريح شويه أنا .
وشويه ويأذن العصر وماتلحقش جنا صلاة الظهر ,
تزعل ماما وتقول : يالا ياجنا صلاة العصر .
تقول جنا : حاضر يامامتى بس اعمل الهوم ورك قبل ماأنسى أنا .
وشويه ويأذن المغرب وماتلحقش جنا صلاة العصر .
تزعل ماما وتقول : يالا ياجنا صلاة المغرب .
ترد جنا :حاضر يامامتى بس أصلى جعانه أنا .
وشويه وتأذن العشاء وماتلحقش جنا صلاة المغرب ,
تزعل ماما وتقول : يالا ياجنا صلاة العشاء
ترد جنا وتقول : حاضر يامامتى ,هصلى قبل مانام أنا .
وشويه وتنام جنا وتنسى تصلي جنا , ويوم يعدي ورا يوم وكل يوم ماتلحقش تصلي جنا ..
وفى يوم من الايام دخلت جنا اوضتها سمعت صوت حد بيعيط تدور هنا وهنا مش عارفه الصوت جاي منين ؟
نادت على ماما وقالت : يامامتى أنا فى صوت حد بيعيط هنا ؟
تدور ماما معاها فى كل مكان , وسمعت الصوت طالع من الدولاب فتحت الدولاب ودورت الصوت جاى منين تسمع ماما وتركز ماما تلاقى الصوت جاي من سجادة الصلاه , تستغرب ماما , تستغرب جنا .
تسأل ماما : أنتى بتعيطى ياسجادة الصلاه ؟
تقول سجادة الصلاه : اه بعيط وزعلانه وكمان زهقانه ؟
تسألها ماما: من مين زعلانه وكمان زهقانه ؟
ترد سجادة الصلاه : زعلانه من جنا .
تستغرب جنا وتسألها : منى أنا ؟ ليه ياسجادة الصلاه ؟
تقول سجادة الصلاه : كل يوم يأذن الآذان واستنا جنا تيجى تاخدنى ونصلى سوا , واستنا جنا علشان اطلع من الدولاب و نصلى فى المعاد , وصلاه تعدى ورا صلاه وأنا لسه فى مكانى هنا , واحشنى انى أقابل ربنا .

تسكت شويه وبعدين تقول : ربنا امرنا بالصلاه علشان بيحبنا وعايزنا نقابله فى اليوم 5 مرات , فى الصلاه بنشكر ربنا ,فى الصلاه بندعى ربنا , فى الصلاه بنقرب من ربنا , واحشنى انى أقابل ربنا , علشان كدا كنت بعيط وبدعى ربنا ان جنا تسمعنى هنا وتاخدنى ونصلى سوا .

وفجأه سمعت جنا ماما بتقولها :يالا ياأجمل بنوته يوم جديد ان شاء الله يكون سعيد .
فتحت عينها جنا وعرفت انها كانت فى حلم مع سجادة الصلاه .
فتحت دولابها وطلعت سجادة الصلاه وتوضت جنا وصلت صلاة الصبح قبل ماتعمل اى حاجه وقبل ماما تفكر جنا ...
ومابئتش جنا تسيب صلاه , ومابئتش جنا تأخر صلاه , وكانت مبسوطه فى الصلاه علشان بتقابل ربنا وبتدعى ربنا ..
وفرحت ماما وحضنت جنا وقالت : جنا أنتى كل الهنا وكل المنى , والأهم فرحة وحب ربنا ...


شيطان تخين ...الشيطان الرفيع والشيطان التخين ... بالصور...وشيطان رفيع...الشيطان الرفيع والشيطان التخين ... بالصور...


كانوا أصحاب وعلي طول بيتجمعوا مع بعض عند الشيطان الكبير بتاعهم عشان يشوف مين أكتر واحد شرير فيهم وبيعمل الشر وبكده الشيطان الكبير بتاعهم بيديهم جوائز وبيخليهم كمان يدربوا الشياطين الصغننين

...الشيطان الرفيع والشيطان التخين ... بالصور...
وفي يوم وهما مجتمعين بعد وقت كبير قوى وما شفوش بعض بقي واحد فيهم تخين وواحد رفيع
سألوا بعض ايه اللى عمل فيهم كده ايه اللى خلي التخين بقي تخين قوى والرفيع بقي رفيع قوى
...الشيطان الرفيع والشيطان التخين ... بالصور... ...الشيطان الرفيع والشيطان التخين ... بالصور...

فالتخين قال أنا قاعد عند ناس كل اما يجوا يأكلوا أو يشربوا مش بيقولوا بسم الله الرحمن الرحيم فأنا أقعد معاهم وأكل أكل كتير لحد اما اشبع وكل اما يجوا يمسكوا حاجة أو يلبسوا حاجة مش بيقولوا بسم الله الرحمن الرحيم فأنا البسها معاهم واستعملها معاهم وكل اما يجوا يناموا مش بيقولوا بسم الله الرحمن الرحيم فأنا أنام قبلهم في سريرهم واستريح وعشان كده كل شويه اتخن أتخن لحد أما بقيت كده
...الشيطان الرفيع والشيطان التخين ... بالصور...

وربنا زعل منهم والملائكه مشيت من البيت وانا اللى بقيت لواحدى معاهم

أما الشيطان الرفيع قال أنا بقي قاعد مع ناس كل أما يجوا يأكلوا أو يشربوا يقولوا بسم الله الرحمن الرحيم فأنا أبعد بعيد عن الأكل ومش أكل ولا أشرب وكل اما يجوا يمسكوا حاجة أو يلبسوا حاجة يقولوا بسم الله الرحمن الرحيم فأنا مش امسكها ولا ألبسها وكمان كل أما يجوا يناموا في سرايرهم يقولوا بسم الله الرحمن الرحيم فأنا ما أقربش من السرير وأفضل واقف مش أنام وعشان كده أنا بقيت رفيع كده

...الشيطان الرفيع والشيطان التخين ... بالصور...

وكمان ربنا بيحبهم قوى والملائكة علي طول قاعدة معاهم في البيت يدعوا لهم

...الشيطان الرفيع والشيطان التخين ... بالصور...

وعشان كده يا حبيبي يا حلوين اما نيجى نأكل أو نشرب او نعمل اي حاجة نقول بسم الله فربنا يحبنا والشياطين يبعدوا عنا وكمان يوم القيامة اما ربنا يجي يحاسبنا ويدينا كتابنا اللى مكتوب فيه الذنوب اللى احنا عملناها فنيجي نمسكه نقول بسم الله الرحمن الرحيم فربنا يقول لنا خلاص انا رحمان رحيم وانت دعيتنى بكده عشان كده انا غفرت لك وندخل الجنة يا حبيبي من غير ما نتحاسب

وتوته توته خلصت الحدوته حلوه ولا..................................
...الشيطان الرفيع والشيطان التخين ... بالصور...

اللى تعجبها تقيم اصل ابعت لها الشيطان اللى واقف بره البيت بتاعى عشان [فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد انا بقول بسم الله الرحمن الرحيم قبل أما أدخل الشقة فمش بيدخل معايااحلى ابتسامةاحلى ابتسامة


القطة الامورة اللى متعرفش انها جميلةوامورة كانت ماشية لوحدها شافت بوبى بوبيبيلعب بالكورة قالت الله البوبى ده جميل وبيلعب بطريقة جميلة هو انا ليه مش بوبى كان زمانى بلعب كده وامورة شبهه ياااااااااااااه يا رتنى كنت بوبى
مشيت القطة لقت سمكة فضية بتبلبط فالمية :s:رقص السمكقالت يااااااااااااااااااااااااااااااااااااااااااااااااا اااااااهلا مش معقولدى السمكة دى جميلة موت موت يا رتنى كنت سمكة لونى جميل كده واسبح فى المية والعب بئى يا خسااااااارة يا رتنى كنتسمكة اهى اهى
مشيت كمان لقت وردة ريحتها جميلة زهرة الزهورزهرة الزهورقالت يا سلام عالوردة ؟احلى حاجة فى الدنيا الوردة لو كنت وردة كان زمانى فرحااااااااااااااانة انا مش فرحانة عشان انا مش وردة يا رتنى كنت وردة
مشيت كمان لقت قرد بياكل موز رقص القرد:رقص الموزةقالت انا بحب الموز يا رتنى كنت موز لاء لاء يا رتنى كنت قرد والعب واتنطط زى القرد هو ليه يا ربى مخلتنيش قرد كان زمانى باكل موز اصل انا بحب الموز عاااااااااااااااااااااااااوااااع
مشت شوية كمان لقت دب بيلعبرقص البوبيرقص البوبيوبيتنطط قالت لاء لاء انا ولا عايزة ابقى ولا قرد انا عايزة ابقى دب مفيش احلى من الدب يا رب اصحى الصبح الاقى نفسى دب انا مليش دعوة انا عايزة ابقى دب اعمل ايه طيب
وفى الاخر لقت نفسها واقفة جنب زرع اخضر قالت الللللللللللللللللللللللللللللللللللللللللللله يا جمال الزرع انا بحب اللون الاخضر طب منا ممكن اعمل نفسى زرع اخضر ومسكت شوية زرع حطتهم فوق راسها وقالت انا زرع اخضر ايوة انا زرع اخضر راضية وسعيدةراضية وسعيدةراضية وسعيدةانا خلاص قررت ابقى زرع اخضر وهى بتكلم نفسها قعدت عالارض واتخيلت نفسها زرع اخضر وهوب نامت وهى بتحلم انها زرع اخضر وشوية لقت حد بيصحيها قالتباتاوب:قالت ميييييييييييين لقت خروف: وخروف خروفوخروفخروفتلاتة خروف افتكروها زرع اخضر عايزين ياكلوها قالت يا مااااااااااامااااااااااااااا الخروف هياكلنى يا ماما انا مش زرع اخضر انا اجمل قطة ومش عايزة ابقى زرع اخضر الحمد لله انى قطة وبعرف اجرى ومش زرع اخضر وهوب طلعت تجرى على مامتها وهى بتحمد ربنا انها مش زرع اخضر واتعلمت ترضى بشكلها وترضى بكونها قطة وتوتة توتة خلصت الحدوتة اللى ماما المختلفة مالفاها لسلمى القمر

كان يا مكان بنت امورة وشطورة اسمها ' عتيقة ' كانت عتيقة تلعب وتمرح كتتيييرر مع صديقاتها امال.ياسمين ويوم من الايام مرضت عتيقة ولم تستطيع النهوض من فراشها و لما اجو صديقاتها و نادولها مشان يلعبون معها رفض ابوها وقاللهم هي مريضة عشان هيك لازم تنام فتحيرو صديقاتها و قالت امال لياسمين انو لازم يروحو و يشوفوها و يشترولها بعض الاشياء بعدين وافقت ياسمين وقالتلها اوكيي هدية
وبكرا جابت ياسمين 16 جنيه و امال 16 جنيه راحو شترو اغراض لألها و اشترو ورد و راحو لعندا شوي شوي بعدين دقدقوو دق دق دق دق في بابها ودخلو حطتلهم امها قهوة و بسكويت واعطاوها الاغراض و الورد وزاروها تكلمو معها شنو الحادث ؟ وليش ؟ بعدين طمأنو عليها وراحوو بعد يومين اعادو زيارتها فوجدوها نائمة وبعد 3 ايااام جات عتيقة فرحانة للملعب تبع البنات لبست لباس حلو و راحو للمسابقة يلي خربتها عتيقة بسبب مرضها لبست عتيقة فستان وردي و ياسمين شورت و قميص زين وامال لبست ملابس سروال وقميص وغنو لعبو رقصو وعملو حفلة


ذات صلة:

*لينا* معجب بهذا.
افتراضي رد: قصص للاطفال قبل النوم
موضوع جميل جدا الله يعطيك العافية انها [فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد جميلة جدا وممتعة جدا حيث ان [فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد يحب ان يستمع اليها الاطفال والكبار ايضا حيث ان بها العديد من الحكم مثل هذه القصة الجميلة
كان يامكان قديم العصر وخالف الزمان
كانت احدى الاميرات تعيش فى قلعة ضخمة فى يوم من ذات الايام
الملك جاب هدية للاميرة فى عيد ميلادها ياترى كانت الهدية ايه
كُرة ذهبية وعايدها ابيها عيد سعيد يا ابنتى وشكرتها الاميرة
حبت الاميرة كرتها الذهبية وبدأت تقضى كل وقتها فى اللعب بها فى الحديقة
فى يوم من الايام خرجت ومعاها كرتها وبدأت تلعب بها وتقفزها للاعلى
اقتربت الاميرة من احدى البحيرات الصغيرة وفضلت تلعب بالكرة فى نفس اللحظة مقدرتش تلحق الكرة بعد ماقفزتها فى الهواء وبدأت الكرة فى الزحف بعيدا والاميرة تركض وراءها كرتى كرتى لكن الكرة كان تبتعد اسرع واسرع واخيرا وقعت كرتها الذهبية وغاصت فى اعماق الماء
صرخت الاميرة يا الهى
جلست الاميرة بجانب البحيرة وبدأت تبكى بيأس وفجأة سمعت صوتا
يقول لها اميرتى الجميلة لماذا تبكين .! التفت حولها لكنها معرفتش مصدر الصوت
لما نظرت بامعان ادركت ان الصوت جاى من الضفدع بجانب البحيرة قفز الضفدع ناحية الاميرة وسألها مرة اخرى بعد ما اقترب اكثر ما مشكلتك يا أميرتى الجميلة لماذا تبكين انها شكل عندما لقت الاميرة ضفدع ناطق كيف يحدث هذا
فقال لها الضفدع
حسنا ها انتى تتكلمى ايها لجميلة فقولى لى لماذا تبكين
استجمعت الاميرة نفسها وبدأت تحكى قصتها له
لقد سقطت الكرة الذهبية الذى اعطاها لى ابى فى البحيرة وهى الآن فى القاع
كيف ساستعيدها الان
اقترب الضفدع من قدميها وقدم لها عرضا
اميرتى الجميلة سوف اعيد لك كرتك لكنى اريد منك خدمة فى المقابل
كانت الاميرة تشعر بالفضول فقالتله : ماهى الخدمة
اذا ققبلتى ان نصبح اصدقاء فانا اريد ان اعيش معكى فى القلعة
فكرت الاميرة فى الامر ثم وافقت على العرض لذا قفز الضفدع فى الماء وغاب عن النظر بعد وهلة ظهر ومعه الكرة الذهبية والقى بها الى الاميرة
بعد حصول الاميرة على كرتها بدأت فى الرجوع الى القلعة وهى تشعر بالسعادة
ما ان لاحظ الضفدع ان الاميرة سترحل وتتركها خلفها حتى صاح يناديها
أميرتى الجميلة هل نستينى لقد وعدتى ان تاخذينى معكى الى القلعه
صاحت الاميرة من بعيد وهى تضحك وقالتله كيف يمكن ان يتصور ضفدع قبيح مثلك أن يعيش مع أميرة جميلة مثلى
تركت الأميرة الضفدع مكانه وعادت الى القلقعة
فى المساء جلس الملك والملكة والاميرة الى العشاء وبينما كانوا على وشك البدء فى تناول الطعام سمعوا طرقات على الباب
اخبرتهم الخادمة ان الضفدع قد وصل وقالت انه مدعو من قبل الاميرة ويطلب الاذن بالدخول
سال الملك ابنته وهو ومندهش : _ هل تريدين اخبارى عما يحدث يا ابنتى
فقالت الاميرة حسنا : ابى
فحكت الاميرة بشرح كل ماحدث ذلك الصباح عند البحيرة
فرد ابيها : اذا كنتى قد وعدتى الضفدع بوعد حتى يأتى لك بالكرة فيجب عليكى اذا أن تحفظى هذا الوعد
أمر الملك الخادمة أن تستقبل الضفدع بالداخل
بعد وهلة فتح الباب الضفدع الصغير وتوقف بجانب طولة العشاء
وقال مساء الخير عليكم جميعا وشكرا لك ياملكنا لسماحك لى بالدخول
بقفزة واحدة كبيرة هبط الضفدع بجانب الطبق الخاص بالاميرة فنظرت له الاميرة بعدم رضا أمر الملك باحضار طبق للضفدع ولكن الضفدع استوقفه : ليس هناك داعى لطبق اضافى يمكننى أن اتناول الطعام من طبق الاميرة
بدأ الضفدع يأكل من طبقها وكانت الاميرة غاضبة منه بحق ولكنها فكرت انه سيرحل بعد العشاء على اى حال لذا لم تقل اى شىء ولكن لم يكن الضفدع ينتوى الرحيل بعد العشاء وما ان تركت الاميرة الطاولة حتى تبعها الى غرفتها
مر الوقت وبدأ الضفدع يشعر بالنعاس
فقال للاميرة اميرتى انا حقا اشعر بالنعاس هل لديكى مانع النوم فى سريريك
لم يكن للاميرة خيارا الا أن توافق خوفا من اغضاب ابيها
قفز الضفدع على سريرها ووضع رأسه على وسادتها الناعمة وفى محاولة منها لاخفاء غضبها ركضت الاميرة بجانب الضفدع ونامت
فى الصباح قام الضفدع بايقاذ الاميرة
وقالها بتلحين صباح الخير اميرتى الجميلة لدى أمنية اضافية عندك اذا قمت بتنفيذها سأرحل على الفور
بمجرد سماعها بقرب رحيل الضفدع القبيح كانت الاميرة فى غاية السعادة دون أن تظهر ذلك
حسنا تفضل ماذا أيضا
نظر الضفدع فى عينيها وقال أريدك أن تقبلينى يا أميرة
قفزت الاميرة من سريرها وهى فى شدة الغضب
كيف تجرأ هذا مستحيل
اختفت البسمة من وجه الضفدع وسالت الدمع على خده
فكرت الاميرة لوهلة ما المشكلة فى قبلة صغيرة واحدة ببساطة أنا لا اراه مجددا
وهكذا قامت الاميرة بتقبيله بمجرد قامت الاميرة بتقبيله غمرت الاوضة ضوء ابيض لم تستطع الاميرة رؤية اى شيئا بسببه وبعد وهلة اختفى ذلك الضوء
بدأت الاميرة ترى مرة اخرى ولكن هذه المرة لن تستطع تصديق عينها فالمكان الذى كان يقف فيها ضفدع كان هناك رجلا وسيما للغاية بدلا منه
كانت الاميرة منبهرة لما تراه لم تكن تصدق عيناها لذا فسألت من أنت ؟ وماذا حدث للضفدع الذى كان يقف هنا
اميرتى الجميلة انا امير بلاد بعيدة القت عليا سحر الشريرة لعنتها وحولتنى الى ضفدع ولكسر تلك اللعنة كان عليا ان اقضى يوما بجانب اميرة واحصل على قبلة منها وبفضلك نجوت من ابقى ضفدع الا الابد
كانت الاميرة مندهشة ولكنها كانت سعيدة ايضا بما سمعته
وذهبت كليهما بجانب الملك واخبراها بكل شىء
فقال لها ابيها الملك :_ يجب أن يكون هذا هو الدرس الثانى الذى علمك اياه الضفدع ابنتى العزيزة لا يجب أن نقيم اى شخصا من مظهره فقط ونحكم عليه بدون معرفة الحقيقة الكاملة
قام الملك باستضافة الأمير لعدة ايام اخرى بقلعته وذهبا الامير مع الاميرة بجانب البحيرة حيث التقتا اول مرة
اميرتى هل تقبيلن الزواج بى والذهاب معى الى مملكتى
ابتسمت الاميرة وأوت موافقة على عرض الامير
وفى هذه اللحظة كسر الصمت صوتا ما
التفتا واخذ يبحثان عن مصدر الصوت
كان هناك ضفدعا بجانب البحيرة ينظر اليهما حبسا انفاسهما وانتظراه حتى يتكلم ولكن هذا لم يحدث وبدأ الاثنان يضحكان والامير قال للضفدع لا تقلق ايها الضفدع الصغير انا متأكدة انك ايضا ستجدك اميرتك الصغيرة يوما ما وضحكا مرة اخرى
بعد مدة صغيرة تزوجا وعاش فى سعادة ذهبية.



*لينا* معجب بهذا.
افتراضي رد: قصص للاطفال قبل النوم
روعه روعه روعه روعه👍 ومن
غير اى مجاملات موضوع
نال إعجابي جدا انا قرأت
جنا وسجادة الصلاه
وهنفذها بإذن المولى وقصة السمكة
مع مامتها يسلمو ايدك
على المجهود التربوى الراقى🎀
لك منى جزيل الشكر
وليا عوده مرة أخرى
لتكملة القراءه للاستفادة
تقديرى واعجابي👑



مواقع النشر (المفضلة)


قصص للاطفال قبل النوم


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع