الإهداءات
نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله    

خطيبى يعود ويطلب ماء استخاره

قائمة الاعضاء المشار إليهم :

افتراضي خطيبى يعود ويطلب ماء استخاره


السلام عليكم
انا احلامى من النوع اللى بتتحقق واحلام ليا كتير اتحققت فعلا الحمد لله
انا كان متقدملى شخص الشخص دا كان زميلى ف الكليه وكان فيه اعجاب بينى وبينه و بعد التخرج فعلا اتقدم ليا لكن تانى يوم قرايه الفاتحه حصل اختلاف فى الاتفاقات مامتى اتصلت بيهم كانت عايزه تجيب حاجه بدل حاجه فهما تقريبا معجبهمش ومحصلش نصيب بس من طرفهم هما
دعيت ربنا كتير برجعهم وان ربنا يجعلى فيه نصيب
حلمت احلام كتير برجوعهم زى
حلمت :
ان كنت نايمه ولقيت ماما جايه بتصحينى وبتقولى احمد ( الشخص اللى كان متقدملى ) و باباه و مامته رجعوا تانى
فانا مصدقتهاش افتكرتها بتهزر فقومت ولقيتهم جم فعلا فلقتنى بكلم حد ف التليفون الموبايل زى ما يكون بكلم صاحبتى وبقولها
" ماما لقيتها بتصحينى بتقولى انهم رجعوا وانا افتكرتها بتهزر ببص لقيتهم رجعوا فعلا "
بعدها شفت احمد دا قاعد وباباه ومامته و بابا (متوفى ) قاعد ومعاه زى كتاب او جرنال مش فاكره و بيبص فيه
فانا دخلت المطبخ عشان اعملهم شاى قلت اجيب الكاتيل اعملهم فيه وبعد ما غليت المايه قلت الكاتيل جديده فعشان المايه تكون حلوه و مايكونش الشاى كارف لازم اغلى مايه فيها الاول وارميها بعدين اعمل المايه بتاعت الشاى عشان المره اللى فاتت لما هما جم وعملتلهم شاى مكنش مظبوط وخفيف المره دى هظبطه (دا حصل ف الحقيقه ) و فعلا رميت المايه اللى اتغلت عشان احط فيها مايه جديده والشاى يكون مايته حلوه و مش كارف وشفت نفسى زى ما يكون بصب الشاى الجديد وقاعده بزوق الكوبايات الشاى بقهوه او بحاجه كده زى الكابيتشينوا لما بنزوقه بقوه فوقيه
بعدين نزلت قلت هشترى كابيتشينوا اعملهولهم وانا نازله وبشترى اكياس الكابيتشينوا لقيت ان المحلات كلها مقفوله نصها كده و لما سألت هما قفلين ليه قالولى عشان بيصلوا دا وقت صلاه ولقيت محل فيه 3 بنات واقفه بتبيع وجيت اشترى منهم ببص ع اكياس الكابيتشينوا كانت طويييله اوووى عامله زى اكياس المومب بتاع العيد فاستغربت لشكلها بس قلت اكيد دى الاكياس الجديده واشتريتهم فعلا وروحت
بعدها وانا واقفه ف المطبخ لقيت ماما بتندهلى وبتقولى احمد عطشان عايز يشرب هاتيله مايه قلتلها حاضر رحت اجيب كاس المايه
زى ما يكون هما بعد ما مشيوا المره اللى فاتت يوم الفاتحه شيلت كبايه المايه اللى شربوا فيها ومدلقتش المايه منها لا شيلتها زى ما هيا
فلما رحت اجبها المره دى لقيت الكبايه زى ما هيا بالمايه اللى فيها بس الكبايه متربه شويه من كتر الركنه وخدتها ودخلت المطبخ وقعدت اغسل فيا بالصابون عشان انضفها اوووى و قعدت فتره بغسلها لقيت ماما بتندهلى تانى احمد عايز يشرب قالتها 3 مرات فانا بصتلها قلتلها طيب حاضر بعملها اهو فضحكتلى ولقيت احمد قاعد جنبها فضحكلى وانا ضحكتله بعدها لقيتنى انا واحمد واقفين جنب بعد وزى ما يكون نازلين نعمل حاجه فبقول لنفسى المره دى الموضوع هيكمل و مش هيبوظ طالما هما رجعوا تانى وكمان بابا المره دى هو اللى موجود وبيتفق وقاعد معاهم وصحيت ع كده

والدى متوفى فانا لما الموضوع باظ اتمنيت ان بابا كان يكون موجود ف الاتفاقات عشان كان فاهم فيها وهيقدر يظبتها


وحلم تانى زى :
حلمت ان باباه ومامته راجعين و قاعدين مع بابا و ماما وبيتفقوا على الاتفاق تانى و انا كنت ف المطبخ زى ما يكون بعملهم حاجه يشربوها وبعد ما مشيوا رحتلهم بسألأ بابا عملتوا ايه وكده و لقيت ف ايده ورقه زى ما يكون كانوا بيكتبوا فيها الاتفاقات دى وكده قالى هو قالى هيفكر ويرد عليا وزى ما يكون باباه قال لبابا حاجه بخصوص حسابى اللى شايلاه ف البنك بس مش متزكره ايه هو بس قالى كان شكلوا مرتاح وهيوافق وكده متقلقيش وكانت موجوده مرات عمى اسمها امال بس مش فاكره هى اللى قال شكل باباه كان مرتاح وهيوافق ولا بابا مش فاكره وصحيت

وحلم تانى :
حلمت ان باباه قعد مع بابا بيتكلموا ف الاتفاقات و هو جالس معايا ف الغرفه بتاعتى وكانت ماما بتروق الشقه وبتنضفها كانت شقتنا ف الحلم مكركبه واحنا بنروقها يعنى و زى ما يكون هما اتفقوا وشفتهم وهما ماشيين وكده وصحيت


فدا معناااااااااااااااه ايه ؟؟؟؟؟؟

- الحالة الدينية لك ولمن معك فى الرؤية :
انا و ماما مواظبين ع الصلاه وتلاوه القران الحمد لله
احمد وباباه ومامته اللى اعرفه انهم بيصلوا و كان باباه ومامته حجوا قبل كده

- اسماء من فى الحلم وعلاقتك بيهم :
انا وماما وبابا و هو متوفى
و الشخص اسمه احمد و باباه اسمه محمد و مامته اسمها منال

- حالتك الاجتماعية :
انا انسه و احمد عازب حتى الان

- هل أنتى موظفه ؟
نعم

- هل أنتى حامل ، أو تنتظرين حمل ؟ لا

- هل تعانى من اى هموم او ارق قبل النوم ؟
نعم ف هموم و ف كرب شديد بعد موضوع الانفصال و بدعى كتير انهم يرجعوا

- هل ترقين رقية شرعية ام لا :
اوقات كتير بسمع للرقيه الشرعيه و بقرا سوره البقره و يس و المعوزتين

- حلم عادى ام استخارة ؟
استخاره وكنت اصلى كتير وادعى ربنا يورينى رؤيا حق برجوعهم او لا


ذات صلة:

التعديل الأخير تم بواسطة احلام مستغانمى ; 09-16-2015 الساعة 01:36 PM
افتراضي رد: خطيبى يعود ويطلب ماء استخاره
حلمك في المكان الخطأ !
تفسير الاحلام تتم في هذا القسم فقط تفسير الاحلام - منتديات كريزى مان 2015

مع كتابة البيانات وتطبيق التعليمات http://www.crezeman.com/vb/t151268.html

افتراضي رد: خطيبى يعود ويطلب ماء استخاره
شكرا جزاكى الله خيرا حبيبتى

افتراضي رد: خطيبى يعود ويطلب ماء استخاره
الشكر لله تعالي



مواقع النشر (المفضلة)


خطيبى يعود ويطلب ماء استخاره


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع