الإهداءات
Gṏ£ÐëȠ βṏϔ من دبي : بمسي علي كل اخواتي وحبايبي اللي فكرني وحابب اقولهم كل سنه وانتوا طيبين     abdo@ من بني سويف : كل سنه وكل اخواتي طيبين     نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله    

الداية والحانوتى

قائمة الاعضاء المشار إليهم :

عدد المعجبين100الاعجاب

New الداية والحانوتى
شخصيات المسرحية
النجم المتالق
( سمسم )
فى دور عبدالواحد الحانوتى والنجمه المتالقه
( ريم )
فى دور فوزيه الداية والفنان العظيم
( طارق )
فى دور ابو العربى صاحب ورشة
_ وقعت إحدى ذراعيه فى الحرب وأغلق الورشة والنجم الشاب
( تيتو )
فى دور العربى ابن ابو العربى
ومع نجمة الزمن الجميل النجمه( لينا )
فى دور أم فاتن بائعة كشرى جائلة
ومع النجمه الشابه ( جوجو )
فى دور الدكتوره فاتن
ومع النجم الاسطورى ( علاء لوشا ) فى دور المعلم كرشة الجزار
ومع الفنان( علاء افندينا )
فى دور مصايب صبى الحانوتى
ومع الفنان( عبدالجواد )فى دور بيبسى صاحب مقهى الشعراء
ضيوف الشرف الفنان
( تركى )
فى دور ليفه المغسل الفنان
( حسام )
فى دور الشيخ أحسنت المقرئ والفنانه
( هديل )فى دور ام قويق الندابة

باقى الشخصيات شخصيات ثانويه

مثل المهندس تيخا الدكتوره فاطمه الدكتوره


زينب صاحب مصنع شركة ايبكو &
الرجل العجوز جدا &
والمراه العجوزه جدا& سيده الحامل


زوج السيدة الحامل
زباين المقهى سيدة عاقر
الداية والحانوتىالداية والحانوتىالداية والحانوتى

المشهد الاول

حياه وفراق دخول المهندس
تيخا
ثم الدايه *فوزيه*


المهندس تيخا: اذيك يا فوزيه اخبارك ايه انتى وحشنى اوى
فوزيه : الحمد لله تمام ومتشفش وحش ياخويه
تيخا : اخوكى ايه انتى بتكلمينى كدا ليه فوزيه : ايوه اخويه انتى مبتتعبش
ولا ايه قلتلك ميت مره مفيش حاجه اسمها جواز
تيخا انتى بتقولى ايه انا بحبك بجنون ونفسى اتجوزك

وانا المستقبل ادامى كبير ولسه سنى صغير
فوزيه : تيخا انا شبعت من الكلام ده منك
بس من الاخر انا مش عوزه واحد عويل

عوز مراته تصرف عليه ومعندوش غير الكلام وخلاص
انا عوزه راجل يصرف عليه

ويكون هيبه كده ويكون شخصيه موزونه ويكون راجل بجد مش عيل
تيخا : انا عيل دا انا حبيتك وكل دقه فى قلبى بتقول بحبك بس اقلك انا عارف
موضوع عبدالواحد روحى ربنا يسهلك
ويرزقك من وسع بس هقلهالك كلمه بكره هتندمى

يافوزيه وهتشوفى المهندس تيخا هيبقا ايه
فوزيه : هتبقا فاشل ومش نافع فى حاجه وعبد الواحد ده برقبتك ( تهم بالذهاب)
تيخا : يبكى بشده وبصوت مرتفع بحبك يافوزيه وعشان خاطر حبى ليكى
هخليكى تندمى ثم تدخل الدكتوره فاطمه والدكتوره زينب وصاحب مصنع
شركة ايبكو الدكتوره فاطمه : انتى بتبكى ليه تيخا : فوزيه سبتنى
زينب : وايه ياعنى انتى راجل ولزم تكون شديد وتوجه الظروف وتتحدها
فاطمه : مكانك فى المصنع لسه موجود ياله تعالى اسبت نفسك فى الشغل
وخليك انجح انسان فى الكون خلى البلد تتكلم عنك انتى اول واحد تخترع
علاج سريع للخلف بدون جراحه صاحب المصنع : قوم معايه وحت ايدك
فى اديه وفى خلال 10 سنين هتمسك مصنع المانيا احنا حطين املنا فيك
تيخا : اشمعنا انتم بصين ليه كده انى يعنى ناجح وهى بصلى انى انسان تافه
فاطمه : بص هى بصالك من الحاضر مش بصه لمستقبلك من كلامك هيا
عوزه انسان كامل تتبها بيا ادام الناس كلها
يعنى واحد جاهز وده هيكون عنده 50 سنه

انتى المستقبل ادامك وبئلك بكره هيا هتندم لما كل المديا تكلم عنك تيخا
_ صاحب المصنع _ فاطمه _ زينب فى صوت واحد
( بكره هنبنى مستقبلنى وهنكون عظماء بمجهودنا )

(يسدل الستار )



المشهد الثانى استعراض



: فوزية الدايه وعبد الواحد الحانوتى
ورحلة الانسان من الميلاد الى الموت

بناكل القمة بطلوع الروح
أمام الستار قبل أن يرفع
وبعد نهاية الاستعراض من على
خشبة مسرح كريزى مان

لوحة كفاحنا ..


عنوان نجاحنا الحانوتى : ( الى فوزيه الدايه ) ياساتر بناكل اللقمة بطلوع الروح

فوزية الداية : اه بس طلوع الروح للدنيا غير طلوعها من الدنيا والداية غير الحانوتى
الحانوتى : ماتفرقش واذا كان قصدك على عمر البنى ادم بيعدى كانه ماكنش وحياتك
وغلاوتها عندى
فوزية الداية : مالكش دعوى بحياتى
الحانوتى : ياولية أنا حانوتى مش قابض أرواح
فوزية الداية : تشرفنا مااسخم من ستى الاسيدى بالاذن ماعطلكش ( تهم بالذهاب )
الحانوتى : على فين ؟ فوزية الداية :الوقفة معاك تقصر العمر الحانوتى
شئ يسرنا
فوزيه الدايه : ايه الحانوتى : باقول كنت عايزك
فوزية الداية : اصبر ياخويا أما أموت
الحانوتى : مش طالب جثتك
فوزية الداية : وهو الحانوتى بيعوز ايه غير كدا
الحانوتى : ( يغازلها ) القرب طالب ايدك
فوزية الداية : بس وهاتعمل بيها ايه انشاء الله

الحانوتى : أعمى مثلا وحاتعدينى طريق ، شحات وحاقول بيها يامحسنين
، ولا يكونشى عايز ادفنك حته حته
فوزية : ياختى ومالك زرزرت كدا ووشك احمر زى لحم المولود
الحانوتى : أقولك ايه بس ، واحد طالب ايد واحدة بيبقا معناها ايه
فوزيه : لما الواحد يكون حانوتى والواحدة داية لازم استغرب عمرها
ماحصلت ياأولاد
الحانوتى : وليه لا؟ للضرورة أحكام أكل العيش ، انت تستقبلى وانا أشيع
والله جاب والله خد
فوزية : الله يرزقنا احنا الاثنين
الحانوتى : رزق دايم ومضمون
فوزية الداية : لا الناس حاتبطل خلفه
الحانوتى : ولا الموت يوم حايغلى ، قلتى ايه ؟
فوزي الداية : افكر
الداية والحانوتىالداية والحانوتىالداية والحانوتى

فاصل اعلانى
( انتى فى كريزى مان هتبقى ديماً فى امان

هتلقى احلى اخوات واحلى صحبه عليك بس
انك تجتب فى جوجل منتديات

كريزى مان ، هتلقى احلى صحبه واحلى اخوات
وكل الى انتى بتحلم بيه

هتلقيه اكتب ياله الموقع وادخل نو ) [فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

الداية والحانوتىالداية والحانوتىالداية والحانوتى

عدنا (الزواج)
المسرح : فى منزل الزوجين ..
يكفى خلفية سوداء .. موسيقى فرح حزينة


.
فوزية الداية : جوازة دى ولا جنازة ياعبدالواحد لازغرودة طلعت من حلقوم
ولا ايد دارت بكوباية شربات
الحانوتى : ومين قالك ان الفرحة بالشربات والزغاريد
فوزية الداية :أمال الموت بس هو اللى باللطم والصويت
الحانوتى : ايه اللى دخل دى فى دى ياولية
فوزية : اللىجوزنا لبعض
الحانوتى : الفرحه فى القلب ( بصوت منخفض ) الهى قلبك يقف
مايلاقى حد يزقه
الدايه : بتشتمنى داللى كان ناقص
الحانوتى : نقص عمرك وحل قدرك ياشيخة
فوزية :وكمان بتدعى علي ايوه كده اظهر على حقيقتك
الحانوتى : طباخ السم بيدوقه وانتى متجوزة حانوتى يعنى أدعى عليكى وعلى
ابوكى كمان ، عديها بقى خلي روحك حلوة أمال انا باضحك معاكى ، ماتعكننيش علينا
فى ليلة زى دى والاانتى نسيتى ان الليلة دخلتنا اقولك نكته؟
فوزية الداية : حاتعرف
الحانوتى : الا أعرف ، اسمعى ياستى واحد حانوتى أتجوز واحدة قضو شهر
العسل أربعين يوم فوزية الداية : وطلقها امتى الحانوتى: فى السنوية
فوزية الداية : هو انا اتعميت ولا انت طافى النور (حيث ان الاضاءة ضعيفة جدا )
الحانوتى : ان كان عالنور قايد وملعلط
فوزية : كدا قايد الحانوتى: ولا الشمس
فوزيةالداية : حسبى الله ونعم الوكيل فيك مستخسر تقيد النور فى ليلة فرحك
أنا اللى جبته لنفسى ، صحيح يالولاد ساعة القدر يعمى البصر والداية تتجوز حانوتى
الحانوتى : وماله الحانوتى مش هو اللى بيكرمكوا لما تتكلوا
فوزية الداية : خلاص ياخويا ماتكملش ،هى ليلة سودا من اولها
الحانوتى : (يغازلها ) وهو فى أحلى من السواد والضلمة مش حندخل جوه
فوزية الداية : إيه جوه فين ؟ الحانوتى : شوف ياخويا لؤم النسوان ، أوضة النوم ،
عروسه وعريس نلعب ليلة الدخلة فوزية الداية : ( تجر أقدمها للداخل )
الحانوتى : مالك ياولية مرعوشة كدا زى اللمى مايكون داخلة لعزرائيل
( يدخلان )
الداية والحانوتىالداية والحانوتىالداية والحانوتىالداية والحانوتىالداية والحانوتى

فاصل اعلانى ( انتى فى كريزى مان هتبقى
ديماً فى امان هتلقى احلى اخوات

واحلى صحبه عليك بس انك تكتب فى جوجل
منتديات كريزى مان ، هتلقى احلى صحبه

واحلى اخوات وكل الى انتى بتحلم بيه
هتلقيه اكتب ياله الموقع وادخل نو )

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد
الداية والحانوتىالداية والحانوتىالداية والحانوتى

عدنا ليلة الخلة
فوزية الداية : ( تصرخ بشدة ، تخرج من حجرة النوم فى حالة هلع ورائها عبدالواحد )
الحانوتى : مالك ياولية .. ؟ فيه ايه ؟
فوزية الداية : أوضة نوم ولا تربة دى يا سمسم ؟
الحانوتى : يكونش قاصدك عالجماجم والهياكل العظمية دى شوية قطع غيار
بنى ادمين كدا لزوم الشغل فوزية الداية :
تتاجر فى الميتين الحانوتى : والعايشين كمان وحياتك

فوزية : قلتلك مالكش دعوى بحياتى الحانوتى : ماخلاص بقا خلصت روحك
من جسمك مع أنى حادفنك ببلاش . تعالى هنا ( يحملها ) وحدوه ما دايم الاوجه الله
( يهم بدخول الحجرة ، طرقات على الباب ، لايدخلان ) دا وقته ، ايوه طيب ( يفتح )
( تدخل سيدة حامل على وشك الولادة )
السيدة : الحقينى يافوزية ،حاولد ، بسرعه ا.......ه فوزية الداية : تعالى يااختى
، بالراحة استندى على ( تدخلان إحدى الحجرات ) الحانوتى : حبكت
فوزية الداية : ( اثناء حركة الولادة )ملتقدرش تستنى ، سخن شوية ميا ، بسرعة .
الحانوتى : ( يحضر المياه ) يا سلام كده لو ايديكى تطبش وتباصى لى المولود أو أمه
، تبقى ليلة أنس (طرقات على الباب ، يفتتح ، يدخل رجل مندفعا )
الرجل : فين ؟ راحت فين ؟ انطق
الحانوتى : هى مين الرجل : مرات اخويا ، انا مراقبها ، جات هنا تولد
الحانوتى : تاك البلا ، اترزى هنا استناها ، بحسبك عايزنى
الرجل : ما أنا فعلا عايزك الحانوتى : عايزنى ولا عايز اللى بتولد جوه ؟
ولا عايز إيه بالظبط ( نسمع صرخات الولادة من الداخل )
الرجل : دفنة صغيرة كده عالماشى ، بس ايه ،
لامن شاف ولا من درى الحانوتى : عيل صغير يعنى

الراجل : حاجة زى كدا
الحانوتى : البقية فى حياتك اخدها من قاصدها واهو كدا كدا ميت اغير بس هدومى
، اقولك ، سيب لى العنوان وأسبق انت الرجل : مستنيك هنا بسرعة ، بسرعة
الحانوتى : طيب ، بس ماتزقش ، باين عليه مستعجل قوى ، استريح ، يريحك ربنا
( يدخل الحجرة ويخرج سريعا ) هيه يلا بينا الجلابية بالمقلوب ، مش مشكلة الرجل : على فين ؟
الحانوتى : عالجثة الجل : هنا ، الجثة هنا ...
الحانوتى : وبعدين بقا ( نسمع بكاء المولود ) الرجل ( مشيرا الى الصوت ) الجثة
، مش سامع صوتها ( يخرج مسدسا يهدد عبدالواحد ) يلا هاتها علشان ندفنها
الحانوتى : ياعم دا مولود مش ميت الرجل : وبعدين بقا ، اسمع الكلام ، بسرعة
، وإذا أمه فتحت بقها ندفنها جانبه .
الحانوتى : وقال الليلة دخلتى غطونى وصوتى يامه

الرجل : يلا بسرعة
الحانوتى : نتفاهم بس الرجل : مانتفاهمش
الحانوتى :اعرف بس ايه الموضوع
الرجل : ماتعرفش
الحانوتى : اكيد ورث كبير وخايف يروح منك ،
حاكم أنا مرت على مواضيع زى دى كتير

، افتكرتك ،لسه دافن أخوك قريب ، مش انت برضه وريثه الوحيد ، ايوه انت
، اففتكرتك بالامارة الناس كانت بتعزى لكن بينها وبينك بتبارك لك
الرجل : طلع متجوز عملها قبل ما يموت ...، فى السر
الحانوتى : خايف منك . الرجل : لقيت عليه بنت الــ.
اتجوزته من ورايا علشان تخلف الولد

، وتورثه ، وانا اخد بمبه ، زنبة، المهم خلصنى واللىأنت عايزة حاتاخده
فوزية الداية : الحقنى ياعبد الواحد الحقنى ، مات الواد فى أيدى مصيبة حانعمل ايه؟
الرجل : بتقولى مات .. فوزية الداية : أنت مين ياراجل أنت
الرجل : مش مهم ، المهم أن الواد مات ، متأكدة؟
فوزية الداية : أدخل شوف بنفسك ، أنت جوزها ؟
الحانوتى : دا بقى ...
الرجل : خلاص خلاص مالوش لازمة ( يهددهم )
مش عايز حد يعرف أنى جيت هنا فاهمين.

الحانوتى : الحلاوة؟ الرجل : بعد ماتدفنه عدى على ( يذهب )
الحانوتى : براوهعليكى يافوزيتى ، اهو كده أنت صحيح مراتى ، ناولينى
بقا العيل علشان ادفنه فوزية الداية : تدفن إيه يامنيل ، أنت صدقت ، أنا قلت كدا بس
، من ستر ربنا حكت لى انه جاى وراها عشان ياخد العيل ،
ووقعت فى عرضى أنى أنقذها ، عملت اللى أنت شفته ، ومن ستر ربنا أنه صدق
الحانوتى : يابنت الايه وحلاوتى اللى هاخدها منه
فوزية الداية : دا بس اللى يهمك الحانوتى : الله .. رزق وربنا بعتهولنا
نقول له لأه، إسمعينى أنا حاساومها واللى يدفع أكتر حاأمشى مصلحته
فوزية الداية : ياساتر أنت أيه ؟ الحانوتى : حانوتى .. يلا
فوزية الداية : ايه ؟ الحانوتى : أيه نسيتى الليلة دخلتنا ، ولا إيه ( يحملها )
ياقوى ، وحدو ه ( طرقات عالباب ) وبعدين بقا ,
الظاهر أن وشنا حلو على بعض

( يفتح )
زبون : الحقينى يافوزية ، الحقنى ياعبدالواحد .
الحانوتى : ماترسى على بر يا جدع أنت مين اللى يلحقك أنا ولا هى ؟
زبون : أنتوا الاثنين . الحانوتى : وقال الليلة دخلتنا
قال زبون : ( إالى فوزية) مراتى بتولد
فوزية الداية : مبروك ياخويا ألف مبروك تقوم بالسلام
زبون : ( الى عبدالواحد ) وأبويا بيموت
الحانوتى : البقية فى حياتك مقدما يموت بالسلامة
زبون : ومش عارف أفراح ولا أزعل الداية
والحانوتى : افرحزعل
زبون : ازاى يعنى الداية والحانوتى : كدا زبون : لو ولد حاسميه على اسم أبويا
فوزية الداية : ولو بنت زبون : برضه حاسميه على اسمه ، علشان مايتقطعش
اسمه من الدنيا
الحانوتى : وهو ابوك اسمه ايه ؟
زبون : عطية
فوزية الداية : ربنا يستر وما تجيش بنت ( إظلام )
الداية والحانوتىالداية والحانوتىالداية والحانوتى

فاصل اعلانى
( انتى فى كريزى مان هتبقى ديماً فى امان
هتلقى احلى اخوات واحلى

صحبه عليك بس انك تجتب فى جوجل
منتديات كريزى مان ،

هتلقى احلى صحبه واحلى اخوات
وكل الى انتى بتحلم بيه هتلقيه

اكتب ياله الموقع وادخل نو ) [فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

الداية والحانوتىالداية والحانوتىالداية والحانوتى


عدنا صباحية
مباركة فوزية وعبد الواحد عائدان من الخارج
فوزية الداية : واحد جاى الحانوتى : وواحد رايح ، واهى ماشية الدنيا على كدا
، وقال الليلة دخلتنا قال ..؟ فوزية الداية : تعبت قوى وعايزه أنام
الحانوتى : تنامى مين حاندخل يعنى حاندخل ( يحملها ) وحدوه أصوات
من الخارج : وحدووووووووه صباحية مباركة ياعريس ( همهمات فى الخارج )
الحانوتى : دى الفرقة وجايين يصبحوا إحنا بقينا امتى
فوزية : الصبح ، صباح الخير الحانوتى : أنهى ؟
فوزية الداية : انهى إيه ، باأقول صباح الخير ، صباح الخيررررررر ياراجل
الحانوتى : بتاعى ولا بتاعكم ؟
فوزية : خير ربنا
الحانوتى : ماهو خير ربنا عندى تموت الناس ولو تقصدى كدا يبقى صباح
الفل وتنشالى عالاكتاف الداية : أنا إيه اللى كان شدنى من لسانى وصبحت عليه
الحانوتى : مالكيش أنتى ياداية فى صباح الحانوتية ، دلوقتى تشوفى وتسمعى صباح
الحانوتية على أصوله . ( يفتح الباب ) ( تدخل فرقة الحانوتية ) مصايب
( صبى الحانوتى) : إنا لله وإنا إليه راجعوان ( يسلم )
الشيخ أحسنت : شد حيلك ( يسلم ) االمقرئ ) : حىى ( يسلم ) ليفه
المغسلاتى : كلنا لها أم قويق ( الندابة ) : يالى مكانش يومك ياخويا جميعا
: أمال فين الجثة..؟ الحانوتى : ( إلى فوزية ) قصدها العروسة . أهى ،
صبحوا عليها وعرفوها بنفسكم ( يبدأ الجميع فى مباركة العروسة)
مصايب :صباح المصايب والبلاوى الزرقا تتحدف عالناس من كل جانب
، صباح الحروب والموت شرق وغرب شمال وجنوب
الحانوتى : مصايب ، صبى ودراعى اليمين ، اسم على مسمى وشه كان حلو
على أهله ، أتولد من هنا وماتوا كلهم من هنا ، أصله مواليد الزلزال ، ربك
والحق مالقيش أحسن منه أشغله عندى صبى حانوتى.
ليفة المغسلاتى : صباح أسود ومنيل ، صباح زفت وقطران .
الحانوتى : ليفه المغسلاتى ، أنضف شخصية فى البشرية وهو اللى
بيخليكم تقابلوا ربنا نضاف
ليفة المغسلاتى : من بره بس يامعلم مش من جوه وإلا كان سعرى يساوى
الجنة
أم قويق الندابة : يالهوى ، ياخرابى ، ياحبيبتى يا أختى ، ياللى اتخطفتى
فى عز شبابك ياختى
فوزية الداية : خلاص ياولية حاتندبى لى على الصبح يخرب بيتك
، موتينى على نفسى وأنا واقفة
الحانوتى :
أم قويق الندابة بتقولك صباحية مباركة ياعروسة

فوزية الداية : عروسة إيه بقا يلا حسن الختام الشيخ ( المقرئ ) أعوذ بالله
من الشيطان الجيم ، بسم الله الرحمن الرحيم وكل نفس ذائقة الموت .
فوزية الداية : خلاص يااخويا صدق الله العظيم ، خلاص ياأخوانا انتو جايين
تباركو ولا تعزوا ..؟ إيه ياعبدالواحد دى أشكال تدخلها على عروسة فى صباحيتها
الحانوتى : صباحيتها خليها فى سرك ثم مالها الاشكال دى
فوزية الداية : أشكال تقطع الخلف الحانوتى : ومين قالك خلفى
فوزية الداية : يانهارك أسود الحانوتى : يبقى ابيض
فوزية الداية : ومش عايزنى اخلف كمان ، داية وماتخلفش
الحانوتى : أصله حايطلع حانوتى وأول مايتمنى موتى
فوزية الداية : روح ياشيخ يارتها كانت سقطت فيك قبل ما تولدك
الحانوتى : هى مين ؟ فوزية الداية : أمك (( اخرتها الترابية ))
من اللى كانت بتعمله فى الناس ماتت ماحدش قال الله يرحمها فاصل اعلانى
الداية والحانوتىالداية والحانوتىالداية والحانوتى
( انتى فى كريزى مان هتبقى ديماً
فى امان هتلقى احلى اخوات واحلى صحبه
عليك بس انك

تكتب فى جوجل منتديات كريزى مان ،
هتلقى احلى صحبه واحلى اخوات وكل الى انتى

بتحلم بيه هتلقيه اكتب ياله الموقع وادخل نو )
[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد
الداية والحانوتىالداية والحانوتىالداية والحانوتى

عدنا طلقنى ( فوزية وعبدالواحد عائدان من الخارج )
فوزية الداية : ( فى قمة غضبها ) قلت لك طلقنى ، طلقنى ودلوقتى حالا
الحانوتى : لا إله الإ الله إيه بس اللى حصل قلتيلى مخنوقة وعايزه أخرج ،
خرجتك حانوتى غيرى كان يسيبك تموتى . فوزية الداية : خروجة الشؤم ،
قال إيه رصفو طريق الترب والماشية فيه بقت ترد الروح ، هى دى الخروجة
اللى خرجتهالى ياعبدالواحد ..
الحانوتى : مش انتى اللى قلتى عايزه امشى فى مكان هادى
فوزية الداية : مكان هادى مش قاطع النفس باقولك إيه ، طلقنى خلاص
معنتش طايقة أعيش معاك ، أعيش إيه هو اللى معاك يبقى عايش ، طلقنى طلقنى
الحانوتى : أطلقك إيه بس احنا كنا لحقنا نتجوز علشان نطلق دى هى ليلة ليلللة
فوزية الداية : كفايا كرهت فيها اليوم اللى اتولدت فيه ، موتنى بالحيا أنت
وفرقة الحانوتية بتوعك دول
الحانوتى : اسمعى بقى يابنت الحلال أجيبها لك من الاخر والاخرة ،
خلاص يا داية اتجوزتى الحانوتى وماعدش فيها رجوع سمعتى يوم عن ميت
صحى عن مولود رجع بطن أمه مابترجعش الدنيا لورا يا فوزية والزمن
طريق واحد رايح مالوش رجوع بداية بتتولد واخرته الموت يعنى طول مافيه داية
لازم حانوتى أنت أول الدنيا وأنا أخرها ولو حطينا إيدينا فى إيد بعض حانكوش
عليها عالدنيا ..
فوزية الداية : يعنى ايه مش فاهمة ؟
الحانوتى : يعنى لازم الناس يخلفوا كتير كتير ويموتوا كتير كتير نشتغل
نغتنى يبقى معانا فلوس كتير نشترى الحتة كلها ونقلبها مدفن كبير اه مدفن كبير
نقلب الحتة مدفن كبير ، الله يرحمك ياامه .
فوزية الداية : اخراتها الترابية الحانوتى : كانت دايما تقولى أبوك كان
صاحب مدفن مش عارفة أنت طالع خايب لمين .. لأ انا مش خايب يا أمه
وبكره أثبت لك . بكره تشوفى أنا حاأبقى إيه ..
موافقانى يافوزية ؟
فوزية الداية : أنا متجوزة حانوتى ولا عزرائيل ولما تقلب الحته مدفن
أولد مين أنا ان شاء الله الميتين
الحانوتى : لأ ياعبيطة حاننقل على حته تانية وتالتة وهكذا دواليك .
فوزية الداية : وهكذا إية ياخويا ؟
الحانوتى : أنا عارف سمعتهم بيقولوا كدا قلت زيهم ما أنت عارفة أنا
ساقط كتاب هاه قلتى إيه ؟ موافقانى .
فوزية الداية : ياخويا أنت بتتكلم كدا كإن الخلفة والموت بإيدينا أنت
راجل اتخبطت فى نفوخك ..
الحانوتى : فيكى من يسمع الكلام .
فوزية الداية : أسمع .
الحانوتى : تركبى ودان النسوان فى الحتة
تزنى على دماغهم بالخفة .
فوزية الداية : طب دى وعرفناها لكن الموت ؟؟ أظن ماحاتقولى
إنك حاتزنى على دماغ الناس تموت ، دى بقى ماحدش حايعبرنى ..
الحانوتى : فيكى من يفهم الكلام ؟ فوزية الداية : أفهم .
الحانوتى : لو معانا جنيه أنا وأنت مثلا يعنى ممكن ناكل بيه صح ؟
لو أحنا بقا خمسة أو ستة أو عشرة حايوكلنا ؟
فوزية الداية : لأ حايكفى م
لا مين ..
الحانوتى : فهمتى يعنى حانموت من الجوع مش إحنا اللى مامعهومش
وبيخلفوا كتير وحتى اللى معاهم الخلفة الكتير حاتخلص فلوسهم حاتفلسهم
ومسيرهم يبقى ممعاهمش فهمتينى ولا أقول كمان .
فوزية الداية : علشان كدا أخترتنى أنا بالذات تتجوزنى.
الحانوتى : مصالح ياعزيزتى كل الدنيا مصالح اسمعى كلامى وامشى
ورايا وحاتشوفى بكرة حانبقى ايه حانلعب بالفلوس لعب دا مش بعيد
تبقى فوزية هانم وانا عبدالواحد بيه التربى
( يكرر وفوزية تسمع كلامه تسير وراءه

أصبحت فوزية الحانوتى ) .

الداية والحانوتىالداية والحانوتىالداية والحانوتىالداية والحانوتى
انتظرونا فى الفصل الثانى
مع المتعه والتشويق
الداية والحانوتىالداية والحانوتىالداية والحانوتى




ذات صلة:

التعديل الأخير تم بواسطة انا المصري 11 ; 06-23-2015 الساعة 02:20 AM
افتراضي رد: الداية والحانوتى
تسلم ايد نادر موضوع جميل جدا

افتراضي رد: الداية والحانوتى
تسلم ايدك يا نادر
قصة حلوة
احلي تقيم ليك يا باشا وتستحق اكتر من كدا

وعجبتني طرقتك في كتابته القصة

افتراضي رد: الداية والحانوتى
بعد مانسقت بقى واخدت نفس عميق وطبعا هستكمل بمره ان شاء الله
نادر بجد انت كتبت هنا قصتيين قبل كدا وبصراحه انت كاتب ممتاز جدا
وطريقه عرضك للمسرحيه رائع جدا هى صحيح مش واخده معايير العرض
المسرحى الصحيح والجاد لكن النص بتاعك بينطبق عليه معايير الجوده
وفي الاغلب واخد شكل النص المسرحى بنسبه عليه


بالنسبه بقى لشخصيتى ههههههههههههه
ام قويق الندابه شايفنى بردح وعماله اللطم
بس جمييييله بجد وان شاء الله هقرءاها
تسلم ايدك وفى انتظار الفصول الاخرى

افتراضي رد: الداية والحانوتى
تسلم ايد نادر موضوع جميل جدا

افتراضي رد: الداية والحانوتى
ههههههههههههههههههههههههههه والله مسرحيه جميله اوي
ولما جم علشان يصبحو على العروسه ههههههههههههههه
نايس انادر متبعاك......


افتراضي رد: الداية والحانوتى
انا افتكرت ان احنا هنمثل اتاريك انت كاتبها ومجهزها طيب تمام انت حبيبي والله اصل انا ملييش في التمثيل وممكن كنت اعورلك حد والا ابهدلك الاوكيشن وكمان كنت هامسك الدكتوره من شعرها ازاي تبقى دكتوره وتركب اتوبيس وتتشعلق زي العفاريت ههههههههههههههههههههههههههههههههههه

بجد روعه يا نادر ومتابع يا حبيبي معاك وتسلمي على المساعده يا ام قويق هههههههههههههههههههههههههه
اخر الزمن عبدالجواد وهديل يبقو بيبسي وام قويق وجوجو تبقى دكتوره
دكتوره مش ممرضه حتى ههههههههههههههههههههههههههههه


*gogo*, *تيتو*, BeٌROo و 3 آخرون معجبون بهذا.
افتراضي رد: الداية والحانوتى
حبيبى ياتيتو وشكراً على مرورك الجميل وانتظرنى فى الفصل الثانى مع الداية والحانوتى

افتراضي رد: الداية والحانوتى
تسلم ايدك يا نادر
قصة حلوة
احلي تقيم ليك يا باشا وتستحق اكتر من كدا

وعجبتني طرقتك في كتابته القصة
حبيبى ياحسام نورتنى يابش مهندس وشكراً على مرورك الجميل ياحبيبى


افتراضي رد: الداية والحانوتى
بعد مانسقت بقى واخدت نفس عميق وطبعا هستكمل بمره ان شاء الله
نادر بجد انت كتبت هنا قصتيين قبل كدا وبصراحه انت كاتب ممتاز جدا
وطريقه عرضك للمسرحيه رائع جدا هى صحيح مش واخده معايير العرض
المسرحى الصحيح والجاد لكن النص بتاعك بينطبق عليه معايير الجوده
وفي الاغلب واخد شكل النص المسرحى بنسبه عليه


بالنسبه بقى لشخصيتى ههههههههههههه
ام قويق الندابه شايفنى بردح وعماله اللطم
بس جمييييله بجد وان شاء الله هقرءاها
تسلم ايدك وفى انتظار الفصول الاخرى
شكراً ليكى يا ام قويق الندبه على مرورك العطر وياريت تشرفينى فى الفصل الثانى لكى نستفيد من ردودك





مواقع النشر (المفضلة)


الداية والحانوتى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع