الإهداءات
Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه     ضى القمر من كريزى مان : وعليكم السلام شكرا العجمى للاهداء وسلام لجميع المشرفين والاعضاء والزوار واكيد لوشا وعسوله كمان    

الحب من تاسع نظرة

قائمة الاعضاء المشار إليهم :

عدد المعجبين17الاعجاب
  • 4 Post By Manolaa
  • 2 Post By *لينا*
  • 2 Post By Hazem El Saher
  • 2 Post By Manolaa
  • 2 Post By Manolaa
  • 2 Post By نوراا الاموراا
  • 1 Post By *التركى*
  • 1 Post By EngineeR Aya
  • 1 Post By DEELA

Eh S(21) الحب من تاسع نظرة
بعد ما الانسـان بيخلص تعليــم و يتخرج ويلاقي شغل .. مبيبقاش ناقصــه غير حاجتيــن .. اول حاجه انه يجـيـب بدلة عشان الفرح .. و تاني حاجـه انه يدور على عروسـة عشان الفرح برضــه .. وفي تمانيـن في الميـة من الحالات بيتجـه الانسـان الى أمــه .. وبعد ما بيخلص عشـا .. بيطلب منها انها تدورلـه على عروسـة .. و بـعد فترة من اسبوع الى شهر .. بيلبس البدلة و بيرووح عشــان يخطب .. وبيبدأ مشوار من تسـع نظرات

النظرة الأولى : بالنسـبة للعريــس بتبـدأ بعد ربع ساعـه من بدايـة الزيارة .. لما بتخش العروسـة وهي ماسكـة صنيـة السـيـفــن .. و ساعتها بيبقى العريس محشـور بين أبو العروسـة على يمينــه و أخــوها على شمالــه .. و نظرا لان المسـافـة بين ايد أبوها و قفـا العريـس مبتبقاش كبيــره اوي .. فبيضطر العريس انـه يحترم نفسـه .. ويبص بكل بـراءه على وش العروســة فقـط .. وياخدلـه كوبـاية سيفن

النظره الاولى بالنسـبة للعروسـة بتبقى مختلفـة شويـه : لانها بتبقى مقسمـه الى نصيــن .. النص الاول دا بيبقى وهو لسـه داخل البيت .. ودا طبعـا لان في كل بيت .. بيبقى فيـه مكان استراتيجي او اكتر .. بيقدروا البنات يشوفوا منـه اللي داخل ويتفحصوه من غير ما هو يشوفهــم .. اما بقى النص التاني من النظرة .. فبيبدأ وهي داخلـة شايـلة صنيـة السيفن .. ورغـم انها بـ تبقى نص نظرة .. الا انها بتقدر تلاحـظ من خلالها أثار تعويرة في ابهام ايده الشمال ..

النظـرة التانيــة :بعـد انتهاء الزيارة .. بينزل العريس وعيلتــه ويركبوا العربيـه .. - دا في حالـة لو كانوا جايين بعربيـة - .. و اول حاجـه بيعملها طبعــا انه يقلــع الجزمــة أم بوز .. اللي بتبقى فرتكت صباع رجلــه الصغير .. و اللي اختــه اصرت انه يلبســها رغم انها ضيقـه عليــه .. بعـد ما اقنعــته ان الجزمــة دي شئ مهـم جدا و ان العريس أساسا بيتعرف من جزمتــه .. و بتبدأ ساعتها النظرة التانيـة اللي هي نظرة بإستخـدام الودن .. بيسمـع فيهـا العريس رأي أمـه و ابوه و اختــه ..

ونفس الشئ بالنسبـة للعروســة .. بعد ما بتقلع الصندل ابو كعب .. اللي نجح انه يحولها من حنان ترك الى ياسميــن عبد العزيز .. و بعـد ما بيشربوا الباقي مـن ازازة السـيفن .. بتبدأ برضـه تسمـع رأي أبوها وأمها و اخواتها ..

و لو وافقوا على بعض والموضوع استمر .. بنخش في مرحلـة النظرة التالتــة ..

النظرة التالتـه : والنظرة دي بتبدأ بعـد مرور فترة .. وبعد ما العيلتين يتعرفوا على بعض اكتر .. ويعملوا خطوبــة رسمي .. والنظرة دي بتبقى نظرة بأعيـن الآخريــن .. يعنـي رأي خالتـه وعمتهــا .. وخالها وعمـه .. و اصحابهم و جيرانـهم .. والنظرة دي على اد ما هي بتعتبـر ثانويـة .. الا انها وبشكل غير مباشر بتبقى مؤثرة جدا .. و هي أصلا اللي بتحدد ما اذا كانت الخطوبـة هتستمر او لأ ..

لو الموضوع كمل بنبدأ نخش في مرحلة النظرة الرابعـة

النظرة الرابعــة : ودي النظرة اللي بيبدأ كل واحــد يشوف فيها عيــوب التانـي .. ودا بيبان من تصرفـات ومواقف بسيطـة جدا .. بتبقى تلقائـيـة ومش مقصودة .. يعني العروسـة بتلاقيـه فجأه قلها و هو بيكلمها عـ الموبايل - دا في حالـة لو كان بيكلمها ع الموبايل - : ( طب يلا انا هقفل بقى يا موحـا عشـان الدقيقة قربت تخلص ).. وبتبقى لحظـة صدمــة بتكتشف فيها موحا انـه جلـده وبخيل ومعفـن .. أو مثلا لو قاعدين بعد ما اتغدى عنــدهم .. وبيشربوا الشاي و بيتفرجوا ع التلفزيــون .. وبيقولها : امريكـا دي حاشرة نفسـها في كل حـاجة .. يعني هي هيلاري كيلينتـون مالها بـ مـيـة حوض النيل .. وبتبقى لحظـة صدمـة لما بيلمح في عينـها سؤال ( مين هيلاري كيلينتون دي ؟ ) .. و بيكتشف ساعتها ان ثقافتـها بتنحصر في روتانا سينيما وام بي سي اكشن والحياة مسلسلات ..
ولو العيـوب دي مش كبيرة ومش مؤثرة بيتـم التغاضي عنهــا .. وندخل في مرحلـة النظرة الخامسـة

النظرة الخامسـة : ودي النظرة اللي بيبدأوا يشوفوا فيهـا مميزات بعض .. وبرضـه بتبقى عن طريق مواقـف بسيطــة وحاجات صغيرة .. بتبدأ تحس انه راجل و شهم و ذكي و .. و ... وهو بيبدأ برضـه يحس انها محترمـة و ذكيـة و أهلها ناس طيبيـن .. و .. و ..

و بتستمر الحياة بامبـي جدا .. لحد ما نوصل للنظرة السادســة

النظـرة السـادسـة : دي نظرة مهمــة .. حيث ان تليفــون أنتيمـة العروسـة بيرن قبل المغرب بسـاعة كدا .. و بتبقى العروسـة بتتصل عليـها عشـان تحكلها عن مشكلـة فظيـعة جدا .. وان الأسرتيــن اختلفوا على نـوعيـة السيراميــك أو لون دهان الحيطــة أو قاعـة الفرح او الديب فريزر و حاجات من هذا القبيل .. وبتبقى الخـطوبـة على وشـك الانهيـار فعلا .. والمشكـلة ما بتبقاش في السيراميــك او الديب فريزر .. على اد ما المشكلـة بتبقى في ان كل عيلـة عايزة تمشي رأيهــا .. ومش من اولها بقى هيمشـوا علينـا رأيـهم .. و المواقف دي شر لا بـد منـه .. لان دي اللي بتبيـن قدرتـهم على التعامل مع المواضيــع دي .. ومدى مرونـة كل واحـد فيهـم .. وبتبين اذا ما كانوا فعلا باقيـين على بعض ... ولا الديب فريزر هيوقع بينهــم ؟ .. ولو ربنا كرم و تجاوزوا المرحلـة دي .. بننتقل الى مرحلة النظرة السابعـة

النظرة السابعــة : قبل الفرح بأسبــوع .. بيعمل فيها الاتنين فلاش باك لكل الحاجات اللي حصلت بينهـم .. من أول لقاء كوبـاية السيفن .. ولحـد الوقت دا .. وبيبقوا تقريبـا عرفـوا اهم عيـوب بعض و أهم مميـزات بعـض .. و ساعتها بينتقلـوا من مرحلـة التفكيــر و الملاحظـة إلى مرحلـة التقبل .. يعني كل واحـد بيبقى خلاص اتعــود على التاني وتقبلـه زي ما هو كدا بشخصيـته و أهله .. و مميزاتـه وعيوبـه وبكل ما فيــه .. ودا بيخلينـا ننتقل بعد كدا للنظرة التامنــة

النظرة التامنــة : ودي النظرة وهم قاعـدين في الكـوشـة .. بعد ما بيكتبوا الكتاب .. و هم بيأكًـلوا بعض الجاتــو .. في مشهـد بيستفز كل اللي قاعدين .. لسبب من تلاتـه : اما لان القاعدين لسـه متجوزوش .. او لانهـم اتجوزوا بس بقالهم خمس سنين مفطروش مع بعض حتى .. او لان التورتـة قربت تخلص وهم لسـه ماخدوش .. والنظرة دي بتبقى نظرة سعاده وفرح .. و كل واحـد بيحمـد ربنا انه اخيرا خلص و الموضوع تـم على خير .. و بيبقوا ساعتها فرحانين ومبسوطيـن و مبيفكروش في أي حاجـه خالص

النظرة التاسـعـة : و دي اول ما بيروحوا البيــت .. و بتبقى نظرة تقدير ووفاء للانسـان اللي خلاص هكمل معاه حياتي .. ورغم ان احنا في البدايـة ما اخترناش بعض .. وكان جواز صالونات .. اهالينـا فيه هم اللي اختاروا .. ورغم ان احنا فعلا منعرفش بعض غير من سنـه أو سنتيـن .. بس خلاص الانسـان دا بقى حياتي .. وبقى أقرب حـد ليــا وهكمل عمري معاه... وساعتها بتتحول النظره دي الى نظرة حب ... حب من تاسع نظرة

لـِــ محمـود السعيــد حمـاده ..


ذات صلة:

افتراضي رد: الحب من تاسع نظرة
موضوع رائع جدا يانولا
تسلمى على روعة الطرح شكرا ليكى اختى الحبيبه
نورتى القسم
وليا عوده للرد مره اخى
دومتى بخير


Hazem El Saher و Manolaa معجبون بهذا.
افتراضي رد: الحب من تاسع نظرة
هههههههههههههههههههههههههههههههههههههههه
اى كل دا يانولا يخرب عقلك يافقر
بس مين دلواتى بيخلى مامته تختارلوا العروسه
اللى بيروح يتقدم بيكون عارف العروسه كويس وسال عنها ام محسن الخاطبه هههه
وبعدين انا عندى سؤال كتا عن حاجه ملاحظها وتكرارت كتير قدامى
الايام دى العريس بيكون صغنن سن عن العروسه بعكس الاول
كان الاول لازم يكون هو الكبير عنها ياتره دا سببه ايه؟
تسلم ايدك يانولا موضوع ررروعه
تحياااااااااااااااتى



*لينا* و Manolaa معجبون بهذا.
37 رد: الحب من تاسع نظرة
موضوع رائع جدا يانولا
تسلمى على روعة الطرح شكرا ليكى اختى الحبيبه
نورتى القسم
وليا عوده للرد مره اخى
دومتى بخير
ربنا يخليكى يا لينو اسعدنى مرورك وانتظار الرد

*لينا* و Hazem El Saher معجبون بهذا.
Bduh رد: الحب من تاسع نظرة
هههههههههههههههههههههههههههههههههههههههه
اى كل دا يانولا يخرب عقلك يافقر
بس مين دلواتى بيخلى مامته تختارلوا العروسه
اللى بيروح يتقدم بيكون عارف العروسه كويس وسال عنها ام محسن الخاطبه هههه
وبعدين انا عندى سؤال كتا عن حاجه ملاحظها وتكرارت كتير قدامى
الايام دى العريس بيكون صغنن سن عن العروسه بعكس الاول
كان الاول لازم يكون هو الكبير عنها ياتره دا سببه ايه؟
تسلم ايدك يانولا موضوع ررروعه
تحياااااااااااااااتى

ههههههههههههههههههههههههههههههه ده مقال عجبنى وفى كتير صح عن جواز الصالونات
وبعدين يا حازم لسة فى شباب بيخلى حد يشوفله عروسة مش شرط مامته وبرضو بيسال عليها
وبعدين دلوقتى الشباب الصغير بيبقا عايز يخطب حتى لو مش جاهز وممكن تعجبه واحدة اكبر منه مفيهاش مشكلة
وفى بنات سنها كبير وشكلها صغير فبتبقا مش فارقة وكله فى الاخر نصيب
نورتنى يا حازم واسعدنى مرورك كتيييييييييييييير


*لينا* و Hazem El Saher معجبون بهذا.
افتراضي رد: الحب من تاسع نظرة
حتتي نونه ايه الكلام الجميل ده احلي حاجه وهما بيشربو السييييفن دي ههههههههههههههه تحياتي يقمر

*لينا* و Manolaa معجبون بهذا.
افتراضي رد: الحب من تاسع نظرة
موضوع رائع جدا يانولاتسلم ايدك


*لينا* معجب بهذا.
افتراضي رد: الحب من تاسع نظرة
ايه يا نولا كل ده ساعه عشان اخلص
بس جامد الموضوع ده ومعاكى حق


*لينا* معجب بهذا.
افتراضي رد: الحب من تاسع نظرة
حلو الكلام
تسلم ايدك يانولتى

*لينا* معجب بهذا.


مواقع النشر (المفضلة)


الحب من تاسع نظرة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع