منتدي كريزى مان > >
مرايا .. ونتيجة .. وساعة ( موضوع مهم لكل الشبـاب )
الإهداءات
القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه     ضى القمر من كريزى مان : وعليكم السلام شكرا العجمى للاهداء وسلام لجميع المشرفين والاعضاء والزوار واكيد لوشا وعسوله كمان     العجمى من : السلام عليكم ورحمة الله وبركاته إلى جميع الاحباب والأصدقاء منورين الدنيا ضى القمر وعبدالجواد وعاشقة النيل وكل أعضاء المنتدى اهلا وسهلا بكم في كريزى مان     *تيتو* من مول مصر : كل سنه وحضراتكم طيبون والله وحشتونى جددااا     القبطان مازن من مصر : بحبكم .. عيد سعيد    

مرايا .. ونتيجة .. وساعة ( موضوع مهم لكل الشبـاب )

قائمة الاعضاء المشار إليهم :

Thumbs up مرايا .. ونتيجة .. وساعة ( موضوع مهم لكل الشبـاب )
مرايا ونتيجة وساعة موضوع مهم لكل الشبـاب




مراية ونتيجة وساعة..


عندك مراية في بيتكم؟


طب معلق نتيجة على الحيطة ؟


جنب الساعة اللي بتعد ساعات العمر؟


معاك ورقة وقلم أو فاتح حتى الوورد على الكمبيوتر؟


جوّاك شجاعة كبيرة وقادر تواجه أخطر الحقائق وأشدها فزعا؟


لو إجابتك عن كل الأسئلة اللي فاتت دي بأيوه..


يبقى حلو قوي.. شمر بقى كم القميص وخش في الموضوع عدل


أما لو كانت الإجابة عن نفس الأسئلة بـ: لا


فإحم.. يبقى شمر كم القميص وخش برضه في الموضوع عدل


تخيل إنك قعدت مع نفسك على انفراد بليل او حتى الصبح


المهم انك تقعد مع نفسك


تعالوا نشوف الحوار هيبقي شكله ايه


انت: مساء الخير


نفسك: يسعد مساك يا سيدي.. نعم أي خدمة؟


انت: بالراحة عليّ شوية.. عادي يعني.. كنت عاوز نقعد مع بعض شوية


نفسك: ليه يعني صاحبي.. صديقي.. خطيبي.. جوزي ومخلفة منك عيال


انت: يا ستي ده إنتِ نفسي.. مش لازم يعني يكون فيه سبب عشان نتكلم مع
بعض


نفسك: اتفضل يا سيدي.. سمعني


انت: مش عارف.. حاسس إن أنا غلطت لما اتخانقت مع ماما النهارده
الصبح


نفسك: مش هي يا سيدي اللي مارضيتش تديك فلوس عشان تشتري كتب الجامعة


انت: إنتي هتستعبطي ولا إيه.. ما أنا وإنتي عارفين إني خدت منها فلوس الكتب قبل كده 3 مرات بعد ما أخدتهم من بابا 4 مرات وبرضه ماشترتش الكتب


نفسك: آه والله في دي عندك حقك.. ما هو إنت اللي بتصرف فلوسك دايما على البنات، وعمال تتسرمح وتصيع ومش عامل حساب لحد


انت: طب خلاص خلاص هو لازم يعني تشدي عليّ كده في كل مرة..
خلاص ماعدتش هاعمل كده تاني.. بس لازم أعتذر لماما صح.. صح؟


نفسك: طبعا.. قوم هز طولك بدل ما إنت قاعد قدامي كده.. روح يا شيخ.. جيل فاشل يقطع الخلف




مرايا ونتيجة وساعة موضوع مهم لكل الشبـاب



وممكن الحوار يبقي كده ..!!


انت: مساء الخير


نفسك: مساء الخير يا عسل.. ما تاخد لك نفس طيب.. كح كح


انت: لا يا ستي.. ما هو أنا أصلا جاي لك عشان كده


نفسك وهي تنفخ الدخان في وجهك: فووووووو.. وماله يا حبيبي اتفضل
اتفضل


انت: بصراحة... أنا عاوز أبطل شرب سجاير وشيشة


تقف نفسك في قلب الصالة وهي تضع يدها في وسطها قائلة لك: نعم يا عمر.. تبطل شرب


انت: عمر مين يا ستي.. إنتي نسيتي اسمي ولاّ إيه.. وبعدين فيها إيه؟.. أيوه أنا عاوز أبطل شرب سجاير وشيشة.. بصراحة باصرف عليهم فلوس بالهبل وصحتي بقت زيرو.. ده أنا لما باطلع السلم بانهج وكأني شايل جبل المقطم على صدري.. وأنا ساكن في الدور التاني ما بالك بقى لو كنت ساكن
في الدور الخامس ولا السادس؟


نفسك: عادي يعني هتحس إنك شايل جبل المقطم والجبل الأخضر.. جيل
مرق خيخة


انت: قولي عليّ زي ما تقولي.. بس أنا قررت.. مافيش سجاير ولا شيشة بعد النهارده، إيه قولك بقى؟


نفسك: خلاص يا عم إنت أدرى بنفسك.. بس اسحب لك نفس من السيجارة دي طالما هتبطل بقى


انت: يا ستي باقول لك هابطل هابطل


نفسك: يعني كنت كابتن مصر وهتبطل كورة ياخي ما تبطل يا سيدي.. باقول لك ده آخر نفس، مالوش تأثير يعني


انت: تفتكري؟


نفسك تشير لك بعلامة نعم ثم تقدم لك السيجارة التي تلتقطها في سرعة أدهشتك أنت شخصيا.. لحظات ويمتلئ المكان بالدخان.. كح كح.. مش تفتح شيش البلكونة طيب؟


شفت بقى، آدي الحوارات ولا بلاش


عرفت ليه لازم يكون عندك في البيت ساعة ونتيجة..؟


عشان تبص على الأيام اللي راحت من عمرك


وعرفت ليه إنت محتاج مراية؟


عشان تشوف فيها نفسك على حقيقتها..


وتقف قصادها وتسألها هي الأيام والساعات اللي راحت دي راحت في إيه؟


والأفعال اللي قمت بيها كانت صح ولا غلط؟





مرايا ونتيجة وساعة موضوع مهم لكل الشبـاب



خايف؟


ماتخافش..


صحيح إن كتير من الحكماء قالوا إن أكبر عدو


ممكن تقابله في حياتك هو نفسك،


وصحيح كلنا عارفين إن النفس -عادة- ما تأمر صاحبها بالسوء،


بس خليك شجاع


واقعد مع نفسك وحاسبها بالورقة والقلم


لقيت نفسك غلطان


عادي ماتزعلش.. اعرف إنك غلطت وحاول تصحح الغلط ده لو تقدر


ماقدرتش والوقت فات؟


خلاص اتعلم من غلطتك عشان متكررهاش تانى احنا بشر مش ملايكه


لقيت نفسك عملت حاجات كتير صح وخير


حلو قوي.. اثبت على كده يا مان


ودرب نفسك على فعل الخير وحب عمله


يعني في الحالتين إنت كسبان كسبان..


محاسبة النفس دي زي كده ما الواحد يكون عنده قميص مش نضيف..


وبعدين يغسله بمسحوق معتبر.. بعدها يرجع أبيض زي الفل.. زي الأول


بالظبط.. صحيح القميص ممكن يتوسخ تاني.. بس ممكن برضه


مايتوسخش.. والأهم.. إنه رجع أبيض





مرايا ونتيجة وساعة موضوع مهم لكل الشبـاب



احكِى لنا وقل لنا


قعدت مع نفسك قبل كده وحاسبتها


والنتيجة كانت إيه طيب؟


ولو قعدت دلوقتي مع نفسك..


وعملت معاها كشف حساب


يا ترى هتقول إيه والنتيجة هتكون إيه؟




مرايا ونتيجة وساعة موضوع مهم لكل الشبـاب


ذات صلة:

افتراضي
موضوعك رووووعه يا دودي عجبني اوي كلامك واسلوبك

ما شاء الله عليكي يا قمر

فعلا لازم نحاسب نفسنا بالساعه وبالدقيقه وبالايام

ومستنيين الشباب تجاوب

تسلم ايدك يا حبيبتي

افتراضي
موضوووع جميل جدا حبيبة البي دودى

والمفروض نراقب انفسنا دايما

تسلم اديكي ياقمر

افتراضي
تسلم ايديك يا قمر على التوبيك الرائع وفى قمه الروعه

افتراضي
تسلم ايدك يا قمر كلامك مضبوط
لازم كل واحد يحاسب نفسه


افتراضي
تسلم ايدك ياقمر وانا الحمد لله ابيض زى القميص بالظبط ومفكر فى الحجات دى من زمان وحسبتها ولقيت ان الكلام دة صح


بس الحمد لله مليش فى اى حاجة من الى قلتيها دى ولا عمرى هفكر فيها انا بفكر فى الحجات الكويسة بس الحمد لله


موضوع رائع ياقمر والله منورة المنتدى بمواضيعك الرائعة دى ياقمر والله تسلم ايدك وربنا مايحرمنا من المواضيع الجميلة دى

افتراضي
الموضوع جميل جدا .. عجبنى اوى اوى تسلم ايدك يا جميلة ألف مبروك .. اقبلى مرورى
شـكــ وبارك الله فيك ـــرا لك ... لك مني أجمل تحية . .

افتراضي
ميرسى ليكم ع المرور يااحلى اعضاء

منورين القسم ومنورين الموضوع

شكرا ليكم وربنا يحميكم جميعا.......




مواقع النشر (المفضلة)


مرايا .. ونتيجة .. وساعة ( موضوع مهم لكل الشبـاب )


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع