منتدي كريزى مان > >
نصائح للأعضاء الجدد كيف تصبح متميز و معروف في وقت قصير ومحبوب
الإهداءات
abdo@ من بني سويف : كل سنه وكل اخواتي طيبين     نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير    

نصائح للأعضاء الجدد كيف تصبح متميز و معروف في وقت قصير ومحبوب

قائمة الاعضاء المشار إليهم :

45 نصائح للأعضاء الجدد كيف تصبح متميز و معروف في وقت قصير ومحبوب

صباح الخير لو كنت بتقروا الموضوع ده باليل ... و مساء الخير لو كنتوا بتقروه الصبح و طبعا مش هقول حاجه للي مش هيقروه لأنهم اكيد مش هيقروها ده شئ بديهي...

انا حبيت اني انزل الموضوع هنا بالذات عشان يستفيد منه الاعضاء الجدد و برغم كده فالاعضاء اللي بيطرحوا او بيناقشوا او بيتفاعلو مع المواضيع معروفين بالاسم و مبيتغيروش

يمكن كلنا لما بنشترك في المنتدي ده بيكون لينا اهداف مختلفه .. لكن الاكيد ان محدش فينا يكره ان يكون اسمه معروف و ان مواضيعوا او ردودو تكون محل تقدير حقيقي و ليس تقدير ادبي فقط

و انا حاولت الخص كده شويه نقط باسلوب ان شاء الله ميكونش دمه تقيل ممكن كل عضو جديد لو اتبعها هيبقي من الاعضاء المميزين من اول كلمه يكتبها و اللي المنتهي ان شاء الله
و لو حد كان عندوا اضافه يا ريت ميبخلش علينا بيها ... نبتدي بقي

أ- نصائح عــامه

1- كن حريصا علي زياره قسم التهاني و الترحاب و ارسال تهنئتك للأعضاء الجدد
ده مش بس بيسعدهم .. كمان بيديك فرصه اكتساب صداقه بسهوله و ضمان مشاهدين لمواضيعك و متفاعلين لردودكم و لو من باب الزوق .
2- تجنب استخدام التوقيعات المليئه بالصور بدون داعي ... لأن هذا يجبر بعض الاعضاء ممن يستخدوم اتصال بطئ بالنت علي الغاء خاصيه عرض التوقيع و ده طبعا بيدايئهم


ب - و انت بتكتب موضوع جديد

1- لازم تكون عارف ان التميز مش بيجي لمجرد انك بتنزل مواضييع كتير ... ركز في الموضوع اللي هتنزله لو عندك حاجه جديده محدش اتكلم فيها يبقي ماشي .. و اوعي تنزل موضوع لمجرد التواجد.
2- خليك امين .. مش عيب ابدا انك تكتب ان موضوعك منقول ده ميقلش من قدرك بالعكس كده بقيت الاعضاء هيحترموا فيك حاجتين
أولا الامانه
ثانيا انك مبخلتش في نقل معلومه جديده او ضحكه حلوه ليهم
ثالثا _ يظهر انهم مش حاجتين_ انك عضو نشيط مشترك بتتابع اكتر من موقع و ليك اكتر من نشاط
3- الدقه ... لو بتنزل برنامج / فيلم / لعبه جديده لازم تكون متاكد ان اللينك اللي كتبته مزبوط و كمان يفضل انك تضغط "معاينه مشاركه" قبل ما تنزل الموضوع و تتاكد بنفسك من اللينكات اللي في موضوعك
كمان لو الملف عليه كلمة سر لازم تكون واثق انها معاك و سليمه
4- المتابعه ... لو طرحت موضوع للمناقشه او نزلت حاجه جديده متنساش موضوعك و لازم تتابع الاراء المطروحه لو موضعك للمناقشه و ترد عليها و لو برنامج لازم تتاكد ان مفيش مشاكل قابلت الاعضاء
5- اسم موضوعك مهم جدا .. و لو موضوعك للمناقشه و الحوار حاول توضح ده
6- مش معني اني مش متفق معاك يبقي بقينا اعداء .. احترم و جهة النظر المضاده و لو مقتنعتش بيها حاول تعيد توضيح وجهة نظرك باسلوب جديد ..
7- وضوح و ترتيب و شياكه الموضوع بتدل علي انك بذلت جهد و حاولت ترضي اللي بيقراه .. و ده اكيد بيسيب مردود اجمل


ج- و انت بتقرا موضوع

1- لو الموضوع بيناقش قضيه او بيطرح وجهة نظر _مش بتاعت محمد صبحي _ لازم يكون لك راي و اوعي ترد بكلمه "شكرا" او شبيهاتها علي موضوع زي ده
قول رايك بوضوح .. و لو الراي اللي في الموضوع عاجبك اكتب انك بتؤيده متكتفيش بالقراه و تمشي ..
2- اخوانك اللي نزلوا برنامج جديد او لعبه او اي شئ بيتعبوا عشان يجيبوا الموضوع ده و مش اقل من التشجيع ده اقل شئ
3- لو عندك اي فكره او معلومه عن البرنامج الو اللعبه اللي في الموضوع اكتبها علي طول متقولش ان اكيد كلهم عارفينها
4- لو دربت نفسك انك تشارك بالاشكال اللي فوق دي ..صدقني حاجات كتير جدا في شخصيتك هتتغير اهمها السلبيه يعني برضه انت مستفيد
5- لو كنت مسجل فـ المنتدي عشان تنقل المواضيع و بس ... فحتي دي محتاجه انك تشجع الاعضاء اللي بيكتبوا مواضيع عشان علي الاقل تلاقي حاجه تنقلها....

اكيد لاحظتوا ان العناصر اللي بتقيم الموضوع الجيد اكتر و اصعب من العناصر اللي بتقيم الرد الجيد و ده يؤكد لكم نقطه واحدة في الجزء الخاص ب "و انت بتكتب موضوع جديد"

منقول للفائده
نصائح للأعضاء الجدد كيف تصبح متميز معروف وقت قصير ومحبوب


ذات صلة:

افتراضي
[align=right]
شكرا لاكسمى على الكلام الجميل دا
فعلا لو كل واحد عمل كده هيكون المنتدى فوق الممتاز
وكل سنه وانتى وكل الاعضاء بخير
تقبلى فائق احترامى
S.Man
[/align]


افتراضي
ميرسى على مرورك يا Special Man

وانا نفسى يكون كريزى افضل منتدى على الاطلاق

بس يارب حد يعمل بالكلام ده

وتقبل فائق احترامى وتقديرى



افتراضي
موضوع روعه يا لاكسمي بجد لو كلنا عملنا كدا هنكون مميزين في المنتدى

تسلم ايديكي حبيبتي



افتراضي
الاروع مرورك حبيبتى جود

وتقبلى فائق احترامى وتقديرى


افتراضي
فوق الممتاز بجد لاكسمى
دا مش للاعضااء الجدد بس صدقينى دا لكل من فى المنتدى من شخصيااااااااات
وشكرا ليكى وكل سنه وانتى طيبه

افتراضي
جزاك الله خيـــــــــرا وجعلـــــــــــــــه في ميــــــــــــزان حسنـــــــــــــــــــــاتك

افتراضي
موضوع جميل يا لاكسمي ويا ريت الكل يستفيد
كل سنة وانتي طيبة

افتراضي
رووووعه يا لاكسمي

نصايح جميله زيك يا حبيبتي

تسلم ايدك

افتراضي
تسلم ايدك لاكـسمي موضوع رائع

ياريت كلنا نطبقه

في أمان الله



مواقع النشر (المفضلة)


نصائح للأعضاء الجدد كيف تصبح متميز و معروف في وقت قصير ومحبوب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع