منتدي الرعب والجن والعفاريت رعب وعفاريت خوف جان عفريت السحر العين ،الحسد رعب بلا حدود وتذكر ان كوابيسك ستتحول الى حقيقة . فن الرعب.اغاني ايمو اغاني ميتال

حكايتي مع انابيل

قائمة الاعضاء المشار إليهم :

إضافة رد
śєnoяiтα
5shocking حكايتي مع انابيل



حكايتي انابيل



حكايتى مع انابيل
بدات حكايتى لما كنت بتفرج ع فيلم الرعب المشهور the conjuring
ااه احب اعرفكوا بنفسى فى الاول انا طارق 19 سنه
بعد اما شوفت الفيلم ده عجبتنى قصتوا اووى وخصوصأ لما عرفت انها حقيقيه
دا خلانى ابعث عن معلومات اكتر عن انابيل
وبدات البحث فى المكاتب و على مواقع الانترنت
ولكنى لما اجد معلومات تشبعنى ..و كان فضولى بيزيد وكنت عايز اعرف اكتر واكتر
فا روحت لصاحبى الى كان معايا فى الفيلم ده وقولتلوا على كل حاجه وقولتلوا انوا يحاول يساعدنى علشان اجيب معلومات اكتر عنها ..
رفض فى الاول جدا وقالى بلاش السكه ديه يا طارق احنا مش عايزين مشاكل
قولتلوا مشاكل ليه ياعم انا بس عايز اعرف معلومات اكتر ومش هعمل بيها حاجه بس اعرفها وبس
وافق بعد الحاح شديد.. وقالى ماشى انا عمى يعرف فى الحاجات ديه
لما يجلنا هسالوا ......او اقولك هبقا اكلمك انت وتيجى تتكلم معاه فى الموضوع ده انا ماليش دعوه بالموضوع ده ..
بعد اما محمود صاحبى وافق انوا يخلينى اكلم عموا..فرحت جداا

وكنت مستنى اليوم الى عموا يجيلوا فيه بفارغ الصبر ..لحد اما جيه اليوم الى انا مسنيه ..

محمود كلمنى وقالى انوا عموا جى بكره عندوا الساعه 4فا تانى يوم صحيت الساعه 11 وقعدت مستنى ...

بس مقدرتش استنى لحد الساعه 4 فا قومت لبسة ونزلت ووصلت هناك ع الساعه 3

محمود استغرب انى جت بدرى..المهم دخلت وقاعت فى اوضه محمود وبفكر انا هقول اية بالظبط لعم محمود

لحد اما جيه وداخل وبعديها بشويه لاقت محمود جالى ودخل بعديه عمواوبعدين محمود سابنى مع عموا وخرج ..

عموا سلم عليه وقالى خير يا حبيبى كنت عايزنى فى اية ؟؟

قولتلوا على حكاية انابيل والمعلومات الى عرفتها عنها وقولتلوا انا يعتبر عرفت عنها معلومات كتير ..

ضحك وقالى معلومات كتيره .. على فكره الى انت عرفتوا ده متعتبرش معلومات اصلا ..

يعنى حسيت بفرحه شويه لانى عارفت انوا اكيد يعرف حاجات اكتر

قولتلوا انا بقا عايز اعرف عنها حاجات اكتر ..

قالى ليه يعنى ؟؟

قولتلوا اصل قصتها عجبتنى اووى وكنت عايز اعرفها

قالى بص يابنى انا هنصحك انك متحلوش تعرف معلومات عنها اكتر من كده علشان هى مش شخصيه كويسه يعنى علشان تعرف عنها كل حاجه
ومتعرفش ممكن يكون اذى ليك
مش عارف حسية انى مضايق انى بسمع الكلام ده عنها وبصتلوا وانا مضايق حاسيتوا خاف او اضايق منى

فا قالى فكر فى نصحتى وبلاش تعرف الحاجات ديه وسبنى و مشى ..

فا انا سلمت ع محمود وروحت ...

بعد ما روحت فكرة فى الى قالهولى عم محمود ويعنى بدات اقتنع بيه

لحد لما تعبت ودخلت انام

وانا نايم سمعت صوت ..تك تك تك تك تك تك

قولت عادى مفيش حاجه ممكن يكون صوت من عند الجيران ولما الصوت وقف ارتحت ..
وصحيت تانى ع نفس الصوت بس المره ديه مسكتش خلاص فضل شغال تك تك تك تك تك
تك تك تك تك تك تك مش بيوقف خالص..

بدات اترعب ..الصوت مش بيقف خالص...

لحد لما قررت انى هقوم اشوف الصوت ده جى منين .؟؟

ولاقيتوا جى من جوه الدولاب ...

رعبى زاد اوووى وبقيت مش عارف اعمل اية ..؟

وبعد تفكير كبيرررر ... قررت انى هفتح الدولاب علشان اعرف اية الى جوه...

انا هرجعلكم تانى علشان اعرفكوا انا لاقيت اية جوه..












ذات صلة:


 
من مواضيعي في كريزي مان

  • صلاه الوتر (سلسه كنوز السنه النبويه)
  • عرفى على أسباب المسام الواسعة وحلها معايا
  • أول كاريكاتير إنجليزي يناصر الإسلام والمسلمين ويتكلم عن إضهادهم
  • للبس فن و أصول تعلميها لأناقة أكثر
  • ستارة القلوب والله سهله وبسيطه ومكوناتها موجوده عندك فالبيت
  • ........ يلا كله يدخل ويقول لاخويا احمد الحمدلله علي سلامتك......
  • بااجمل احساس كل سنه وانت طيب يااغلي الناس
  • بالصور.. زوجة هانيبال القذافى سكبت الماء المغلى على خادمتها
  • من الإخوان المسلمين : تفعيل الطوارئ وإغلاق "الجزيرة مصر تهديد حقيقى للثورة
  • اسئله واجوبه هامه لكل ام واطفالها
  • śєnoяiтα
    افتراضي رد: حكايتي مع انابيل


    بعد اخر مره كنت نايم و سمعت صوت تك تك تك تك تك

    قررت انى هقوم اشوف مصدر الصوت . ولاقتوا من الدولاب و قررت انى افتح الدولاب..............

    وفتحت الدولاب .. ولاقيت لاقيت..

    تمثال انابيل !!! ايوه هو تمثال انابيل ..رغم انى كنت هموت و اعرف حاجات عنها بس بعد اما شوفتها حسيت انى ندمأ انى فكرة فيها اصلا

    لاقيت التمثال دماغوا عماله تخبط فى دهر الدولاب تك تك تك تك تك تك تك

    واول لما فتحت وقف الصوت...

    انا ارتعبت اووى وحسيت انى هيغمن عليه .. قعت على اول السرير وانا ببص ع التمثال .. وانا مش مصدق انى شايفها اودامى

    ملاقتش حاجه اعملها غير انى اقفل الدولاب و اروح انام ..وفعلا عملت كده
    بس انام !! انام ازاى..انا النوم راح من عينى من ساعت اما شوفتها ..قعدت افكر ازاى جت هنا .. وازاى بتتحرك !!

    لحد اما النهار طلع وانا مكنتش نمت اصلا قومت من على السرير وانا عمال افكر.. لحد لما ملقتش حل غير انى اروح لعم محمود تانى ..

    قومت لبست هدوم من هدومى الى بره الدولاب ..لآنى مقنتش قادر اقرب من الدولاب اصلا ...ورحت لمحمود

    كان الساعه 7 الصبح وانا فى الطريق عمال افكر اىه الى انا بعملوا ده .الساعه
    لسه 7 اكيد اهل محمود هيضايقوا منى .. ده لو كانوا صاحيين اصلا

    بعد لما وصلت تحت بيت محمود تردت انى اطلع .. فا كان فى قهوه جمب بيت محمود قعدت فيها ....


    لحد لما جت الساعه 9 وزهقت من القعده وقولت اكيد زمانوا صحى من النوم

    وطلعتلوا وهو الى فتحلى ..قالى اية فى اية ؟؟ اية الى جابك بدرى كده ؟

    قولتلوا هحكيلك كل حاجه بس دخلنى جوه لان الموضوع كبير ..

    ودخلنى الاوضه بتاعتوا ..وحكتلوا كـــــل حـــاجـــه...

    خاف جدا وقالى وهو متعصب ياعم ما انا قولتلك بلاش السكه ديه انت مسمعتش كلمى شوفت بقا اديها جتلك اهى ..
    محمود حسيت انوا بدا يخاف من اول لما قولتلوا انى سمعت صوت تك تك تك تك وانا نايم وزاد خوفوا و طوتور بعد اما خلاصت

    وبعدين قالى وانا اعملك ايه دلوقتى انا قولتلك متخلنيش فى الموضوع ده من الاول
    ..قولتلوا خلاص ساعدنى وادينى رقم عمك علشان يساعدنى .. رفض !!

    قولتلوا
    نعم لا ليه ..انت مش عايز تساعدنى خالص .قالى لو انت كلمت عمى وقولتلوا
    الكلام ده ممكن يزعقلى ويزعقلك انت كمان .. قولتلوا ياعم مالكش دعوه انا مش
    هقولوا انك ادتنى رقمه دلوقتى . وهقولوا انى اخدت الرقم قبل ما اقبلوا اول
    مره ..وبعد اما خلاصت كلمى ده ع طول .. محمود ملاحقش يرد .. لاننا
    سمعنا..........

    تك تك تك تك تك تك تك تك.

    بصينا لبعض واحنا خايفين ..لانى عارف صوت اية ده ومحمود بردوا عارف

    وكان بردوا الصوت ده جى من دولاب محمود .. حسيت ان محمود هيعيط من الخوف..انا قولتلوا اهدى اهدى يا محمود ..

    وقومت علشان افتح الدولاب ..

    بس ملاقتش حاجه والصوت اختفى ...قولتلوا محمود يلا يا محمود ونبى لازم نلحق
    نعمل حاجه قبل ما يحصل حاجه تانيه ..وادانى الرقم وبعد كده مشيت ..بعد اما
    نزلت كلمت عم محمود ..

    عم محمود : الوو
    انا : الو ايوه يا عموا
    عم محمود : ايوه مين ؟
    انا : انا طارق صاحب محمود الى كنت قاعد مع حضرتك امبارح
    عم محمود : اه اه ايوه يا حبيبى عامل اية ؟
    انا : انا مش كويس
    عم محمود : قالى ليه فى اية ؟
    انا : قولتلوا معلش ياعمى بس الكلام مش هينفع فى التليفون
    انا : ممكن تحدد معاد نتقابل فيه بس ياريت النهارده علشان انا مش هقدر استنا يوم واحد بعد كده
    عم محمود : قالى ماشى ماشى النهارده الساعه 2 فى المكان كذاا.
    انا : خلاص ماشى شكرأ يا عموا
    وقفلت المكان كان قريب من بيت محمود بشويه .. والساعه كانت 10 ونص
    طبعا
    معرفتش اقعد فين كل الوقت ده ..فقررت انى اروح استناه فى المكان الى هو
    قالوا... انا عارف انى روحت بدرى اوووى بس مقنتش اقدر اروح البيت تانى بعد
    الى حصل...

    لحد لما جت الساعه 1 ونص ولاقيت عم محمود جيه ..وسلمنا ع بعض وقعدنا

    قالى خير يابنى فى اية قولتلوا مش خير خالص يا عمى وحكتلوا على كـــل حـــاجـــه ..معادا انى روحت لمحمود الصبح
    قالى اه طيب بص يابنى الموضوع دلوقتى كبر لان انابيل لو ظهرت لحد مش بتسيبوا
    غير لما تموتوا غير لو ربنا مكنش كتبلوا انوا يموت منها ..فا لازم من
    دلوقتى.. اكون معاك علشان نقدى عليها مع بعض لان انا اعرف ازاى امشيه بس هى
    مش بتظهر غير ليك..فا لازم نكون مع بعض .. طبعا وافقت من غير اى ترردد..
    وفكرنا اننا ناجر شقه ونقعد فيها ..بس انا قولتلوا لا بلاش ناجر تعالى اقعد
    معايا فى البيت عندى .. قالى طيب ووالدك وولدتك !! ..قولتلوا انا وحيد
    ولدى وولدتى ماتوا من 2 فى حادثه ..

    المهم قومنا واحنا متفقين اننا هنقعد عندى ..روحت معاه بيتوا واستنيتوا تحت لحد اما نزل بشنطتوا وقالى يلا .. وركبنا عربيتوا..

    ووصلنا
    البيت عندى .. وطلعنا ودخلنا الشقه انا داخل وانا خايف جدا ..بس الغريبه
    انوا دخل الشقه وقالى يلا يلا يابنى واقف ليه .. استغربت .!!

    المهم
    حط شنطتوا فى اوضتى .. وقاعدنا وطبعأ طلبنا اكل واكلنا وقبل ما الليل يجى
    بشويه .. دخلنا علشان نحط هودوموا فى الدولاب ..بس قبل ما يفتح مسكت ايدوا
    ..بصلى وقالى متخفش..

    وفتحنا الدولاب ملقناش حاجه وحطين الهدوم كلها ولاقيت فى الشنطه بتاعتوا كتاب كده على الجنب سالتوا كتاب اية ده قالى هتعرف بعدين..
    وخرجنا
    قاعدنا بره ..وقالى اية يابنى هو التلفيزيون بايظ ولا اية .. فكرت كده فى
    دماغى وقولت تليفزيون !!!.. قولتلوا وانا مستغرب لا لا التليفزيون شغال
    ..قالى طب افتحهولنا كده نتسال شويه ..قومت فتحت التليفزيون وقعدنا نتفرج..
    الليل ودخلنا علشان ننام.. دخلت قعدت على السرير وهو نام على السرير .. وقالى مالك يابنى متنام قاعد ليه .... فا نمت !!!

    قولتلوا بصوت منخفض .. هو ايه الى حضرتك بتعملوا ده !!
    قالى بردوا بصوت منخفض ..لازم نتعامل بطبيعتنا علشان هى متشكش فينا .. انا عارف
    انك استغربت بس اديك عرفت انا عملت كده ليه....وبعد صمت كبير

    تك تك تك تك تك تك تك تك...

    بصتلوا
    وانا خايف شاور با ايدوا انى اهدى .. وقمنا علشان نفتح الدولاب وانا كنت
    واقف بعيد علشان كنت خايف اشوفها من قريب ..وهو الى فتح الدولاب ..

    الصوت
    اختفأ وملاقناش حاجه ..بصتلوا وبعد فتره قفل الدولاب وكملنا نوم ..قولتلوا
    هى فين ؟ قالى هى مفضلتش قعده علشان عرفت انى الى هفتح الدولاب .. واتفقنا
    اننا من بكره هنبدا كل حاجه علشان نخلص منه ...

    انا هرجعلكم تانى علشان احكلكم رحلة القضاء على انابيل




     
    من مواضيعي في كريزي مان

  • احدث اشكال الجيست بوك guest books
  • http://www.crez...............ايه رايكم لو نعمل ده مع بعض..........
  • مبروووك يااجمل من النهار وياارق منار
  • احنا الاصل والباقي ف الفصل
  • ماذا يدور فى عقل الرجل عند الارتباط بالمراه؟
  • ازياء شتوية كووول
  • اكسسورات للمنازل من الكروشيه
  • فيروس ايبولا
  • قمصان نوم لعيونك
  • غطية الهالات السوداء
  • śєnoяiтα
    افتراضي رد: حكايتي مع انابيل

    الجزء التالت بعنوان رحلة القضااء على انابيل

    نمت انا وعم محمود ..وصحينا الصبح عادى وفطرنا وقعدنا وقولتلوا احنا هنعمل اية
    دلوقتى .. قالى منقدرش نعمل اى حاجه دلوقتى غير الما نشوفها الاول ونكون
    نقدر نتحكم فيها .. قولتلوا نتحكم فيها ازاى ؟

    قالى يعنى نشوفها ونخليها ثابته فى مكانها علشان اعرف ابعدها عندك
    قولتلوا طيب واحنا نعمل كده ازاى ؟
    قالى الموضوع كلوا في ايدك .. هى مش بتظهر غير ليك فا لازم تظهرك وانا هطردها

    قولتلوا بس انا بخاف من منظره
    قالى دلوقتى بقيت بتخاف مش ديه الى كنت هتموت وتعرف معلومات عنها وانا حزرتك..

    حسيت انوا مضايق كده قولتلوا انا اسف انا عارف ان ديه غلطتى بس لو خرجت من المشكله ديه عمرى ما هفكر فى الحاجات ديه تانى..

    تك تك تك تك تك تك تك تك تك تك تك

    وسمعنا نفس الصوت تانى .. بصينا لبعض ,, وقالى بصوت منخفض بص دلوقتى هى الفرصه لازم تروح تفتح انت علشان تفضل قعده وانا هموتها

    وانا روحت علشان افتح الدولاب وانا خايف اووى وعمال ابصلوا .. بس هو كان بيشجعنى انى مخفش.....

    وفتحنا الدولاب

    بس ملاقناش حاجه ..والصوت لسه شغال تك تك تك تك تك تك تك تك

    بصتلوا وانا خابف.. شاور ب ايدوا انى متكلمش وفضلنا مشين بندور على مصدر الصوت................

    لحد لما لاقين مصدر الصوت .. كان فى المطبخ .. وكان تحديدا فى دولاب المطبخ ..الصوت جى من جوه ..شاولى انى افتحوا وهو واقف جمبى ...

    وفتحت الدولاب .. ولاقتها قاعد و الابتسامه المرعبه ديه على وشها بس كانت قاعد
    على الجانب مش فى النص وبتبص على نحيت دولاب المطبخ التانيه استغربت اول
    مره اشوفها تقعد كده...

    ولاقتوا جيه وقف جمبى بالظبط وبدا يقراء من الكتاب .......

    وبعد
    دقيقه واحده بس المكان بدا يسخن انا نفسى حسيت بحراره شديده جدا فى جسمى
    وكنت بقولك انا مش قادر اقعد هنا انا عايز اخرج بره .. لاقيت بيعلى صوتوا
    بالقرايه ..عرفت ان معنها لا .. حاولت استحمل وافهم هو بيقول اية بس كلموا
    غريب اوووى مش فاهم اى حاجه ....

    وفجاه وانا بحاول افهم هو بيقول اية سمعت اصوات غريبه بس حسيت انها كانت بعيده اووى ........

    لا ديه بتقرب الاصوات ديه بتقرب ....ديه اصوات ناس بتصرخ والصرخات عمال تعلى حسيت ان دماغى هتنفجر من علوا الصرخات.......

    عمال بتكلم وبقولوا انا مش قادر دماغى هتنفجر وجسمى مولع ....

    وفجاه كل ده سكت والحراره راحت .. وهو بيقراء ....

    تمثال انابيل عوج راسوا بصلوا ... ان وقعت على الارض من الى انا شوفتوا وهو كمان لاقيت وقف قرايه وبص عليها ...

    ولاقيت دولاب المطبخ اتقفل فجاه وعم محمود بعد راسوا بسرعه ....

    ولاقيت كل ابواب دولاب المطبخ عماله تتفتح وتتقفل بسرعه .. معادا الدولاب الى كان فيه انابيل كان مقفول تماما ومش بيتحرك ....

    انا قولت لعم محمود يلا نخرج من هناااا ... هو مترددش انوا يخرج وخرجنا بره لكن يارتنا مكناش خرجنا .....

    اول لما خرجت انا وعم محمود بره فى الصله .. لاقينه كلب ايوه كلب.. كلب اسود
    اوى وعينه حمرا جدا بس المشكله كانت انوا مش بيتحرك خالص ... كان قاعد على
    الكنبه الى قدامنا على طول وبصص علينا كانوا كان مسنينا نخرج .....

    انا كنت هصرخ بس عم محمود حط ايدوا عليا وسكتنى ..واخدنى ومشينا برحه خالص لحد لما خرجنا بره الشقه ....

    انا نزلت الشارع عمال اقول انا ايه الى بيحصلى ده انا السبب انا السبب ياريتنى مكنتش دخلت الفيلم الى كان فيه انابيل ده ....

    روحنا انا وعم محمود للمكان الى اتقابلنا فيه اول مره ..وبدا الحور بتاعنا.....

    عم محمود : بص يا طارق دلوقتى الموضوع ابتدا يكبر واحنا مش عارفين نعمل حاجه
    انا : طب هو انت مش كنت بتقراء وهى قدامك فى المطبخ .. ما متتش ليه !!
    عم محمود : تموت اية يابنى انت فاكر الموضوع بالساهل.. اولا هى مش بتموت بس هى ممكن تطرد من حياة الشخصه الى معاه
    انا : طب ازاى هنطردها ؟
    عم محمود : معنديش غير حل واحد بس
    انا : اية هو ؟؟؟؟
    عم محمود : انك تقعد لوحدك فى البيت لحد ام تظهر وتطمن انك لوحدك علشان تبقا بكامل هياتها واعرف اطردها
    انا : نعم !! اقعد لوحدى لالالا انا مش عارف ..انا لما كنت معاك كنت هموت من الرعب واومال لو لوحدى بقا
    عم محمود : معندناش غير الحل ده .. وبعدين انت لو معملتش كده بردوا هتبقا ميت........

    انا فكرت فى الموضوع ومكنش اودامى حل غير انى اوافق.. وقولتلوا انت هتبقا فين
    قالى هبقا بعيد عن العماره بمسافه قليله .. قولتلوا ليه قالى علشان هى بتحس
    بالعماره كلها ....

    وبعد كده اتفقنا انى هروح البيت لوحدى وهو هيجى فى وقت معين..

    ورحت ووقفت تحت العماره وانا متردد وبقول فى عقلى يااارب استرها معايا يااارب ..
    ودخلت العماره..................

    انا هرجعلكم تانى علشان احكلكم نهاية رحلة القضاء على انابيل









     
    من مواضيعي في كريزي مان

  • علاج السليوليت من الجسم 2015
  • ♫♥انتي مزه انتي فل ..معايا انتي ست الكل♥♫
  • طفَشَت .. زَهِقَت .. مَلّيَت .. يَآ ليْتنِي أمُوَت‎ ..
  • كيف تكون من اهل الله وخاصته...الشيخ هاني حلمي
  • الشاطر فيكم يقول الجمل دي
  • شعرك هو الذي يدل علي شخصيتك فما هي شخصيتك
  • فساتين وامواصفاتهم
  • قمصان نوم قطنيه جميله
  • ( ممنوع ... ممنوع ) لماذا دائما الممنوع مرغوب ؟؟
  • ازيـآء بسيطـ’ة
  • śєnoяiтα
    افتراضي رد: حكايتي مع انابيل

    الجزء الرابع والاخير بعنوان ( نهاية رحلة القضاء على انابيل )

    بعد اما اتفقنا انا وعم محمود انى هروح البيت لوحدى علشان انابيل تطلعى باكامل هياتها علشان نعرف نطردها ..انا وفقت
    ورحت العماره......

    بس كان فى حاجه غريبه اووى وانا طالع العمره حاسس بخوف حاسس ان فى ناس وقفه
    على اليمين وعلى الشمال مستنينى ..انا اترعبت جداا ووقفت افكر...

    احساسى الغريبه ده كان هيخلينى مش اطلع البيت لوحدى . بس طلعت........

    وانا بفتح الباب لاحظت حاجه جريت بسرعه ودخلت على اوضتى ...

    توتورى بدا يزيد .. وكنت عايز انزل بس دخلت....

    وقفلت الباب ووقفت ساند على الباب بضهرى وبقكر اعمل اية دلوقتى ..

    حسيت
    بتعب من كتر الوقفه فا نزلت قاعدت ع الارض وانا ساند على باب الشقه
    بردوا..تسالنى مش رادى ادخل ليه.. علشان عارف اية الى ممكن يكون مستنينى
    جوه..

    ابتدات اسرح فى افكارى وافكر .. عم محمود هيجى امتا !! وهى هتظهرلى امتا !!
    ووسط تفكير عميق.. سمعت حاجه هبضت على الارض جامد ..

    انا خوفت اكتر وضميت رجلى عليا كده وكومت نفسى من كتر الرعب ..

    وبعد مده وانا قاعد كده سمعت صوت عيط صوت بنت صغيره بتعيط..

    انا اسغربت !! ازاى ايه الى هيجبى بنت صغيره هنا !!

    فضلت اتامل فى صوت البنت الى بتعيط ..

    بعد
    كده لاقيت واحده ست خارجه من الاوضه بتاعتى وشايله عيله صغيره .. والعيط
    ده كان جى من البنت ديه ..انا كنت مصدوم وعمال ابوص على الست ديه عماله
    تهدى بنتها الى بتعيط وهى شيلها بس الست ديه كانت غريبه اوى كانت ضخمه كده
    وشعرها مربوط فى دمغه .. هتقولى ازاى ..معرفش. شعرها ربطها حولين دماغها

    وبعد كده وهى داخله على المظبخ بصتلى....

    ويارتها ما بصتلى شكلها شبه انابيل بالظبط .. بس على اوحش بكتير .. ابتسامه فظيعه وعنيها بيضه خالص ..

    وفضلت بصه عليا مده طويله انا حطيت دماغى بين رجلى وبصيت فى الارض قولت لحد لما تمشى ....

    قعدت فتره على الحال ده وبعد كده جيت ارفع دماغى علشان اشوفه....

    لاقت وشها فى وشى...

    عماله تحرك دماغه كده وهى بصلى .. انا اتخضيت وقومت بسرعه من مكانى .. ورحت وقفت
    بعيد لاقتها لسه بتبص فى المكان الى انا كنت وقف فيه..

    بقيت مش فاهم اعمل اية دلوقتى ...

    وسط تفكير عميق وتامل فى الست ديه...

    تك تك تك تك تك تك تك تك تك تك

    سمعت الصوت المشئوم ده ..

    مش عارف اروح اشوف الصوت ده جى منين ولا اخلينى كده احسن..

    فكرت انى اروح بس وانا لسه هتحرك علشان اخش اوضتى اشوف الدولاب .....

    لاقيت
    الكلب الى انا شوفت قبل كده طلعلى بس المره ديه كان اضخم بكتير عن المره
    الى فاتت كان ضهروا عااالى اووى ونفس الشكل اسوووووود و عينيه حمرا..

    وحمد ربنا انوا مشفنيش وراح للست الى كانت قاعده وقعد جمبها ........
    انا خلاص سلمت نفسى وقولت انى هموت خلاص ... وقعدت على الارض ..

    انا دلوقتى.. اودامى الست الغريبه ومعاها بنتها الى بتعيط والكلب قاعد جمبها
    ..و تك تك تك تك تك تك تك تك تك ..وسامع الصوت ده ..............

    قاعد عمال اقراء فى القران الى انا حفظوا .. وبعد كده وانا بقراء سورة الكرسى ..

    سمعت صوت عمال يززززززززوووم.. وعيط البنت بقا اكترر .. وتك تك تك تك بقت اجمد لدرجة انى سمعت صوت باب الدولاب وهو بيتكسر .....

    والكلب
    قام وقف والست عنيها بقيت سوده مش بيضه ..انا خوفت وقولت يارتنى مكنت
    قراية .....وانا اتعدلت وقمت وقفت وانا ساند على الحائط...

    ولاقيت الست سابت بنتها وقامت ودخلت المطبخ...بس بعد اما شوفتها دخلت المطبخ ببص على بنتاها لاقتها ....

    انابيل!!..بنتها
    الى كانت شيلها وبتعيط كانت انابيل بس التمثال كان سابت مش بيعيط ولا حاجه
    كان عليه نفس الابتسامه المرعبه ولاقت الست خرجت من المطبخ ومعها ولاعه
    وسكينه .......

    ورحت للكلب ودبحتوا .....

    ايوه فصلت دماغوا عن جسموا خااالص...

    انا
    مقنتش قادر اصدق الى انا شايفوا ده ..بس فكرت وقولت اما انابيل كانت فى
    ايد الست ديه ...اومال مين الى كان بيعمل تك تك تك تك تك تك تك .....

    دخلت
    بسرعه على اوضتى بس ملاقتش حاجه ..الدولاب كان زى ما هو مفهوش اى حاجه ..
    وبصيت على الست ملاقتش اى حاجه من الى كانت موجوده دخلت المطبخ علشان
    اشوفوا عامل ازاى بعد اما الست دخلتوا . ويارتنى مادخلت ..




     
    من مواضيعي في كريزي مان

  • اصنعي شنطك من القماش والدانتيلا
  • أربعة خطوات لوجه مضيء
  • شَالَات لااغَلي الْجَمِيْلَات
  • كولكشن رسوات حنه تاخد العقل 2015
  • لجمال رموشك و بشرتك))
  • يلا كلوا يرقص علي واحده ونص وسلو وكمان ويقووول.........
  • لـك يــوم يــا ظــالـم ( أيـن الضمــير الإنســانى )
  • لماذا يتشقق عقب القدم؟‏
  • مسابقه العضو المدلل!!!آمـر تدلل مالك الآ اللي يرضيكـ
  • اسرار البنات للبنات فقط, اسرار البنات الخاصة, اسرار البنات المراهقات في الحب
  • śєnoяiтα
    افتراضي رد: حكايتي مع انابيل

    لاقتها قاعد وضهرها ليا ومسكه بنتها وبتعيط ..فضلت بصصلها ..لحد اما لفت دماغها وبصتلى ..وهى كمان كانت بتعيط .....

    وفجاة بدات تغضب .. وتغضب وتغضب .. لحد اما عنيها بقيت سوده تانى

    وبدات تقوم انا قولت خلاص انا مش هقعد هنا تانى ...

    وجريت على باب الشقه بفتحوا...

    بس مفتحش..كان مقفول ..عمال افتحوا بالمفتاح لكن هو مكنش مقفول بالمفتاح ..وحاولت اكسره لكن بردوا منفعش...

    كنت هستسلم للموت بس انا قولت انى كده كده ميت ...فا قررت انى هدافع عن نفسى
    .. ودخلت براحه علشان اجيب سكينه من المطبخ من غير لما تحس بيا.....

    بس انا ملاقتهاش اما دخلت ..حمد ربنا وجبت سكينه وخرجت ...

    .
    .
    .
    .
    .
    .
    لاقتها فى وشى...

    كانت دخله المطبخ وانا خارج ..معرفتش اعمل اية ..دخلت المطبخ عندى كانت ضيقه.. فا معرفتش اخرج وهى دخله........

    فقررت انى هضربها بالسكينه ..وفعلا من كتر غضبى وخوفى غرست السكينه فى وشها ..

    بدات تصرخ بطريقه هستيريه ..وبصوت عالى حسيت ان البيت بيتهزز..رحت زقتها بعيد
    وطلعت على بره ..حاولت افتح الباب تانى وفتح ..خرجت بسرعه....

    بس وانا بخرج بره الشقه ...

    اتحدفت جوها تانى والباب اتقفل .. معرفش ازاى حصل ده ..والصرخات بقيت كتير طلعه من الست ديه .... وانا شايفها جوه فى المطبخ ..

    وفجاه شالت السكينه من وشها ..وكانت جيه عليه.....

    انا
    روحت قاعدة على جانب وكنت ساند على الحائط وشايفها وهى جيالى.. خبيت وشى
    بين رجلى ...وكنت مستنى الموت

    وفجاه بدون اى مقدمات .. لاقيت الباب اتكسر.

    وعم
    محمود دخل وكان معاه محمود ..وانا بصيت عليهم.. وحسيت انهم هم الى هيبقوا
    النجده ليا عم محمود قاعد يقراء كلام غريب بردوا بس حسيت انوا كان مختلف عن
    الكلام بتاعم المره الى فاتت...

    ومحمود ساعدنى وقومنى وانا مكنتش قادر اقف خالص بس من فرحتى حاولت اقف .. وقعدنى
    على الكرسى وانا شايف عم محمود عمال يقراء عليها وهى عماله تتعصب وتخبط فى
    الحائط...

    لحد لما لاقتها وقفت وبصت لعم محمود .. وعمالها تبرقلوا بشده..

    وبدات تقرب منوا ببط.... وهو ساكت لحد اما كنت خلاص هتوصلوا ...

    بدا يعلى صوتوا فى القرايه ..لاقتها اترزعت فى الحائط ووقعت ...

    بس قامت تانى انا ابتدايت اخاف حسيت ان عم محمود مش هيقدر عليها...

    بس لما قامت حطط السكينه فى وشها تانى ..وفضلت واقفه ...

    لحد لما عم محمود قراء سورة الكرسى ...
    .
    .
    .
    .
    .
    .
    .
    .
    .
    وبعد اما خلصها ...

    الست اتحرقت....واختفت تمامأأأ..........

    وعم محمود جالى وقالى بص يابنى بلاش تفكر فى الحاجات ديه تانى.. وشوف شقه
    تانيه تقعد فيها واقفل الشقه ديه خالص ومتخليش حد يخشها ...وانا قولتلوا
    طيب هى فين انابيل ؟ .. قالى ما هى ديه الروح الى بتبقا ساكنه جوه انابيل
    .. ارتحت لما عرفت ان العذاب ده خلص..

    وعملت الى قالى عليه .. وقفلت الشقه خالص...

    وعم محمود شفلى شقه تانيه .. وقاعدت فيها وعشت حياتى عادى وكنت من الجامعه للبيت ومن البيت للجامعه ..

    وقولت اكتبلكم حكايتى علشان اعرفكوا ان الفضول قد يقتل احياناا...




     
    من مواضيعي في كريزي مان

  • طريقة تدليك الوجه
  • ¤*¤الليفة المغربية: سر جمال المغربيات¤*¤
  • الله يرحمك ياانوثة !!!
  • الصيام معنــاه وحكمــه والحكمــة مــن الصــوم
  • خيانه حبيبي
  • قصة سيدنا ادم عليه السلام
  • سكربينات بجميع الالوان ..
  • تأجيل محاكمة مبارك إلى السبت لعرض «فيدوهات قتل الثوار»
  • ♥ اكبر مخلوق فى العالم ♥ هل من قائل { سبحان الله } ♥
  • طريقة عمل ورود بالاكياس البلاستيك 2015
  • احمد بيسو
    افتراضي رد: حكايتي مع انابيل

    <<<
    وانا الفضول كان هيقتلني وانا بتابعكـ وانا بتنزلي الاجزاء وعايز اعرف النهاية ^^
    قصة مشوقة هي كانت على القهوة متهيألي .. بس جامدة وخطوة حلوة انكـ، تكتبي في الرعب وتجمدي قلبك كدهـ ..
    تسلم ايدك ريمـ .. منورة قسم الرعبـ .. موضوع شيق وممتع




     
    من مواضيعي في كريزي مان

  • تحذيرات من فتنة في مليونية الجمعة.. ومطالبات بمحاكمة عاجلة لمبارك
  • صور مظاهرة الشرطة صور مظاهرات الشرطه أمام ماسبيرو للمطالبة بإقالة العيسوى
  • مذكرات كلية التجارة جامعة عين شمس الترم الاول الفرقة الثالثة جميع المواد2011
  • ضجة وشكوك تحوم حول يوفو الصين
  • اهداف اليابان وسوريا
  • صور حيونات جميلة 2013 صور حيونات مضحكة 2013
  • صور رولا ذكي 2015 اجدد صور رولا ذكي 2015
  • فيلم المركب تحميل فيلم المركب 2011 تنزيل فيلم المركب 2011 فيلم المركب
  • القبض على 6 أشخاص أثناء تنفيذ حملة إزالة تعديات بسمنود
  • عـــــــــــــنـــــــــــدنـــــــــا بـــــــــاب
  • إضافة رد

    مواقع النشر (المفضلة)

    الكلمات الدلالية (Tags)
    مع , انابيل , حكايتي



    جديد مواضيع قسم منتدي الرعب والجن والعفاريت
    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة
    Trackbacks are متاحة
    Pingbacks are متاحة
    Refbacks are معطلة



    الساعة معتمدة بتوقيت جرينتش +2 . الساعة الآن 11:07 PM .


    Powered by vBulletin® Version 3.8.1 Copyright ©2000 - 2019, Jelsoft Enterprises Ltd.
    Content Relevant URLs by vBSEO

    جميع المواضيع والمشاركات المكتوبة تعبر عن وجهة نظر صاحبها ... ولا تعبر بأي شكل من الأشكال عن وجهة نظر إدارة المنتدي

    دردشة كريزي مان اون لاين
    دخول الاعضاء