منتدي كريزى مان > >
حكــــــــــــــــــــــــــايه حـــــــــ♥ـــــــــــــب 2
الإهداءات
SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه     ضى القمر من كريزى مان : وعليكم السلام شكرا العجمى للاهداء وسلام لجميع المشرفين والاعضاء والزوار واكيد لوشا وعسوله كمان     العجمى من : السلام عليكم ورحمة الله وبركاته إلى جميع الاحباب والأصدقاء منورين الدنيا ضى القمر وعبدالجواد وعاشقة النيل وكل أعضاء المنتدى اهلا وسهلا بكم في كريزى مان    

حكــــــــــــــــــــــــــايه حـــــــــ♥ـــــــــــــب 2

قائمة الاعضاء المشار إليهم :

عدد المعجبين3الاعجاب
  • 1 Post By حمادةعوض
  • 1 Post By nouran_92

Eh S(21) حكــــــــــــــــــــــــــايه حـــــــــ♥ـــــــــــــب 2
(2)
راح محمد النادي وقعد يتكلم مع يارا بس مجبش سيرة ميار .. وفضلوا قاعدين شويه ..
محمد : ايه ده انا موبيلي فين
يارا : مش ف جيب الجاكت ؟
محمد : لا
يارا: طيب هرنلك عليه
محمد : وانا هطلع ابص عليه في العربيه
في الوقت اللي محمد طلع فيه العربيه .. يارا شافت محفظه محمد .. وبسرعه طلعت البطاقه وشافت منها كذا حاجه وحفظتهم وشالتها تاني بسرعه ..
محمد : لقيته
يارا : طيب الحمد لله
محمد : الحمد لله .. يلا نمشي
_____________________

روحت يارا البيت وشافت يمنى قاعده بتتفرج على االتليفزيون
يارا : يمنى عايزه منك خدمه
يمنى : خير يا يارا
يارا : هو انتي لسه بتكلمي طارق (صاحب يمنى) !
يمنى بستغراب : طاارق ؟؟ ايوه بكلمه بس انتي عايزه ايه من طارق !
يارا : يعني كنت عايزاه في حاجه كده
يمنى : يارا انا مش مستريحالك .. قوليلي ناويه على ايه
يارا : هتعرفي كل حاجه بس كلميه قوليله يقابلك النهارده ضروري ويجيب معاه حد من صحابه
يمنى : لا كده كتير اوي .. انتي شكلك ناويه على مصيبه
يارا : لا مش مصيبه .. بس ناويه اتجوز محمد .. بما ان هو بيتهرب من موضوع الجواز ف انا هحطوا قدام الامر الواقع
يمنى : ازاي و هتعملي ايه
يارا : انا جبت بياناته من البطاقه النهارده .. وبياناتي معايا .. مش ناقص غير العقد العرفي واتنين شهود و التوقيع
يمنى : تتجوزي عرفي يا يارا !!!
يارا : ده مؤقتا بس
يمنى : لا يا يارا لا
يارا : عشان خاطري .. يمنى انا بحبه
يمنى : حبيه بس متاذيهوش و تاذي نفسك
يارا : مش هاذيه
------------------------------------
بعدها ب يومين
يارا : انا مش قادرة بقى خلاص احنا لازم نتجوز الناس كلها بقت بتشوفنا مع بعض كل يوم وكدة سمعتي هتبقى في الارض
محمد بخضة : نن .. نتجوز ؟؟!!! لا طبعا مستحيل
يارا : ليه يعني احنا بنحب بعض ومن حقنا نبقى مع بعض
محمد ب ارتباك : بسس ااصل انا انا
يارا : مفيش بس احنا نتجوز
محمد بحيرة من كلامها : مش عارف يا يارا
يارا : انا كل لما اكلمك في موضوع الجواز بتتهرب مني بس ماشي يا محمد انت حر لما تعرف كلمني سلام
( وبينها وبين نفسها انا هواريك يا محمد والله لاخليك تندم )
في الشركة بتدخل يمنى على محمد , مستر كان في ورق مهم لازم توقعه بيوقع محمد على الورق وهو مش مركز ايه اللي مكتوب فيه ..
يمنى : مستر حبيت افكرك ان في اجتماع مهم كمان ساعة مع الوفد الفرنسي
محمد : كويس انك فكرتيني انا كنت ناسيه
يمنى : بعد اذن حضرتك
بتخرج يمنى من عند محمد بعد ما وقعت على الورق اللي عايزاه وبتمسك الموبيل وتتصل ب يارا
يمنى : عندي ليكي خبر ب مليون جنيه
يارا : ايه ؟؟
يمنى : الخطة نجحت ودلوقتي انتي حرم الباشمهندس محمد هاني
يارا : الله عليكي ايوة كدة بقى
يمنى : هنعمل ايه دلوقتي ؟
يارا : سبيني افكر
--------------
في الوقت اللي يمنى كانت بتكلم يارا محستش ان باب مكتبها مفتوح ومن سوء حظها ان رشا(موظفة في الشركة) كانت معديه و بالصدفة سمعتها وهي عارفه ان محمد لسه متجوز ميار لانها حضرت فرحهم .. رشا فضلت تفكر تعمل ايه .. قررت انها تسكت لحد ما تتاكد ان الموضوع صح بس في نفس الوقت صعبان عليها اوي ميار لو الموضوع طلع صح ..
تاني يوم الصبح
يارا : محمد ان عايزه اشوفك ضروري
محمد : ماشي بس هخلص شغل على الساعة 2 كدة فينك انتي
يارا : في فندق على النيل وادتله العنوان
محمد استغرب قالها : فندق ؟؟؟
يارا : اه يلا مستنياك
الساعة 2 ونص وصل محمد الفندق واتصل بيها
محمد : انا وصلت انتي فين
يارا: انا فاوضه رقم .....
محمد باستغراب : ماشي ( ياترى ناويه على ايه يا يارا )
بيخبط و يدخل واتصدم من اللي شافه
يارا : ايه يا حبيبي مالك
محمد بعصبية : حبيبك إيه وزفت إيه مالي مالي ازاي انتي ايه اللي انتي لبساه ده ؟؟ قميص نوم يا يارا ؟؟؟ هو انا جوزك عشان تلبسي كدة قدامي ؟؟
يارا بتحدي : اه جوزي
محمد بتريقه : يا شيخة من امتى بقى ان شاء الله
يارا : بدقت تمثل انها بتعيط وقالتله طيب اقعد اهدى وانا هفهمك
محمد بنرفزة : مش عايز اترزع انا عايز افهم !!!!
قربت منه وقدرت تخليه يستسلم وينسى العصبيه ويسيب نفسه ليها ويفضل قاعد معاها .. محمد راحت عليه نومه ولما صحى بص شاف يارا نايمه جنبه على السرير بيبص في الموبايل
لقى الساعة 12 ونص بليل ومكالمات كتير من ميار واحمد وامل ( اخوات محمد ) ..

قام بسرعة لبس ونزل راح البيت لقى ميار منهارة وبتعيط قامت ميار جري على محمد وحضنته جامد
ميار بعياط : كدة بردو ينفع كدة تخضني عليك ؟
محمد بتعب : معلش انا اسف بس تعبت في الشغل وطلبت محدش يبلغك عشان متقلقيش
ميار : سلامتك يا قلبي يلا قوم نام
---------------------------------------------------------------------
من ساعة اللي حصل محمد بعد عن يارا مبقاش يرد عليها ومعاملته مع يمنى بقت جافة اوي ...
بعد شهرين
محمد : انتي فين يا يارا
يارا : في البيت لسه صاحيه
محمد : عايزك ضروري
يارا : ماشي

بعد ساعتين
محمد ممكن اعرف انا جوزك ازاي طول الفترة دي هتجنن؟
يارا : فتحت شنتطها و طلعت منها ورقة
محمد : ايه الهبل ده المفروض اني اصدق ؟؟
يارا : ده مش هبل .. انا مراتك
محمد : لا هبل عشان انا معرفش حاجة عن الورقة ديه ومشوفتهاش قبل كدة
يارا : اديك شوفتها وبعدين ازاي مش ده توقيعك
محمد بصدمة : اه بس
يارا : مفيش بس احنا دلوقتي متجوزين ياريت متفكرش انك تخلص منى محمد :هتندمي على العملتيه
يارا بعياط: انا بحبك
محمد لف وشه ومردش ومشى وسابها
محمد كان مضايق جدا ومش عارف هيتصرف ازاي ولا يعمل ايه .. فكر كتير انه يحكي ل ميار يمكن تسامحه ويبعد عن يارا بس كان دايما يرفض كان عقله يقوله لا و قلبه يقوله اه ..
يارا حاولت كتير تتصل عليه بس موبايله كان مقفول ومعرفتش توصله .. بعتتله رسالة على الفيس ..
" انا اتصلت بيك كتير مردتش .. ارجوك متبعدش عني انا ما صدقت لقيتك .. مبقاش ليا حد غيرك متسبنيش"
محمد لما روح البيت لقى ميار نايمه زي الملايكه قاعد جنبها فضل يبصلها وبينه وبين نفسه .. ( انا اسف يا ميار .. اسف عشان خنتك .. اسف عشان موفتش بوعودي معاكي .. اسف عشان احساسي خاني ورحلها بعد ما نستها .. انا معرفش ليه رجعت تاني ولا ناويه على ايه .. يارب مخسركيش بسببها )
بعد تفكير طويل فكر انه لازم يقول ليارا انه متجوز .. واتصل بيها وطلب يقابلها ..
محمد بنرفزة : انتي فين ؟
يارا بقلق : بشتري حاجات ناقصه البيت
محمد: لازم نتقابل لازم تعرفي اني ...
يارا: انك اييه ؟
محمد: ولا حاجة لما اشوفك هتعرفي
يارا: بس مش هينفع عشان محدش يشوفنا
محمد بعد تفكير طويل وبعد اللي حصل بينهم قرر يديها عنوان يتقابلوا فيه
محمد: لا ينفع خدي العنوان ده و نتقابل هناك سلام
يارا: طيب سلام

محمد وصل قبل يارا .. ركن عربيته ووقف شويه قدام العماره وقرر انه يطلع .. فتح باب الشقه مش عارف يدخل ولا لا .. كل حاجه زي ما هي العفش الستاير والسجاجيد بس التراب كان مغطيهم فضل واقف افتكر ذكرياتهم الحلوة في المكان ده لما كان بيجي هو وميار يفرشوا البيت و يختاروا الالوان مع بعض ويتفقوا على كل حاجة تخص البيت ونزلت منه دمعة ندم على ظهور يارا تاني في حياته وعلى الكدب اللي بيكدبوا على ميار كل يوم وهي بتصدق عشان واثقه فيه وبتحبه .. اضايق جدا من نفسه مضايق من الكلام والاحساس اللي جواه عايز يصرخ بس صوتوا متحاش ..
نزل لبواب العماره يطلب منه يبعت حد ينضف الشقه عشان مقفوله من كام شهر بعد ما سابوها وراحوا البيت الجديد وعشان مينفعش يتقابلوا فيها كدة
--------------------
محمد: لو سمحت
البواب: ايوه يا بيه
محمد:معلش انا بس كنت عايز حد ينضف الشقه
البواب: خلاص يا بيه انا هخلي مراتي وبنتي ينضفوها اديني المفتاح وساعة زمن هتلاقيها بتلمع
محمد: ماشي انا هقعد في اي حته لحد ما يخلصوا
-----------
يارا بتتصل بمحمد: انا خلصت انت فين
محمد: في الكافيه....... و اداها العنوان
يارا:طيب سلام
----------
عدت ساعه و الشقه اتنضفت ووصلت يارا الكافيه
يارا: احنا هنقعد هنا ؟
محمد: لا
يارا: امال ايه ؟
محمد : ممكن تسكتي و كفايه اسئلة ؟
يارا باحراج : اوك
-------------
اخدها محمد ركبوا العربيه وطلعوا على الشقه ... يارا دخلت الشقه بتتفرج عليها و كانت عجباها اوي مفروشه حلو والالوان متناسقه كل حاجه في الشقه كانت جميله فعلا وهاديه .. شافت يارا صورة لفتت انتباها .. كانت صورة ميار ومحمد بس مش بتاعت الفرح
يارا : مين ديه يا محمد ؟
محمد سرحان ومسمعش سؤالها
يارا: محمد انا بكلمك بقولك مين ديه
محمد فاق على صوتها ومش عارف يرد : ديي دي بنت خالتي
يارا بتحاول تصدق : اها بنت خالتك .. طيب كنت عايزني ف ايه
محمد مش عارف ليه مقلهاش انها مراته ورد على يارا بعصبية : احنا مينفعش نفضل متجوزين كدة .. شوفيلك حل بقى
يارا: نتجوز على سنه الله و رسوله
محمد: لا يمكن مستحيل .. انتي هتقطعي الورقتين اللي معاكي دول وتبعدي عني ولا اكنك تعرفيني
يارا وهي بتضحك وبتتحداه : يا سلام انت مفكر انه سهل كده ... مفكر ان الموضوع مجرد ورقتين يتقطعوا وكل واحد يرجع مطرح ما كان ؟ انت نسيت الحصل بينا ؟؟ .. اظن في الحاله ديه مش هينفع تبعد
محمد وهو مش عارف كل ده بيحصله ليه : حرام عليكي انتي ايه مش بتحسي امشي غوري بقى ياريتك ما رجعتي يا شيخه
يارا قامت تقف عشان تمشي و تسيبوا حست ان .....
________________________________________

يارا قامت تقف عشان تمشي وتسيبوا حست ان الدنيا بتلف بيها واسودت مره واحده ومحستش غير وهي جوه في الاوضة والدكتور بيكشف عليها
محمد: خير يا دكتور
الدكتور: ده بيحصل طبيعي في شهور الحمل الاولى .. اهم حاجه تاخد العلاج و ترتاح .. مبروك !
محمد : حامل ؟؟ معلش معلش اتاكد تاني اكيد في حاجه غلط
الدكتور : انا متاكد المدام حامل .. سلام عليكم
يارا مش عارفه تفرح انها حامل من اللي بتحبه ولا تزعل على محمد اللي ممكن يضحي بيها ويسبها في الوقت ده ولا تندم على انانيتها ..فضلو هما الاتنين ساكتين لاكتر من نص ساعه .. لحد ما يارا راحت في النوم عشان تعبت .. قام محمد قرب منها وقعد على طرف السرير جنبها حط ايده على بطنها " معقول !! معقول ابقى اب منك انتي يا يارا ؟ يعني ابني اللي منك ده هيبقى اخ ولادي انا وميار .. ايه اللي انا بعمله ده .. انا كده ظلمت ميار وخنتها وشكلي هظلمك انتي كمان والولد اللي جاي ده كمان ...
لحد ما راح في النوم من كتر التفكير ...
----------------------------------
كل ده رشا متابعه محمد ويمنى ويارا وعايزه تعرف اللي بيحصل و قررت انها تقول ل ميار ..
ميار في الشغل قاعده بتفطر مع دينا وزميلها فجاة سابتهم وقامت تجري على الحمام دينا خرجت وراها
دينا بخضة: مالك يا ميار
ميار بتعب : مش عارفه بس معدتي قلبت و حسيت اني دايخه
دينا بضحكة : لا تكوني
ميار : حامل؟
دينا : تعالي نروح المعمل و نتاكد
ميار بفرحة : يلا
بعد نص ساعة طلعت النتيجة

الممرضة : دكتورة ميار مبروك حضرتك حامل
ميار : بجدد انتي متاكدة
الممرضة : اه والله يا دكتورة التحليل اهو اتاكدي بنفسك مبروك
ميار : انا حامل يا دينا انا حامل محمد هيفرح اوي
دينا حضنت ميار : مبروك يا حبيبت قلبي مبروك
ميار : انا هكلم محمد ولا اقولك انا هعملهاله مفجاة واروحله الشركة
دينا: ماشي يا ميرو خلي بالك من نفسك
ميار : ماشي وانت كمان سلام
وصلت ميار الشركة
ميار : لو سمحتي محمد موجود ؟
السكرتيرة (يمنى) استغربت انها بتقول محمد كده من غير القاب : لا يا فندم .. عنده اجتماع بره الشركه .. في معاد معاه ؟؟
ميار بابتسامة : لا انا بدخل من غير مواعيد
يمنى: مينفعش يا فندم
ميار : انا مرات محمد
يمنى مصدومة : مم .. مراته؟
ميار : اهاا .. خلاص انا هبقى اكلمه ميرسي سلام
-----------------------
ميار بتمشي نحية الاسنسير وبتسمع حد بينادي عليها من بعيد : مدام ميار يا مدام ميار
ميار: رشا ازيك
رشا : الحمد لله .. كنت عايزاكي ف موضوع مهم جدا |
ميار بقلق: خير يا رشا
رشا : مينفعش نتكلم هنا .. كمان ساعة هتصل بيكي اقابلك في اي حته
ميار: ماشي هستناكي
بتخرج ميار من الشركة وهي بتفكر ياترى ايه الموضوع المهم ده وليه متكلمتش في الشركة وليه السكرتيرة اتصدمت لما عرفت اني مرات محمد ؟
(ميار بتطلع موبيلها وبتتصل على محمد)
محمد بيأخد موبيله وبيطلع بره الأوضة
ميار: حبيبي انت فين
محمد:عند واحد صحبي في المستشفى عشان عمل حادثة
ميار افتكرت كلام السكرتيرة لما قالتلها ان محمد في اجتماع بره الشركة

ميار بحيرة: ماشي يا محمد سلامته
محمد: الله يسلمك .. اتغدي انتي بقى انا هتاخر
ميار: اوك سلام
-------------------------------
في نفس الوقت يمنى بتتصل على يارا ..ويارا بتصحى من النوم متلاقيش محمد ..
يمنى: يارا الحقي في مصيبة
يارا: في اييييه ؟؟
يمنى:محمد طلع متجوز مراته كانت هنا في الشركة من شوية
يارا: ممممم خلاص متخافيش
يمنى: انتي ناويه على ايه
يارا: كل خير ان شاء الله
--------------
بعد ساعة موبايل ميار بيرن
ميار: الو
رشا: الو ميار انا رشا
ميار: اه اهلا رشا
رشا: انا فاضية ممكن نتقابل فين
ميار:تعالي نروح النادي نتغدى و نتكلم
رشا:تمام سلام
ميار: سلام
---------------------------
وصلت ميار النادي و قعدت تستنى رشا .. رشا محبتش تتكلم في الموضوع غير لما ميار تاكل عشان متاكده انها هتتعكنن
ميار: اهلا اهلا
رشا: متاخرتش صح
ميار:لا انا وصلت بدري شوية .. تحبي تكلي ايه
رشا : ميرسي انا لسه واكله
ميار: لا مش هاكل لوحدي هتكلي معايا
وصل الاكل و اكلوا وبعد ما خلصوا
ميار: ايه الموضوع بقى ؟
رشا : ميار انا عيزاكي تفهميني كويس و متتصدميش
ميار : في ايه ؟؟
رشا: الاستاذ محمد يعني .. اصل هو .. بصراحة .. متجوز
ميار وهي بتعدل قعدتها : الاستاذ محمد مين؟؟
رشا بخوف : جج جوزك .. !!
ميار بتريقه : ههههه جوزي انا ؟؟ و متجوز مين بقى ان شاء الله
رشا: ميار انا مش بضحك عليكي .. وعشان تتاكدي دول كام صورة صورتهم للاستاذ محمد والبنت اللي متجوزها تقريبا اسمها ياا... اه اسمها يارا وتبقى اخت يمنى سكرتيرة الاستاذ محمد ..
ميار بتسمع الكلام وهي مصدومة ومش بتنتطق ..
رشا: وده العنوان اللي بيروحوا فيه يقابلوا بعض ..
ميار: اخدت العنوان واتصدمت اكتر طلع .. طلع عنوان شقتها القديمه هي ومحمد
ميار قامت بسرعه وسابت رشا ركبت عربيها و هي عماله تعيط وبتحاول تكدب كل حاجة سمعتها وشافتها .. لقت نفسها واقفه قدام العمارة اللي كانوا ساكنين فيها و طلعت من شنتطها مادلية مفاتيح .. نزلت براحة من العربية ومشت نحية باب العمارة ..
ميار بصوت مخنوق : سلام عليكم ازيك يا حج
البواب: وعليكم السلام يا بنتي
ميار: معلش يا حج انا كنت بسال عن شقة فاضيه للبيع او للايجار وكنت سامعه ان في شقة فاضية في العمارة هنا..
البواب: لا يا بنتي والله مفيش شقق فاضيه ولا حاجة .. والشقق اللي هنا كلها ساكنة وحتى الشقه اللي كانت مقفوله من كذا شهر صاحبها و مراته لسه جايين
____________________
ميار: معلش بس صحبتي واخدة شقة في الدور التالت وقالتلي ان الشقه اللي قدامها فاضية عشان مش بتشوف حد فيها
البواب: اه ديه شقة محمد هاني بيه و مراته ..
ميار : اها ... هو حضرتك جديد هنا ؟
البواب : ايوة يا ست هانم ..
ميار لما سمعت الكلام اللي قاله فضلت وقفة متنحة ومش مصدقة .. و طلعت على السلالم ورجليها مش شايلاها ومش عارفه هتعمل ايه لو شافتهم فوق ..
وقفت قدام باب الشقه وبتقرب منه وهي بتترعش وفتحت الباب .. دخلت الشقة وهي خايفة من اللي هتشوفه .. لقت باب الاوضة متوارب ومحمد نايم ويارا نايمة جمبه .. المنظر ده خلاها انهارت ومحستش بحاجة قدمها وطلعت تجري ورزعت باب الشقة ..
يارا صحت من النوم :محمد ايه الصوت ده
محمد: .........
_____________________________________
تابعوا بكره مع الحلقه 3 من (حكايه حب )

#dodo


ذات صلة:

افتراضي رد: حكــــــــــــــــــــــــــايه حـــــــــ♥ـــــــــــــب 2
تيكا
منور القسم اكبيرة
تسلم ايدك
يثبت ياباشا

افتراضي رد: حكــــــــــــــــــــــــــايه حـــــــــ♥ـــــــــــــب 2
يسلموووو

افتراضي رد: حكــــــــــــــــــــــــــايه حـــــــــ♥ـــــــــــــب 2
نايس توبيك
تسلم ايدك




مواقع النشر (المفضلة)


حكــــــــــــــــــــــــــايه حـــــــــ♥ـــــــــــــب 2


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع