خيمة رمضان كل عام وانتم بخير


✿● (ليلة القدر)●✿

قائمة الاعضاء المشار إليهم :


عدد المعجبين4الاعجاب
  • 1 Post By śєnoяiтα
  • 1 Post By حمادةعوض
  • 1 Post By ~||K!TaRa||~
  • 1 Post By man_2010899
إنشاء موضوع جديد  إضافة رد
śєnoяiтα
Bduh ✿● (ليلة القدر)●✿

✿● (ليلة القدر)●✿








[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

فضائل - الشيخ احمد جلال - حلقة 21 رمضان 1434

ليلة القدر







[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

السلام عليكم ورحمة الله وبركاته



الحمدلله رب العالمين والصلاة والسلام على أشرف المرسلين


سيدنا محمد وعلى أله وصحبه ومن تبعهم بإحسان إلى يوم الدين



أما بعد ,,,



فأهلا وسهلا ومرحبا بإخوانى وأخواتى وأهلى وأحبابى


وأسأل الله سبحانه وتعالى الذى جمعنى وإياكم في هذه الساعة المباركه على طاعته


أن يجمعنى وإياكم في جنته ودار كرامته مع النبيين والصديقين والشهداء والصالحين


وحسن أولئك رفيقا



وقفه عن السلسة لأن طبعا الأيام اللى احنا هنعيشها بدأت من أول ليلة انهاردة تحتاج



مننا إلى وقفه احنا بدأنا انهاردة أول ليلة من ليالى العشر الأواخر من رمضان التلت الأخير


من رمضان



انهاردة إن شاء الله تبارك وتعالى ولذلك كان لازم وقفه مع الثلث الأخير الثلث الأخير


سبحان الله مليان بالخير زى ما ربنا سبحانه وتعالى


جعل الثلث الأخير من الليل هو اللى بتوزع فيه الخيرات ينزل فيه ربنا سبحانه وتعالى


إلى السماء الدنيا ويقول هل من سائل ؟ هل من داع ؟ هل من مستغفر ؟


هل من صاحب حاجة ؟



نقيم الليل اللى النبى صلى الله عليه وسلم كان بيقول أقرب ما يكون الرب من عبده



في ثلث الليل الأخر


النبى صلى الله عليه وسلم كان بيقول في


ثلث الليل الأخير إنه فيه ساعة لا يوافقها العبد المسلم يسأل الله مساله إلا أتاها الله إياها



الثلث الأخير دايما كويس الثلث الأخير دايما جواه خير


الثلث الأخير من رمضان داخلين على أخر عشر أيام أخر


عشر ليالى من رمضان هذه الليالى الطيبة هذه الليالى اللى ماينفعش


ابدا إن احنا في يوم من الأيام نعديها كدة هذه الأيام


اللى اصطفاها الله سبحانه وتعالى بليلة القدر التى هى خير الليالى


وأفضل الليالى هذه الليلة العظيمة اللى كلنا إن شاء الله نسال الله العظيم أن يمن علينا بها



أحبابى النبى صلى الله عليه وسلم كان له مع هذه الأيام كان لها حال خاص


كان له حال خاص صلى الله عليه وسلم كان النبى صلى الله عليه وسلم


إذا دخلت العشر كان النبى صلى الله عليه وسلم يشد المأزر ويوقظ أهله ويحيى ليله



سبحان الله انا كل ماأقف مع قول السيدة عائشة ويحيى ليله


إذا كان النبى صلى الله عليه وسلم قبل رمضان


كان يصلى قيام الليل جتى تتورم قدماه


كان النبى صلى الله عليه وسلم


كان يصلى حتى قدماه تنزف بالدماء يعنى صلى الله عليه وسلم


كان فيه هذه الليالى يصنع هذه الأمور فما بالكم برمضان


فما بالكم بالعشر الأواخر من رمضان كيف كان النبى يحيي ليله



كان يقضى كل لحظة من لحظات الليل في العشر الأواخر إلا


وهو في طاعة إلا هو في عبادة احيا ليله ماكنش النبى صل الله عليه وسلم


يصنع هذا وحده بل كان يوقظ اهله ايضا يوقظ أهله ايضا يوقظهم للصلاه



يا ترى احنا بنعمل كدة ؟ يا ترى احنا بنوقظ اهلنا للصلاة ؟ يارب نكون منهم



أحبابي هذه الليالى خلاص احنا ممكن هذه الليلة تكون ليلة القدر ،


ليلة القدر مرة جت في زمن النبى صلى الله عليه وسلم ليلة واحد وعشرين



ليلة القدر معانا وقفات فيها الوقفة الأولى ليه اتسمت بليلة القدر ؟



اتسمت بليلة القدر لأقوال كتير جدا للعلماء اتكلموا في الجزئية ديه



فقالو سميت بليلة القدر لأنها ليلة ذات قدر عند الله سبحانه وتعالى مش الليلة


لا والعمل فيها ايضا له قدر عظيم جدا عند الله سبحانه وتعالى


مش العمل بس دة صاحب العمل أيضا اللى هيجتهد في العمل


في هذا الوقت له أيضا قدر عظيم جدا عند الله سبحانه وتعالى



ارفع قدرك عند ربنا سبحانه وتعالى في هذه الليلة اجتهد في هذه الليلة



القول الثانى من أقوال العلماء إنها سميت ليلة القدر


لأن الله يقدرفيها كل شيئ سبحان الله كان بعض السلف يقولون في قول الله سبحانه


يكتب الرجل إنه سيحج هذا العام ولسه أشهر الحج لسه ماجتش أصلا


{فِيهَا يُفْرَقُ كُلُّ أَمْرٍ حَكِيمٍ } وتعالى



فهذه الليلة يكتب فيها كل شيى فاجتهدوا بقى فالدعاء اللى نفسه


يحج يدعى ربنا سبحانه وتعالى إنه نفسه يحج


اللى نفسه يتزوج يدعى بقى المريض واللى نفسه ربنا يعافيه ويشفيه ادعى


بقى فى هذه الليلة لعل ربنا سبحانه وتعالى يقدر لك الخير في هذه الليلة



سميت بليلة القدر بعض العلماء قالوا دة القدر هنا من التضييق لقول الله عزوجل


(وَمَن قُدِرَ عَلَيْهِ رِزْقُهُ)



قدر عليه رزقه أى ضيق عليه رزقه وإنما ضيقت هذه الليلة


بسبب إزدحام الملائكة في الأرض في هذه الليلة

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد


أحبابى ليله القدر ديه ليلة عظيمة طب ياترى من هيوفق في ليلة القدر؟؟


صدقونى يا جماعة اللى هيوفق في ليلة القدر الصادق



عارفين حديث الرجل اللى جاء لرسول الله وقال جئت أبايعك على أن أضرب


ها هنا ودخل النبي صلى الله عليه وسلم في معركة من المعارك


ومعه هذا الرجل وغنم النبى صلى الله عليه وسلم بغنائم كثيرة وأعطى


لهذا الرجل نصيبه جاء الرجل للنبي وقال يا رسول الله ما على هذا بايعتك


ولكن با يعتك على أن أضرب هاهنا قال النبي صلى الله عليه وسلم


ان تصدق الله يصدقك



اللى هيصدق مع الله سبحانه وتعالى أنه عايز يوصل لليلة القدر ان شاء الله ربنا يصدقه



اللى قضى أول عشرين يوم من رمضان في الصلاة والعبادة


والطاعة والقرب وصلاة الطراويح وقراءة القرآن وذكر الله ومجالس العلم اللى


هيعمل كدة ان شاء الله ربنا هيصدقه ربنا هيوفقه في ليلة القدر ان شاء الله



اللى هيوفق في ليلة القدر هو الصادق مع الله سبحانه وتعالى اللى


هيوفق في ليلة القدر اللى بقى له عشرين يوم عمال يدعى


لربنا سبحانه وتعالى ويقول اللهم بلغنا ليلة القدر



اللى ربنا هيبلغه بليلة القدر ويقذف في قلبه ان انهاردة


ليلة القدر اللى اجتهد اوى مع ربنا



عشان كدة من أول رمضان يا جماعة بنقولكم اجتهدوا في العمل شدوا حيلكم في العمل


لأن العمل دة اللى هيوفقكوا بعد كدة لليلة القدر أسال الله سبحانه وتعالى أن يبلغنا اياها



أحبابي ليلة القدر يا ترى في أنهى ليلة من الليالى العشر عندنا أحاديث كثيره جدا



النبي صلى الله عليه وسلم قال التمسوها في العشر الاخيرة من رمضان العشر الأيام الاخيرة



بعض الاحاديث النبي صل الله عليه وسلم قال التمسوها في الوتر في العشر الاخيرة من رمضان



النبي صلى الله عليه وسلم قال كما عند داود ليلة القدر ليلة سبع وعشرين حديث صحيح عن النبي صلى الله عليه وسلم



النبي في مرة من المرات قال رأيت في صبيحتى أسجد على ماء وطين



وكانت ليلة ثلاثة وعشرين سجد النبي صلى الله عليه وسلم على ماء


وطين لما السماء أمطرت في هذا الوقت


[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد


اذا الليلة متناقلة في الوتر من العشر الاواخر بس ؟



لالالا وممكن تيجى في الزوجى كمان وديه النقطة اللى لازم أوصلها لإخوانى وأحبابي النبي


صلى الله عليه وسلم قال التمسوا ليلة القدر لأخر ليلة في رمضان



أخر ليلة في رمضان هى ليلة 30 ليلة شفع النبي قال التمسوها


لأخر ثلاث ليالى رمضان ليله 28 شفع لأخر خمس ليالى رمضان ليلة 26 شفع



اذا ليلة القدر ممكن تيجى في الشفع


وممكن تيجى في الوتر عشان كدة بقول نجتهد من أول هذه الليلة


من أول ليلة 21 لحد ليلة 30



في طاعة الله سبحانه وتعالى كدة ربنا هيبلغنا


وصدقونى والله اللى هيرى الله منه الطاعة والصدق


والبحث عن هذه الليلة والاجتهاد من أجلها باذن الله ربنا سبحانه وتعالى يوصله اياها



ايه هى علامات ليلة القدر ؟



اما علامات ليلة القدر ففى عندنا نوعين من العلامات



اما النوع الاول فهى العلامة النفسية الروحية ان ربنا سبحانه وتعالى يقذف في قلبك ان هى ديه ليلة القدر



السيدة عائشة تقول للنبي يارسول الله ارايت ان وفقت لليلة القدر فما اصنع



وفقت لليلة القدر ربنا وفقنى ربنا قذف في قلبى الهمنى ربنا عزوجل ان الليلة ديه هى ليلة القدر


اعمل ايه ؟ قال لها يا عائشة قولى اللهم انك تحب العفو فاعف عنا



فالنبي صلى الله عليه وسلم بيقولها ان ممكن الانسان


ربنا سبحانه وتعالى يقذف في قلبه ان الليلة ديه هى ليلة القدر فلنجتهد فيها



اما العلامة الثانية فالنبي صلى الله عليه وسلم قال ليلة القدر ليلة طلقة لا حارة ولا باردة ليله معتدله



النبي صلى الله عليه وسلم قال تخرج الشمس صبيحتها يسضاء نقيه لا شعاع لها



ليه لا شعاع لها ؟ لكثرة وجود الملائكة كما اخبرنا النبي صل الله عليه وسلم لكثرة


وجود الملائكة في هذا اليوم سبحان الله احالت شعاع الشمس الشمس بتطلع ملهاش شعاع



طب يا ترى ايه اهم الاعمال ؟


ايه اعظم الاعمال اللى ينبغى علينا ان احنا نعملها في هذه الليالى المباركة


الليالى الاخيرة من رمضان في العشر الاواخر من رمضان



اول حاجة قيام ليل ليله القدر ،


قيامها النبي صلى الله عليه وسلم قال من قام ليلة القدر


ايمانا واحتسابا غفر له ما تقدم من ذنبه وما تاخر



فاول عمل زى ما النبي قالنا قيام الليل الناس تجتهد شوية في قيام الليل


نقلل شوية من الاكل نقلل شوية من الشرب علشان الاكل الكتير


بيخلينا ننام كتير وبخاصة في اماكن المعتكفات



يا جماعة المعتكف مش مكان اكل دة مكان عبادة وطاعة



شد حيلك في قيام الليل هذه هى الاولى اما الثانية الاجتهاد


في الدعاء الملايكة في كل مكان وهى اكثر من عدد الحصى


وهى تؤمن على دعائك اجتهد في هذا الوقت بانك تكتر من الدعاء


السيدة عائشة وهى زوجة النبي وحبيبة النبي بتقوله يا رسول الله انا في الليلة ديه اعمل ايه



النبي صلى الله عليه وسلم ارشدها الى كثرة الدعاء قالها يا عائشة قولى


اللهم انك عفو كريم تحب العفو فاعف عنا


الاكثار من الدعاء



الامر الثالث ياريت يا جماعة المكث في المساجد في هذه الليلة


النبي صلى الله عليه وسلم استعدادا لهذه الليلة كان بيعتكف في العشر الاواخر


من رمضان بيعتكف في المساجد بيخلو للعبادة بيخلو للطاعة بس



ياريت اللى عنده اشغال توقف اسبوع واحد في السنة عشر ايام في السنة


خليهم لله سبحانه وتعالى اجتهد فيها



حاول دايما تكون في المساجد النبي صلى الله عليه وسلم كان يعتكف دائما


في العشر الاواخر من رمضان او في العشر الاواسط



ولكن غالب فعل النبي صلى الله عليه وسلم كان دايما بيجعل الاعتكاف في العشرالاواخر


من رمضان



حاول بقدر المستطاع ان تقضى ليلك في المسجد لانك


لو في بيتك هتجتهد في الاكل هتجتهد في النوم وهكذا


لالالا مش عايزين كدة في ليلة القدر



ولكن هذه الليالى هى ليالى الاعتكاف كما كان النبي صلى الله عليه وسلم يصنع



نجتهد كدة في بر الوالدين في هذه الليالى اتصل على


والدك اتصل على والدتك وقولهم انتو راضيين عنى صدقونى والله


لو راضيين عنك ربنا هيوفقك في ليلة القدر



اتصل على الارحام وصل الارحام دور على الصدقات واجتهد ان يكون ليك صدقة في كل يوم من هذه الليالى صدقة كدة تقابل بها ربك سبحانه وتعالى



يا جماعة ليلة القدر خير من الف شهر



الف شهر يعنى 30 الف يوم ، 30 الف يوم يعنى هتتصدق


بجنية افضل من 30 الف جنية هتصلى ركعة افضل من


30 الف ركعة هتقول سبحان الله مرة افضل من 30 الف



مرة تقرا آية افضل من 30 الف آية



ليلة القدر خير من الف شهر



تخيل لو واحد تصدق ب 30 الف جنية كل يوم طلع جنية تيجى ليلة القدر خير من هذا كله



الجنية الواحد في هذا اليوم له معنى الركعة الواحدة في هذا اليوم لها معنى الذكر في هذه اللية له معنى



عشان كدة كان دايما سلفنا بيجتهدوا في التنويع من الاعمال الصالحة فى هذه اللية كل واحد بينوع في العمل الصالح



لانه يعلم يقينا


مكالمة بسيطة لذوى الارحام افضل من 30 الف مكالمة قبل كدة وان الصدقة ان الجنية الواحد في هذه الليلة افضل من 30الف جنية



اجتهدوا في هذه الليلة في طاعة الله سبحانه وتعالى



احبابى ان الله لا ينظر الى اهل الارض في هذه الساعة ويفيض عليهم من خيره ويفيض عليهم من بركاته

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد


اسال الله سبحانه وتعالى ان يرى من قلوبنا الصدق في التحري


هذه الليلة فيمن الله علنا بان نعرف هذه الليلة في ان يقذف في قلوبنا فنجتهد


في هذه الليلة في طاعة الله عزوجل فيقبلنا ربنا سبحانه وتعالى



أسال الله عزوجل ان يعتق رقابنا في هذه الليلة المباركة من النار



صلى الله على نبينا محمد وعلى آله وصحبه وسلم





في صحيح مسلم عن أبي هريرة رضي الله عنه قال : قال : رسول الله صلى الله عليه وسلم { من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا }

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد
*سمسم* معجب بهذا.


 
من مواضيعي في كريزي مان

  • بأذن الله هختم القرآن (تعالوا وشجعونيي واشجعكم)
  • >>..~حًٍِلمتًٍِ البًٍِارحُهًٍ انًٍِيٍَِ معًٍِكًٍ..~<<
  • فساتين ,,,one shoulderوطبعا حصررررررى
  • اصنعي اباجورة من البنطلون الجينز القديم
  • خيانه حبيبي
  • لكي يكون شعرك حريري
  • قمصان نوم ياخرابي ناااااريا نهار ابيض هو ده لبس ولا قلع ولا ايه ???
  • خواااااااااااااااتم ( انا مش ببيع انا بقلك تعالى نتفرج وبس )
  • خيطي موديل بلوزة تصلح للبيت والخروج
  • عندما ياتي الفراق
  • man_2010899
    افتراضي رد: ✿● (ليلة القدر)●✿

    تسلــــــــــــــــم ايدك
    جزاك الله خيرا
    *سمسم* معجب بهذا.


     
    من مواضيعي في كريزي مان

    مسلمه22
    افتراضي رد: ✿● (ليلة القدر)●✿

    تسلم يدك....


     
    من مواضيعي في كريزي مان

    إضافة رد

    مواقع النشر (المفضلة)

    الكلمات الدلالية (Tags)
    ✿● , (ليلة , القدر)●✿



    جديد مواضيع قسم خيمة رمضان كل عام وانتم بخير
    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة
    Trackbacks are متاحة
    Pingbacks are متاحة
    Refbacks are معطلة


    9999
    المواضيع المتشابهه
    الموضوعكاتب الموضوع المنتدى مشاركات آخر مشاركة
    AionCo●●Patch 5838 ●●FullChi System ●●JiangHu●●AutoHunt●●Drop 2.000Cps shar.twinz كونكر اون لاين 3 02-17-2014 03:16 PM
    لأن الفرح لايق عليك ,,,ابيك دأيم تفرحين✿خوُأتمٌ .:。✿ بنوتة مسكرة ارشيف فساتين زفاف 0 11-26-2012 02:10 PM
    ‏كُلَك ع بعضَك حلْو ●•● ‏لَمنــو تهديها ●•● ‏عند الرقم 5 ●•● جيري مي الالعاب العامه 55 05-27-2011 10:28 AM
    彡✿✿ســــتايـــلاتـــ لــلـــصـــيــف ✿✿彡 eldlo3a منتدي بنات 3 03-16-2010 06:14 AM
    ●•۰••۰ﻬஐ¤ღஇ✿لعشاق اللون الاصفر ✿இ ღ¤ஐﻬ ●•۰••۰ همسات حب ارشيف ديكورات 6 11-12-2009 09:04 PM

    الساعة معتمدة بتوقيت جرينتش +2 . الساعة الآن 11:43 PM .


    Powered by vBulletin® Version 3.8.1 Copyright ©2000 - 2018, Jelsoft Enterprises Ltd.
    Content Relevant URLs by vBSEO

    جميع المواضيع والمشاركات المكتوبة تعبر عن وجهة نظر صاحبها ... ولا تعبر بأي شكل من الأشكال عن وجهة نظر إدارة المنتدي

    1
    دردشة كريزي مان اون لاين
    دخول الاعضاء