منتدي كريزى مان > >
الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات
الإهداءات
نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله    

الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات

قائمة الاعضاء المشار إليهم :

افتراضي الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات
وهذا رابط للقصيده بصوت الشاعر محمد اسامه بهجات


التحميل من هذا الرابط

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد

سبع كلمات
و تلت ورقات
وحباره
الكلمة الاولى
يا خساره
وطنى جريح
فى وسط الريح
وسايبينُه
عايشين فى الزل
دى عيشة تمل
و يعدى اليوم
وعايشينُه
وليه راضيين
وليه ساكتين
يا شعب النصر
فاكرينُه
بقت ذكرى
وهقول فى كلام
مع إنى أشك
فاهمينُه
دى الكلمه الاولى
فى الورقة الاولى
ما اخدتش حبر
ما انا منكم
انتم عاينينه

الكلمة التانيه
وهقولها فى ثانيه
يا شعب غريب
لعل كلامى
ليكو يصيب
ليه بنسيب
ناس بالدين بتتكلم
ومش فاهمين
فاكرينا لسه نتعلم
ومش عارفين
عن دينهم شئ
يدوب طالعين
من امبارح
مسكوا الحكم
والفالح
ضيع شعبه
وقف يخطب
اهلى وعشيرتى
يا عم الشيخ
فين الباقى
تسعين مليون
راحو عادى
وعدى اليوم
وجينا فى يوم
كانت ثوره
شالت الشيخ
لكن صبيانه
غبائهم فاض
ودا العادى
بيكذبوا ايه
حياتهم كذب
مش عادى
وعدى اليوم
وقفلنا عليه
كانت رحله
كانت صفحه
فى كتاب مهجور
لقيته فى يوم
فى جدار مكسور
رجعته مكانه
وقفلت عليه
ودى التانيه
ومين فاهم
هقول التالته
فى الورقه الاولى
وقلمى الحبر بيشطب
استنوا
ما الحباره مليانه
قلمى هيفضى
على خوانه
لا انا صاحى
هملاه تانى

الكلمة التالته
عايشين واقفين
على الفاضى
الاول
يحكى فى الماضى
والتانى يقول
يا محلاه
تاريخ اجدادنا
هقولك آآآه
وانت عملت ايه وياه
حافظت عليه
طورتلو فيه
ولا بتحكى يا ثرثار
عايش بلدك
راح تنهار
لو انا منك
اعيش فى النار
ولا ارضى اكون
عايش بقرار
اظن احنا احرار
قرار اول
معونه هنقطع
يتكو الخيبه
يا امريكان
ليلكم اسود
نهاركم ما يبان
قرار ثان
من الاخوان
رئيس يرجع
يا نخليها ظلام
حاجة تضحك
دول ناس مجنونه
قرارات قرارات قرارات
زهقنا كتير
يا عم الحاج
عاوذنها تقوم
من الغمة
ارجوك خلاص
انا عقلى والله
منكو احتاس
بكتب فى كلام
ومش فاهمه
لا هو شعر يكون
ولا نا ناظمه
اهو اى كلام
فى اى كلام
واهو ماشى





ودى التالته
خلصت الاولى
يا خساره
بقيلى التانيه
والتالته
والحبر كتير
وقلمى شويه
وحبره يطير
وهملاه تانى

الكلمة الرابعه
يا اخوانا
فى الورقة التانيه
جالى ونا
امتى هقول مصر هترجع
يوم ورا يوم
مصر بتولع
كنت اتمنى
روحى تطلع
قبل ما اشوف
كل ولادك بتخانقوا
على كرسى السطله
يتعاركوا
ودا بيموت
ودا بيموت
كفانا سكوت
وراح منا
علو الصوت
بنغنى
كفاية يا مصر
تستنى
العيب مش فيك
العيب فينا
ومش فاهمين
لطريق واعر
كلنا رايحين
ما تبكى يا عين
كفاية يا قلب
تئن أنين
كفاية لانى
حزين حزين
على الماضى
أجيبه منين

ودى الرابعة
فى الورقة التانيه
والحبر كتير
هكتب فى كلام
ومش موزون
طالما الجرح
والله يهون
وهتكلم
وهصرخ بعلو الصوت
يا حكومه
انا مين
انا مواطن
بيعدى يومه
واهو شغال
بيحمد ربه
على كل الحال
بيسهر ليله
على موال
ماتو الرجال
ماتو الرجال
اه ماتو الرجال
مات اللى كان
شايل سلاحه
مات اللى نحكى
عن كفاحه
فى عز النهار
والجو نار
عدى الخطوت
مخفش موت
يا حكومه
هسأل سؤال
ليه الفقير
مش لاقى عيش
صدرنا غاز
وبنستورده
مهى اللى قبلك
منها لله
كانت بتفقده
هى البلد
حالها مال
لولا الرجال
مبقوش رجال
حتى العيال
تستحى
تعمل افعال
عملوها
بلدنا بكر اغتصوبها
منهم لله
ومنى لله
لو كنت يوم فهمان غلط
بس اعمل ايه
عقلى كان زى الزلط
هى السياسه
تتعرف
كانت القروش
تتصرف
كانت القلوب
تتنصف
وفى حب مين
احلا البلاد

الخامسه جايه
فى الطريق
ولا كلمه
هقولها تبل الريق
انا ريقى ناشف
والحبر كتير
لسه ورقه
ومش هطير
ودى الخامسه
يا شعب اصحى
من الظلام
خليك شجاع
خليك همام
غير بايدك
انت النظام
نظام حياتك
غيره
متقولش فاهم
فسره
شارك برأيك
انتج بعملك
مش بس فالح
تقول قيل وقال
فين العزيمه
اللى فيك
كانت خيال
عيب عليك
دا انت فيك
قوه تهد الجبال
مش بحسدك
انا قصدى
فوق
بدل ما نومك
يخزلك
وسط الرجال
وتكون خيال
او ظل تافه لفرع
مال
زهقت والله
من الكلام
حتى اللى بيقرأ
زهق
كمان
وفى نفسه والله
رايح يقول
يا عم اسكت
فين الكلام
اللى عنا
يشيل آلام
كفاية حزن نعرفه
كلامك انت
غير الكلام
ودى الخامسه
يازينه الرجال
يا اسم والله
من غير افعال
تبقى رجال
لاء مش رجال
ودى الساته
وزهقت والله
من التفكير
مش عارف
والله ايه
بيصير
انا عقلى منى
والله يطير
ولسه الحبر
معايا
كتير
هقول فى كلام
فاكرين زمان
كانت الحياه
ماشية تمام
ومين فاكر
لا انا فاكر
ولا ابويا فاكر
جدى اجيبه
منين
اصله مسافر
ومش راجع
يبقى انا موعاش
بس اهى تتعاش
زى الانعاش
عايش فايق
ومش عايش
واهى دنيا تفوت
يوم ورا يوم
بنشوف الموت
وبقى عادى
كأنه طريق
وبقى هادى
شباب بيروح
كنا زمان
قلوبنا والله
بالجرح تروح
اما الوقتى
بقى عادى
وايه يعنى
دا بيموت
ودا بيموت
وبقى عادى
وهى السته
ومش عادى
واخر كلمة
راح اقوله
سبع كلمات
وتلت ورقات
ودى التالته
ويا خساره
كتبت بحبر
وحباره
كملت
كلامى
برصاص
ومعايا استيكه
اصل كلامى
شئ فارغ
احسه الوقتى
شئ مارغ
اقول ايه يا خساره
سبع كلمات
وتلت ورقات
واستيكه
ونبدأ تانى
م الاول
بتلكيكه
ودى القصه
يا شعب
يعيش على الماضى
حاضر فاضى
وانا معاكم
هعيش بحياتى
وانا راضى



ذات صلة:

افتراضي رد: الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات
عاشت الانامل

تقبل مروري

افتراضي رد: الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات
حلووووووووة كتير

افتراضي رد: الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات
مروركم اسعدنى



مواقع النشر (المفضلة)


الشاعر محمد اسامه بهجات اروع قصائده العاميه وهى اروع قصائد هذا العام بعنوان سبع كلمات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع