الإهداءات
نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله    

شىء لايصدقه عقل..............

قائمة الاعضاء المشار إليهم :

No شىء لايصدقه عقل..............
لو إنت مصري.. بجد وبحق وحقيق أكيد في يوم

من الأيام ركبت.. مترو.. أتوبيس.. ميكروباص..


ولو ركبت.. حاجة من دول فأكيد مشيت في الشارع! -حاجة بديهية كده!-


ولو مشيت.. في الشارع فأكيد سمعت أصوات الكلاكسات والزحمة والهيصة..


ولو سمعت.. الأصوات دي فأكيد سمعت الناس وهي بتتكلم..


ولو سمعت.. الناس وهي بتتكلم فأكيد سمعت الشباب الحلوين اللي زيك كده وهم برضه بيتكلموا!


ولو سمعتهم.. بيتكلموا فأكيد سمعت سيل من الألفاظ المحلاة بكوكتيل من الشتائم الأصيلة......



اسمع كده..


- "امبارح شفت فيلم بس إيه ابن "........" بجد يعني!"

- "لأ وشفت لما البطل طلع ".............." زعيم العصابة! يخرب بيت"........""!

ده بيحصل يعني كده في السريع، وحتى يعبروا عن إعجابهم بالفيلم.. واخد بالك!


لكن الأمر مش بيقف عند هنا.. بيتطور إلى ما هو....


"هتنزل معايا بكرة نروح "......." ولا هتعمل نفسك "........." زي كل مرة!

"لأ طبعا أنا هاطلع أشرف من "........." وهاجي معاك!"

"ها هاها.. تصدق إنك ابن "....." فعلا!

"هع هع هع تصدق إنت إن أمك هي اللي "....." بجد"!


طبعا كل الـ".............." اللي فاتت حذفتها الرقابة الكرايزويه

لأنه ماتنفعش تكتب من الأساس.. عيب يعني.. وكمان احنا عاوزينك تشغل

دماغك وتطلق لخيالك العنان في تصور هذه الـ"......." المحذوفة.

من الواضح طبعا أنها شتائم بذيئة وقبيحة جدا..


وإذا كانت الناس زمان كانت بتنظر للي بيقول الألفاظ دي نظرة كلها

اشمئزاز واندهاش من كونه بيقولها..

فدلوقت الوضع تغير تماما!



بقى عادي خالص إنك تكون ماشي مع والدتك أو أختك وتلاقي

واحد بيهزر -آه والله بيهزر- مع صاحبه فيروح شاتمه بوالدته..

ويا ريت شتائم عادية -ده إذا كان فيه شتائم عادية أصلا!- وإنما شتائم متعلقة بشرف الأم!

اللي يجنن إنك تلاقي الأخ المشتوم بيضحك جدا وفي منتهى السعادة..


وبعدين مايسكتش بقى سيادتك.. لأ.. تلاقيه رد على صاحبه ده ويقوم


شاتمه برضه شتيمة أكثر قبحا متعلقة بالأم!..

على اعتبار يعني إن مافيش أم أحسن من أم!

شيء يدعو للـ"......." الصراحة!




المثير للعجب برضه..

إن الشباب الـ"......." اللي بيقول الكلام ده ماعادش بيشعر بأي خجل،

بل إن الأمر أصبح وسيلة للتفاخر في مين أكتر واحد بيعرف يشتم صاحبه بالأهل!

وبعد ما كانت الألفاظ دي بيتم تداولها على نطاق سري وبشويش وبخجل..


يعني في ركن في الشارع..

أو في آخر حتة في الجامعة..

أو على بوابة المدرسة..

أو في قعدة على القهوة..

أو حتى في أوضة مغلقة..

ماعادش فيه الكلام ده..


دلوقت ممكن تسمع الألفاظ الـ"........" دي في كل حتة إنت

ماشي فيها.. وفي أي وقت صبح أو ليل..

وكمان الأمر مش مقتصر على شريحة واحدة من الشباب

ممكن تقول عليهم مثلا مثلا.. مش متعلمين أو حتى عايشين في مكان مش راقي..



ده يمكن الشباب المتعلم المتنور الحلو هو اللي بيقول الألفاظ دي أكتر من الشباب الأمي!

والشباب اللي بيروح النوادي والكافيهات وبيشيت على النت هو اللي

بيعمل مسابقات في مين أكتر واحد فيهم بيعرف يشتم بالأم والأب والأخ والأخت والجد والجدة!


وياريت الأمر واقف عند إن الشباب –الذكور اللي بشنبات- هم اللي بيقولوا الألفاظ الـ"......" دي!

ده توغل وانتشر ووصل..


إلى الجنس اللطيف..!!



هو صحيح إن الأمر ماخدش الشكل العلني زي الأولاد..


ومشهد إنك تشوف بنتين ماشيين في الشارع بيقولوا لبعض جمل مطعمة


بكوكتيل من الشتائم والألفاظ الـ"......." مش منتشر قوي.. بس ده فين في الشارع..

لكن الأمر مفتوح على البحري في جلسات البنات الخاصة..

والألفاظ التي تتداول بينهن يشيب لهولها العيال الصغيرة!

والسؤال هنا..

وده من إيه ده؟!



إيه اللي بيخلي الشباب -ولاد على بنات- يطعموا كلامهم بالألفاظ البذيئة

والشتائم المبتكرة واللي بتكون في الأغلب متعلقة بالأهل؟!

احنا متفقين إن لكل جيل لغته الخاصة به

بس هي لازم اللغة دي تكون فيها ألفاظ "........." ولا مؤاخذة؟


افتراضي
دى مشكلة جيل كامل

الكثير بيقلد زى الببغاء

والكثير بيعتقد انه خفة دم وروح لطيفة

اصدقاء السوء وبيزيدوا بطريقة غريبة وممكن واحد يبوظ الف زى التفاحة الفاسدة بالضبط

طيب الحل

الرجوع الى التربية الاسلامية الصحيحة والدين سواء من الاهل او من المدرسة

الاصدقاء المحترمين - المرء على دين خليله فلينظر احدكم من يخالل ويحشر المرء مع من احب

الكلمة الطيبة لازم نعرف معناها ومش بس كده نعرف انه ما يلفظ من قول الا لديه رقيب عتيد
يقول الله عز وجل يوم تشهد عليهم السنتهم - وكل كلمة محاسبون عليها ويؤيدها الملكين

حاجات كتير حلوة راحت مننا بسبب بعدنا عن ديننا واخلاق نبينا عليه افضل الصلاة والسلام

اختلطت علينا الامور والكثير لا يعرف معنى الادب والاخلاق ولغة الحوار

شكرا جنة

افتراضي
العفو ضي يا قمر

ردك جميل اوي اوي كالعاده

نورتي الموضوع حبيبتي

افتراضي
هوة الصراحة كله بيعمل زى بعضه وبيقولوا موضه ولو تكلمتى فى الموضوع ده كتير مش تخلصي


افتراضي
ميرسي سماح على رايك الجميل والمفيد

تسلميلي يا قمر

افتراضي
هنعمل ايه هو ده طبع الشعب المصرى

شكرا على الموضوع جنه


افتراضي
العفو ميرسي ليك جداا انك نورتني

افتراضي
فعلا مشكله كبيره اوى تعرفي المفروض يعملو عقوبه لي اي واحد بيشتم حتي و كان هزار

هسميها عقوبه تلوث سمعي

بجد بقه شئ صعب اكيد

مرسي جنا كلك زووق الموضوع جميل


افتراضي
ردك الاجمل والله يا بيسو

وياريت يعملوا كده بجد ميرسي ليك على الرد الجميييل اوي اوي ده

افتراضي
وده عيب شعبنا اذا كان ساب وا كبير او صغير كله مش عارف بيقول ايه اذا كان شتيمه او او

تسلمى ايديك يا قمر على موضايعك الجامده دى [IMG][فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد [/IMG]



مواقع النشر (المفضلة)


شىء لايصدقه عقل..............


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع