منتدي كريزى مان > > >
تعرف على مصوغات التعيين للوظائف الحكومية والخاصة فى مصر
الإهداءات
نجم الغربيه من مصر :     alt@yer_m@zzika من ارض الله : مين من الناس القديمه لسه متابع وموجود     Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله    

تعرف على مصوغات التعيين للوظائف الحكومية والخاصة فى مصر

قائمة الاعضاء المشار إليهم :

عدد المعجبين2الاعجاب
  • 2 Post By احمد عصمت

موضوع مغلق
43 تعرف على مصوغات التعيين للوظائف الحكومية والخاصة فى مصر
تعرف على مصوغات التعيين للوظائف الحكومية والخاصة فى مصر

الكثير منا عند التقدم الى اى وظيفة فى مصر يسال ويقول ما هى مصوغات التعيين دى اروح اجيبها من اين ؟

اروح اجبها من عند الصايغ بتاع الذهب يعنى ....هههههه لا طبعا ...

عند التقدم لاي وظيفة و قبولك لشغل هذه الوظيفة سيتم منك استيفاء اوراق تعيينك بالشركة و كثير منا لا يدري كيف يستخرج مصوغات التعيين او ما هي مصوغات التعيين من الاساس لهذا سنعمل هنا على ارشادك بطريقة سهلة و مبسطة لاستخراج كل الاوراق المطلوبة بسهولة و يسر

مصوغات التعيين:

مصوغات التعيين هي مجموعة اوراق رسمية تتكون من:

1- المؤهل الدراسى
2- شهادة الخدمة العسكرية
3- شهادة الميلاد (كمبيوتر)
4- صورة بطاقة الرقم القومى
5- صحيفة الحالة الجنائية
6- كعب عمل
7- الرقم التامينى (بعد الوظائف تطلب الرقم التامينى)
8- شهادة صحية (بعد الوظائف تطلب شهادة صحية)
9- عدد 6 صور شخصية
10- السيرة الذاتية
11- كشف طبى شامل ( فى الوظائف الحكومية واحيانا الخاصة بعد القبول باذن الله )

المؤهل الدراسى :-

تم تقديم اصل المؤهل الجامعي و يتم استخراجه من الجامعة التابع لها المتقدم و يمكن استخراج بدل فاقد بالتوجه لمكتب شئون الطلاب في الجامعة اما في حالة الثانوية العامة فيتم استخراجها من اقرب ادارة تعليمية لمحل السكن او التوجه للادارة العامة المركزية من الرابط التالي


شهادة الخدمة العسكرية

يتم استلامها بعد اتمامك للخدمة العسكرية او بعد استيفائك للاوراق المطلوبة اذا كنت لا تطابق شروط الخدمة العسكرية و يتم التوجه لاقرب مكتب تجنيد تابع لمحل السكن لمتابعة الاجراءات



شهادة الميلاد (كمبيوتر)

تستخرج شهادة الميلاد كمبيوتر من مكتب الاحوال المدنية بمركز الشرطة التابع له ومصروفات استخراج شهادة ميلاد كمبيوتر حوالى 6 جنية وبتاخد صورة البطاقة للتسهيل فى خروجها ......

صورة بطاقة الرقم القومى

طبعا دى مش محتاجة شرح دى البطاقة الشخصية الخاصة بيك اللى انت استخرجتها اول ما تميت 16 سنة وتم استخراجها من مكتب الاحوال المدنية بقسم الشرطة التابع له وتكوم بتصوير البطاقة كذا صورة وش وظهر لانك هتحتاجها كتير ....


صحيفة الحالة الجنائية

يتم استخراج صحيفة الحالة الجنائية عن طريق اقرب قسم شرطة او سجل مدني تابع لمحل السكن و يتم شراء نموذج صحيفة الحالة الجنائية من نفس مكان الاستلام (قسم الشرطة او مكتب السجل المدني) و يشترط وجود بطاقة رقم قومي سارية بالاضافة لصورة شخصية حديثة



كعب عمل

كعب العمل ده هتعملة من مكتب العمل التابع لية وطبعا قبل ما تروح تعملة لازم تجيب افادة من التامينات الاجتماعية انك ليك تامين او ملكش تامين ودى بتجيبها من التامينات ببلاش وبعدها تاخد صورة الؤهل + الاصل للاطلاع و صورة الخدمة العسكرية و صورة الميلاد وصورة البطاقة والصور دى كلها للاطلاع فقط مش هيخدوها منك وبعدها هيكتب الكعب ويدهولك ومبروك عليك الكعب .....

الرقم التامينى (بعد الوظائف تطلب الرقم التامينى)

طبعا الكل عارف اى وظيفة محترمة فى شركات محترمة بتعمل رقم تامينى للتامين عليك وطبعا علشان تعملها لازم تروح مكتب التامينات وتطلب منهم انك محتاج تستخرج رقم تامينى خاص بك وطبعا بتاخد معاك صور الاوراق بتاعتك كلها للاطلاع

شهادة صحية (بعد الوظائف تطلب شهادة صحية)

طبعا عرفين يعنى اية شهادة صحية دى طبعا بتطلب فى بعض الوظائف المتعلقة بالماكولات والمطاعم والتمريض وغيرها وعند الطلب منك شهادة صحية هتروح الى المركز الطبى التابع لية وتطلب منة انك محتاج شهادة صحية هيديلك شوية ورق تروح تعمل تحليل بول وبراز فى المستشفى الحكومية التابع ليها وبعد ما ياخدوا منك التحليل ويطلع النتيجة فى نفس اليوم او بكرة او بعد اسبوع حسب المستشفيات وبعدها هتاخد التحليل وتروح المركز الطبى هياخد منك التحاليل ويوقلك تعالا خده بعد اسبوع وبعد لما تاخد اشهادة الافضل انك تغلفها ذى الكرنيهات ....

عدد 6 صور شخصية

الصور الشخصية تروح تتصور عند بتاع الاستديو وهيصورك تشك تشك وبعدها ترجع بعد ثلاث ساعات تاخد الصور وطبعا انتم عرفين ان 8 صور ب 10 جنية مع الرغم وربنا وربنا انا كنت متصور وانا فى الابتدائية ال 8 صور ب 4 جنية .....

السيرة الذاتية

يجب عليك تقديم سيرتك الذاتية عند التقدم لاي وظيفة و لمعرفة تفاصيل اكثر عن كتابة و صياغة السيرة الذاتية اتبع الروابط التالية

[فقط الأعضاء المسجلين يمكنهم رؤية الروابط - التسجيل سهل يتطلب -اسم.باسورد.اميل. فقط. ] -شرح طريقة تسجيل عضوية - شرح طريقة استرجاع باسورد


كشف طبى شامل ( فى الوظائف الحكومية واحيانا الخاصة بعد القبول باذن الله )

الكشف الطبى بيطلب منك عند اجتياز الاختبارات الحكومية وبعد الشركات الخاصة بتطلبها ودى طبعا مش محتاجة شرح كتير لانك اكيد الكل يعرف الكشف الطبى الشامل بالذات اللى بيروحوا يعملو كشف الطبى بتاع الجيش هو هو بالظبط ذى الكشف الطبى الشامل

طريقة عمل كشف طبى شامل ؟ تروح اقرب مستشفى حكومى تقولهم انا عاوز اعمل كشف طبى شامل وده طبعا هيكلفك شوية فكة حوالى 40 جنية او اكثر ......

بالتوفيق للجميع




ذات صلة:

ahmed haider و قطرات البحر معجبون بهذا.
موضوع مغلق


مواقع النشر (المفضلة)


تعرف على مصوغات التعيين للوظائف الحكومية والخاصة فى مصر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع