منتدي شباب وبنات منتديات شباب وبنات منتدي حوار ومناقشات ساخنه جدا بين الشباب والبنات ادخل شارك ومتتكسفش

صفات البنات المصرية .. يعنى كل بنت مصرية تدخل تشوف نفسها هنا ...


البنت المصرية تتسم ببعض السمات الغير موجودة في باقي البنات اللي خلقها ربنا.. سبحان الله يعني .. و هانتكلم هنا عن الحاجات دي واحدة واحدة ...

إضافة رد
سيف بية
45 صفات البنات المصرية .. يعنى كل بنت مصرية تدخل تشوف نفسها هنا ...

البنت المصرية تتسم ببعض السمات الغير موجودة في باقي البنات اللي خلقها ربنا..
سبحان الله يعني .. و هانتكلم هنا عن الحاجات دي واحدة واحدة ..


اللي خلاني أكتب الموضوع ده هو إن فيه بعض الصفات المستفزة بصراحة إللي البنت لمصرية مش عارف إنها مستفزة !

نخش عالموضوع يا سيدى ..


الصفة الأولى : التناكة

البنت المصرية العادية تعتبر اي ولد يحاول التكلم معها , تعتبره مجرما أثيما يحاول التقرب إليها
لسبب خبيث حقير شرير ألا و هو التعرف عليها.. إلى أن يثبت العكس

لا حول و لا قوة إلا بالله

يعنى لو شاء القدر في الكلية عندك ( خصوصا طب و هندسة ) و اضطرتك الظروف إنك تكلم واحدة مش من شلتك أو بينكم صديقة مشتركة,
فلا بد أن تكون لك ما يكفي من المبررات و الأسباب الكافية جدا, كي تقنع سيادتها إنك لست ذئبا بشريا ,
و انك لا تسأل عن موعد المحاضرة كمقدمة لسبب آخر لا داع لذكره ,عشان العيال الصغيرة اللي بتقرا الموضوع معانا

هل لديك زميلة في كليتك من جنسية أخرى ؟ لا حظت بتتكلم معاك عادي إزاي كإنك بني آدم خلقه ربنا ؟ عادي يعني ..
انما لما تيجي تتعرف على بنت مصرية لازم تتكتك و تخطط و ترسم الخطط و الاستراتيجيات و كإنك داخل على موقعة حربية..
فيه إيه يا عم ؟؟ على إيه ده كله يا إكسلانس ؟



الصفة الثانية: الشياكة


البنت المصرية (بحق ربنا) تتزين و تهتم بمظهرها بشكل لابأس به إطلاقا
( روح سيتي ستارز , مش باتكلم على معهد الصنايع اللي جنب بيتكم يا خفيف )
المشكلة هنا هي نظرة البنت نفسها للمسائل دي

البنت دي في الأغلب و الأعم بتعمل الشويتين دول لتجذب الشاب الغلبان إللي هايتدبس يا عيني.. و بعد الجواز بقى انت عارف اللي فيها

اسمع القصة دي : يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم ,عشان تعرف المية دي جاية منين لقت جوزها جه نام جنبها و فتح التليفزيون .. و كل شوية يقول في حسرة: هي دي النسوان ولا بلاش.. مش انتي ؟ تفووو
على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول
فيه أمل كبير قوي و ممكن يغير الحته دي مين عارف مفيش حاجة قليلة على ربنا



الصفة الثالثة: احتقار الراجل


فيه راجل رحالة قديم جه على مصر في العصور السحيقة ..لاحظ سلوك الستات في مصر و كتب عنه.. بيقول الراجل ده في مذكراته فيما معناه
و حين جئت أرض مصر , وجدت فيها أمرا عجيبا مستغربا, ألا و هو تسلط نسائها على رجالها عجبت لهذا الأمر عجبا عظيما و انتويت سؤال أولى العلم في هذه المسألة الغريبة.. فجائني رجل بالسبب
حين خرج فرعون لملاقاة موسى , خرج و معه كبار القوم و سادتهم , و تركوا النساء و العبيد فلما حدث ما حدث و هلك فرعون و من معه
اتخذت النساء عبيدهن أزواجا و من هنا جاء تسلط نساء مصر على رجالها حتى اليوم, فهم يعاملونهم كالعبيد
شايف القصة المهببه دي ؟ اهو الراجل مش من هنا و قالها بنفسه.. بتعملوا فينا كده ليه يا نساء مصر اتقوا الله فينا مش كده
دا حتى عشان سمعة الوطن في الخارج.. يرضيكم اللي بيتكتب ده يعني ؟؟


نعمل إيه طيب ؟؟

بعد ما شفنا البنات بيتعاملوا معانا ازاي يا شباب.. لازم نعد العدة و نتعامل معاهم بنفس الأسلوب.. خد الحلول دي و ظبط نفسك :

الحل الأول : المساواة في الظلم عدل
زمان كانت الست المصرية بتحارب عشان حقوقها دلوقتي لولا الكسوف بس كان الرجال عملوا جمعية لمناصرة حقوق الراجل مش كده ؟؟

لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل و شوف إيه اللي هايحصل
هتلاقي شاب كده فافى عامل جنتل مان راح قايم و مقعدها مكانه .. و غالبا البنت هاتنزل آخر الخط و مش هاتقوم , عشان تخليه واقف أطول فترة ممكنة

النصيحة التي أتحمل مسئوليتها الكاملة هي : لو لقيت بنت حلوة عايشة الدور, داخله المواصلة اللي انت راكبها إياك تقوم و تقعدها مكانك..

أولا : صحتها أحسن من صحتك ميت مرة ( بطل السجاير و الحشيش بقى عيب انت كبرت
و ثانيا : هي مش من بقيت أهلك ( لو اختك أو خطيبتك اللي داخلة ماتستهبلش يعني

و ثالثا : لو عامل كده عشان تبين لها انك واد جنتل يعني و حنين , فاعرف إنها مش هاتخليك تتعرف عليها يا ناصح حتى لو عملت لها قرد..
يعني هاتبقى قمت ووجعت رجلك عالفاضي.. و مش هتاخد ثواب كمان عشان نيتك غالبا مش كويسة
رابعا: البنت دي مش كبيرة في السن و شابة زيادة عن اللزوم زي مانت شايف.. تقوم ليه بقى ؟؟ طيب لو هي اللي قاعدة و انت اللي داخل كانت هاتقوم لك ؟؟

المفروض تقوم و تقعد البنت اللي واقفة في الحالات دي :
لو لقيتها بنت غلبانه أو بنت محترمة أو فتاه عاملة أو ست كبيرة , يبقى لازم تقوم لها طبعا مش عايزة كلام..
لكن لو بنت من اياهم , تبقى شاب لامؤاخذة ,لو قعدتها مكانك


الحل التاني : و لا تعبرهم !

سألت مرة بنت : انتي بتلبسي ليه كده ؟
اجابت : عشان كده أشيك

ألحّيت في السؤال تاني عشان اعرف الإجابة الحقيقية ( رزالة بقى ) فقالت في النهاية بصراحة
عشان الناس تبص عليا و أحس إن أنا حلوة
شفت بقى يا معلم ؟ يعني البنت من دول عامله اللي هي عاملاه ده عشان كل ما انت تهتم بيها
سيادتها هاتتكيف و تنبسط أكتر.. و مش هاتعبرك برضه يا عم الدون جوان

أقول لك حاجه ؟

و لا تعبرها لو زميلتك عاملة كده يبقى احلقلها ميري يا معلم نفضلها و سيبها يعني لو بتكلمك و موبايلك رن, رد عليه و سيبها و امشي لو واحدة ماشية في الشارع كده ,لا تبصلها و لا تعبرها كإنها هوا معدّي كإنها لاشئ عابر

لعلمك الحركة دي بتجننهم جدا جدا فوق ما تتخيل
لأن البنت من دول متعودة ان الناس بتطلب رضاها و معجبة بيها طول الوقت.. خلي كرامتك بقى تنقح عليك و نفضلها وش و لا تبصلها يا بنى بيّن ان انت مش عبيط زي الناس التانية و ان الحركات دي ماتخيلش عليك
هاتلاقيها اشتعلت نارا و اتفحمت أحسن تستاهل




الصفة الرابعة : تفقد الثقه فى نفسها بسهوله


هتقولى يعنى ايه اقولك انا يا شقيق
البنت من دول تلاقيها واقف ادام المرايه سعتين وميكاب ولينسس ( انتشرت جامد اوى و تسأل كل البيت قبل ما تنزل والبيت كله يقولها تمام (مافيش رجاله فى البيت ماعلينا
تنزل بقى يا مان تقابل الزبون اللى ادبس يقعدوا فى كافيه كده متغدرين
بص لو الزبون ده حاول بس يقولها الميكاب بتاعك انهارده مش اد كده شوف هتعمل مجرد خمش دقايق
وهتقوله انا رايحه الحمام دقتين ( عايزة تعدل الميكاب يا ناصح ) مع ان كل اللى فى البيت قايلين تمام وهى نازل وهى مطمنه سبحان الله مافيش ثقه

طيب بلاش دى
كان فى بنت عندنا مجننا المنطقه كلها قولت انا واصحابى عايزين نعرفها مقامها خالينا واحد واحد يعدى عليها
يقولها ايه اللى انتى عاملا ده فى حواجب تخيل بقى 7 ورا بعض عدوا عليها وقالوا نفس الكلمه بيقولك لاقينها مطلعه المرايه زى المجنونه فى الشارع
سبحان الله

كفايه كده فى الصفه دى نخش على السادسه



الصفة الخامسة : حب عدم اراحه الرجل



البنت تقولها ازيك تقولك عادى ايه اخبارك تقولك يعنى دى ابسط حاجه
تبقى بقالك سنتين ماشى مع البنت وتقولها انا بحبك والشويتن بتوعك تقولها ايه شعورك من نحيتى
زى الناصح تقولك انا مش بفكر فى الموضوع ده اساسا تبعد انت بقى عنها شويه تقولك خلاص هو انت لما صدقت تخلص منى
تيجى تجوزا وتخلفوا كده وتكبرو فى السن تقولك يا راجل انت متقوليش كلمه حلوة ابداااا تقولها كلمه حلوة تقولك يا راجل احنا كبرنا على الحاجات دى
والامثله كتير هى تبقى مبسوطه كده وانت متعفرت قدامها

اديك يا مان شوفت هى بتعمل ايه فيك عايزة تجننك
نكمل بقى بقيت النصايح اللى فى التوبيك الاول

بص يا مان حل مشكله الصفه الخامسة هى الصفه الرابعة
يعنى هى فى الصفه السادسه عند عايزة تجننك استغل انت بقى الصفه الخمسه وهى عدم الثقه فى نفسها
بص يا سيدى اى حاجه تعملها جديده قولها مش اد كده مش عاجبانى ايه الهبل اللى انتى عاملا ده
جننها ما يكنش عنك رحمه دى عايزة تقضى عليك بلاش حنان الام اللى فيك ده
مش كل حاجه تعملها لازم ترضيها هتتنطط عليك بعد كده

تانى حاجه بقى اوعى تقولها انا بحبك يبقى نهارك اسود يبقى انت كده كتبت على نفسك الشقى
مش هتريحيك صدقنى خليك كده بارد معها مش مرتاحه مش مرسيها على بر لو عرفت انك لبست يا زبون هتتنطط عليك



الصفة السادسة: اللسان

هتيجى تقول عليا مجنون وتقولى هو اللسان ده صفه هرد انا عليك وقولك مركز صفات مش صفه واحده
وهنقول واحده واحده
- (الرغى ) بصوا بقى اى بنت تنكر الصفه دى معلش هقولها انتى كدابه فى وشها
ايوة دة البنت ما تكونش مرتاحه كده الا لما تكون مقفله منيمم 3 او اربع ساعات فى التليفون وكمان اللى تتكلم 3 واربعه دى غالبانه
ده فى بنات بتخش فى ست وسبع ساعات ( اللى بيحبوا فى التليفون بليل)

بص يا يا ريس هقولكم على حكايه عشان ما تقولش عليا بهذى واقول اى كلام
كان فى بنت جارت واحد صحبى فكنت عند صحبى فى يوم ولاقيت عزى وحاله وفاه وحوارات كده بقولوا فيه يا مان ايه ده
بيقولى ده فلان ابو فلانه مات انا بقى اتجننت الراجل كنت بشفوا زى الورده ( حسبنا الله ونعم الوكيل )
بقولوا ايه ده يا بنى ده كان راجل صحتوا ميه ميه يعنى قالى اصله جاله جلطه من فاتورة التليفون جت 6 الاف جنيه بس مش دى المشكله
بقوله امال ايه قالى راح كشف على فاتورة التليفون لاقى حوالى 5 تلاف ونص لنمرة واحده اكتشف انه الزبون اللى ميظبط بنته راح فيها( لا تعليق)

- (التثبيت ) البنت يا جماعه ممكن تثبت اى زبون بكلمتين حلوين بذات تلاقى الحالات دى فى كليات القمه ( هندسه و طب )
تيجى تقول للواد لو سمحت ممكن تنقلى المحاضرة عشان مصدعه ومش قادرة ( مع شويه دلع )
الزبون تخده الشهامه و رازع المحاضرة ويظبطها
مش كده بس يبقى الواد من دول متخانق مع البنت وكانوا هيضربوا بعض تجى هى فى التليفون تقوله ايه يا بيبى لسه زعلان منى
الزبون يتثبت على طول ولا اكن حاجه حصلت ويبقى فرحان كده انها صلحته و حاجات تانيه كتير

- (طويل ) هههههههههه اه بجد لسانها طويل بس الحقيقه ده مش فى كل البنات بنات معينه بس تجى تقولك بقولك ايه ماتخلنيش اعملها معاك
او انت مش قدى او روح العب بعيد يا شاطر والمهم انك لو كلتها قلم هتروح فى غيبوبه شهرين فى المستشفى



الصفة السابعة : حب التعاون على الرجل

البنات على فكرة مش بيحبوا بعض ( كان فى موضوع بيقول كده وبنت اللى كتبا يعنى مش كلامى )
دى حقيقه بس يا مان لو اتفقوا عليك يبقى انتى لبست يا معلم تبقى البنت كارهه صاحبتها
وواد استظرف عليهم يبقوا حبابيب على طول عقبال ما يجنانوا الزبون
ويا سلام بقى لو الزبون راسم على بنتين و واحده فيهم اتشكفت الموضوع مش هقول غير ربنا معاك بقى ( ان كيدهن عظيم )


شويه بقى كلام للشباب

- مشكله التثبيت دى لازم نحلها بص يا مان لما البنت تطلب منك حاجه اعمل نفسك ميت ايوة مش لازم تعملى فيها ابو الشهامه
يا بنى والله ما هتنفعك هضيع نفسك على الفاضى ومش هتخرج معاك برضه
هتقولك لا ماما تقلق عليا وهى اصلا متظبطه مع زبون غيرك وكل يوم معا
وكمان مش تبقى زعلان معاها تيجى فى التليفون تثبتك يا زبون لما تتصل بيك كنسل ما تردش
والله انت ما تتخيلش ايه احسسها لما تلاقى واد منفضلها حوالى من 2 - 3 لتر دم
بيتحرقوا ايوة ما انت لما تعمل كده مش هتقدر تزعلك تانى و يبقى توتو مات كده خلاص


الصفة الثامنة : الاستغلال

البنت بقى يا شقيق بتستغل انها بنت هتقولى ازاى هقولك ابسط حاجه لو بتشترى تذاكر سينما وفى زحمه
هتجى تقولك لو سمحت ممكن تجبلى معاك عشان مش هينفع اخش فى الزحمه دى ( مع شويه دلع كده عشان تثبتك )
لو مثلا فى درس او كورس تيجى تصوروا ورق انت اللى تصور وانت اللى هتدفع وهى تعمل نفسها ميته
او ممكن تعزم عليك كده مرتين بالفلوس بس مش هطولهم برضه استغلال بقى يا ريس
وهقولكم حاجه كان فى واحد صحبى فى سكشن وبعدين المعيد ادى شيت كده نحلوا واحنا قاعدين المهم ما كنش فاهم حاجه
راح يقول للمعيد انا عايز افهم هو عايز ايه قالوا مافيش اسئله المهم رجع مكانه
بص بقى يا ريس اللى هيحصل واحده معاه فى السكشن قالتله عايز تسأل فى ايه
الشاب قالها بيقول مافيش اسئله قالتله مالكش انت دعوة قول وبس المهم قالها راحت قايمه يا ريس
سالت المعيد كان شويه شويه هيحلها الشيت كله بيعرفوا يستغلوا نفسهم ما هو العيب برضه على المعيد الزبون فضحونا لا تعليق

كلام للشباب بقى


- مشكله الاستغلال دى ملهاش حل غير انك تعمل نفسك ميت مش هما بيقولو الست زى الراجل مافيش فرق دلوقتى خلاص توتو مات
تتبهدل بقى زى ما انت بتتبهدل مش لازم تخدك الشهامه يعنى مش هتنفعك بحاجه يا ريس
ولا هو الراجل يظهر قيمته بس فى الحوارات اللى زى الزفت واللى فيها بهدله


المواضيع المتشابهه:

wthj hgfkhj hglwvdm >> dukn ;g fkj lwvdm j]og ja,t ktsih ikh >>> hglwvdm hgfkhj jodg ja,t dukn wthj

اضف تعليق بواسطة الفيسبوك
تعليقاتكم البناءه هي طريقنا لتقديم خدمات افضل فلا تبخل علينا بتعليق


eldaloa_bosy
افتراضي

[align=center]على فكرة عشان اقولك حاجة انت اخد فكرة غلط اوى عن البنات المصرية وعلى فكرة مفيش بنات احلى من بنات مصر سورى للبنات اللى من بلاد التانية وانا بجد مش عارفة هى البنات عملت فيكم اية على طول ظالمينهم بعدين انا بقى عاوزة اسالك سوال شخصى بما انك يعنى مصرى لما انت حتتجوز مش حتتجوز واحده مصرية يعنى ولا حتسافر اى بلد عشان تروح تتجوز [/align]



فتى من حوارى نيويورك
افتراضي

لالالالالالالالالالالالالالالالالالالالالالالالالالا

مش كدة يا سيف

مش كل البنات كدة

اه انا معاك انه فى بنات بتتوافر فيها بعض الصفات دى لكن مش كلها طبعا

واحب اقوللك ان فى بنات فرى موووووووووووووت و دمهم عسل




ماجدعباس
افتراضي

يا ابن الأيه ياسيف

دا انت عاوز تشلهم

وتوقف حالهم

يخرب بيت موضوعك

هههههههههههههه

عسل والله

نصيحه لبنات مصر

شوفوا لكم عقد عمل فى ليبيا

ورزقكم على الله

ههههههههههههههههه




احمد عصمت
افتراضي

ههههههههههههههههههههههههه

لا مش كلهم كده ياسيف كل حاجه طبعا فيها الوحش والحلو

بس مش كلهم بالطريقه دي مع ان في بنات عايزين قطع رقبتهم ههههههههه

تسلم ايدك ياغالي



alt@yer_m@zzika
افتراضي

[align=center]
الله يرحمك يا سيف

ادعو لة بالرحمة

البنات ها يقطعوة

ياحول الله يارب

الموضوع جميل مش اقدر اقول اكتر من كدة احسن يخطفونى



[/align]



قلب الاحزان
Eh S(7)

اقتباس
المشاركة الأصلية كتبت بواسطة كريم بسبوسه مشاهدة المشاركة


واحب اقوللك ان فى بنات فرى موووووووووووووت و دمهم عسل


فري ..~

اقتباس
المشاركة الأصلية كتبت بواسطة ماجدعباس مشاهدة المشاركة
يا ابن الأيه ياسيف


دا انت عاوز تشلهم

وتوقف حالهم

يخرب بيت موضوعك

هههههههههههههه

عسل والله

نصيحه لبنات مصر

شوفوا لكم عقد عمل فى ليبيا

ورزقكم على الله


ههههههههههههههههه



هههههههههههههههههه حلوة حكاية عقد العمل في ليبيا ..~

انا بقترح نفتح باب التسجيل في المونتدى ..~

اقتباس
المشاركة الأصلية كتبت بواسطة احمد عصمت مشاهدة المشاركة
ههههههههههههههههههههههههه

لا مش كلهم كده ياسيف كل حاجه طبعا فيها الوحش والحلو

بس مش كلهم بالطريقه دي مع ان في بنات عايزين قطع رقبتهم ههههههههه

تسلم ايدك ياغالي
وانا معاك اقطع ياعم ولا يهمك ..~

إلموضوع مكرر هأجيبلك رابط الموضوع الاصلي بعد البحث..~

لا تحرمنا جديدك ..~

قلبـ ـآلآح ـزـآإنـ ..~




ضى القمر
افتراضي

الموضوع دمه خفيف ونسبة قليلة اللى بتعمل كده

ومش بقول انها مش موجودة لا موجود بنات بالصفات دى

وكمان فى شباب عاقل ورزين واخلاق عاليه ومحترم ويوجد شباب ايضا سطحى وغير واعى وغير ناضج بالمرة

شكرا سيف
ومش تزعلى بوسى
ده من المواضيع اللى دمها خفيف مش اكتر يا جميل



حظووو
افتراضي

اقتباس
المشاركة الأصلية كتبت بواسطة الطاير مشاهدة المشاركة
[align=center]
الله يرحمك يا سيف

ادعو لة بالرحمة

البنات ها يقطعوة

ياحول الله يارب

الموضوع جميل مش اقدر اقول اكتر من كدة احسن يخطفونى



[/align]


ههههههههههههههه قوال اللى انتا عايزه ياض وموش تخاف ال بنات ال


انتا موش بتعرف تجرى يبقى خلاص مبقاش فى مشاكل .

موضوع جامد ياسيف استمر بقى فى الشغل ده لعند ما نفضى المنتدى من السحالى دول هههههه

تحياتى ليك يابرنس




الغدير
افتراضي

بص ياسيف الموضوع لذيذ ودمه خفيف جدا

بس انت بتقول بتقف قدام المرايه ساعه وميكب ولبس ديق وبتاع

طيب مثلا انا مش بلبس كده ولا بحط ميكب وكمان كل البنات اللى هنا من غير كلام

مش بيعملوا كده طيب ايه بقى يبقى كلوا زى بعضه لا طبعا مفيش حد زى حد فى ناس وناس

وفيه الوحشين وفيه الحلوين وبرده فى رجاله وحشه وفى حلوة والشاب الكويس عاقل ورزين

وطبعا مش بيقع يعنى من الكلام الفاضى دا وكمان غير دا ودا فالحب الحقيقى موجوده من غير الكلام

دا والدلع والكلام اللى انت بتقول عليه دا بس يلا مفيش مشكله مدام انت اخد النظريه دى على بنات مصر

يبقى خلاص براحتك دى حريه وانت ع راحتك...

وع العموم تسلم ايدك......



إضافة رد

مواقع النشر (المفضلة)

الكلمات الدلالية (Tags)
مصرية, المصرية, البنات, تخيل, تشوف, يعنى, صفات, نفسها


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:46 AM.


Powered by vBulletin® Version 3.8.1
Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.

جميع المواضيع والمشاركات المكتوبة تعبر عن وجهة نظر صاحبها ... ولا تعبر بأي شكل من الأشكال عن وجهة نظر إدارة المنتدي

دردشة كريزي مان اون لاين
دخول الاعضاء