منتدي كريزى مان >
في العيد.. البسي هدومك القديمة بشكل جديد!!
الإهداءات
Mr.Hossam من من اتينا : الناس اللي وحشني اجدع ناس كل سنه وانتو طيبين ويارب تكونو بخير دايما     SoLa من القاهره : كل عام وانتم بخير بجد وحشتوني المنتدي الجميل والناس الغالية ال اتعرفة عليهم فيه يارب تكونو في احسن الاحوال     محمد البهلوان من مصر : السلام عليكم يا جماعة فين الناس راحت فين     القبطان مازن من كريزي مان : النت وحش فشخ ف مصر     Angel of love من اسكندريه : وحشتوونى اوى ومفقتده كل صحابى القدام وبتمنالكم كل السعاده والحب     العجمى من العجمى هانوفيل : السلام عليكم ورحمة الله وبركاته إلى جميع الاحباب والأصدقاء تحية من القلب يارب تكونوا جميعا بخير وسعاد لوشا ورسوله وضع القمر وعاشقة النيل وعبد الجواد والبنت المشاغبة هديل ولينا     محمد البهلوان من مصر : السلام عليكم يا جماعة انتوا وحشتوني اووي ليه الأقسام مفهاش تفاعل وخصوصا اقسام الشعر والخواطر     كناريه من الرياض : السلام عليكم وحشتوني اوي انا لما بدخل هنا بفتكر حاجات جميله اوي ربنا يسعدكم يارب وتكونو جمعيا بخير يارب     *سمسم* من المنصوره : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     دي روسي من شارع المعز : يااه المنتدي يعني الذكريات الجميله اتمني الناس كلها تكون بخير     Mahmoud Ali Afia من شنشــــــور : صباح الفل ع أحلي مشرفين وأعضاء وزوار كريزي مان_محمـــــود عافيــــه     طـارق من المطريه -القاهره : أللهم انصر الاسلام وارحم موتانا وموتى المسلمين والمسلمات اللهم اشفي مرضانا ومرضى المسلمين اللهم امين يارب العالمين     gezoooo من لَيبـ❣ـيآ : وآحـ❣ـہشـ❣ـہنـ❣ـہي وآلَلَهـ❣ـي. وبـ❣ـہلَدي وآحـ❣ـہشـ❣ـہآنـ❣ـي آووووووي     ! T-e-G-a ! من البنك الاهلي : كل عام وانتم بخير وحشتوني جداً طبعا خمسه سته الي يعرفوني هناا .. ارسل اليكم تحياتي وان شاء الله تكونه بخير وسعاده دايما يارب ♥     مودى مزاجو من التجمع : السلام عليكم ورحمة الله واحشنى جداااا ياكريزاوية يارب الجميع يكون ف افضل حال     sasa-2010 من مصر : كل عام وانتم جميعا بخير ومنتدانا الغالى كريزى مان بخير ويرجع يلعلع زى الاول ان شاء الله     احمد بيسو من كايرو : السلامـ عليكم، .. ازيكـمـ جميـعاً وحشتوني بجد جداً وحشني قسم الرعب وكل ذكريـات في المنـتدي .. اتمـني كلكم تكونو بخـير     العجمى من على شاطئ العجمى : ياعلاء الموقع مغلق ديما يارب يكون المانع خير كل عام والجميع بخير وسعادة أضحى مبارك أن شاء الله     عمااااد حسن من مصر : السلام عليكم نتورين جميعا اللهم اجمع الشمل تحياتى للجميع كل احد باسمه     ضى القمر من كريزى مان : وعليكم السلام شكرا العجمى للاهداء وسلام لجميع المشرفين والاعضاء والزوار واكيد لوشا وعسوله كمان    

في العيد.. البسي هدومك القديمة بشكل جديد!!

قائمة الاعضاء المشار إليهم :

افتراضي في العيد.. البسي هدومك القديمة بشكل جديد!!
العيد.. البسي هدومك القديمة بشكل جديد!!


كل سنة وكل أصدقائنا في كل مكان طيبين وبخير...
خلاص كلها كام يوم ونستقبل عيد الأضحى المبارك...
وطبعاً أكتر حاجة بنفكّر فيها لما يقرّب العيد وخصوصاً البنات، هو اللبس الجديد اللي هنظهر به في العيد...
لكن فيه ناس كتير ما بيكونش عندها وقت إنها تشتري حاجة جديدة على العيد...
وكمان مع غلاء الأسعار اللي بقينا فيه مش دايماً بتكون الفرصة متاحة قدامنا علشان نشتري ملابس جديدة على العيد...
علشان كده هنقول لكم شوية أفكار ممكن تعمليها لملابسك القديمة علشان تظهر بشكل جديد، ويبقى كإنك اشتريتِ قطعة ملابس جديدة في العيد...


العيد.. البسي هدومك القديمة بشكل جديد!!

  • غيّري لون ملابسك القديمة
أكيد عندك في دولابك جاكيت قديم أو بنطلون جينز أو حتى بلوزة، بتحبيها أوي، بس مع الأسف قِدْمِت عندك، وبقى شكلها مش جديد..
بكل بساطة ممكن تغيّري مِن شكلها بإنك تصبغيها بلون تاني على الموضة، وعلى فكرة الموضوع ده مش هيحتاج منك غير إنك تختاري محل صباغة كويس، وتختاري لون جديد ومناسب للقطعة اللي هتصبغيها.
بس لازم تحطّي في اعتبارك إن الملابس دي لو غامقة مش هينفع تصبغيها بلون فاتح، وبالطريقة دي هيبقى كإنك اشتريتِ جاكيت أو بنطلون أو بلوزة جديدة.

العيد.. البسي هدومك القديمة بشكل جديد!!


  • أعطي لملابسك أطوال جديدة
أوقات بيبقى عندك فستان أو تونيك طويل، كانت بتعجبك قماشته أو النقشة والرسومات اللي عليه، ونِفسك تلبسيه بشكل جديد، وتغيّري مِن شكله، يبقى ممكن إنك تقصّري طوله شوية، وتعملي منه بلوزة أو تونيك بطول مختلف.
والموضوع ده إنتِ ممكن تعمليه بنفسك لو كان عندك ماكينة خياطة في البيت، أو ممكن تعمليه عند ترزي، ومش هيكلّفك إلا مبلغ بسيط جداً، وبكده يبقى إنتِ كسبتي قطعة جديدة في دولابك.


العيد.. البسي هدومك القديمة بشكل جديد!!


ممكن تستغلي خيالك وإبداعك في إنك تعطي لقطع ملابسك القديمة استخدامات جديدة أو تلبسيها بطريقة جديدة؛ يعني مثلاً لو عندك فستان بقى قصير عليكِ ممكن تلبسيه على ليجنج، وتلبسي معاهم حذاء أو صندل شكله حلو وجديد.
كمان لو عندك جيب صَك ممكن تلبسيها زي توب من فوق، وتلبسي عليها حزام، وطبعاً فيه أفكار تانية كتير ممكن تعمليها من خيالك، بس أهم حاجة إن يبقى شكلها مناسب وحلو.


العيد.. البسي هدومك القديمة بشكل جديد!!


  • ضيفي زراير بأشكال جديدة ومختلفة

ممكن تجددي من شكل بلوزة سادة عندك؛ بإنك تضيفي عليها مجموعة من الزراير بألوان وأشكال حلوة، وتوزّعيهم عليها بتنسيق معين، وممكن تختاري الشكل اللي إنتِ عايزاه من صور على النت أو في أي مجلة عن الموضة.

العيد.. البسي هدومك القديمة بشكل جديد!!

  • الإكسسوارات بتعطي شكل جديد للملابس

طبعاً الإكسسوارات من الحاجات المهمة أوي اللي بتغيّر من شكل ملابسنا، وبتدّيها روح ولوك مختلف.
يعني ممكن تضيفي قطع من الإكسسوارات بألوان جديدة ومميزة؛ علشان تعطيكِ شكل جديد؛ يعني ممكن تلبسي عُقد شيك بألوان متداخلة تكون لايقة مع البلوزة أو البادي اللي هتلبسيه، أو تلبسي مجموعة غوايش كتير مع بعضها، وعلى فكرة دي طالعة موضة جداً من الصيف اللي فات.


العيد.. البسي هدومك القديمة بشكل جديد!!

  • اعملي مزيج بين القطع القديمة والجديدة

ممكن تشتري قطعة ملابس جديدة؛ علشان تحيي بها قطعة قديمة عندك؛ يعني ممكن تجيبي إيشارب أو اسكارف جديد، وشكله حلو، وألوانه مبهجة، وتلبسيه على شيميز أو بلوزة أو فستان قديم عندك، وتربطيه بشكل جديد، ومختلف على رقبتك.
وممكن تجيبي بوليرو وتلبسيه على تونيك قديم، بس أهم حاجة في الطريقة دي هي تنسيق الألوان؛ بحيث تدي شكل مختلف وجذاب للعين، كمان الطريقة اللي بتلفي بها الطرحة والألوان اللي بتختاريها بتفرق كتير جداً في إظهارك بشكل مختلف ومميز.



العيد.. البسي هدومك القديمة بشكل جديد!!


ودي بعض النصايح اللي هتساعدك وإنتِ بتركّبي أو بتدخّلي ألوان مع بعضها:

- الأبيض والأسود والرمادي بيعتبروا من الألوان المحايدة، واللي ممكن تلبسي معاها أي لون إنتِ عايزاه.
- ينصح بعدم ارتداء أكثر من 3 ألوان مع بعض.
- راعي إن الطقم اللي هتلبسيه يكون فيه لون واحد هو اللي طاغي وواضح، وباقي الألوان تكون هادية ومناسبة معاه.
- لو فيه منطقة في جسمك عايزة تبيّنيها بشكل أرفع يبقى اختاري لها قطعة ملابس يكون لونها غامق.
- الألوان الحيوية والزاهية زي الفوشيا والأورانج والموف بتكون مناسبة جداً لقطع الملابس اللي بتكون قريبة من الوش؛ زي البلوزة أو التونيك أو البادي؛ لأنها بتنوّر الوش، وبتدّي له طلّة حلوة جداً.


العيد.. البسي هدومك القديمة بشكل جديد!!
</B></I>


ذات صلة:

افتراضي رد: في العيد.. البسي هدومك القديمة بشكل جديد!!
تسلم ايدك يا قمر توبيك حلو

افتراضي رد: في العيد.. البسي هدومك القديمة بشكل جديد!!
شكرا مونى



افتراضي رد: في العيد.. البسي هدومك القديمة بشكل جديد!!
تسلم ايدك ياضى

موضع أكثر من رائع

جزاك الله خيراً


افتراضي رد: في العيد.. البسي هدومك القديمة بشكل جديد!!
شكرا عبدو
متابعة طيبة

افتراضي رد: في العيد.. البسي هدومك القديمة بشكل جديد!!
تسلمى اجمل ضى

معلومات مفيدة اوووى
ربنا يحميكى

افتراضي رد: في العيد.. البسي هدومك القديمة بشكل جديد!!
شكرا بيوتى



افتراضي رد: في العيد.. البسي هدومك القديمة بشكل جديد!!
يسلموووووووووووو ياقمر على النصائح الجميلة

تحياتي

افتراضي رد: في العيد.. البسي هدومك القديمة بشكل جديد!!
يسلموووووووووووووووووو الايادي

افتراضي رد: في العيد.. البسي هدومك القديمة بشكل جديد!!
بجد موضوع جميل اوى
ميرسى يا قمر



مواقع النشر (المفضلة)

في العيد.. البسي هدومك القديمة بشكل جديد!!


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع