تعالوا يابنات اضحكوا على الشباب

[همس الدموع]

تعالوا نشوف تطور حياة الحلويين اللى شايفين نفسهم واللى فرحانيين بشبابهم (الشباب)

تعالوا نفضحهم يا بنات و نوريهم نفسهم قصاد المرايه بيبقى شكلهم(من جوة طبعاً) عامل ازاى ..

بصوا يا بنات :
التطـــــــــور الطبيــــــــــــعى للرجل




بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟


بعد الشغل
بعد 6 اسابيع : (بكل رقه)حبيبتي انا جيت من الشغل
بعد 6 شهور : انا رجعت :
بعد 6 سنين : فين الاكل ياوليه ؟؟


جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! ولا جالك طرش ومابقتيش تسمعى ؟؟


وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى .اطفحيها انتى وامك .


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟

بعد 6 سنين : كتك داهيه فى زوقك , وبكام على كدة بقى ؟


لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , اتخمدى انتى بقى

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : نعم ياختى .انتى فاكراه بيت .... احم احم .


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 20 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك

بعد 6 سنين : يا وليه هتبقى زى البرميل من كتر لغ الكحك .

وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى ال.... (احم احم) اهو

المولود الاول :و عند سؤاله عند شبيه المولود: زى القمر .. شبهك
المولود التانى : شبه اخوه
المولود التالت : هيطلع حلو لمين يعنى .. لامه ولا لامه ؟ خليها فى قلبك واسكتى احسن ..





يا مظلومين يا احنا يانى .
عشان تعرفوا اد ايه احنا مظلومين معاهم ...
مستنيه رأيكم يا بنات فى اللى قلته ..
اما الاولاد فتانى بقول ماحدش طبعا عنده اعتراض ..
_________________

[توتا الدسوقى]

يعترضوا على ايه ولا ايه
موضوع جميل اوى همس تسلم ايديكى

[همس الدموع]

تسلمى توتا على مرورك نورتى ياقمر

[لي لي]

ههههههههههههههههههههههه
جميل ياهمس تسلمى

[dark_angel_yoda]

تسمحولي
ادافع عني وعن اخواتي الشباب
ومتهيقلي رايي هيبقي من رايهم
لغة البنـــــــــــــــــات..!!!
لـــغة البنــات


أنا آسفة = سامحني على إلّي هيحصل

القرار قرارك يا حبيبى = ورّينى كده هتعمل إيه ؟؟ وإبقى شوف

عاوزين نتناقش فى موضوع = عاوزة بس أعرفك أنا هعمل إيه

إنت بتحبني قد إيه يا حبيبى = أنا عملت مصيبة سوده النهاردة

إنت سامعنى يا حبيبى؟ = إنت أطرش مش بانادي عليك يابارد

إنت بتحبني يا حبيبي ؟ = ما انا عارفة !! إدفع بقى

لو عملت حاجة يا حبيبى لازم أعرف = أنا هطلع عينك لو

عرفت عنك حاجة

[ضى القمر]

ههههههههههه
تسلمى همس الدموع على الموضوع العسل ده

شكرا ليكى

[همس الدموع]

مشكورين جميعا للمرور نورتوا

[بلوه]

هي دي الحقيقه بس احنا كمان بنتحول بعد الجواز

ليهم حق يعنى طلباتنا كتير بقا وكدا


تسلمي ياقمر:flowers:

[دودو دودى]

حلو اوى الموضوع همس تقبلى مرورى

[joud]

ههههههههههههه

حلو كتير اختي همس

تسلم ايديكي

اصل الشباب يعني مفيش منهم غير طولت اللسان

[دموع الندى]

حلو اووووووووووووووى همس ايوه كده فرحينا فيهم علشان يشوف نفسهم بيعملوا ايه موضوعك هايل بجد خدتى بتار كل البنات تسلمى يا همس على الموضوع

تقبلى مرورى :eh_s(7)::eh_s(7):ندى

[FANTOM]

مش كل الرجاله وبعدين انتوا الى بتخلوا الرجاله يعملوا كده يعنى لو الراجل لما يدخل البيت ويلاقى مراته مدلعاه اكيد مش هيقدر يغير معملته ليها طول عمره لاكن لما يدخل البيت ويلاقى مراته مسقبلاه بالطلبات والنكد ماهو لازم هيغير معملته وبعد كده وهوه داخل البيت كانه داخل بيت الشياطين لاكن لو عملت الى انا قولته الاول هيجى يدخل البيت كاه داخل الجنه ويتمنى انه يعد مع مراته على طول

[ماسبيرو النوبيه]

مرسى هموسه على الموضوع الجامد ده

[حسام ميسي]

العكس هو الصحيح :eh_s(10):
يعني اقولك يا همس علي البنات يعملو ايه
كل شي هات هات هات
ولما الرجل يجي من الشغل تعبان وعاوز ياكل اما مايلقى شي او اكله بدل مايوضع فيها ملح يوضع سكر:laugh1:


وزنزن و زن و زن
فوق راسه

اوف منكن بنات حوا




مشكوره ياهمس علي الموضوع الرائع لو كان بالعكس:girl_dance:

[السندبااد]

يعنى الموضوع ده انتى استفدتى منه ايه , هو مثلا البنات بعد ما تقرا الموضوع ده محدش هيتجوز واحنا مش هنلاقى حد نتجوزه ههههههههه , انا اسف بس انتى نفسك اكيد لو مخطوبه بيتقالك كده وبرده بعد ما تتجوزى هيتعمل معاك كده , وده طبعا هيكون وانتى ساكته مش هتقدرى تتكلمى عارفه ليه لان الراجل راجل والست ست ويلريت متزعليش من كلامى واسف لو كنت قرات الموضوع وانتى كتباه للبنات :eh_s(10):

[السندبااد]

:eh_s(5)::yikes44id2:

[همسات حب]

موضوع هايل يا همس
تقبلى مرورى

[السندبااد]

:eh_s(10):ممكن حد يقولى ليه الرد بتاعى لما اخرج وادخل تانى مش بلاقيه موجود ولازم اكتب رد تانى علشان الاقى الاولانى

[soso12]

هههههههههههههههههههه حلو قوي
شكراا

[thehero]

ههههههههههههههههههههههههههههه
:girl_dance: :girl_dance: :girl_dance: