هل فقدنا انسانيتنا .....؟

[.. B!nK ..]

السلام عليكم

موضوع عايزة اناقشكم فية
بسمع في كل حتة الانسان والانسانية هي اساس الحياة
والانسان شئ عظيم
وكل الكلام دة

نيجي بقي للواقع
الحروب اللي موجودة الناس اللي بتموت
والاهم اللي بيقتلوهم دول فقدوا انسانيتهم....؟
السفاحين اللي بيقتلوا بدون رحمة ولا ضمير علي الاطلاق
الامهات اللي بتظلم اطفالها وبتضربهم
الاباء اللي سايبن اطفالهم في الشوارع بدون اهتمام
الجرائم بتاعت الاغتصاب والقتل والسرقة والضرب و.................الخ
كل اللي بيقوموا بيها فقدوا انسانيتهم ؟؟؟؟


انت اللي بتشوف كل يوم جريمة في حق اخوك الانسان
حتي ولو انك تكون معدي في شارع وتلاقي شخص فقير وحد واقف يتريق علية
ولا اخت ليك ماشية وحد بيتعدي عليها
تبص وتمشي في طريقك ولا كانة منظر يقطع القلب
ولا كان المفروض تقف وتتكلم
فقدتها

ولا اصلا الانسانية امر اصبح يستهان بية
اصبح كلمة جميلة نقعد نررددها ولكن طبعا لا نعمل بيها
اصبحنا حيوانات بنمشي وراء رغابتنا بس ومن غير تفكير
الانانية بقيت بدل الايثار
الكرة بقي بدل الحب
الانتقام والبطش بقي بدل الرحمة والشفقة

البشر اصبحوا اية من رايك
انا بكتب وقلبي بيتقطع من اننا وصلنا لكدة
ومتاكدة ان البعض هيقولوا لا مش للدرجة دية
ولا لسة في خير في الدنيا

ردي عليهم
انت لو شفت حد بيعاكس حد او بياذيه حقيقي هتقف ومش هتكمل طريقك سواء لخوف او عدم اهتمام
عندك استعداد تقف في وش ظالم مع تاكدك ان دا هياذيك
ولا هتخاف
وتبص للسماء وتدعي ولكن مش هتتصرف بس هتدعي
ربنا بيقول

اسعي ياعبد وانا اسعي معاك
ومن راي الناس بطلت تسعي لاي شئ مش هيعود عليها بالنفع

انا عارفة موضوعي يمكن قوي وكلامة اكيد مؤلم
وكتير هيرفضة البعض ويقول مش حقيقية
لكن بجد فكر جامد وشوف احنا
فقدنا انسانيتا ولالا .....؟

في مقولة بتقول
انكار رغبتنا هي انكار هويتنا
وفي تانية بتقول
جعل رغباتنا هي حاكمنا هو انكار مايميزنا عن الحيوانات وهو العقل

احنا فقدنا عقلنا لما اصبحت رغابتنا فوق كل شئ

وفي نهاية كلامي
ايوة في ناس كويسة لسة
بس الناس الوحشة بقيت كتير اووووووووووي
لدرجة بقي صعب تشوف الكويس بين المصايب اللي موجودة

[كرمالك]

موضوعك جميل يا بينك الناس بس تقرب لربنا وترجع لدينها تانى

لاننا بعاد جدا عن ربنا عشان كده مفيش رضا منه وبجد الماديات بقت صعبه جداااا كله ساهى هيجييب فلوس ازاى هناكل ايه انهرده هندفع الدروس منيين بجد العيشه بقت صعبه جدااااا وده من الرؤساء مفيش ضمير مفيش دين كل يوم هنشوف اكتر من كده تعرفى يا بينك اصبحت عادى الجرايم دى لانه كله بيتجاهل وبيخاف ويقول انا مالى اننا لو بقينا يد واحد عمر السلبيه ما هى هتنتشر فى بلدنا كده لو نتقى الله فى كل امورنا وكل اعمالنا اكيد هنكون احسن من كده ربنا يرحمنا من الغلا الى بقينا فيه والجشع والغش الى انتشر فى بلدنا الجميله مصررررررر مشكوره يا بينك موضوعك بجد جميل تسلم ايدك وندعى ان ربنا يهدى الرؤساء تقبلى مرورى
_________________

[.. B!nK ..]

كـــــــــــــرمالك
حقيقي نورتي

وفعلا عندك حق لو بس نقرب من ربنا
بس لازم بسرعة لاننا كدة عمالين نحدر ووبعدين نهاية كتاب بتبان من اولة

واحنا اولنا وحش اوي اوي
بالمنظر دة
كل الجرائم زي مابتقويلي بنتجاهلها ونقول خايفين
والمصيبة العائلات بتربي عيالها علي نفس السلبية وتقولهم اعملوا اللي اللي فوقكم عايزينة ويرهبوهم من السطلة
واللي معاة سلطة يستغلها
والله مافيش ضمير ولا انسانية اصلا

ارحمنا يارب برحمتك
نورتي ياكرمالك الموضوع

[ضى القمر]

للأسف يا بينك كلامك صح
ويمكن النوعيات اللى انتى ذكرتيها من قتل واغتصاب وسرقة وتهاون فى حق الاطفال ممكن ازود عليهم عشر مرات من اخطاء كل يوم بنشوفها وبتزيد فى بلد اصبح كل واحد عاوز يعمل حاجة بيعملها بدون حساب أو رقابة ،،كل واحد يخاف على نفسه وعلى بيته واولاده لان محدش حيحميه ولا يدافع عنه ولا حتى يجيب له حقه ،، بصراحة معظم الناس اصبح عندها بلادة وسلبية وعدم شعور بالمسئولية تجاه اى حاجة ...والسؤال ليه احنا وصلنا لكده ؟؟ليه بقينا كده ؟؟ويا ترى فى أمل فى بكرة ..يعنى ممكن يحصل تغيير ونثور تانى لكرامتنا ..فى أمل نقف على رجلينا ..ولو فكرت معاكى بصوت عالى يا بينك ...هل العيب فى الناس ولا الحكومة والرؤساء ولا بعدنا عن الدين وعن سنة نبينا الحبيب المصطفى (ص) تسمعى عن ابن يرمى امه فى الشارع اين برالوالدين وبالوالدين احسانا ،تسمعى عن اب يقتل اولاده من الفقر والجوع "نحن نرزقهم واياكم" والغش فى كل مكان "ومن غشنا فليس منا" واخطاء الاطباء المميته ودى لوحدها كارثة وليس لها حل وكل يوم مستوى الدكاترة فى النازل والمستشفيات من أسوا لأسوأ ربنا يرحمنا يارب
فين من جد وجد ومن زرع حصد هل اصبحت شعارات بنرددها ،،هل البعد عن القراءة والثقافة والرياضة والاتجاه للبلاى ستيشن والألعاب بانواعها والنت والكمبيوتر والدش والمحطات الفضائية هما السبب ..ايه يا ترى وما الحل
اعرف انى حقول كلام مكرر واشعر انى بكلم نفسى فى عالم خيالى اتمنى تحقيق اى حاجة فيه ..نرجع لدينا ونتمسك باخلاق وتعاليم الدين الاسلامى ونتمسك بمكارم الاخلاق والعفة والطهارة والغيرة وتظهر النخوة من تانى واحافظ على الكرامة واحافظ على بر الوالدين وصله الرحم ومساعدة المحتاجين والفقراء ،،العطف ع الصغير واحترام الكبير واعرف معنى الانسانية وهى مشتقة من كلمة انسان يعنى له عقل مسؤول عن تصرفاته وعنده مبادىء واخلاق

شكرا بينك على موضوعك الجميل
وتقبلى مرورى

[الملاك الحارس]

[QUOTE=ضى القمر;8146][COLOR="Blue"]للأسف يا بينك كلامك صح
ويمكن النوعيات اللى انتى ذكرتيها من قتل واغتصاب وسرقة وتهاون فى حق الاطفال ممكن ازود عليهم عشر مرات من اخطاء كل يوم بنشوفها وبتزيد فى بلد اصبح كل واحد عاوز يعمل حاجة بيعملها بدون حساب أو رقابة ،،كل واحد يخاف على نفسه وعلى بيته واولاده لان محدش حيحميه ولا يدافع عنه ولا حتى يجيب له حقه ،، بصراحة معظم الناس اصبح عندها بلادة وسلبية وعدم شعور بالمسئولية تجاه اى حاجة ...والسؤال ليه احنا وصلنا لكده ؟؟ليه بقينا كده ؟؟ويا ترى فى أمل فى بكرة ..يعنى ممكن يحصل تغيير ونثور تانى لكرامتنا ..فى أمل نقف على رجلينا ..ولو فكرت معاكى بصوت عالى يا بينك ...هل العيب فى الناس ولا الحكومة والرؤساء ولا بعدنا عن الدين وعن سنة نبينا الحبيب المصطفى (ص) تسمعى عن ابن يرمى امه فى الشارع اين برالوالدين وبالوالدين احسانا ،تسمعى عن اب يقتل اولاده من الفقر والجوع "نحن نرزقهم واياكم" والغش فى كل مكان "ومن غشنا فليس منا" واخطاء الاطباء المميته ودى لوحدها كارثة وليس لها حل وكل يوم مستوى الدكاترة فى النازل والمستشفيات من أسوا لأسوأ ربنا يرحمنا يارب
فين من جد وجد ومن زرع حصد هل اصبحت شعارات بنرددها ،،هل البعد عن القراءة والثقافة والرياضة والاتجاه للبلاى ستيشن والألعاب بانواعها والنت والكمبيوتر والدش والمحطات الفضائية هما السبب ..ايه يا ترى وما الحل
اعرف انى حقول كلام مكرر واشعر انى بكلم نفسى فى عالم خيالى اتمنى تحقيق اى حاجة فيه ..نرجع لدينا ونتمسك باخلاق وتعاليم الدين الاسلامى ونتمسك بمكارم الاخلاق والعفة والطهارة والغيرة وتظهر النخوة من تانى واحافظ على الكرامة واحافظ على بر الوالدين وصله الرحم ومساعدة المحتاجين والفقراء ،،العطف ع الصغير واحترام الكبير واعرف معنى الانسانية وهى مشتقة من كلمة انسان يعنى له عقل مسؤول عن تصرفاته وعنده مبادىء واخلاق

الملاك الحارس
birooo



موضوع شيق وجميل

[.. B!nK ..]

يعني اية دا بقي ملاك

حضرتك خدت كلام ضي وعملتلة كوبي
وهو دا ردك

ارجو ان المرة الجاية ترد رد يكون بتاعك لا يجوز ابدا تقبس كلام حد وحتي من دون تعليق يعني علي الاقل علق علية اوي اي شئ

[ضى القمر]

الملاك الحارس
بعد اذنك غلط انك تاخد رد اى احد وتكتبه باسمك سواء أنا أو اى أحد غيرى

والحاجة التانية ان المنتدى له اقسام كثيرة وبلاحظ ان حضرتك تضع كل المواضيع فى منتدى الحوار والنقاش ، برجاء وضع المواضيع فى اماكنها المخصصة

شكرا لك