هل من الممكن نميل للشخص بسبب قلمه ؟

[كرمالك]

بسم الله الرحمن الرحيم

عندما نتابع موضوع لشخص ما ويعجبنا طرحه وفكره

عندما نرى فكره واتجاهه من خلال كتابته ..عندما تتبين لنا اخلاقه من مواضيعه وردوده ...

اشخاص لانعرفهم ..

لم نراهم ..

ولم نسمع اصواتهم ..

لم نحاورهم الا امام الملأ..

لم نشاكسهم


قرأنا حروفهم ..فلامست فينا حقيقه لم نكن ندركها ..
ننتظر اقلامهم بشغف كي نرد عليها بشفافيه
لسنا ضعفاء ولكن قلوبنا لامست قلما فأنجذب له
حينها فقط يصبح القلم سلاح يغزو حياه الطرف الاخر
حين يخفق القلب لقلم شخص .... حين ينبض القلب بحب قلم



هل ممكن ان نميل للقلم ؟؟
وهل من الممكن نميل للشخص
بسبب قلمه ؟؟

هل من الممكن أن نصل إلى درجة الافتتان بالفكر او الأسلوب ؟؟
وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟؟
ما السبب في ذلك ؟؟

وهل هذا خطأ ؟؟
ومن يتحمل الخطأ ؟؟

ارجواااااااا المشاركه

[ضى القمر]

شكرا كرمالك الجميلة على موضوعك الجميل

هل ممكن ان نميل للقلم ؟؟
وهل من الممكن نميل للشخص
بسبب قلمه ؟؟
ممكن نميل للقلم ولكتابات هذا الانسان وتعجبك كتاباته سواء دينية او ثقافية او اجتماعية او فرفشة ولكن نميل للشخص؟؟؟؟؟ هو ممكن برده باعتبار ان الشخص بيكتب الحاجات اللى بتعجبه وفيها من شخصيته ونابعة من داخله وده بيبان اكتر فى الردود على المواضيع والنقاش والحوار اكتر من مجرد موضوع ممكن يكون منقول من اى منتدى تانى او من اى مكان تانى
هل من الممكن أن نصل إلى درجة الافتتان بالفكر او الأسلوب ؟؟
وهل يتحول الاحترام والاعجاب الى انجذاب؟؟
ممكن نفتن بالفكر والاسلوب وخاصة اذا كان اسلوب جميل ويشد القارىء وان يتحول الاحترام والاعجاب الى انجذاب ممكن بس برده عندنا عقل نفكر به وكل حاجة بحدود ولا امشى وراء العاطفة والقلب بس
متى تخرج المشاعر عن السيطرة ؟؟
ما السبب في ذلك ؟؟
المفروض طبعا ان لا تخرج المشاعر عن السيطرة وكل انسان يتحكم فى نفسه كويس والسبب هو نقص حاجة معينة بيعوضها مع كلمات وقلم هذا الانسان
وهل هذا خطأ ؟؟
ومن يتحمل الخطأ ؟؟
هو خطا طبعا التعلق بشخص بقلمة فقط وانتى لا تعرفى هذا الشخص كويس واللى يتحمل الخطا هو الانسان الذى يتعلق بالشخص الاخر لان الشخص الذى يكتب ممكن يكون مش دريان اصلا بهذا الشخص ولا على باله

شكرا ليكى كرمالك الجميلة
وجزاكى الله كل خير

[دنيا الاحزان]

ل ممكن ان نميل للقلم ؟؟
وهل من الممكن نميل للشخص
بسبب قلمه ؟؟
ايوة ممكن لان ساعات بحس الى هو فاهمنى وبيتكلم عنى وكل موضيعه احس انه بيكلمنى انا
بيحس بيه وبيكتب احساسى
فبتشد لقلم وومكن اعجب بصاحب القلم


هل من الممكن أن نصل إلى درجة الافتتان بالفكر او الأسلوب ؟؟ فى بعض الاحيان ممكن
وهل يتحول الاحترام والاعجاب الى انجذاب؟؟ ممكن اكيد يتحول لانجذاب لانه ممكن تحسى بكل كلمة هو كتبها فبتحول لانجذاب لشخص دة

متى تخرج المشاعر عن السيطرة ؟؟ لم تحسى بكلامات قوى وتحسى ان الكلمات دية بتعبر عنك شخصينا
وتحسى انه فاهمك
ما السبب في ذلك ؟؟
مجرد الحاجه للحب
وهل هذا خطأ ؟؟
اكيد طبعنا غلط لانه شعور مش حقيقى مجرد اعجاب للكلام لكن بيوصلك لكل دة ودة غلط جدا

ومن يتحمل الخطأ ؟؟ اكيد الاتينين لانه فى الاخر بيكون اعجاب بكلام
شكرا على الموضوع الجميل دة

[.. B!nK ..]

اولا الف شكر للموضوع


واجابتي لسؤالك هي نعم
ايوة فعلا ممكن تميلي لشخص بسبب طريقة كتابتة واسلوبة في الكلام
لاني اعتقد ان الكلمات هي حبر الروح
لو الانسان صادق هتبقي كلماتة الحبر اللي بيضع جزء من روحة علي اوراقة فبيعرفك علي شخصيتة واسلوبة


اما بقي انة يتحول لانجذاب دا بيحصل ساعات لكن في الحالة دية لازم نذكر انفسنا اننا لانعرف الشخص دة
وانة لازم يفضل اعجاب بقلم الشخص فقط

من حيث هو غلط او صح
من راي ان الاعجاب والانجذاب دة شئ طبيعي
زي مابنعجب بالكاتبين في العالم ممكن نعجب بكلمات حد سواء لخفة دمها او رقتها او لثقافتها العالية
ودا مش غلط بس تعدي الاعجاب لهوس هو الغلط


الف شكر ليكي علي موضوع رائع

[كرمالك]

مشكوره يا ضى القمر على مررورك وردك الجميل والصادق فى التعبير وفعلا ممكن اى انسان يتعلق باراء الشخص التاتنى وهو ولا هو هنا المفروض نفكر بعقلنا احنا اتعلقنا بيه ازاى وايه هو مدى التعلق بيه هلى هو حب ام اعجاب كلنا ممكن نعجب بكتابه اى احد او رد اى شخص بس نفكر مدى الاعجاب ده نهايته ايه تسلمى يا ضى على الرد الجميل نورتى الموضوع

[كرمالك]

معاكى حق يا بينك لازم نفكر بعقلنا زى ما قلت لضى واكيد كلنا بننجذب لاى شخص نقراله مقطوعه من الشعر او الخواطر او قصه جميله او كتاب من قصص الانبياء بس يكون مجرد اعجاب فقد تسلمى يا دنيا انتى وبينك نورتوا صفحتى تقبلوا فائق احترامى بينك ودنياااااااااااااا

[لي لي]

موضوع جميل يا كرمالك
هو ممكن نميل الانسان فعلا بسبب قلمه واسلوبه وطريقته بس ده بيكون اعجاب مش حب طبعا
بس طبعا لازم مش نخلى الاعجاب او الانبهار ده مسيطر علينا لا اكيد بيبقى فى حدود ولازم نفكر بعقلنا
يعنى الاجابه اه ممكن نميل للشخص بسبب قلمه بس فى نفس الوقت نبقى مسيطرين على مشاعرنا دى وعارفين هى هتوصلنا ايه
مشكووووووره يا كرماك

[كرمالك]

مشكوره جدا يا لىلى نورتى الموضوع

[شعنونه]

بجد موضوع تحفة تسلمى حبيبتى

من رايى انه لا مش ممكن نعجب بيه لمجرد كتاباته

[كرمالك]

مشكوره يا شعنونه كلامك مظبوط

جزاكى الله كل الخير نورتى الموضوع