تقبلى بدبلتين بس بصراحه؟؟؟

[لي لي]

انسان انتي بتحبي و جه عشان يخطبك من اهلك و لسه بيكون نفسه
وبيبدأ حياته ومش عنده غير شقه صغيره
ومش هيقدر يجيبلك الا دبلتين بس توافقي
طب افرض اهلك رفضوا ايه موقفك ساعتها؟

وفي نفس الوقت اتقدملك واحد غني ويقدر بفلوسه يجيبلك كل اللي انتي عايزاه واهلك موافقين عليه ايه موقفك ؟
بصراحه تختاري مين؟

[emay adel]

اختار اللى بحبه وعلى فكرة انا من عيلة مستواها حلو ومتقدملى واحد قريبى وباردو من مستوى حلو زى بس انا اتفقت معاه انه بس يجيب دبليتين وحتى لو اهلى مش وافقوا فا انا موافقة وبعدين الشبكة دى فى الاخر بتاعت مين بتاعته هو فا انا مش هجيب غير بس الدبل ومن الرغم اننا من عيلة مستواها حلو

[لي لي]

الف مبرررررررررررررررروك يا حبيبتى ليكى وربنا يسعدك
نورتينى يا قمر

[foffa]

بكل صراحة اختار اللى بحبة ويحبنى حتى لو هنعيش فى عيشة اهم حاجة نكون متفاهمين وبنحب بعض وشوية شوية الفلوس هتيجى

[لي لي]

ربنا يحلى ايامك حبيبتى ويسعدك مرسيى لمرورك

[banota]

مبروك اولا للخطوبة وربنا يكملك على خير يارب ياemay adel

انا من رايكم لان المال لو راح في يوم ومفيش توافق وحب بين اي اثنين الحياه حتكون مستحيله
بس انا لو بدات مع اللي بحبه بدبله بس وحاجه على قدنا نسكن فيها
بكرة ربنا يقدرله يجبلي كل حاجه
لان في الاول والاخر خيره كله حيكون لبيته ومراته
ميرسي لمواضعيك المميزة يالي لي

[فـآـرسـ آلـرـؤمـآنـسـيـة]

الف شكر ليكى يا لى لى على موضوعك الجميل وانا هرد عليكى زى ما رديت قبل كدا

هو فعلا موضوع جميل ومحتاج للمناقشة
بس فى البداية الفلوس مش كل حاجة هى أى نعم الفلوس بتعيش كل واحد مبسوط وكويس وكل واحد نفسة يبقى معاه فلوس كتير بس بردوة مش كل حاجة اية يعنى لما يكون معاك فلوس وانت نفسك من جواك مش مبسوط يبقى اية لزمتها انا كدا بعت عن الموضوع خلنيا فى موضوعنا يعنى لو واحدة هتختار الفلووس تختارها تعيش وتتمتع بيها براحتها انما حياتها الزوجية مع جوزها اولا مش هيكون فى توافق فى الحياة الى هتتبنى اساسها على الفلوس المفروض انها تتبنى على الحب والتصحية والمودة بين الاتنين يعنى لو واحد بيحب واحدة وجبلها اى مكان يسكنو فيه أى كان المكان دا اية ولا فين لو بيحبو بعض أهم حاجة عندهم ان هما الاتنين بيحبو بعض ويكونو مع بعض وادام بيحبو بعض مش هيتحاج اى حاجة غير انهم يفضلو مع بعض ويكافحو ويشتغلو مع بعض الشغل مش عيب حتى لو على الست تشتغل هى كمان مع حبيبها علشان يقدو يعيشو شوية شوية هيكبرو مع بعض وعيشتهم هتبقى كويسة جدا بس انا عن نفسى مش هرضى انى اخلى الانسانه الى ارتبط بيها انها تشتغل ليه لانى بحبها ومش عاوزها تتبهدل او حد يعاكسها ولا يقولها كلمه وحشه تديقها أما عن الدبلتين الدبلتين دول زى ما بيقولو بيربطو اى اتنين ببعض هما ايوة بيربطوهم ببعض بس قدام الناس الرابط الحقيقى الى بيربطهم ببعض قولبهم وحبهم لبعض وبالتالى مش هتفرق معاهم دبلتين او أكتر أو حتى مافيش خالص بس طبعا أهم حاجة فى الزواج لازم يكون فى حب بين ألأتنين لو مافيش حب هتكون حياة مدمررة كلها مشاكل ومش هيكملو مع بعض نهائي ولا الحب هيجى بعد الجواز والعشرة والكلام دا ولا اى حاجه لانها هى نفسها متجوزة علشان الفلوس يبقى عمر الحياة دى ما هتكمل ولا هتحبه أبدا ولا هو هيحبها حتى مع عشرتهم مع بعض وزى ما تقولى هتكون حياتها معاه كلها مصالح مش أكتر أما لو أهلها مش وافقت ودى طبعا بتحصل كتير لان كل اب وام بيدور على مصلحته أولادهم فى المقام ألآول وازاى هيعيشو فى الحالة دى يبقى البنت تقول لوالدها انا بحب الشخص دا وهو بيحبنى وانا راضية أعيش معاه مهما ما كانت حياته وايدى على أيده هتساعد ولو مش رضيو بقى هتضطر انها تستانه لحد ما يكون نفسة ويبقى تمام وتقول لباباها لو مش اتجوزت الانسان دا حياتى هتتدمر ومش هتكون كويسه وهتكون كلها مشاااااااااكل لانى مش بحبة ولا عمرى هحب حد تانى غير الى اتقدملى وطبعا مافيش اب يرضى لبنته كدا ابدا

[لي لي]

مرسيى جدا لمروركم نورتونى بنوته وفارس الرومانسيه
بجد انا بشارككم فى الراى الحب مهم اكيد وهو الى بيكون اساس اى علاقه ناجحه

[ضى القمر]

شكرا لىلى على الموضوع الجميل
هو الفكرة مش الغنى والفقر ولكن الفكرة فى الشاب نفسه ويا ما شباب بيبداوا صغيرين وباجتهادهم وطموحهم بيوصلوا لاعلى المراكز وبيصبحوا اغنياء كمان ويتبقى الانسان ده دينه واخلاقه والطيبة والحنية والمعاملة الحسنة والمشاعر الجميلة ولكن غنى ممكن يكون كويس وممكن لا ..واحيانا الواحد يقابل الحب مرة واحدة بحياته وممكن مايقابلوش تانى وبالنسبة للأهل لو واثقين فيا وربونى كويس اكيد حتفاهم معاهم وافهمهم وجهة نظرى وان شاء الله يقتنعوا بها والموضوع كله قسمة ونصيب وربنا يكرمنا جميعا باذن الله
مبروك للخطوبة وربنا يكملك على خير يارب ياemay adel

شكرا لىلى

[لي لي]

مرسيى لمرورك يا ضى وكلامك الجميل ده
وربنا يسعدكم كلكم

[عسوله]

موضوع رائع في مناقشته انتو مش خليتو حاجه عشان اقولها

الف الف مليون مبروك ليكي ياحببتي وربنا يتمملك علي خير انشاء الله

لي لي انا عجزه عن كلامي معاكي موضيع فوق الرائعه بجد موضيعك شددني كتير

[لي لي]

مرسيى ليكى احلى عسوله مواضيعى حلوه بمرورك فيها حبيبتى

[همسات حب]

اختار اللى بحبه ومفيش مشكلة دبلتين لان الحب اهم حاجة لحياة ناجحة
واكيد ربنا هيرزقه واكيد مش هيبخل عليا باى حاجة
بجد بجد مواضيعك جميلة جداااااااااااااااااا يا لىلى

[لي لي]

مرسيى جدا ليكى يااحلى توتا انتى احلى حبيبتى

[كرمالك]

مشكوره يا لىلى موضوع جميل جدا بس هقول ايه كل البنات قالوا احلى الكلام الحب اهم شىء هو الى يبقى فى الدنيا الحب وبعدين الفلوس وكل حاجه بتيجى بعد كده ومش عيب لو نكون مع بعض خطوه خطوه ونبدا حياتنا بالتدريج واحاول افهم اهلى انى موافقه عليه تسلمى يا لىلى موضوع جميل ومميز

[لي لي]

ردك الى مميز كرمالك
نورتينى حبيبتى

[المهندس علاء سليم]

جميل جدا الحب بس أتمني ان يكون هذا الكلام من القلب وبصدف وأتمني التوفيق للجميع ورمضان كريم:eh_s(7):

[لي لي]

الله اكرم يا علاء ونورت قسم احلام بنات

[لومى _مرمر]

طبعا مش هسيب الانسان ده هتمسك بيه وهقف جنبه لحد لما يكون نفسه وفيها ايه لو بدينا حياتنا احنا الاتنين فى شقه صغيره وكبرنا مع بعض واهلى طبعا هقنعهم بكده وان شاء الله هيوفقوا طبعا عشان هما عاوزين راحه بنتهم وانا راحتى هتبقى مع الى بحبه

[لي لي]

مرسيى ليكى يا مرمر نورتى يا قمر