انواع الشباب على النت

[لي لي]

--------------------------------------------------------------------------------

يلا يابنات اضحكوه بقى من قلبكم

[انواع الشباب عالنت
المرحلة الأولى :
( الي يدوبك لسه متعلم يدخل نت)

طبعا تلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


(المرحلة الثانية:
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


(المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10-بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة




علشان بس تعرفو اننا نقدر نعمل زيكو واكتر
وقولت ليكم من الاول لو علي الكلام فالكلام كتييييير
_________________

[dina aj]

عندك حق هما كده شغالين ضحك على البنات

[لي لي]

بس مش اى بنت تديلهم الفرصه
مشكووووووووووره يا قمر على المرور

[توتوس]

تسلمى لى لى على الموضوع وعندك حق

[foffa]

ياريت البنات تعرف الكلام دة ومش تصدق اى حد وخلاص

[عصفور الظلام]

بصراحه كلام جميل وبنت زي العسل في كلامة الممتع الرائع وتشبهاتها لذيذه جدا مضحكة للغاية

[لي لي]

مرسيى لمروركم
توتس
فوفه
عصفور الظلام
اتمنى مواضيعى دايما تنال اعجابكم

[السماحي]

هو فى راجل حيعنس
منتو اللى .................
ههههههههههههههههههه
لالالا موضوع هايل الصراحة
شكرا على الموضوع الجميل
وتقبل مرورى

[لي لي]

مرسيى جدا لمرورك بس انا مش فاهمه قصدك انت بتتكلم على اى نقطه

[zena]

موضوع لذيذ جدا تسلم ايديكي حبيبه قلبي

[asmaa]

موضوعك جميل يالىلى وتقبلى مرورى

[لي لي]

مرسيى لمرورك اسماء نورتينى يا قمر

[كرمالك]

جميل اوى يا لىلى موضوع زى العسل زيك ومميز كمان

تقبلى مرورى:eh_s(7):

[لي لي]

مرسيى ياكرمالك حبيبتى انتى الى احلى يا قمر

[galaxy]

تسلم ايدك حلو اوي بس معني كده ان الواحد مايصدقش حد ابدا:eh_s(10)::eh_s(10):

[الديب المصري]

ياخبر ابيض
دانتى ضيعتي الولاد خالص
على اساس انكم مليكة مثلا ولا اية
انا بعترض واشجب واستنكر مفيش ولد على النت عدل خالص يا لي لي خالص
الشباب كلو رخم ودمو تقيل حتى خفيف الدم
وانتو اللى ياعيني مليكة طيبين ومفيش بعد كدة ولا كلمة صح
ماشي ماشي الايام بيننا:eh_s(10):

[لي لي]

ههههههههههههههههههههههه
ماشى ياديب يا مصرى الايام بيننا:lopez4a4a:

[mony]

فعلا زى ما بتقولى يا لى لى وفى كمان نوع الى اول ما تكلميه يقولك انتى الى كنت بدور عليها من زمان ويعمل نفسه العاشق الولهان بقى هههههههههه تسلم ايدك بجد وكل مواضيعك حلو وفعلا تشبيهاتك جميله فعلا

[لي لي]

مرسيى يا مونى انتى اجمل حبيبتى

[محمد خليل]

لي لي :ANSmile345: :lopez4a4a: الحرب


















تسلمى لى لى على الموضوع وعندك حق

[nour_ageir]

جميل جدا لىلى

[لي لي]

انتى اجمل يا حبيبتى مرسيى ليكى

[ملطوش]

ههههههههههههههههه لىلى انصحو انفسكم قبل ان تنصحو الاخرين ههههههههههه <!< دنيا

[لي لي]

مرسيى جدا على المرور

[سوكا الامورة]

موضوع جامد دا بصراحه انتي اصلا مواضيعك كلها جنان :Kissin: تسلم ايدك


تقبلي مروري :kiss::kiss:

[لي لي]

مرسيى حبيبتى على زوقك نورتينى يا قمر وياريت تنورينا دايما

[اجمل صدفة]

تسلم ايديكى يا لىلى بجد موضوع رائع
بس ممكن بقا اعرف انواع البنات على النت
:flowers:

[لي لي]

مرسيى جدا ليكى ياقمر وان شاء الله هبقى اجيبهم ليكى

[سومة]

كلامك كله صح كده خلاص الشباب اتحفظت وبقوا ورقة محروقة ميرسى على الموضوع تقبلى مرورى:ANSmile06::eh_s(7):

[لي لي]

مرسيى جدا حبيبتى نورتى