انت والحب .. اسئلة جريئة عن الحب ؟؟

[MR_Mido]

[فقط الأعضاء المسجلين والمفعلين يمكنهم رؤية الروابط] ([فقط الأعضاء المسجلين والمفعلين يمكنهم رؤية الروابط])


1- ما هو تعريف الحب ؟

2- هل تؤمن بالحب ؟

3- هل تؤمن بالحب من أول نظرة؟

4- هل يختلف معنى الحب عبر العصور؟

5- ما هو تأثير العمر على معنى الحب في المراحل التالية ( مراهقة , شباب , بعد الأربعين )

6- فرق العمر بين الطرفين هل يؤثر على علاقة الحب؟

7- أيهما أنجح ,الزواج عن طريق الأهل أو عن معرفة سابقة؟

8- هل ممكن ان تحب أكثر من مرة؟

9-هل يمكن أن يكره الأنسان الشخص بعد أن أحبه؟

10- هل للمادة دور رئيسي في استمرار الحب؟

11- نجاح الحب مستحيل أم ممكن , و كم نسبة نجاحه؟

12- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية

13- أيمكن للحب ان يغير مجرى حياتك؟

14- البعد أيخفف المشاعر أم يلهب الأشواق؟

15- هل يتغير الحب بعد الزواج؟

16- بوجود الحب أيشترط وجود السعادة؟

17- هل الغيرة ضرورية في الحب و ما دورها ؟
سلبي أم ايجابي؟

18- أيهما أخلص الشب أم البنت؟

19- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )


20- ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟

21- ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟

22- ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟

23-ليه ديما كل لما تجرى ورا الحبيب يجرى منك ولما تجرى منه بيجرى وراك؟؟



25-ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟



26- لما تحب شخص ممكن تتسائل بينك وبين نفسك .. انا لية بحبه؟

27 - هل الشخص الى بيحب ممكن يتنزل عن حبة مقابل كرامتة ؟

28- هل الحبيب ممكن يتكبر على حبيبة ؟



ياريت الكـــــــــــــــــــــــــل يجـــــــــــــــــــــــاوب وينور الموضـــــــــــــوع

[zena]

ما هو تعريف الحب ؟




الحب احساس الحب لايوصف و لايختصر بتعاريف زي السحر هو اتحاد بين قلبين ماتقدرش المسافه انها تلغيه هو اقتناع و رضا بالشخص الاخر بالرغم من عيوبه و اعجاب بالصفات و المميزات اللي شدتنا ليه


- هل تؤمن بالحب ؟



اه أكيد






- هل تؤمن بالحب من أول نظرة؟





لا مافيش حب من اول نظرة هو إعجاب ممكن يتحول مع الوقت لحب و ممكن يفضل اعجاب و ممكن ينتهي








- هل يختلف معنى الحب عبر العصور؟






لا مش بيختلف لان الحب احساس و مشاعر مش بتتغير و لا بتتحول مع الوقت








- ما هو تأثير العمر على معنى الحب في المراحل التالية ( مراهقة , شباب , بعد الأربعين )






في المراهقة بيكون الانسان مندفع كتير في مشاعره و احاسيسه لدرجه انها بتحكم تصرفاته و بتسيره





في مرحله الشباب بيتدخل العقل شويه في الحب و بيصير الحب اهدا شويه




بعد الاربعين معرفش بس اكيد بيكون عقلاني اكتر



بس الحب هو الحب و المشاعر و الاحاسيس هي هي في كل الاعمار يعني الاحساس بالحب نفسه و بنفس الدرجه ممكن يحس بيه الكبير و الصغير









- فرق العمر بين الطرفين هل يؤثر على علاقة الحب؟







لا مش بيأثر لاني لما بحب انسان مش هقعد افكر هو اكبر او اصغر مني بكام ده احساس مانقدرش نتحكم فيه ولا نحلله ونفسره







- أيهما أنجح ,الزواج عن طريق الأهل أو عن معرفة سابقة؟






معرفش مش ضروري يكون في زواج انجح من زواج


يمكن اتنين يتزوجوا عن حب و معرفه و في الاخر ينفصلوا







- هل ممكن ان تحب أكثر من مرة؟




اه ممكن ........... بس معرفش لو ممكن ان الانسان يحب اكتر من مرة حب حقيقي







-هل يمكن أن يكره الأنسان الشخص بعد أن أحبه؟






لا مستحيل اللي بيحب عمره مايكره يمكن تجي فتره حد منهم يحس بالكره تجاه الاخر لانه كان المسؤل عن انتهاء قصتهم بس مع الوقت لو كان الحب حقيقي هيروح اي احساس تاني و تفضل ذكرى الحب في قلب اللتنين







- هل للمادة دور رئيسي في استمرار الحب؟






لأ الحب أسمى و أكبر من اي حاجة ماديه انا لما بحب شخص بحبه لذاته مش بفكر عنده ايه و بيملك ايه ده مش حب خالص






- نجاح الحب مستحيل أم ممكن , و كم نسبة نجاحه؟







اه ممكن نجاح الحب .................



بس النسبه معرفش لان في كتير حاجات بتأثر على استمرار الحب او نهايته







- هل يمكن أن يستمر الحب في حال تغير الطرف الآخر من نواحي :




أ- عاطفية


لا مش ممكن يستمر الحب لان الحب علاقه بين اتنين لو واحد اتغير فيهم تتغير العلاقه و يمكن تنتهي




ب- غير عاطفية


ممكن يستمر لو المشاعر و الاحاسيس مااتغيرت - أيمكن للحب ان يغير مجرى حياتك؟ أكيد لان الحب ممكن يغير الانسان كله








- البعد أيخفف المشاعر أم يلهب الأشواق؟







لو الحب حقيقي مافيش حاجة ممكن تأثر عليه






- هل يتغير الحب بعد الزواج؟






أكيد لازم يكبر و يقوى اكتر





- بوجود الحب أيشترط وجود السعادة؟






الاحساس بالحب بيدي احساس بالسعاده و الفرح




بس في قصص حب بيرافقها العذاب و الشوق و حتى الجرح



.......... بس الاحساس بالحب هو الاحساس بالسعاده







- هل الغيرة ضرورية في الحب و ما دورها ؟ سلبي أم ايجابي؟




مش ضروريه بس موجودة مع الحب لازم تكون بحدود لان الثقة لازم تكون موجودة بين الطرفين بس احساس الخوف على الطرف التاني بيخلينا نشعر بالغيرة غصب عننا







- أيهما أخلص الشب أم البنت؟



حسب الشخص نفسه الاخلاص صفة موجودة في ناس و ناس و بدرجات يعني حسب الشخص و حسب تفكيره و شخصيته مانقدرش نقول الشباب بالاجمال او البنات بيخلصوا اكتر







- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته








اه في الحب بس لازم الطرفين يكونوا صادقين بكل حاجة ماحدش بيخدع حد او بيكدب عليه بحكم انه على النت وماحدش هيعرف لان مع الوقت لو في كدب هيبان النت زي اي مكان تاني الجامعه النادي ............ حتى لو كان افتراضي صحيح ان الشكل الخارجي مهم في اني اعجب او احب انسان بس اكيد مش هو كل حاجة انا ممكن اعجب بشخص من طلته في الاول لكن بعد كده لما اكلمه و اسمعه و اعرف تفكيره و شخصيته و اسلوبه في التعامل و تصرفاته يمكن اغير رأيي فيه و على فكرة الانسان اللي بيكدب و بيخدع هيكدب و يخدع حتى في الواقع و الحقيقة مش بس على النت لانه ضعيف






ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟








لان مجتمعاتنا الشرقيه مجتمعات ذكوريه بتحلل كل حاجة للراجل و حتى انها بتبررها كمان و لو غلط مرة و اتنين و مليون بيقولوا عادي ....... نزوة ......... ده راجل مافيش حاجة تعيبه





اما البنت كل حاجة محسوبه عليها







- ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟






يمكن مشاكل الحياه و الظروف اللي بتمر عليهم بتكون اقوى من الحب اللي جمعهم سوى بس اكيد هم كانوا بيحبوا بعض







- ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟







معرفش ازاي بيفكروا و على اي اساس بيتصرفوا و بيفضلو يزيدو في جرح الطرف التاني معرفش على اي اساس بيتمادوا في الامبالاة تجاه مشاعر الطرف التاني ماعنديش جواب يبرر للناس دي تصرفاتهم







-ليه ديما كل لما تجرى ورا الحبيب يجرى منك ولما تجرى منه بيجرى وراك؟؟






ولا عارفه اجاوب على السؤال ده بس اكيد الناس دي مش هتعرف قيمه الطرف التاني غير لما يضيع من ايديهم وساعتها هيندموا كتير بس و يكون وقت الندم راح اتعودوا على وجود الشخص اللي بيحبهم بكل مشاعره و احاسيسه و اتعودوا ياخدوا مايدوش حاجة ده نوع من الانانيه







-ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟





لانه اللي بيحبوا بعض بيشوفوا بعض بعيون قلوبهم هم و بيفكروا ببعض بقلوبهم هما و بيتعاملوا مع بعض بمشاعرهم و احاسيسهم




اما الاهل هيبدا التخطيط و التفكير ............. خليه يسمع كلامك و عوده على كده و ماتنفذ كل اللي هو عايزه




اكيد ساعتها مش هيستمروا سوى لان الحب و الزواج علاقه و قصه بين قلبين و بس






- لما تحب شخص ممكن تتسائل بينك وبين نفسك .. انا لية بحبه؟





اه ممكن اسأل و هلاقي كتير حاجات عجبتني فيه



و يمكن ماالاقي غير اني بحبه من غير ليه







- هل الشخص الى بيحب ممكن يتنزل عن حبة مقابل كرامتة ؟




اه ممكن و ضروري لان الحب لازم يقوينا مش لازم يخلينا ندوس على كل حاجه عشانه






- هل الحبيب ممكن يتكبر على حبيبة ؟




اه ممكن بس معرفش ليه












تسلم ايديك مستر ميدو على الاسئله الجميله جدا

[h0nDa]

1- ما هو تعريف الحب ؟
الحب هو احساس جميل وشعور ممكن الانسان يجده فى حياه كلها مره او مرتين على الاكثر

2- هل تؤمن بالحب ؟
نعم اؤمن بالحب بانه موجود ولكن بمقدار قليل هذه الايام

3- هل تؤمن بالحب من أول نظرة؟
نعم ممكن يحصل ولكن مش ديما لانه ده يبقه دافع الاعجاب والحب الحقيقي من غير دوافع

4- هل يختلف معنى الحب عبر العصور؟
الحب على مر الزمن بيتغير بالنسبه للبشر ولكن يبقى زى ماهو حب هو خوفك على من احببت لا يضيع منك

5- ما هو تأثير العمر على معنى الحب في المراحل التالية ( مراهقة , شباب , بعد الأربعين )
فى المرا هقه ممكن يكون مجرد لعب اما فى الشباب بيبداء الانسان ان يحس ويعنى ماهو الحب اما بعد الاربعين بيكون عرف كل شىء عن الحب ويبداء يبحث اذا لم يكن وجده

6- فرق العمر بين الطرفين هل يؤثر على علاقة الحب؟
ده بيكون على حسب الانسان ذات نفسه لو عنده شخصيه قويه بالطبع بتكون بمعرفه سابقه اما اذا مكنش لديه بتكون عن معرفه الاقارب

7- أيهما أنجح ,الزواج عن طريق الأهل أو عن معرفة سابقة؟
معرفه سابقه طبعا

8- هل ممكن ان تحب أكثر من مرة؟
ممكن ماهو دوام الحال من المحال

9-هل يمكن أن يكره الأنسان الشخص بعد أن أحبه؟
بنسبه ليا مدام حبيتو اكيد في بنا حاجه حلوه يبقه هبقه على الحاجه دي واتجنبو بس مش اكرهوو

10- هل للمادة دور رئيسي في استمرار الحب؟
احيانا

11- نجاح الحب مستحيل أم ممكن , و كم نسبة نجاحه؟
ممكن وليه لا وكمان اديه 55% سبحان مغير الاحوال

12- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
لا الافضل انوميستمرش لانه كدا فيه تنزلات كتيرر

13- أيمكن للحب ان يغير مجرى حياتك؟
طبعا هوا الحب اصلا بيغير حيات الانسان اذا كانت حياته سيئ ام حلوه

14- البعد أيخفف المشاعر أم يلهب الأشواق؟
ههههههههه بصراحه ادعي عليك بقيه ده سؤال بردوو طبعا يلهب الاشواق

15- هل يتغير الحب بعد الزواج؟
أحيانا يتغير

16- بوجود الحب أيشترط وجود السعادة؟
طبعا


17- هل الغيرة ضرورية في الحب و ما دورها ؟
سلبي أم ايجابي؟
هيا ضروريه بس لو ذاد الشئ ده هينقلب زي مبيقولو الشئ الي ذاد عن حدو ينقلب ضدو

18- أيهما أخلص الشب أم البنت؟
البنت طبعا

19- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته
لالالا تعليق

20- ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟
لانوو دماغو هربانه منو ده نقص في الشخصيه

21- ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟
هوا حب بس حب التملك والحب معروف انو انوع

22- ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟
دول فيهم نقص في نفسهم وفاقد الشئ لا يعطيه

23-ليه ديما كل لما تجرى ورا الحبيب يجرى منك ولما تجرى منه بيجرى وراك؟؟
دي بقه لعبه الدنياا

25-ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟
عشان التخلف العقلي

26- لما تحب شخص ممكن تتسائل بينك وبين نفسك .. انا لية بحبه؟
طبعا لازم الشخص يتداول بينو وبين نفسو عشان يميز هوا بيعمل ايه

27 - هل الشخص الى بيحب ممكن يتنزل عن حبة مقابل كرامتة ؟
في بعض الظروف ممكن لا الأنه ليس للحب كرامه بس لو ذاد الشئ طبعا لا والف لا

28- هل الحبيب ممكن يتكبر على حبيبة ؟
ههههههههههههه ده التخلف بعينوو لو اتكبر عليه افتحلو دماغو على طول
==========================================
انا بقه مش هشكرك عشان قطعت نفسي كل دي اسئله والشؤال 24 فينو وقع منك وله حاجه دور عليه
وحسبي الله

:lopez4a4a: