الديب المصري
09-11-2008, 07:17 PM
ياخونا انتو مش ملحظين ان الكلام العاطفي والتعبيرات الرومانسية زادت اوى اليومين دول
دة مش بس زادت دي رطرطت....!!:eh_s(10):
(حبيب قلبي)(روحي)(نورعيني)(وحشني ياغالى انت فينك ياقمر والنعمة الشريفة بموت فيك) :in_love:
الكلام الحلو دة مكنش في قاموسنا اليومي قبل كدة
والكلام دة مش بيقولو راجل لست او ست لراجل لا
دة بيقولو راجل لراجل وست لست واي حد تقبلو يقوم رزعك طقم حنية من غير اي منسبة واحيانن من غير سابق معرفة....؟!:Kissin:
الشئ الغريب ان شلال الكلام الحلو دة وتعبيرات الحب الفظيع دة جي في وقت الحب فية انتها تماما والناس مبقتش طيقة بعض..:014nsfd5n2:
والحقيقة ثورة الاتصالات والموبيلات اخترعت لينا وسائل جديدة للتعبير عن الحب مسدجات ورنات
لا تتعب نفسك ولا تفكر يادوب تضغط سند وصلت يا معلم.
النهردة هنستعرض مع بعض قاموس لافاظ عاطفية جديدة دخلت حيتنا بعد ظهور الموبايل
تلاقي اللى بتكلمك بعد نهاية المكالمة بتقولك (يلا باى)
اية يلا باى دي مع انها مش قدرة تسيبك بي يلا باى يلا باى.....!
وبعدين في حاجة جديدة بقي (سي يو بقي )
اية سي يو دي؟
ظهرت بقي قفلة جديدة للمكلمات بعد 3 سعات ضحك وهزار ابيح وكلام فاضي من اللى قلبك يحبو
فجائة
تقولك بتاثر (لا اله الا الله)
وطبعا لازم ترد (محمد رسول الله) علية افضل الصلاة والسلام
طبعا زكر الله شئ جميل انما اية ياخونا موقعها هنة..؟
وبعدين انا مش مسافر استراليا ولا رايح اعمل عملية دي بتكلمنى 19 مرة في اليوم وكل مرة تقفل كدة
(لا اله الا الله)
خدو دي جديدة برضو في نهاية المكالمة بعد سي يوم ويلا باى والكلام دة
فجائة وقبل مهبد السماعة في وشها تقولي (تيك كير)
يعنى اية تيك كير هية بتكلمنى وانا بتسلق جبل المقطم وخايفة لاقع على جدور رقبتي
ولا انا رايح اتخانق مع جماعة في الدويقة واحتمال مرجعش
تيك كير ...! كدة في المطلق خلى بالك من نفسك
اتيك كير من اية ؟
ظاهرة برضو غيظاني شوية
لما تتصل بيا وحدة
واقول ....الو
تقولي ....مالك صوتك مش عجبنى طمني عليك
انا مقلتش غير الو!!؟
احلفلها انى كويس جدا ومفييش اي حاجة
انما هية طبعا مش مصدقاني فكرانى انى مخبي عليها المصيبة اللى واقع فيها
.....بليز قولي
اية القصة ياخونا والنعمة مفيش اي حاجة
ولازم اجاري مشعرها مدام هية مخضوضة لازم يبقي عندي حاجة انا كمان تخض امال اسبها تتخض كدة وخلاص
مفيش اصل عندي شوية برد...
تقوم هية مصوته مع انى كنت بطمنها :yikes44id2:
........ومرحتش لدكتور لحد دلوقتى انت لازم تعمل اتشيك اب لا لا يمكن:icon1366:
الولية دي بتصوت على مين ...؟ دانا قلت شوية برد مش انفلونزة الطيور يعنى.
وعلى كدة على طول بقيت شايف كل اللى حوليا نزلين حب في بعض
وخوف على بعض كل الكلام حلو كل الاحضان دافائة
كل اللقائات اسبيسى
لدرجة ان مش مكفينا عيد حب واحد في السنة عندنا 2 عيد حب واحد في فبراير وواحد في نوفمبر:laugh1:
وفي الافراح تلاقي المعزيم نزلين رقص وزغريط والعريسين في منتها الفرح والسعادة بحب الناس
قرب سعدتك من اية ترابيزة ولمع الاكر تلاقي المعزيم نزلين تقطيع في فروة العروسة والعريس واهلهم:eshtat:
ولو دخلت عزاء تلاقي المعزيين نزلين عياط ونهنها لدرجة انك متعرفش المرحوم قريب مين:confused:
قرب كدة سعدتك ولمع الاكر تلاقي اللى حاتط ايدو في راسو ونازل نهنها بيقول للجمبو سكعت اخر نكتة ههههههه وهاتك يا ضحك:laugh:
حب حب حب في كل حتة حب في الكافيهات في الشوارع في النادي في المصالح الحكومية........!!
مش شايف قدامي غير عشاق وتسبيل ونظرات وعواطف
يارب شوية كراهيا بقي الحب مالى البلد.:( :(
اعزائى المشاهدين بحبكم جدا مشاهد مشاهد وومشهده مشهده وحتى اللى مشفوش بحبكم
انا مش قادر اوصفلكم بتوحشوني قد اية
عموما انا مش هنام لحد بكرة لحد ما نتقابل
يلا باى وسي يو وتيك كير بقي ها تيك كييرررررررررررررررر
بليز اعملو تشيك اب عشان انا قلقان عليكم
يلا باى
:laugh1: :laugh:
دة مش بس زادت دي رطرطت....!!:eh_s(10):
(حبيب قلبي)(روحي)(نورعيني)(وحشني ياغالى انت فينك ياقمر والنعمة الشريفة بموت فيك) :in_love:
الكلام الحلو دة مكنش في قاموسنا اليومي قبل كدة
والكلام دة مش بيقولو راجل لست او ست لراجل لا
دة بيقولو راجل لراجل وست لست واي حد تقبلو يقوم رزعك طقم حنية من غير اي منسبة واحيانن من غير سابق معرفة....؟!:Kissin:
الشئ الغريب ان شلال الكلام الحلو دة وتعبيرات الحب الفظيع دة جي في وقت الحب فية انتها تماما والناس مبقتش طيقة بعض..:014nsfd5n2:
والحقيقة ثورة الاتصالات والموبيلات اخترعت لينا وسائل جديدة للتعبير عن الحب مسدجات ورنات
لا تتعب نفسك ولا تفكر يادوب تضغط سند وصلت يا معلم.
النهردة هنستعرض مع بعض قاموس لافاظ عاطفية جديدة دخلت حيتنا بعد ظهور الموبايل
تلاقي اللى بتكلمك بعد نهاية المكالمة بتقولك (يلا باى)
اية يلا باى دي مع انها مش قدرة تسيبك بي يلا باى يلا باى.....!
وبعدين في حاجة جديدة بقي (سي يو بقي )
اية سي يو دي؟
ظهرت بقي قفلة جديدة للمكلمات بعد 3 سعات ضحك وهزار ابيح وكلام فاضي من اللى قلبك يحبو
فجائة
تقولك بتاثر (لا اله الا الله)
وطبعا لازم ترد (محمد رسول الله) علية افضل الصلاة والسلام
طبعا زكر الله شئ جميل انما اية ياخونا موقعها هنة..؟
وبعدين انا مش مسافر استراليا ولا رايح اعمل عملية دي بتكلمنى 19 مرة في اليوم وكل مرة تقفل كدة
(لا اله الا الله)
خدو دي جديدة برضو في نهاية المكالمة بعد سي يوم ويلا باى والكلام دة
فجائة وقبل مهبد السماعة في وشها تقولي (تيك كير)
يعنى اية تيك كير هية بتكلمنى وانا بتسلق جبل المقطم وخايفة لاقع على جدور رقبتي
ولا انا رايح اتخانق مع جماعة في الدويقة واحتمال مرجعش
تيك كير ...! كدة في المطلق خلى بالك من نفسك
اتيك كير من اية ؟
ظاهرة برضو غيظاني شوية
لما تتصل بيا وحدة
واقول ....الو
تقولي ....مالك صوتك مش عجبنى طمني عليك
انا مقلتش غير الو!!؟
احلفلها انى كويس جدا ومفييش اي حاجة
انما هية طبعا مش مصدقاني فكرانى انى مخبي عليها المصيبة اللى واقع فيها
.....بليز قولي
اية القصة ياخونا والنعمة مفيش اي حاجة
ولازم اجاري مشعرها مدام هية مخضوضة لازم يبقي عندي حاجة انا كمان تخض امال اسبها تتخض كدة وخلاص
مفيش اصل عندي شوية برد...
تقوم هية مصوته مع انى كنت بطمنها :yikes44id2:
........ومرحتش لدكتور لحد دلوقتى انت لازم تعمل اتشيك اب لا لا يمكن:icon1366:
الولية دي بتصوت على مين ...؟ دانا قلت شوية برد مش انفلونزة الطيور يعنى.
وعلى كدة على طول بقيت شايف كل اللى حوليا نزلين حب في بعض
وخوف على بعض كل الكلام حلو كل الاحضان دافائة
كل اللقائات اسبيسى
لدرجة ان مش مكفينا عيد حب واحد في السنة عندنا 2 عيد حب واحد في فبراير وواحد في نوفمبر:laugh1:
وفي الافراح تلاقي المعزيم نزلين رقص وزغريط والعريسين في منتها الفرح والسعادة بحب الناس
قرب سعدتك من اية ترابيزة ولمع الاكر تلاقي المعزيم نزلين تقطيع في فروة العروسة والعريس واهلهم:eshtat:
ولو دخلت عزاء تلاقي المعزيين نزلين عياط ونهنها لدرجة انك متعرفش المرحوم قريب مين:confused:
قرب كدة سعدتك ولمع الاكر تلاقي اللى حاتط ايدو في راسو ونازل نهنها بيقول للجمبو سكعت اخر نكتة ههههههه وهاتك يا ضحك:laugh:
حب حب حب في كل حتة حب في الكافيهات في الشوارع في النادي في المصالح الحكومية........!!
مش شايف قدامي غير عشاق وتسبيل ونظرات وعواطف
يارب شوية كراهيا بقي الحب مالى البلد.:( :(
اعزائى المشاهدين بحبكم جدا مشاهد مشاهد وومشهده مشهده وحتى اللى مشفوش بحبكم
انا مش قادر اوصفلكم بتوحشوني قد اية
عموما انا مش هنام لحد بكرة لحد ما نتقابل
يلا باى وسي يو وتيك كير بقي ها تيك كييرررررررررررررررر
بليز اعملو تشيك اب عشان انا قلقان عليكم
يلا باى
:laugh1: :laugh: