اريد الصراحه

[nour_ageir]

أتمني من كل فتاه تدخل تجاوب بصراحه و خصوصا ان الشباب ما بيدخلوا هون

هل ضروري ان يكون زوجك وسيما لماذا ؟
2-هل الحب ضروري قبل الزواج لماذا ؟
3-ماذا يكون ردة فعلك لذا تزوج زوجك عليكي لماذا؟
4-في أي سن تفضلين ان تتزوجي لماذا؟
5-في اي سن تفضلين أن يكون زوجك لماذا؟
6-هل تقبلين الزواج برجل ليس من بلدك لماذا؟
7-هل تفضلين الزواج التقليدي ؟
8-هل تريدينه غنيا؟

الاسئلة العامة

1-هل تتاثرين بالأفلام لدرجة نزول دموعك ؟2-هل انت كتومة لماذا؟
3-هل لك أصدقاء في المنتدي؟
4-ما اكثر المواضيع التي تعجبك في المنتدي؟



انتظر الاجابات بس بشرط الصراحة

اختكم نور مستنيه ردودكم يااحلى بنات

[zena]

هل ضروري ان يكون زوجك وسيما لماذا ؟


لا مش ضروري

لان في حاجات كتير اهم من انه يكون وسيم دي اخر حاجه ممكن افكر فيها على كل حال مافيش اي حد وحش كل الناس حلوين لانهم خلقه ربنا




2-هل الحب ضروري قبل الزواج لماذا ؟


اه ضروري لان بالحب ممكن تبتدي حاجات كتير زي الثقة و التفاهم و الصراحه و الاحترام




3-ماذا يكون ردة فعلك اذا تزوج زوجك عليكي لماذا؟


مافيش ربنا يهنيه بس الاول لازم يطلقني

لان انا انسانه مش حاجه يقدر يملك اكتر من وحده زيها




4-في أي سن تفضلين ان تتزوجي لماذا؟


25

لاني هكون قادره اختار كويس بقلبي و بعقلي





5-في اي سن تفضلين أن يكون زوجك لماذا؟


مافيش سن معين يعني ممكن يكون قدي او اكبر المهم التفاهم





6-هل تقبلين الزواج برجل ليس من بلدك لماذا؟


اه عادي صحيح هو في اختلاف في العادات و التقاليد بين البلاد العربيه بس اختلاف بسيط






7-هل تفضلين الزواج التقليدي ؟


لا






8-هل تريدينه غنيا؟


مش ضروري المهم اننا نكون قادرين نعيش سوى






الاسئلة العامة


1-هل تتاثرين بالأفلام لدرجة نزول دموعك ؟


اه كتير ببكي





2-هل انت كتومة لماذا؟


مش في كل المسائل حسب القصه




3-هل لك أصدقاء في المنتدي؟


اه كتير الحمد لله





4-ما اكثر المواضيع التي تعجبك في المنتدي؟


اغلب المواضيع حلوين جدا






تسلم ايديكي حبيبتي على الاسئله الجميله جدا

[nour_ageir]

تسلمى يا احلى زينه بالدنيا اتمنى تتبعى مواضيعى على طول

[لي لي]

هل ضروري ان يكون زوجك وسيما لماذا ؟

لا طبعا الجمال مش كل حاجه بس على الاقل يكون فى نسبه معينه من الجمال اكون شيفاه بعينى احلى واحد فى الدنيا

2-هل الحب ضروري قبل الزواج لماذا ؟

الحب ضرورى بس مش يكون لوحده يعنى يكون العقل شغال برده لان الحب هو الى بيخلينا نستحمل اى ظروف وهو اساس للحياه السعيده

3-ماذا يكون ردة فعلك لذا تزوج زوجك عليكي لماذا؟


هقوله مبروك بس خلاص أطلق لانى مقبلش حد يشاركنى فى الانسان الوحيد الى اختارته من ضمن الناس بحالها


4-في أي سن تفضلين ان تتزوجي لماذا؟

والله حسب النصيب بس نقول 25
5-في اي سن تفضلين أن يكون زوجك لماذا؟
عادى المهم التفاهم يكون يكون اكبر منى بسنه اوى ادى المهم مش يكون الفرق بينا كتير اوى

6-هل تقبلين الزواج برجل ليس من بلدك لماذا؟

بصراحه لا ممكن لانى عمرى ما اتخيلتها او فكرت فيها7-هل تفضلين الزواج التقليدي ؟

لا8
-هل تريدينه غنيا؟

لا المهم نكون عايشين فى ظروف كويسه ونكون راضيين عن حياتنا

الاسئلة العامة

1-هل تتاثرين بالأفلام لدرجة نزول دموعك ؟2-هل انت كتومة لماذا؟

اه دايما يتنزل دموعى لو مواقف مؤثره _لا مش كتومه اوى بحب احكى دايما بس اكيد مش كل حاجه

3-هل لك أصدقاء في المنتدي؟

اه كتيرررررررررررر اوى وبحبهم جداااا وبحب اتكلم معاهم4
-ما اكثر المواضيع التي تعجبك في المنتدي؟

المواضيع الى بيبقى فى اراء ونقاش والمنتدى كله جميل بمواضيعه


تسلمى يا حبيبتى بجد مواضيعك كلها تجنن
مرسيى ليكى وتقبلى مرورى

[nour_ageir]

مرسيه لمرورك يا قمر وشكرا لصراحتك :eh_s(7):

[ضى القمر]

شكرا نور

هل ضروري ان يكون زوجك وسيما لماذا ؟
لا مش ضرورى ولكن يكون شكله مقبول ولأن الشكل فى الاول والاخر هو خلقة الله سبحانه وتعالى وبصفاته الطيبة تجعله بنظرى احلى راجل بالدنيا


2-هل الحب ضروري قبل الزواج لماذا ؟
الحب ضرورى لان به تذلل مصاعب وعقبات كثيرة ولكن يوجد صفات اخرى مرتبطة مع الحب زى الاحترام والتفاهم والطيبة والحنية .وفى انسان بتصرفاته ومشاعرة الصادقة النبيلة تجبرك على حبه



3-ماذا يكون ردة فعلك لذا تزوج زوجك عليكي لماذا؟

هى صدمة ومفاجأة فى البداية واكيد حراجع نفسى واشوف انا غلطانة ولا ايه وايه الدافع اللى يخليه يتصرف بهذه الطريقة وان كان فى كلتا الحالتين انى غلطانة او هو اللى غلطان حتستحيل الحياة بينا بعد كده .



4-في أي سن تفضلين ان تتزوجي لماذا؟
كل شىء قسمة ونصيب ولكن السن المفضل فى اوائل العشرينات


5-في اي سن تفضلين أن يكون زوجك لماذا؟

افضل انه يكون اكبر منى بكام سنة مش كتير يعنى بس افضل انه يكون اكبر واعقل واوعى منى وله القدرة على اتخاذ القرارات بصورة سليمة .


6-هل تقبلين الزواج برجل ليس من بلدك لماذا؟

أفضل انه يكون من بلدى ولكن مين عارف المستقبل فيه ايه ..صعب احكمها دلوقتى


-هل تفضلين الزواج التقليدي ؟

الزواج التقليدى بيحمى من اخطاء كثيرة ولكل حاجة عيوب و مميزات


-هل تريدينه غنيا؟
مش شرط غنى ولكن المهم يكون له مستقبل وطموح وبيجد ويكافح ....لانه ببساطة شديدة ممكن يكون غنى فى بداية الزواج وتحصل له اى ازمة مالية بعد كده ولكن المهم الانسان اللى بيجيب الفلوس ويصرفها ..الانسان اللى بيتحكم فيها وليس الفلوس اللى بتتحكم فينا


الاسئلة العامة

1-هل تتاثرين بالأفلام لدرجة نزول دموعك ؟2اه ممكن طبعا

-هل انت كتومة لماذا؟
ده يتوقف على معنى كلمة كتومة ...مش فى كل وقت الانسان ممكن يتكلم ويعبر عما بداخله ..ده بيرجع للموقف نفسه



3-هل لك أصدقاء في المنتدي؟
نعم


-ما اكثر المواضيع التي تعجبك في المنتدي؟
المنتدى الاسلامى انا بحبه وانا مشرفة عليه ومنتدى حوار ونقاش ومنتدى الشباب والبنات وبصراحة اى موضوع فيه نقاش انا بحبه وبحب كل منتديات كريزى مان.


شكرا نور

[nour_ageir]

مرسيه يا ضى القمر على مرورك