كيف تتخلصين من معاكسات الشباب لك

[الديب المصري]

كيف يمكن التخلص من المعاكسات التي تحاول النيل من مشاعرك .. وماذا عليك ان تفعلي لمنع الظاهرة او ابعادها عنك .. اليك هذه النصائح ..


1- حاولي ألا تظهري غضبك وإنفعالك أمام الشخص الذي يضايقك لأنه يكون بانتظار رد فعلك ليرد عليك هو الآخر بطريقة يكون قد درسها جيداً بشكل يفيد مصلحته .
2- حاولي تجاهل الشخص الذي يضايقك وارفضي ما يطلبه منك وابتعدي عنه .
3- إذا استطعت السيطرة على هدوءك يمكن لشخص الذي يضايقك أن يشعر بالملل ويتركك بسلام .
4- لا تبادليه العنف لأن معظم الذين يقومون بالمضايقات يكونون أقوى منك والشجار يزيد التعقيد ويمكن أن يكون رد فعلك دليلا للملامة عليك .
5- حاولي التفكير برد ذكي إذا أمكن لتجعلي الموقف يبدو ساخراً .
6- تجنبي وجودك وحيدة في الأماكن المنعزلة .
7- يمكنك التخفيف من عزيمة الشخص الذي يضايقك كأن تطلبي منه أن يكرر الجملة نفسها التي قالها فذلك يربكه ويشعره بالحرج .
8- يعتبر المظهر مرآة للشخصية فانتبهي جيدا لطريقتك في اختيار الملابس من حيث الشكل واللون حتى لا تشجعي الآخرين على التحرش بك .
9- الإبتسامة العفوية التي تصدر عنك رداً على كلمة أو تعليق من أحد الشباب تعتبر بالنسبة له موافقة منك على أفعالة وستدفعه للمزيد من المضايقات .
10- احذري قصاصات الورق التي يلقيها الشباب والتي تحتوي على أرقام هواتفهم لأنها شباك للصيد .
11- حاولي إغلاق الخط أمام أي معاكسات هاتفية لأن هذا التصرف يعتبر الأمثل في هذه المواقف
من الاخر يابنات اللى يعكسكم اضربو وخلاص :laugh1:

[لي لي]

نصايح جميله الديب المصرى
تقبل مرورى

[الديب المصري]

شكرا على مرورك يا لي لي بس مقلتيش رايك الضرب احسن ولا اية :eh_s(10):

[.ღ قاهرتهم ™ღ.]

هههههههههههههههاااي لا ضرب ولاغيره

طنش وخلاص ومحد بيسويلك شي بس والله

انا ماقد احد عاكسني و اصلا لو كان البنت

معاها اخوها او ابوها او رجال محد يقدر

يسوي شي

تشكرااات يا ديب

[الديب المصري]

شكرا ليكي على المرور بس انا قصدي في الشارع او السوق في شوية شباب عاوزة الضرب بالنار بتعاكس وكدة

[لي لي]

هههههههههههههههههههههههه
لا طبعا ما توصلش للضرب مش هعبره اصلا بس لو غلس بطريقه غبيه ممكن يتهزق فى حدود الادب

[الديب المصري]

اتمنى انو ميوصلش للغلاسة ونشوف شبابنا محترمين ومؤدبين شكرا يا لي لي على ردودك
اتمنى انو يكون فد حد الموضوع
تحياتي

[.. B!nK ..]

الف شكر ليك ديب
نصائح جميلة

وبالنسبة للمعاكسة فاحسن شئ التطنيش اساسا لما حد بيعاكس ولا بعبر كاني مش سامعة اصلا وهو بيزهق

لكن ضرب لا طبعا دا معناة اني بستفزة اكتر وممكن اضرب انا ولا حاجة


الف شكر
تقبل مروري

[الديب المصري]

شكرا جدا يا بينك على ردك الجميل واكيد المعكسات عادة رخمة وملهاش معنى والمفروض انها تنتهي كانت زمان ممكن تجيب نتيجة وياريت يعرفو الشباب انها بتقلل منو قدام البنت وقدام المجتمع كمان
شكرا جدا لكل من رد على الموضوع
تحياتي للجميع اخوكم
الديب المصري

[كرمالك]

مشكور جدا ديب على النصائح

الاحسن ان البنت مترودش على اى شاب

ولما يذهق هيمشى بس والله فى شبابا عاوزه الحرق

وكمان فى بنات عاوزه الدبح ربنا يهدى يارب

يهدى شبابنا وبناتنااااا

جزاك الله كل الخير وتقبل مرورى

[الديب المصري]

شباب عوزة الحرق وبنات عوزة الدبح :(

اكيد يا كرمالك لكل حاجة في الحلو وفي الوحش
بس في بنات بتفرض على الولد انو يعكسها
وفي شباب بيعكسو اي حاجة يحمل كلمى انثى حتى لو قطة شيراز او بلدي حتى

ربنا يتوب علينا ويرحمنا ويرحم اخوتنا وبنتنا من قلة الادب دي
تقبلي تحياتي
الديب المصري

[galaxy]

كتر خيرك يا ديب بس فعلا احنا بنطنش وخلاص احسن حاجه

[yassmen]

ألف ألف ألف
شكر علي النصائح الحلوة وننتظر المزيد:ANSmile06:

[الديب المصري]

شكرا جلاكسي شكرا ياسمين واتمنى انى اكون قدمت فعلا نصيحة تفيد
والبنات كلها هنة متفقة على ان التطنيش خير وسيلة لمنع المعاكسة منها تخرج عن حدودها ربنا يبعد عنكو العيال الرزلة
تحياتي اخوكم
الديب المصري

[asmaa]

تسلم ايدك يا ديب
بجد موضيعك جميلة جدا انا عن نفسى هطنش ولا اكن حد بيوجهلى كلام ولا هضرب ولا هعمل حاجة همشى عادى الحاجة اللى هعملها
انى اقف واقول ل اى حد فى الشارع ان الولد دا بيعاكسنى هما بقى يتسرفو معاة يقومو ب الواجب عملتها قبل كدا وجابت نتيجة


وتقبل مرورى

[الديب المصري]

الكلام دة حصل معايا برضو في اسكندرية وقمنا بالواجب على اكمل وجه انا وواحد ثاني جمهورية كمال اجسام كنا بنضرب واحنا فرحنين هاااااااااااا مش فهمين اصلا بنضرب لية بس اللى شفناه ان الولد لمس البنت وبيعكسها بسفالة
عموما هية طريقة صح وبتجيب نتيجة جبارة خصوصا لو قلتي يا تكس وسبتي المكان ومشيتي همة بقي يولعو في بعض

شكرا جدا ليكي ويارب يكون موضوعي عجبك

[ضى القمر]

شكرا الديب المصرى
ولكن اعتقد ان اسلم طريقة هو التجاهل لمثل هذه المعاكسات ولا كأن حد بيتكلم وممكن لو زاد عن حده ممكن استعين بحد محترم فى الشارع او اكون وسط مجموعة حتى اتخلص منه بهدوء

فى جملة يا ديب حضرتك قولتها فى ردك وهى

اكيد يا كرمالك لكل حاجة في الحلو وفي الوحش
بس في بنات بتفرض على الولد انو يعكسها

انا غير مقتنعة بهذا الكلام لان ربنا طلب منا غض البصر ومنع الاذى وقول المعروف واماءة الاذى عن الطريق ومفيش حاجة اسمها بنت بتفرض على الولد انه يعاكسها لان الولد ده اصلا لو بيتقى الله يبقى يغض البصر ويتقى الله ..ومش معنى كلامى انى بشجع البنات على الملابس الغير لائقة والعياذ بالله ولكنه بردو مش مبرر ولا عذر مقبول ان الولد يعاكس البنت علشان هى بتفرض عليه كده
شكرا لك ودى وجهة نظرى

[الديب المصري]

انا غير مقتنعة بهذا الكلام لان ربنا طلب منا غض البصر ومنع الاذى وقول المعروف واماءة الاذى عن الطريق ومفيش حاجة اسمها بنت بتفرض على الولد انه يعاكسها لان الولد ده اصلا لو بيتقى الله يبقى يغض البصر ويتقى الله ..ومش معنى كلامى انى بشجع البنات على الملابس الغير لائقة والعياذ بالله ولكنه بردو مش مبرر ولا عذر مقبول ان الولد يعاكس البنت علشان هى بتفرض عليه كده
شكرا لك ودى وجهة نظرى


تمام جدا وربنا فعلا قال اننا نغض بصرنا وعلى راسي الكلام بس في كام في المية من الشباب بيغض بصرو
دلوقتى اغلب شببنا متابع مستمر للموضه واغاني الفديو كليب والمغنيات اللى تهبل:eh_s(11):

سيبك من الاغاني مثلا دلوقتى الاختلاط في الكليات والبنات بقي اللهم صلي على النبي اية الحلاوة دي
لبسهم اللى ملوش حل وعلبة المكياج التمام اللى في وشها
دة كلو ومستنية ان شاب يغض بصرو طب ازاى
لا بجد يا ضي البنات اللى بتحترم نفسها ودينها وربها واخلاق البلد وعدتها وتقليدها بتفرض على الكل احترمها
لاكن اللى حسة نفسها في الساحل الشمالي صيف شتة ومشية بمقولة اللى بان مني زكاة عني متستنيش ان الناس يغطوها
دة راي

[ضى القمر]

الديب المصرى حضرتك بتقول
تمام جدا وربنا فعلا قال اننا نغض بصرنا وعلى راسي الكلام بس في كام في المية من الشباب بيغض بصرو
دلوقتى اغلب شببنا متابع مستمر للموضه واغاني الفديو كليب والمغنيات اللى تهبل
يبقى دى حسرة لما نقول ان الشباب مش بيغض بصره وبيتابع الموضه يبقى احنا نستاهل اللى يجرى لنا واكتر من كده لما يكون لنا حجة ومبرر ونوصل بالكلام اننا لا نتبع كلام القران وكلام ربنا يبقى احنا وصلنا لادنى مستوى من تعاليم الدين الاسلامى .....حضرتك بتقول كام فى الميه ؟؟؟؟؟ وليه النسبة بتقل ...ليه معندناش اهتمام بالدين وتعاليمة زى الموضه والدش والمغنيات اللى تهبل على حد تعبيرك

بس انا متفاؤلة اكثر منك واقول ان شبابنا فيه نسبة لا بأس بها بخير وملتزمة وتراعى ربنا وتخافه واعلم جيدا انه توجد فئة سطحية ومستهترة وبعيدة عن الدين ومسلمين لقب بس ...ندعو من الله الهداية للجميع

وفى حاجة كمان تفتكر لو الشباب غض بصره --- الفتيات حتعمل المهرجانات دى ولا حتبتعد عنها ويبقى الوضع افضل بكتير شباب مسلم يغض البصر وفتيات ملتزمات ومن غير مهرجانات ...يمكن اكون بحلم ولكنى اتمنى ان نصل لهذه المرحلة وربنا كبير

شكرا الديب مصرى

[الديب المصري]

يبقى دى حسرة لما نقول ان الشباب مش بيغض بصره وبيتابع الموضه يبقى احنا نستاهل اللى يجرى لنا واكتر من كده لما يكون لنا حجة ومبرر ونوصل بالكلام اننا لا نتبع كلام القران وكلام ربنا يبقى احنا وصلنا لادنى مستوى من تعاليم الدين الاسلامى .....حضرتك بتقول كام فى الميه ؟؟؟؟؟ وليه النسبة بتقل ...ليه معندناش اهتمام بالدين وتعاليمة زى الموضه والدش والمغنيات اللى تهبل على حد تعبيرك

عشان مفيش تحفيز على الدين بالقدر الكافي يا ضي القمر لو في تحفيز لو في طريقة تخاطب مقنعة من الناس اللى بتتكلم باسم الدين للشباب صدقيني كنا كلنا اتغيرنا
لو في راي حكيم يعدل ويواكب العصر كنا غضينا بصرنا لو تربيتنا قلتلنا دة عيب وحرام وهيتعمل في اختك وامك وبنت ومراتك كدة كنا خفنا ومعكسناش
في فجوة في حاجة ممكن نقول انها شيطان بس الشيطان ملوش القدرة على دة كلو

بس انا متفاؤلة اكثر منك واقول ان شبابنا فيه نسبة لا بأس بها بخير وملتزمة وتراعى ربنا وتخافه واعلم جيدا انه توجد فئة سطحية ومستهترة وبعيدة عن الدين ومسلمين لقب بس ...ندعو من الله الهداية للجميع
والله انا مش متشائم انا منتقد للوضع وعلى راسي الشباب الملتزم والمحترم والمؤدب يارب يكتر ويبارك
بس انا زي ما بتكلم على الشباب يلا يابنات انتو كمان مش تفضلو كدة
لية البنت لما حد يعكسها مش بتبص لنفسها وتقول اية اللى لفت ليا نظر الشاب دة وخلاة يعكسني
بدل ما تقول اخص علية دة ابوة معرفش يربية مين عرفك ان ابو معرفش يربية
احنا مشكلتنا اننا بنرمي الغلط على بعض
الولد يقول اصل لبس البنت
والبنت تقول اصلو مش متربي
الولد يقول اصل مشيتها مش عارف ملها
البنت تقول اصلو بيئة و..............كلام كتير ملوش لزمة
لية كدة لية مش بنغير في نفسنا الاول

وفى حاجة كمان تفتكر لو الشباب غض بصره --- الفتيات حتعمل المهرجانات دى ولا حتبتعد عنها ويبقى الوضع افضل بكتير شباب مسلم يغض البصر وفتيات ملتزمات ومن غير مهرجانات ...يمكن اكون بحلم ولكنى اتمنى ان نصل لهذه المرحلة وربنا كبير


هتيلي بنت في الدنيا بتلبس ديق او بتحط مكياج كامل بتقولك انا بعمل كدة عشان الولاد يعكسوني
الا اذا مش محترمة
مستحيل بنت محترمة تقول كدة بنت تقولك مثلا اصل انا متعودة على كدة اصل لما اتجوز هبقي اتحجب اصلي بروش بقي واحنا لسة شباب ردود تفها وملهاش اي قيمة
مستحيل يا ضي القمر يكون في بنت لبسة عملة عشان ولاد يعكسوها



ياريت ياجماعة مش ناخد الموضوع بننا بنلوم الطرف التاني وكل واحد شاب او فتاة يغير من نفسو اول باول ويقرب من اداب الاسلام
شكرا ليكي اختى ضي القمر واتمنى انك متديقيش من ردى او من كلامي وانا مش اقصد لو اديقتي وانا سعيد ان حضرتك بتتنقشي معايا في الموضوع دة بالاهتمام الملحوظ دة
تحياتي اخوك
الديب المصري