توبة ..توبة من "الكلاكس"

[ضى القمر]

توبة ..توبة من "الكلاكس"
قرات هذا الخبر فى الجريدة وقولت انقله لحضراتكم وهو عبارة عن سائق سيارة كتب عبارة "أنا حمار لو استخدمت الكلاكس إلا للضرورة " وذلك بعد ان حررت له مخالفة مرورية فورية لاستخدامه "الكلاكس" بصورة عشوائية ودون ضرورة لذلك وعقب قيامه بدفع الحد الادنى من المخالفة قام بكتابة هذه الكلمات ووضعها داخل السيارة وكأنه يعاقب نفسه ....يا ترى الناس حتشتم نفسها دلوقتى وحتوصل لاى مرحلة بعد كده!!!!!!!

الخبر الثانى وهو خبر ظريف جدا بيقول "دراسة تحصيل الغرامات الفورية بالكروت الائتمانية"الفيزا والماستر كارد" وده طبعا علشان تسهيل الاجراءات وسهولة التعامل مع المواطنين ....يعنى دلوقتى المشكلة هى تسهيل طريقة الدفع بكل الطرق الممكنة وليست المشكلة فى الفلوس اللى عمالة تتاخد من الناس واحنا داخلين على رمضان ومدارس والعيد ده غير السيارات اللى معظمها عليها اقساط....ارحمنا يارب

[No-Problem]

توبة ..توبة من "الكلاكس"

مـا اعتقدش ان فيه حـاجه اكتر من شتيمه الانسـان لنفسه.. والبركه فى اللى خلوا الناس ماشيه فى الشارع بتكلم نفسها.. وانتقـام ربنا قريب... .

بالنسبه للخبر التـانى: أكيد شىء منطقى هو حضرتك مش شايفه التطور الصناعى الرهيب والدخول المرتفعه للمواطن المصرى والغرامات دى شىء تافه مش هيفرق شىء يعنى بالنسبه للاجور المرتفعه اللى بيحصل عليها الشعب او السواقين اللى من ساعه ما قانون المرور الجديد نزل وهما خايفين ينزلوا من بيوتهم يشتغلوا اساسا والله العظيم على يدى وامام عينى اصغر امين شرطه بيطلع مصالح من القانون الجديد ومن قبليه كمـان على الاقل 150-200 جنيه ده فى اليوم يعنى لو حسبناها فى الشهر هيطلع بياخد اكتر من دكتور خريج جديد وتلاقى الواحد فيهم ماشى بـأحدث موبايل وبيسحب رخص على مزاجه اقربها من كام يوم سواق رخصته سليمه وكل شىء والبيـه الامين سحب منه الرخصه السواق بيكلمه الامين قاله كفايه انى عملتلك الوصل...لا ونعم الكرم...احنـا بقينا دوله بوليسيه فعلا وبنتعامل بالحديد والنـار. وان كان على رمضـان والعيد والمدارس عادى مش هيأثر معاهم يعنى الكام الف اللى الحكومه هتلطشهم منهم واهوه كل فى سبيل تطوير خدمات البلد يعنى هى الحكومه هتحط حاجه فى جيبها لا سمح الله.؟!!.. احنا بس اللى شعب بيحب الظن.. وللاسف بنظن فى ناس كل همها مصلحتنا..وبعدين ايه يعنى لو الشعب ما لقاش ياكل ولا يأكل ولاده ولا يجيبلهم لبس هيموتوا يعنى... ما يموتوا ده احنا حتى كتير وعاملين تكدس سكانى واستنزاف موارد بشكـل رهيب.!!.... مش بقول حكومه نظيفه جدا وهمها الاكبر السهر على رعايه مصالحنـا...

على فكـره ايام الاحتلال الانجليزى اه كانت المعيشه الصعبه بس كانت مقبوله على الاقل وانت عارف ان المستعمر اجنبى ومش عارف لا دين ولا كلام ربنا... انما انكـ تبقا عايش فى بلد اللى محتلينكـ نـاس مصريين زيهم زيكـ ومسلمين زيكـ.؟!!.... وهانتـ ان شاء الله اللى بيتعمل فينا كله مكتوب بالورقه بالقلم... ولا ننسى الحديث الشريف كلكم راع وكلكم مسئول عن رعيته..حسبى الله ونعم الوكيـل فيكـ ياللى كنت السبب انت وشله المنتفعين المتحده..

[ضى القمر]

No-Problem
كلام حضرتك جميل ورد حضرتك مقنع جدا ممكن كمان نزود عليه ان المثلث العاكس وحقيبة الاسعافات الاوليه خلال 3 شهور وبالنسبة لرمضان ومصاريف المدارس والعيد ..ومن هنا ندخل فى دائرة ثانية وهى القتل والسرقات والخطف وحنوصل لايه تانى اكتر من كده
ربنا يرحمنا برحمته يارب
شكرا
وجزاك الله كل خيرNo-Problem

[.. B!nK ..]

والله مش عارفة اقولك اية
بالنسبة للخبر الاول
طبعا حرام انهم يوصلوة لكدة
بس لازم ننظر للامر من اتجاهين
اولا هو فعلا في ناس بتقف كانها نايمة ومابتتحركش وبيكون الكلاكس امر ضروري وساعات الزحمة مش بتمشي ابدا ولازم بردة الكلاكس
ثانيا بقي في سائقين فعلا معندهمش دم وبيفضلوا يستخدموة بدون اي مراعاة للبشر اللي في بيتهم اللي تعبان من شغله واللي شغالة في مظبخ وقرفانة واللي بيذاكر ومش عارف يركز واللي مريض ونفسة يرتاح واللي اعصابة علي الاخر ومضغوط وبردة بيستخدموة في الحالة دية الغرامة امر رائع بالنسبة ليهم وهو الصح
وبعدين انتي بتقويلي بيستخدم الكلاكس من غير لازمة لو دا حقيقي يبقي هو اللي جابة لنفسة ولكن لو في تحامل علية يبقي ربنا يقوينا وينتقملة يارب


الخبر التاني بقي
انا علي اخر جملة قعدت اضحك جدا
انتي ازاي تشكيكي ان في مشكلة مالية الناس بتمر فيها لالالا
احنا حياتنا رائعة جدا والناس غنية موت واصلا مافيش نسبة فقر
والحكومة موفرلنا ملابس مدارس وكتب واقلام وكل اللوازم من غير فلوس لا وكمان حاجات رمضان كلها ببلاش .....اومال اية يابنتي دا الحياة هنا جنة مصر ام الدنيا
والله مش عارفة اضحك ولا اعيط ولا اعمل اية
بشر جشعين المشكلة الناس بقي عندها نسبة جشع مش طبيعية والله
خلاص كلة بقي عايز لنفسة وخلاص وحكومة مصاة دمنا يعني الدارسة جاية مع رمضان طبعا غير مصاريف الحياة العادية اللي اساسا مش مع البشر
وكلة مضغوط ومش معاة وعمال يتبهدل علشان يعيش عيالة بس هنقول اية
كمان عايزين يسرعوا اجراءات الدفع اصلي حكومتنا الجميلة بتنسي الواطن لما تكون ملزمة بواجب امامة لكن طبعا لما يبقي ليها عندة فلوس بتريحة علي الاخر ويبقي اهم اولوية عندها وتهتم بية عالطول وكمان تساعدة ازاي تمص دمة وفلوشة وشقاءة حتي لو الحق مش علية بس قدرة بقي انة يتبدس في الدفع

اسغفر الله العظيم وزي ما نوبرموبليم قال انتقام ربنا قريب
وهينتقم من كلة حتي اللي شايف الظلم وساكت سواء لانها مصلحتة او خوف دا مش مبرر
حسبي الله ونعم الوكيل
ارحمنا يااارب

شكرا لكي ضي

[ضى القمر]

شكرا بينك على المتابعة والمرور وردك الجميل والمنطقى
وربنا يستر باذن الله

[عسوله]

ربنا يصبرنا علي مابلانا

ربنا موجود ومطلع علي ظلم عباده

حسبي الله ونعمه الوكيل في كل ظالم

تسلمي ياضي

[ضى القمر]

شكرا على المرور الطيب عسولة
وربنا المستعان

[Elsaher]

موضوع جميل للنقاش فية بعد قانون المرور الجديد كل السوقين

خايفين جدااا من المخالفة وقدرها 500 جنيها) هو السواق معاه

فلوس والمخالفة على الى جالس فى الكرسى الى جامب السواق

لو مش رابط حزام الامان ياخد مخالفة هو والسواق كمان

مشكوررررررررررررة على الموضوع الجميل

تقبلى مرورى من (الساحر **** العاشق)

[ضى القمر]

شكرا الساحر على المرور والرد
وجزاك الله خير

[الملاك الحارس]

موضوع جميل وشيق جدا

[ضى القمر]

شكرا على المرر الملاك الحارس

[كرمالك]

تسلمى يا ضى على الموضوع الجميل وفعلا كل سواق تاكسى او اى سواق سياره خايف من القانون الجديد والله منهم لله على الناس الغلابه دول وفعلا داخل علينا رمضان ومدارس وعيد الله يكون فى عون اى اب اسره بجد منهم لله

حسبــــــــــى الله ونعمه الوكيـــــــــــل فى كل ظالم

جزاكى الله كل الخير يا ضى

[ضى القمر]

شكرا على ردك الجميل كرمالك
ربنا يستر
وارحمنا برحمتك يارب