سؤال محيرنى لجهابذة المرور والصحة

[ضى القمر]

كيف سيستخدم المصاب حقيبة الاسعاف فى السيارة؟وهل هى تغطية على تاخير سيارة الاسعاف لانقاذه ؟؟ طيب يعنى حادث مثل حادث الفوكه الاخير فى مرسى مطروح هل كان ينفع سائقى السيارات اللى كانوا فى الحادثة يستخدموا حقيبة الإسعافات الأولية يعنى يداوى جرحه بقطن وشاش (ربنا يرحم ضحايا حادثة الفوكة ويصبر اهاليهم ) طيب بلاش حادثة الفوكة اى حادث تصادم على الطريق واكيد كلنا بنشوف منظر السيارة اللى عاملة حادثة بيكون شكلها عامل ازاى ...يا ترى سائق السيارة ينفع يسعف نفسه بحقيبة الاسعافات الاولية ..وفى حاجة كمن ان حقيبة الاسعاف ستكون مرهقة ايضا عند شرائها من خفافيش الاحتكار مثلما حدث فى فترة السماح بترخيص السيارات القديمة تاكسى فارتفع سعر عداد التاكسى الديكور لتتعدى قيمته سيارة فيات ..!!!! ولذلك من الافضل عدم الزام قائدى السيارة بحقيبة الاسعاف والزامهم بكتابة هذه العبارة على الزجاج الخلفى "كل من عليها فان" والسماح لمن يريد تعيين مرافقة له تتمتع بقوة الصراخ والعويل عند اللزوم لجذب انتباه قائدى السيارات لاستعجال حضور الاسعاف أو حل تانى روعة ان المرور يشترط وجود ممرضة بالسيارة ...رحمتك يارب

[.. B!nK ..]

والله ياضي
من كام يوم كنا بنتكلم في كدة
انا وعائلتي

يعني ازاي يعني واحد في حادثة تصادم وفي الغالب بتكون قوية يجيب الحقيبة ويفتحها وشوية قطن ومكركروم ويداوي جراحة
اصلا واحد مخبوط وساعات مغمي علية هتساعدة في اية الله اعلم فكرة ولا ليها لازمة اساسا
يعني انا لو لا قدر الله في حادثة وانصبت اصابات قوية هلاقي بقي وقت اني افتحها واعمل بشوية شاش وغير كدة في مليون حالة ولا ينفع فيها شوية شاش
والله بيخلوا الواحد يقعد يضحك علي قرار بيبين قد اية في عدم كفاية ونظرة قصيرة جدا غير عملية
يعني الحقيبة دية ولا ليها لازم كان اولي يخلوا الاسعاف بيوصل في ميعادة ويساعد الناس لان في غالب حوادث الاصطدام مافيش ضحية بيكون قادر علي انة يساعد نفسة بل بالعكس لازم حد يساعدة

والله مش عارفة اضحك ولا اعيط علي القرار الغريب دة
حقيقي دلالة علي عدم الكفاءة في الجهاز

وحلوة اوي يشترط ممرضة بالسيارة دية
بس سؤالي لو هي كمان بقي اتصابت نعمل اية
يبقي يشترطوا نمشي بعربية اسعاف مصفحة ورائنا علشان تساعدنا




تسلم ايدك ضي
علي طرح موضوع كنت نايوة اكتبة والله

[No-Problem]

الموضوع اول عن أخر تمرير مصـالح....

...... بالظبطـ كده زى أيام ما طلعت حكـايه ربطـ الحزام لاصحـاب السيارات والخوذه لاصحـاب الموتوسيكـلات... مع الفرق ان الحزام فيه بعض الامـان وبيحمى ساعات.

.. انمـا حكـايه شنطه اسعافات اوليه دى كلها على بعضها حكـايه مصـالح مش أكتر زى ما كل حاجه فى بلدنا ماشيه كده..

للاسف احنـا بنتحركـ من سيىء لأسوا.. وبسم الله ما شاء الله من ساعه ما قانون المرور الجديد نزل والحوادث ما انقطعتش...

وليـه بدل شنطه الاسعافات ما يكونش فيه نقاط اسعاف ثابتـه او متنقله حتى على الطـرق السريعه.. او على الاقل يصرفوا الفلوس اللى رايحه للشركـات دى لتطوير خدمات الاسعاف.. على الاقل يجيبوا عربيـات جديده.. مش العربيه تيجى بعد ما المريض يكون شبع موت..

لنـا الله فى مصــر..

تقبلـى مرورى..

[otaKaaa]

يآعمنآ نقط، إسعآف إيه وٍبتآع إيه

مآ تحلوٍ الزحمه تخف يآ خوٍنآ

وٍمتبقوٍش قطآع رٍزٍق

ألآ الحكآيه بتآعت شنطـ الإسعآف دى بتتبآع فين
عند بتوٍع طفآيآت الحرٍيق البفآرٍيآ وٍلآ من عند بتوٍع الخوٍذه والحزآمـ


منجلكوٍش فحآجـه وٍحشــه يآ صآحبي

وٍيجعلــه عآمرٍ :D


نسيت أشكرٍ صآحبــه الموٍضوٍع

شكرٍ على التذكيرٍ يآ أنســه

[ضى القمر]

الف شكر ليكى يا بينك على المرور وردك الجميل
والمشكلة ان السرعة والعجلة فى اصدار القوانين تجعلها احيانا تخرج فى صورة مشوهة وحكاية شنطة الاسعاف حاجة تضحك وتبكى فى نفس الوقت وتدل على الاستهانة بعقول الناس ..وطبعا القانون لازم يحترم وينفذ
طيب مخالفة حزام الامان تتراوح من 100 الى 300 وكدلك استخدام الموبايل ..يا ترى هذا المدى له تفسير ولا حيتم تطبيقة ازاى ..بمعنى ممكن المخالفة تكون بمائة وممكن تكون ب 150 او 300 كيف سيتم تقديرها ....وفى نقطة هامة جدا العداد هل سائقى التاكسيات حيشغل العداد القديم ويبقى تمن التوصيلة فى الاخر 2 جنيه مثلا مهما طالت المسافة ....هو ياربى بس مش اللى ينزل قانون يدرسه كويس ولا هى غرامات وبس والناس الغلابة تدفع يمين وشمال
ارحمنا يارب ولا تحملنا ما لا طاقة لنا به

شكرا بينك

[ضى القمر]

شكرا No-problem
كلام منطقى بان نكتر نقط الاسعاف وسيارات الاسعاف وبالفعل انا شوفت برنامج العاشرة مساءا وبيقولوا ان مصر تعاقدت على 150 سيارة اسعاف جديدة ومجهزة من 26 يوليو الى مرسى مطروح ..ده حل صحيح ولكن شنطة اسعافات "غير منطقية بالمرة "
شكرا على الرد الجميل

[ضى القمر]

شكرا Golden-Criminal ع المرور
وجزاك الله خير

[KillEr_Elmahy]

جميللللللللللللللللللللللللللللللللللللللللللللللللللللللللل للل

[أحمد السويسى]

شكرا يا ضى للموضوع الحيوى

الموضوع كله صفقة غبية للكبار لو نفترض ان 20 مليون بس هما أصحاب السيارات

فى مصر لكن العدد اكبر من كده بكتير بس انا بقول على أسوأ الظروف 20 مليون

لو المورد كسب فى كل شنطه جنيه واحد مش هقول 20 ولا 30 لو كسب جنيه واحد

يبقى كسب فى الشغلانه دى 20 مليون جنيه هههههههه ده غير المثلثات

الواحد مش عارف يحزن ولا يضحك ... حسبى الله ونعم الوكيل

[ضى القمر]

شكرا كيللر على المرور
شكرا احمد السويسى على الرد المقنع جدا وكمان المثلث العاكس وحقيبة الاسعافات الاولية لها مهلة 3 شهور وبعد كده حتبقى مخالفة وغرامة..ربنا يستر
شكرا شباب

[كرمالك]

مشكوره جدا يا ضى على الموضوع الجميل انا من راى ان يكون فى عربيات اسعاف اكتر من كده ويكون فى اضاءه فى جميع الطرق عشان بجد كده حرام كل شويه حوادث منهم لله حسبى الله ونعمه الوكيل فى كل ظالم تسلمى يا ضى وتقبلى مرورى

[ضى القمر]

كلامك صح كرمالك ..وشكرا على مرورك الجميل